دلوقتى يا جماعة انا الحمد لله جبت97% فى الثانوية وانا ادبى مش علمى فالكليات المتاحة ليا محدودة والفكرة انى كنت ناوية على السن او اعلام بس عندى مشكلة والدى رافض فكرة السفر لانى للاسف هاضطر اسافر للقاهة عشان انا من المنوفية فادلوقتى انا فى حيرة شديدة هل اتحدى وادخل الى انا عاوزاه ولا اتوكل على الله واختار كلية فى المحافظة عندى معلشوا طولت عليكم بس انا عندى استفسار لوقتى انا قررت انى هدخل تجارة انجلش لانى مش حابة الاداب ولا التربية فهل يا ترى دى مستقبلها حلو بالنسبة لى وايه المواد الى بندرسها فيها وهى بتبقى كلها رياضة نظرا لانى ضعيفة فيها شويا ولا عادى يعنى وتفتكروا ايه الاحسن ارجو الاهتمام بالموضوع واسفى على الاذعاج

دلوقتى يا جماعة انا الحمد لله جبت97% فى الثانوية وانا ادبى مش علمى فالكليات المتاحة ليا محدودة والفكرة انى كنت ناوية على السن او اعلام بس عندى مشكلة والدى رافض فكرة السفر لانى للاسف هاضطر اسافر للقاهة عشان انا من المنوفية فادلوقتى انا فى حيرة شديدة هل اتحدى وادخل الى انا عاوزاه ولا اتوكل على الله واختار كلية فى المحافظة عندى

بصي مبدأ استخسار المجموع دا انا شايفه مبدأ غلط جداااا

على حسب ميولك ابتدي اختاري .. انتى الحمدلله ربنا كرمك وجيبتي مجموع عالى

وقدامك اختيارات كتيرة من اول سياسة واقتصاد لغاية شوفي انتى عايزة ايه بقى

فانا مش هاقدر اقولك خشي كلية كذا عشان دي حلوة او كدا لان ميولي تختلف عن ميولك اكيد

انا قررت انى هدخل تجارة انجلش لانى مش حابة الاداب ولا التربية فهل يا ترى دى مستقبلها حلو بالنسبة لى وايه المواد الى بندرسها فيها وهى بتبقى كلها رياضة نظرا لانى ضعيفة فيها شوي

تجارة كويسة جدا على فكرة .. بس اولا واخيرا الكلية دي بتعتمد على اجتهادك ومذاكرتك وكورساتك ولغتك

لو معاكي كل الكلام دا يبقى بتوفيق ربنا ان شاء الله تلاقي شغل كويس في مكان كويس

وعلى فكرة انا كنت زيك تماااااااااااما مابطيقش الرياضة وكل مواد الرياضة كنت زفت فيها

بل بالعكس الرياضة هيا اللى خسفت بمجموعي الارض في الثانوية العامة

ومع ذلك عايز اقولك ان لما اشتغلت كل شغلي دلوقتى مبنى ع الرياضة !!

فعااااااادي .. كل حاجة في الدنيا دي بتمشي بالتعلم والتمرين

ماينفعش من اول مرة تقعي تقولي لاء مش لاعبة .. او لمجرد انك خايفة من حاجة انتى لسه ماجربتيهاش تقولي لاء بلاش

اقعدي مع نفسك كدا ورتبي افكارك كويس وشوفي انتى ميولك رايحة فين وعايزة ايه بالظبط وعايزة تبقى ايه بعد ماتتخرجي

لازم يبقى ليكي اهداف قصيرة المدي ومتوسطة المدي وطويلة المدي

طب بالنسبة للمواد الى بندرسها ممكن حد يقولهالى وهل يا ترى بتبقى كلها رياضة ولا ايه النظام ولازم ابقى بيرفكت فى الانجلش عشان اعرف امشى فيها وكمان هل درجتى فى الانجلش بتتحكم فى دخولها انا جايبة47 ونص واسفة على الازعاج بس عاوزة اعرف كل شىء عن تجارة انجلش عشان عندى لحد يوم الاربعاء فقط ولسة محددتش ايه الافضل.