السلام وعليكم ورحمة الله وبركاته
انا قعدت أفكر كتير جدا وكل الأعضاء بتشتكى من حكاية رسائل الحب والغرام الى بتوصلها على الرسائل الخاصة أخيراُ وبعد جهد كبير وجدت لكم الحل الأكيد بس عاوز جهد شوية من الإدارة
هاك / كشف آخر عشر رسائل خاصة بالمنتدى
شرح الهاك / هذه الهاك جميل جدا جدا وأنا عجبنى جدا والله وهو عبارة عن آخر عشر رسائل خاصة تصل إلى الإدارة
مميزاته / 1) ظهور اسم المرسل إليه
2) ظهور اسم الراسل
3) الموضوع الذي بداخل الرسالة
متهيقلى كدة بقى مش أيبقى في أي مشكلة بالنسبة لهذه الرسائل
وعاوز بقى الأعضاء تقولى رأيها انا اضع الهاك في المرفقات
ويا ريت المشرفين يدخلوا الآن ويعطونى رأيهم في ذلك الهاك
إهداء هذا الهاك إلى / كل عضوة حدثت لها هذه المشكلة
تفضلوا التحميل في المرفقات
pass / www.taqwa.netfast.org/vb (http://www.taqwa.netfast.org/vb)

يا جماااااااااااعة فين الردود ، عاوز أعرف رايكم في هذا الهاك وده هيحل مشكلة كبيرة جداً إن شاء الله

مفيش حد عجبه الهاك ، أرجو أن كل الأعضاء والمشرفين والمديرين يدخلوا ويقول رأيهم فيه بصراحة ولو مش عجبهم عادي مفيش مشكلة بس أرجو الاهتمام بالموضوع لأنه هيفيد المنتدى وفيه كتير من العضوات بيضايقوا من الرسائل اللي بترسل لهم والهاك ده هيحل المشكلة دي

بصراحة انا مش معاكى فى الموضوع ده لان المفروض دى رسايل خاصةوميصحش ان حد يطلع عليها امال يبقى اسمها رسايل خاصة ازاى والكل هايشوفها وكمان اللى بتشتكى من اى رسالة من اى عضو تتفضل تبلغ عنه وتتحذف عضويتة لكن ما ينفعش الاطلاع على الرسايا الخاصة
انا مش معاكى خااااااااااااااااالص وارجو الرد من المشرفين

بصراحة انا مش معاكى فى الموضوع ده لان المفروض دى رسايل خاصةوميصحش ان حد يطلع عليها امال يبقى اسمها رسايل خاصة ازاى والكل هايشوفها وكمان اللى بتشتكى من اى رسالة من اى عضو تتفضل تبلغ عنه وتتحذف عضويتة لكن ما ينفعش الاطلاع على الرسايا الخاصة
انا مش معاكى خااااااااااااااااالص وارجو الرد من المشرفين

أنا عامل الموضوع ده عشان مشكلة الرسائل الخاصة اللي بتضايق الأعضاء وبتكون مش كويسة ، وكل الأعضاء بيضايقوا من هذه الرسائل فالهاك ده هيحل المشكلة والرسائل هتكون في الإدارة وسيتم فقط حف الرسائل اللي مش كويسة ، والرسائل دي بتخلي اعضاء كتير يضايقوا من المنتدى ، وأنا منتظر رد المشرفين وارجو ان يكون بالموافقة لحل هذه المهزلة والمحافظة على منتدى الثانوية العظيم

ما اظنش اني اقدر اعمل كدا

اللي هقدر اعمله فعلا تركيب الهاك لمنع التراسل لبعض 50 رسالة

انا فعلا مش معاك
فعلا فى حاجة اسمها خصوصيات

ثانيا اعتقد ان عبقرينو مان من صلاحياته الاطلاع ع رسائل الاعضاء اذا اراد تقريبا او اعتقد كان فيه حاجة زى دى قبل كدة عشان لو حصلت مشكلة ع الرسايل الخاصة مش اكتر
=انا مش متأكدة من ثانيا دى اوى ،، عذرا =

ثالثا موضوع الرسايل كدة كلها توصل للادارة ،، كدة هنخلى الادارة مبتعملش حاجة غير انها تقرا رسايل و اى رسايل والسلام وبتتسلى تسلية وخلاص

رابعا ودا الاهم
دا مش هيحل المشكلة ولا حاجة
اذا كان اصلا البنت اللى بتتضايق من الرسايل دى ساعات بتنشر الرسالة للكل فايه الجديد ؟
ودا مش هيمنع بعض الناس من الاستمرار فى مضايقة غيرهم ،، هيبقى وايه يعنى رسالتهم تتقرى وهيبقىوايه يعنى يتوقفوا ويرجعوا بعضويات تانية غيرها كتير

خامسا ،، سبق واتقال طنشوا الرسايل دى من اساسه خالص ولا كأنكم شفتوها وريحوا دماغكم

سادسا ،، انا من ساعة ما اشتركت فى المنتدى مشفتش كل اللى بيتحكى دا عن الرسايل الخاصة لان الحمدلله اسمى لا يدل اذا كان ولد ولا بنت اصلا و هتلاحظوا ان اصلا اللى بيرسلوا الرسايل دى جدد او مش واخدين ع المنتدى او مش معروفين ،، الخ الخ يعنى ميعرفوش الاعضاء حق معرفة


سابعا انا بشكرك لمحاولتك فى وجود حل للمشكلة بس على ما اعتقد انه لن يجدى اقتراحك ابدا

ثامنا تقبل مرورى ومعلش اذا كان كلامى فيه حاجات ملخبطة شويتين ،،، وبعتذر ع الرد المطول


وجزاك الله خيرا

وانا ارفض وبشدة انتهاك خصوصياتنا

البنت اللي عندها مشكلة تقوم بعمل تحويل للرسالة على الادار وبكدة تتصرف الادارة وتتوقف العضوية دي

من غير هاك ولا انتهاك خصوصية

تم تركيب الهاك الذي يسمح للعضو الارسال بعد 50 رسالة

تم تركيب الهاك الذي يسمح للعضو الارسال بعد 50 رسالة

اقتراح رائع يااستاذ أشرف

وفقك الله إلى ما فيه الخير

انا شايفه ان البنت تقدر تدافع عن نفسها
يعني لو حد بعتلي رساله كده
انا مش صغيره انا هقدر ارد عليه واوقفه عند حده عشان يحرم يبعتها لحد غيري حتي
لكن لو الموضوع زاد اوي ساعتها في استاذ عصام استاذ اشرف هسيبهم يتصرفوا
لكن موضوع الاطلاع علي الرسايل دي
مكانوش سموها رسايل خاصه
كان اي حد عايز يقول لحد حاجه يقولهاله في موضوع ولا يكتبله رد في موضوع هو فيه
ع العموم بالتوفيق