مشاهدة النسخة كاملة : افتراح لطلاب علمي.. يمكن اقدر افيدكوا
lovelydream 23-07-2012, 06:14 PM يعني بتوع علمي رياضة اللي عاوزين هندسة بترول ليه متدخلوش علوم قسم جيوفيزياء ؟
نفس المجال و بعد التخرج بتكونوا مهندسين بترول
ده اقتراح مش اكتر عشان ارتفاع التنسيق
انا ادبي عامة بس قلت يمكن افيدكوا
و اللي عاوزين يدرسوا طب نفسي ليه ميدرسوش اداب علم نفس و يقدموا دكتوراة و بعدين دبلومة و بيكون زي الطبيب النفسي
حاولوا تطلعوا برا الصندوق شوية :rolleyes:
user22 23-07-2012, 06:26 PM يعجبني تفكيرك , حلول انا شايف إنها كويسة وفيها مرونة وإن شاء الله مجالها في الشغل كويس :)
شكراً يا معلم وربنا يوفقك ويوفقنا .
كيميائي طبي2011 23-07-2012, 06:28 PM فكره كويسه وبقي فيه دلوقتي كلية علوم قسم علوم بترول وغاز طبيعي
وبقي فيه دلوقتي تخصص في كلية علوم لدراسه علم الاعصاب
وتخصص لعلم المناعه وتخصص لعلم الاجنه واطفال الانابيب وتخصص للكيمياء الحيويه الطبية وتخصص لفزياء الطبية الخ
almohtady 23-07-2012, 06:29 PM يعني بتوع علمي رياضة اللي عاوزين هندسة بترول ليه متدخلوش علوم قسم جيوفيزياء ؟
ف فرق بينهم من حيث مجال الشغل
كيميائي طبي2011 23-07-2012, 06:32 PM ف فرق بينهم من حيث مجال الشغل
المهندس لجيوفزيائي مهمته التنقيب والكشف عن البترول
كيميائي طبي2011 23-07-2012, 06:34 PM منقول من قسم جيوفزياء البترول بكليه علوم عين شمس
يهدف البرنامج أساسا لإعداد خريج يتصف بقدرة عالية من التفكير العلمى الحر يجمع
بين النظريات العلمية والمهارات الخاصة فى التنقيب واستكشاف الخامات البترولية بناء
على الجيوفيزياء النظرية والتطبيقية. لسد احتياجات الشركات والهيئات الإنتاجية و
البحثية العاملة فى مجال جيوفيزياء البترول. ويساهم هذا البرنامج فى تحقيق رسالة
الكلية التى تنص على تقديم برامج مهنية متخصصة تلبى الاحتياجات القومية والعمل
على تطوير وتحديث برامجها لتتوائم مع الاحتياجات المتغيرة للمجتمع ولمواكبة التقدم
فى فروع العلوم الحديثة. وقد تم الاسترشاد فى إعداد هذا البرنامج بالمعايير الأكاديمية
المرجعية الخاصة بالبرامج المشابهة بالعديد من الجامعات العالمية.
وده لينك الكلية
http://science.shams.edu.eg/article.php?action=show&id=34
lovelydream 23-07-2012, 06:37 PM اولا انا بنت مش ولد
تاني حاجة انا قصدي مش ده احسن من لما تركزوا على طب و هندسة ولا قدر الله يوديكوا التنسيق تجارة و اداب
صدقوني ممكن نلاقي حلول و بالكورسات بعد الكلية كله هيتظبط يعني
karem100 23-07-2012, 10:40 PM بحب الدماغ الشغالة الشغالة
loleta_lolla 23-07-2012, 11:37 PM على فكرة في اقسام كتير في علوم عاجباني جدااااا بس كل الناس عماله تخوفني وتقولي صعبة وبتتاخد السنه في سنتين وعايزه مجهود غير عادي وانا بصراحه تعبت اوي في الثانوية وكلو راح هدر خايفه ادخل كلية اتعب فيها تاني وفي الاخر يروح هدر هي هترسى على اداب وتجارة فعلا
issac-newton 23-07-2012, 11:37 PM طب سؤال , خريج علوم قسم جيو ؟ ممكن يدخل نقابة الهندسة . ؟
lovelydream 23-07-2012, 11:39 PM نيوتن
معرفش بصراحة بس اسأل حد اكيد هيفيدك
لوليتا
اكيد علوم مش اصعب من طب و هندسة
هندسة صعبة اوي على فكرة
loleta_lolla 23-07-2012, 11:40 PM كيميائي طبي2011 (http://www.thanwya.com/vb/member.php?u=516683)
ينفع حضرتك لو في لينك لموضوع بيتكلم عن طبيعة المواد اللي بتتدرسها احسن الاقسام في الكلية زي اللي ليها علاقة بالبترول مثلا وفرصة العمل ؟؟؟
lovelydream 23-07-2012, 11:42 PM حبيبتي انا ادبي والله
معرفش حاجة عن الكليات
بس فكرت كده و قلت اقولوكوا
اسألي حد ليه علاقة بالكليات دي عشان مبحبش افتي بصراحة
و ربنا معاكوا
loleta_lolla 23-07-2012, 11:45 PM لا يا قمر انا مش بسألك انا بسأل مشرف قسم كلية علوم
وشكرا بجد على موضوعك انتي عندك حق لازم الانسان يكون مرن وخااااااصة في مصر لان مفيش حد بياخد حاجه هو عايزها الا قليل اوي
lovelydream 23-07-2012, 11:46 PM لا يا قمر انا مش بسألك انا بسأل مشرف قسم كلية علوم
وشكرا بجد على موضوعك انتي عندك حق لازم الانسان يكون مرن وخااااااصة في مصر لان مفيش حد بياخد حاجه هو عايزها الا قليل اوي
اه معلش مخدتش بالي :d
ربنا معانا كلنا يا رب
sameh mostafa 24-07-2012, 12:01 AM طب سؤال , خريج علوم قسم جيو ؟ ممكن يدخل نقابة الهندسة . ؟
لا طبعا نقابة العلميين
بس انا شايف ان جزئية النقابة شكليات مش اكتر
واضيف على موضوعكم الجميل
الفنية العسكرية
الدفاع الجوى
الاتنين بيطلعوا ظباط مهندسين (((يتبعوا نقابة المهندسين _القوات المسلحة)))
lovelydream 24-07-2012, 02:37 AM صح و كمان نفس القصة بالنسبة للي عاوزين السن
لو مجاتش السن في اداب لغات
و نكمل بكورسات مفيش مشاكل
|