مشاهدة النسخة كاملة : انا رحت اطلعت على ورقتى بعد التظلم (ظهر الحق)
legends8 24-07-2012, 12:52 PM السلام عليكم و رحمة الله و بركاته
انا من اسكندرية و الحمد لله جبت درجة معقولة لكنى اكتشفت ان الدرجات مرتفعة جدا
و ماحدش يقولى انهم جابوها بمجهودهم لان خالى بيشرف على الامتحانات و عائلتى كلها فى التربية و التعليم
فامفيش داعى ان احنا نقول ايه اللى حصل للمدارس الخاصة و الارياف
على العموم انا رحت عملت تظلم فى الاحياء عشان نقصت 5 درجات و فى العربى عشان نقصت 5 درجات
الحمد لله انم مش هتتيخلوا كمية الغلطات بتاعة المصحح
و الله العظيم فى الاحياء كان فيه اسئلة مش مصححها اصلا حسبى الله و نعم الوكيل
انا عملت الموضوع ده عشان اطمن الناس و اقلهم لو شايف ان ليك حق ماتشكتش عليه
انا و الله العظيم لو اخت حقى فى الامتحانبن هعدى 98.5% لكن الحمد لله على كل حال
ملحوظة: على فكرة انا مش مهم عندى انى اخد الدرجات بتاعتى المهم عندى انى عارف انى ليا حق
و انى استحق انى اخش طب
و عاوز اقول لاى واحد غش فى الامتحان و لو حرف حسبى الله و نعم الوكيل فيه لانك انت و امثالك اللى هتجيبوا البلد دى ورا
عشان انت ماتشتحقش تبقى فى كليات قمة
amr ali yasser 24-07-2012, 01:03 PM والله انا برده جايب 98.4 بس ناقص 5 في الاحياء وانا مش عندي كل الغلطات دي بس مش عاوز اروح اتظلم عليها لاني السنه اللي فاتت اتظلمت في العربي روحت لاقيت حاجات مش متصححه وبرده ماخدتش حاجه فمش عاوز اروح احرق دمي والخيره فيما اختاره الله وخلاص
أبوبسملة ياسر خليفة الطحاوى 24-07-2012, 01:06 PM بالتوفيق للجميع
نتمنى ان تنتهى ظاهرة الغش اساسا
مش فقط الامتحانات
لكن حتى فى السلوكيات
ربى الله ليس لى رب سواه 24-07-2012, 01:09 PM قال صلى الله عليه وسلم
(من غشنا فليس منا)
Mans10 24-07-2012, 01:40 PM ازاى يعنى انت بتعمل تظلم ومبتخدش الدرجات
.fatima 24-07-2012, 01:51 PM ربنا يطمنك يارب
طيب حضرتك بعد م شفت الورقه قلك تستني اسبوعين ولا فنفس اليوم
legends8 24-07-2012, 02:11 PM ربنا يطمنك يارب
طيب حضرتك بعد م شفت الورقه قلك تستني اسبوعين ولا فنفس اليوم
lمعلش والله ده كان غباء منى بس انا مسألتش و ماحدش قالى حاجة :)
Amr Elassal 24-07-2012, 02:38 PM انا محتار جدا فى موضوع التظلم ده وانا مظلوم جدا فى الرياضة والانجليزى
بس بقول الى جابه ربنا كويس وبلاش اوجع دماغى
mohamed hammouda 24-07-2012, 02:39 PM انا بردو ناقص في العربي 4 درجات ورايح اعمل تظلم ممكن تقولي كان منقصك في ايه بالظبط ؟
Islamic spirit 24-07-2012, 04:21 PM انا كمان جايبة 27 في العربي و كان الفروض انقص درجة بس كنت هعمل تظلم بس قلت يمكن يكونوا نقصوني في التعبير لانه تقديري و درجات العربي كلها السنه دي وحشة جدا بنات شطرة اوي و جايبة 28 ممكن يكون التصحيح كان وحش في العربي
m7md abdo 24-07-2012, 04:31 PM مفيش حد بياخد أكتر من نصيبه
