السلام عليكم :)


كل سنة وانتوا طيبين بمناسبة شهر رمضان ^_^

أنا لسا مخلصة تالتة ثانوي

وبكتب التنسيق الايام دى...فعايزة استفسر عن الفرق بين حاسبات ومعلومات القاهرة وحاسبات ومعلومات عين شمس..انهى الاحسن أنا شوفت الاقسام وعين شمس اقسامها اكتر وفى قسمين بس مشتركين بين القاهرة وعين شمس


فأنا عايزة آخد آراء الناس كدا عشان اعرف اقدم انهى فى الرغبات بتاعتى..يا ريت تساعدوونى قبل يوم الاربع :)



الاقسام اللى انا عرفت انها فى القاهرة( علوم الحاسب- نظم المعلومات- تكنولوجيا المعلومات- بحوث العمليات ودعم القرار)



الاقسام بتاعت عين شمس( علوم حاسب- نظم معلومات- العلوم الاساسية- الحسابات العلمية- نظم الحاسبات- قسم تكنولوجيا المعلومات الحيوية)

افيدونا :blush:

وعليكم السلام ورحمة الله وبركاته

ربنا معاكي ان شاء الله في التنسيق اليوميين دول
بالنسبة لاقسام الكلية هية مش بتفرق اوي في الشغل بعد كدة .. بالنسبة لعين شمس الاقسام اصلا بتبقى من سنة رابعة يعني اول 3 سنين بنبقى كلنا زي بعض .. (ما عدا قسم المعلومات الحيوية بيبقى من اول سنة وهوة قسم خاص) .. وفي القاهرة الاقسام من تالتة
واصلا بتلاقي بين الاقسام مواد مشتركة يعني في الاخر بتلاقي الاقسام بتفرق في كام مادة كدة يعني
وبصراحة صعب اوي الواحد يحدد هوة هيدخل قسم ايه غير بعد ما يدخل الكلية ويمشي فيها شوبة عشان يقدر يفهم بالضبط هوة مايل لايه

ومقدرش احدد مين احسن عين شمس ولا القاهرة .. بس انا كخريجة من عين شمس اقدر اقول ان الكلية بتعتنا جميلة جدا والدكاترة والمعيدين والطلبة معظمهم ناس رائعيين جدا وبيحبوا يسعدوا .. يقال انها صعبة شوية بالنسبة لباقي الجامعات بس طالما الواحد حابب المجال مش هيحس بالصعوبة دي :) .. ربنا معاكي بقى واستخيري وربنا يقدر اللي فيه الخير

الاتنين زي بعض , بس يمكن عين شمس اعلى شوية , تقبلي مروري مؤمن الغمري , حاسبات ومعلومات الزقازيق

اهم حاجة ابعدى عن حلوان خليها رغبة تالته :d

حلوان ميزتها انها فيها قسم هندسة برمجيات

شكرا جدا يا جماعة..أنا جالى حاسبات ومعلومات القاهرة وكنت كتباها الأول الحمد لله..وهى بينى وبينها تلت ساعة المشوار هيكون سهل جدا :)

اهلا بيكى فى حاسبات القاهرة ... انا لسه متخرج منها واحب اطمنك واقولك الاقسام اللى فى القاهرة اقل ولكن هى المطلوبة ف سوق العمل على حد علمى


علوم حاسب - تكنولوجيا معلومات - نظم معلومات - دعم القرار

طب انا دخلت مرحلة تانية بس انشاء الله الهكتبه رغبة اولى هيجى , المهم انا حابب التصميم جرافكس وكدة بردو فى البرمجة فمحتار اكتب ايه رغبة اولى قاهرة ولا عين شمس ولا حلوان,,,,, علشان هتفرق معايا فى الاقسام ......... أعمل ايه ونفسى حد فى هندسة برمجيات حلوان يفهمنى ايه نظامهم

ماتخافيش.. سواء دخلتي حاسبات القاهرة أو عين شمس أو حلوان فصدقيني انت تبقى دخلت بيتك و رحت لعيلتك

ربنا يوفقك للي فيه الخير و لو ربنا كتب لك القاهرة أنصحك بجد تحضري ده:
http://www.facebook.com/events/399502253442358/
هتلاقي التفاصيل جوا و لو عندك أي سؤال اسألي :)

القاهرة كويسة جدا جدا . ربنا يوفقكم

بالتوفيق للجميع إن شاء الله تعالى