انا عملت الموضوه ده عشان كل واحد يفضفض ويقول اللى فى قلبه

دة عيدميلاد الريس80 ماشاء الله اللهم لاحسد

اللى عايز يهديله اى حاجة يهدى اى حاجة تدل فعلا على اللى جواه

عملنا ههههههه كتير

توشكى فشل

مش متذكرة حاجة تانى

يمكن دى افيد حاجة

انا بقوله ياريس انت ع وك الموت اعمل حاجة تخلى الناس ترضى عنك قبل ماتواجه رب كريم

هاه هتقولوا ايه؟

والله يا جماعه رغم انى مستاءه بجد من حكومتنا ومن حالنا اللى يغم

ورغم برده ان فى مواضيع كتييييييييير فى المنتدى قولت شعر فى ريسنا;)

الا انى برجع اقول لنفسى مهما كان ده ريسنا يعنى من اولى الامر وربنا امرنا بطاعتهم

وكون رئيسنا بالمنظر ده فده عيب مننا احنا مش منه يعنى احنا ظلمنا نفسنا كتير اوى وظلمنا غيرنا

عشان كده ربنا امر مطرفى البلاد دى انهم يفسدوا فيها

لكن احنا لو اتغيرنا وكل واحد بدأ بنفسه صدقونى هنبقى حاجه تانيه ده على اساس ان الله لا يغير ما بقوم حتى يغيروا ما بانفسهم

انا عارفه انتى كنتى مستنيه ردودو معينه وانا خالفت توقعك ده

بس بجد انا اعدت التفكير فى الحكايه دى ودى النتيجه اللى وصلتلها

ويا رب مااكونش ازعجتك بردى:)

لندرك ذلك الكلام ولنعيه جيدا
اولا انا لا اكون فى صف الرئيس نهائيا
ولا اكون فى صف الاخوان
وانى لضد الاخوان المسلمين اكثر من انى ضد الرئيس ذات نفسه
ثانيا
الرئيس حسنى مبارك فيه حاجات كتير عملها ماحدش بياخد باله منها
واجيبلكم الدليل
الرئيس جمال عبد الناصر كان شديد جدا وكان ضد امريكا فى كل حاجة
ولكن ماذا فعل لاقتصاد الدولة
ماذا فعل امام النكسة
استقال
لم يقف شديدا اما تلك المحنة الا بعد انا اعادوه اليها الشعب
طبعا هاتقولى ياعم الحاج دة دليل على حب الشعب ليه
اقولك حاجة بسيطة جدا
تعرف ايه الى الشيخ الشعراوى عمله لما سمع بالنكسة
سجد لله سجدة شكر!!!!!!!!!!!!!!!!!!!!!!!!!
لانه قال لو كنا انتصرنا على هؤلاء اليهود فى ذلك الموقف وفى تلك الحالة التى كان فيها الناس من دينهم
لشاعت الفتنة ولقيل ان الدين ليس اساس فى الفوز لاى معركة!
ثالثا
انا اقول كما قال الشيخ محمد حسان
ان الحكومة هى واجهت الشعب
ولنتصور ان الحكومة والشعب كالهرم
فسيكون الشعب قاعدته
والحكومة قمته
ولا يصح ابدا ان يكون قاعدة تلك الهرم من الزجاج
قمته من الصخر
اذن فسوف يهدم سريعا ولن يستطيع الوقوف حتى ولو لثوانى
اعتقد ان وجهت النظر دى مفهومة
الحكومة دى شبهنا احنا!!!!!!!!
اقول
نعم
انزل صلاة الفجر فى المسجد
شارعى طوله 330 متر لا يصلى فى المسجد الا خمسة!!!!!!!!!!!!!!!!!!!!!!!
ونقول الحكومة
شوف انتشار الاغانى!!!!!
اسال نفسك كم اغنية تحفظها عن ظهر قلب وكم اية تستظهرها
اسال نفسك يامن تقول انك معجب او محب لبنت
تخيل انك ماشى والبنت الى انت بتحبها او معجب بيها واحدة جه شتمها امامك شتيمة فظيعة ماذا ستحس
انا مش هاطلب منك تقول ماذا ستفعل بقولك بس ماذا ستحس؟
هاقولك طب بقى انت لما سمعت ان النبى صلى الله عليه وسلم سب فى الدنمارك للمرة التانية هل بكيت؟
هل قلت والله لسوف اتبع السنة من الان نصرة لرسول الله؟
بل نجد من المسلمين انفسهم من عارض المقاطعة!!!!!!
لو كل واحد سال نفسه الاسئلة دى
هايعرف ان اكتر من 95% من الشعوب العربية لاتصح لهم الا تلك الحكومات
واحب اقول للاخوان الملسمين يا (الاسطورة ) ومنهم من اسم الدخول له (المجاهد فى سبيل الله )
لو كنتم تنصرون الله حق نصرته
لنصركم
ولا احنا هانفهم اكتر من القران!!!!!!!!!!!!!
ان تنصروا الله ينصركم ويثبت اقدامكم
وكفاية الفضائح الى الجماعة فعلتها فى سوريا
وكفاية قولكم
ان مكتب المرشد العام لا يدخل بالحذاء بعتباره مصلى؟
وكفاية لما كل شوية تقولوا الاسلام هو الحل
ثم عندما ياتى برجل بارز من الجماعة ويلاقى الصحفيين شدّين اوى على الكلمة دى
اذ هو يفسرها بتفسيرات بحيث ترضى تلك الصحفين
ثم تاتى انت يا مجاهد وتدعى (النفاق)على مصادر كلام الى جابه احمد
وانت لم تعلم بعد من هى تلك المصادر!!!!!!!!!!!!!!!!!!!!!!!!!!!
هل علمنا الاسلام ان نغتاب ونبهت دون العلم؟
هل تعلمت ذلك من منهج المصطفى صلى الله عليه وسلم!!!!!!!!!!!!!!!!!!!!!!!!!!!!!!!!!!!!!!!!!
لا والله
لم يفعل ذلك النبى من قبل
فقلى بالله عليك
كيف ينصركم الله؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فى امان الله

وعلى فكرة
ان بالرغم من صغر سنى
الا انى عشت فترة فى وسط انصار السنة المحمدية
واخرى مع الاخوان المسلمين
وثالثة مع جماعة لن تسمعوا عنها وهى تختص بالدعوة ومالهاش دعوة اوى بالسياسة

فى امان الله

لا ياالرهينة مش ممكن ازعل طبعا لان دى وجهت نظر ياجميله

وانا معاكى بس الريس للشعب قدوة تقدرى تقولى عمل ايه للشعب فى الغلا ده 30فى الميه غلا الاسعار بيهم واولهمالاجرة
بتاعت الميكروباص وشكرا يااستاذ بوجى للرد

لا طبعا مزعلتش دى وجهات نظر انا عارفه انه موضوع سياسى ومحدش عايز يتكلم بصراحة فيه
بس مافيش مشاكل عادى