legends8 24-07-2012, 05:33 PM يا جماعة ارجوا انكم تقهمونى
ده حق و ازاى تسكت عن حقك لازم توجع دماغك و تروح و تعمل
الله سبحانه و تعالى امرنا بكده
" أحبك ربى " 24-07-2012, 08:23 PM ربنا يكرمك بجد عملت التوبيك فى وقته انا منقصنى 11 درجة فى علم نفس و قهرتى انها فى علم النفس يعنى اللى مش بيبقه حالل حاجة فيه مش بينقصوه كده اصلا و عملت تظلم و هروح يوم الخميس بأذن الله فالو سمحت بس تقول ايه اللى حصل بالظبط اما شوفت الورقة وكان فى حد قاعد معاك مدرس او حاجة و هل بيدو ورقة اجابة نموذجية ولا ايه ؟؟؟؟؟
legends8 24-07-2012, 08:39 PM ربنا يكرمك بجد عملت التوبيك فى وقته انا منقصنى 11 درجة فى علم نفس و قهرتى انها فى علم النفس يعنى اللى مش بيبقه حالل حاجة فيه مش بينقصوه كده اصلا و عملت تظلم و هروح يوم الخميس بأذن الله فالو سمحت بس تقول ايه اللى حصل بالظبط اما شوفت الورقة وكان فى حد قاعد معاك مدرس او حاجة و هل بيدو ورقة اجابة نموذجية ولا ايه ؟؟؟؟؟
بص يا سيدى
انت بتبقى فى فصل بيبقى فيه تخت انت و ولى امرك بتقعدوا على تختة
مش بيبقى فيه مدرسين قاعدين معاك لكن انت لو شايف انك محتاج تسال فى حاجة بتقولهم و هم بيجيبوا المادة
انا عندى فى الاحياء المفروض ان السؤال من 4 معلمه من 2 و اتاكد من مدرس اللى انا كاتبه صح
المدرس حسبى الله و نعم الوكيل فيه كان نايم شاكله
و على فكرة هو بيديك الاجابة النموذجية
و صورة من وقة الاجابة بتاعتك
وورقة تكتب فيها ملاحظاتك
و ربنا معاك يااااااااااااااااااا رب و تلاقى درجات
و اى حد عاوز مساعدى انا هنا يا جماعة
احمد السطوحى 24-07-2012, 08:39 PM طيب افرض حد عمل تظلم ولقى عليه درجات بينقص ولا ايه
احمد السطوحى 24-07-2012, 08:40 PM انا من كفر الدوار يعنى تصحيحى فى اسكندريه وبرده مظلوم فى الاحياء واضح ان تصحيح الاحياء وحش على مستوى اسكندريه كلها بس خايف اروح وبدل ما ازيد انقص
" أحبك ربى " 24-07-2012, 08:43 PM متشكرة جدا ع المساعدة ربنا يا رب يرجعلك درجاتك و يسترها معايا انا كمان و مع كل المظلموين
احمد السطوحى 24-07-2012, 08:54 PM اللهم آمين
mohamed hammouda 24-07-2012, 09:13 PM بص يا سيدى
انت بتبقى فى فصل بيبقى فيه تخت انت و ولى امرك بتقعدوا على تختة
مش بيبقى فيه مدرسين قاعدين معاك لكن انت لو شايف انك محتاج تسال فى حاجة بتقولهم و هم بيجيبوا المادة
انا عندى فى الاحياء المفروض ان السؤال من 4 معلمه من 2 و اتاكد من مدرس اللى انا كاتبه صح
المدرس حسبى الله و نعم الوكيل فيه كان نايم شاكله
و على فكرة هو بيديك الاجابة النموذجية
و صورة من وقة الاجابة بتاعتك
وورقة تكتب فيها ملاحظاتك
و ربنا معاك يااااااااااااااااااا رب و تلاقى درجات
و اى حد عاوز مساعدى انا هنا يا جماعة
بيدينا الاجابة النموذجية ؟؟؟
السنة الي فاتت ماكنش في حاجة كدة
وكمان بيبقي في مدرسين للمواد !!
انت متأكد من حكاية الاجابة النموذجية دي ؟؟؟؟
روكااا 24-07-2012, 09:22 PM انا كمان عملت تظلم ف الفيزياء والاحياء والله فى حاجات المصحح عاملها ليا غلط وانا حلها صح وزى نموذج الاجابة هطق قالوا هناك ف الكنترول بردو مش هتاخدوا حاجة حتى بعد الكلام اللى قالوا الوزير انهم غيروا نظام التظلم انا اهو مستنية الرد كمان اسبوعين
حسبى الله ونعم الوكيل انا مش هحلق حاجة كده يااااااااااارب :(
legends8 24-07-2012, 09:41 PM طيب افرض حد عمل تظلم ولقى عليه درجات بينقص ولا ايه
والله انا لما سألت الناس قالولى ان معظم الطلاب بيخافوا من كده
بس لو انت متاكد من نفسك يبقى ماتخفش
legends8 24-07-2012, 09:42 PM بيدينا الاجابة النموذجية ؟؟؟
السنة الي فاتت ماكنش في حاجة كدة
وكمان بيبقي في مدرسين للمواد !!
انت متأكد من حكاية الاجابة النموذجية دي ؟؟؟؟
ايوة و الله اجابة نموذجية من الوزارة
و انا ماقلتش ان مافيش مدرسين للمواد
انا قلت ان مافيش مدرس بيقعد معاك
لكن لو طلبت المدرس بيجيلك فى ثوانى
legends8 24-07-2012, 09:44 PM انا كمان عملت تظلم ف الفيزياء والاحياء والله فى حاجات المصحح عاملها ليا غلط وانا حلها صح وزى نموذج الاجابة هطق قالوا هناك ف الكنترول بردو مش هتاخدوا حاجة حتى بعد الكلام اللى قالوا الوزير انهم غيروا نظام التظلم انا اهو مستنية الرد كمان اسبوعين
حسبى الله ونعم الوكيل انا مش هحلق حاجة كده يااااااااااارب :(
مجرد انك عارفة ان ليكى حق هيشيل الاحساس بالفشل (ده اللى كان عاندى)
و احنا على العموم مش مستافيدين حاجة من الدنيا دى
انا عاوز حقى فى الاخرة مافيش مشكلة
هطلق كل ربع درجة منهم يوم القيامة ان شاء الله :]
legends8 24-07-2012, 09:45 PM متشكرة جدا ع المساعدة ربنا يا رب يرجعلك درجاتك و يسترها معايا انا كمان و مع كل المظلموين
ولا يهمك لا شكر على واجب
و لو فيه اى سؤال تانى قوليلى
احمد السطوحى 24-07-2012, 09:45 PM طيب هم بيصححوا اللى الاسئله اللى انت قولت عليها فى ملاحظاتك بس ولا بيصححوا كله
legends8 24-07-2012, 09:47 PM طيب هم بيصححوا اللى الاسئله اللى انت قولت عليها فى ملاحظاتك بس ولا بيصححوا كله
على ما اعتقد الملاحظات بس
لانه لو الورقة كلها ايه لازمة الملاحظات؟؟؟
احمد السطوحى 24-07-2012, 09:51 PM طيب كده يبقى تمام ويبقى محدش بينقص لانهم هيصححوا اللى انت قولت عليه بس الف شكر متشكر جدا
انت جبت كام؟
legends8 24-07-2012, 09:53 PM طيب كده يبقى تمام ويبقى محدش بينقص لانهم هيصححوا اللى انت قولت عليه بس الف شكر متشكر جدا
انت جبت كام؟
الحمد لله جبت 96.5 % علمى علوم
للاسف الدرجة دى ممكن ماتدخلنيش علوم :]
لكن الحمد لله على كل حال
احمد السطوحى 24-07-2012, 09:57 PM لا ان شاء الله التصحيح هيرفع مجموعك وتدخل صيدله
انا جايب 98.4 ونفسى الحق بشرى بس مش عايز اعمل تظلم الا بعد التنسيق يعنى لو مش لحقت ابقى اعمل تظلم لانى مظلوم احياء وعربى ربنا يستر معانا كلنا ان شاء الله
amr ali yasser 24-07-2012, 10:15 PM يا جماعه محدش يقلق ان التظلم ممكن يخليك تنقص درجات لانك يا اما هتزيد ودي نادره يا اما هتفضل زي ما انت ودي الشائعه يعني انما عمرك ما هتنقص
legends8 24-07-2012, 10:18 PM لا ان شاء الله التصحيح هيرفع مجموعك وتدخل صيدله
انا جايب 98.4 ونفسى الحق بشرى بس مش عايز اعمل تظلم الا بعد التنسيق يعنى لو مش لحقت ابقى اعمل تظلم لانى مظلوم احياء وعربى ربنا يستر معانا كلنا ان شاء الله
اااااااااااااااااااااااااااااامييييييييييييييييييي يييييييييييييييين
MARRON-5 24-07-2012, 11:00 PM انا كمان عايزة اعمل تظلم فى العربى بس خايفة
m7md abdo 24-07-2012, 11:26 PM انا كمان عايزة اعمل تظلم فى العربى بس خايفة
بلاش احسن لانك مش هتخدى حاجة للاسف
هو ده نظام التظلم
legends8 24-07-2012, 11:46 PM بلاش احسن لانك مش هتخدى حاجة للاسف
هو ده نظام التظلم
ليه مش هتاخد حاجة؟؟؟؟
.fatima 25-07-2012, 12:22 AM يانهار ابيض:oانا لمار حت النهاده الطلبه بيدخلوا لوحدهم مش معاهم ولي امرهم م كل اااحد معاه استاذ يتهيالي مش متخصص اداني ورقتي بيقلي شفي ورقتك ده خطك انا اصلا كنت منله الاجابات من عالنت لقيت فعلا اني حله ااالاسله ي محسبتها ممع نفسي فقلتله يا مستر انا مظلومه في السوال ده وكذا قاللي انا مش بايدي حاجه انا عليا اني اعرفك علي ورقتك مقليش اكتب ممممم:oممممملاحظات عالق قالي بس تكتب انك اتطلعتي علي وقتك وتايخ النهارده الاسم الثلاثي بس قالي ان شا الله يعيدوا تصحيح الوقه تاني تيجي تسالي بعد 15 يوم كتير اوي صح:bosyht9: بس بعد مخرجت قعدوا يقلولي البنات انهم يهجمعو الدددرجات بس د ه بيضحك عليكي الكلام ده سليم ؟
bbelalbb 25-07-2012, 01:22 AM رحت النهاردة اطلعت ع الورقة والحمد لله ليا درجات اقسم بالله بس مش هخدها برضو لاننا نعيش في دولة ظلم لكن الاهم اني اتاكدت اني استحق مجموع اكبر من مجموعي
Reem Aii Ahmad 25-07-2012, 01:35 AM حسبى الله ونعم الوكيل ظلمونى ف الرياضة حسبى الله ونعم الوكيل
falcon2011 25-07-2012, 01:37 AM انا الحمد لله رافض فكرة الغش اساسا
والحمد لله مغشتش حاجة من حد حتى لو مش عارف حاجة
اما اجيب مجموع صغير بمجهودى هفرح اكتر اما اجيب مجمود كبير بالغش
dr:esraa 25-07-2012, 04:13 AM الحمد لله جبت 96.5 % علمى علوم
للاسف الدرجة دى ممكن ماتدخلنيش علوم :]
لكن الحمد لله على كل حال
نفس مجموعى الحمدلله ... وانا ناقصه 6 درجات فى العربى ... ممكن لو اخدت درجات تدخل تعمل توبيك لان لو كده انا هاروح اعمل تظلم ..
lally adel 25-07-2012, 04:34 AM طب معلش انا عاملة تظلم فى العربى وادونة ميعاد 31-7 عشان اشوف الورقة فى مدرسة السينية ..
ممكن بس تقولى انت لما شفت ورقة العربى لقيتهم منقصينك فى ايه ؟؟
يعنى برضه اسئلة مش متعلمة ولا اسئلة متعلمة غلط ولا تعبير ولا ايه ولا اصلا حاجة انت عاملها غلط ولا ايه ؟؟؟
lola Ahmad 25-07-2012, 04:39 AM ادعى انك تصعب عليهم وتاخد حاجة
ع السنة الى فاتت كان ليا درجات واتظلمت ولا اخدت اى حاجة وزاميلى كدا برضة
والسنة دية مظلومة فى علم النفس بس مش فكرت اروح اعمل اى حاجة ع حرقة دمى
eslam mohsen ali 25-07-2012, 04:43 AM السلام عليكم
اقسم بالله هذا القصة حدثت بالفعل ...كان عندى بنت اخت جيراتنا كانت نقصة حولى 7درجات فى مادة العربى فذهبت وعملت تظلم واخذت 7درجات كاملين وقالوا لها سوف يكون لها تنسيق خاص وسوف يطبع لها شهادة جديدة وذلك خلال اسبوعين وعاد الاسبوعين وذهبت للمدراسة وقالوا لها لم يات شئ من الوزارة فسالت فقالوا لها روحى ارفعى قضية
dr:esraa 25-07-2012, 05:24 AM قضيه و محاكم و قرف .... لا احنا ندعى عليهم اسهل و ربنا كبيييير ينتقم من كل واحد معندوش ضميير
شمس الكون 25-07-2012, 06:44 AM ربنا يوفقك وتاخد الدرجات انا بق الدرجات اللى ليا
ف علم النفس والله ما عندى ولا غلطة
وجايبة 47.5 وطبا ده مش احياء يعنى اى حاجة هتتقلى
هتبقى تقدير مصحح
انا جايبة 98.4 وع هبل التوقعات دى مش هلحق اسنان
اقسم بالله ليا درجات انجلش ودرجة كميا غير علم النفس
حوالى 5 درجات يعنى لو خدت حقى اجيب 408.5
وادخل الكلية اللى بحلم بيها
بجد حسبى الله ونعم الوكيل
" أحبك ربى " 25-07-2012, 11:30 AM طب لو سمحت ايه نظام الملاحظات دى بالظبط يعنى اكتب له مثلا رقم السؤال اللى انا شيفاه صح وخلاص ولا اقعد افسرله بقه وكده هو صح ليه ؟؟؟ معلش بس اصلى مرعوبة
وكمان هو لازم حد من بابا او ماما ؟؟ اصل بابا عايز ييجى ب انا مش عايزة بصراحة هتلبخ ومش هعرف اعمل حاجة ينفع حد من الاخوات ؟؟؟
الاستاذ عوض على 25-07-2012, 12:24 PM أعلنت وزارة التربية والتعليم عن فتح باب التظلمات من نتيجة الثانوية العامة لمن يرغب من أولياء الأمور والطلاب، بداية من اليوم 18/7/2012 إلى 17/8/2012م، وحددت الوزارة الآليات المتبعة للتظلمات، والتى تبدأ بسداد مبلغ 100 جنيه مصرى فقط لاغير عن كل مادة يرغب ولى الأمر أو الطالب فى مراجعتها، وذلك على حساب رقم 01003784008 بالبنك الأهلى المصرى أو حساب رقم 10500100036407 ببنك مصر، لحساب صندوق دعم وتمويل المشروعات التعليمية.
وأوضح الدكتور رضا مسعد السعيد رئيس عام امتحانات الثانوية العامة، أنه عقب الدفع يتوجه ولى الأمر إلى المديرية التعليمية التابع لها الطالب، لمقابلة مندوب الكنترول بشئون الطلبة بها، وتسليمة إيصال السداد، ويتم تحديد موعد ومكان الإطلاع على أوراق الإجابة، كما أوضح سيادته أن الطالب وولى أمره فقط المسموح لهما بالإطلاع على ورقة الإجابة للطالب، ولا يسمح باصطحاب مدرس.
وأوضح الأستاذ محمود ندا مدير عام الامتحانات أنه فى حالة حصول الطالب على زيادة بدرجته بالامتحان يتم استرداده لمبلغ الـ100 جنيه التى تم دفعها نظير الإطلاع على الورقة، مؤكداً على أن هناك تعليمات من الوزارة باعتماد أكثر من منفذ لاستقبال التظلمات، تجنباً للزحام، وتيسيراً على أولياء الأمور.
كما أوضح سيادته أن تظلمات الطلاب التابعين لكنترول مدينة مبارك التعليمية، يتم استقبالها بمدرسة السنية الثانوية للبنات بالسيدة زينب...
legends8 25-07-2012, 03:22 PM نفس مجموعى الحمدلله ... وانا ناقصه 6 درجات فى العربى ... ممكن لو اخدت درجات تدخل تعمل توبيك لان لو كده انا هاروح اعمل تظلم ..
ان شاء الله هعمل لكن ياريت ساعتها الوقت مايكنش خلص
legends8 25-07-2012, 03:26 PM طب معلش انا عاملة تظلم فى العربى وادونة ميعاد 31-7 عشان اشوف الورقة فى مدرسة السينية ..
ممكن بس تقولى انت لما شفت ورقة العربى لقيتهم منقصينك فى ايه ؟؟
يعنى برضه اسئلة مش متعلمة ولا اسئلة متعلمة غلط ولا تعبير ولا ايه ولا اصلا حاجة انت عاملها غلط ولا ايه ؟؟؟
بص اانا الحمد لله كنت مقفل القصة و القراءة و النصوص كلها
الادب كنت ناقص فيه درجتين مع العلم ان اللى هو كاتبة فى الاجابة هو هى اللى انا كاتبه
و كنت ناقص فى النحو حاجات انا عاملها صح برضوا شكل اللى كان بيصححلى السؤال نايم
و التعبير نقصت فى الوظيفى درجة مش عارف ليه
و فى الابداعى 3 درجات مع العلم ان خطى رااااااااااااااااااااااااااااااااااااااااائع و استشهدت بحوالى 3 ايات و احاديث و كاتب صفحات كتير
انا اتظلمت فى كل دول و ربنا يستر
legends8 25-07-2012, 03:27 PM ادعى انك تصعب عليهم وتاخد حاجة
ع السنة الى فاتت كان ليا درجات واتظلمت ولا اخدت اى حاجة وزاميلى كدا برضة
والسنة دية مظلومة فى علم النفس بس مش فكرت اروح اعمل اى حاجة ع حرقة دمى
ممكن انت شايف انك ليك درجات لكن هما مش شايفين كده
انا اسئلتى كان فيه حاجات مش متصححة اصلا
legends8 25-07-2012, 03:35 PM السلام عليكم
اقسم بالله هذا القصة حدثت بالفعل ...كان عندى بنت اخت جيراتنا كانت نقصة حولى 7درجات فى مادة العربى فذهبت وعملت تظلم واخذت 7درجات كاملين وقالوا لها سوف يكون لها تنسيق خاص وسوف يطبع لها شهادة جديدة وذلك خلال اسبوعين وعاد الاسبوعين وذهبت للمدراسة وقالوا لها لم يات شئ من الوزارة فسالت فقالوا لها روحى ارفعى قضية
انا زى ما بسمع قصص كتيييييييييييييييييييييييييييييييييييييييييييييييي يرة عن ناس اخدت درجات برضوا بسمع عن ناس ماخدتش
لكن ممكن تقولى القصة دى كان من كام سنة كده؟؟؟؟؟
و على العموم حتى لو محاتج ارفع قضية عىل نصف درجة هرفعها
مش عشان انا عاوزها لأ عشان دى حقى
ارجوكم يا جماعة تقروا الاية دى من صورة القمر انا عارف انها عن سيدنا نوح بس شوفوا لما انسان يدعوا الله عظ و جل و هو مظلوم
(فدعا ربه انى مغلوب فانتصر - ففتحنا ابواب السماء بماء منهمر - و فجرنا الارض عيونا فالتقى الماء على امر قد قدر)
انا عارف ان ناس هتقول ده كان رسول و هى دعى قومه عمره كله و لم يستجب له الا قليل
عارف كل ده والله لكنه اتظلم من قومه
و الظلم هو الظلم لا يحدد بمقدار و انا متاكد ان اى انسان مظلوم دعا ربنا هيستجيب له
لكنه يجب ان ينتظر
legends8 25-07-2012, 03:36 PM قضيه و محاكم و قرف .... لا احنا ندعى عليهم اسهل و ربنا كبيييير ينتقم من كل واحد معندوش ضميير
الساكت عن الحق شيطان اخرس :)
legends8 25-07-2012, 03:44 PM طب لو سمحت ايه نظام الملاحظات دى بالظبط يعنى اكتب له مثلا رقم السؤال اللى انا شيفاه صح وخلاص ولا اقعد افسرله بقه وكده هو صح ليه ؟؟؟ معلش بس اصلى مرعوبة
وكمان هو لازم حد من بابا او ماما ؟؟ اصل بابا عايز ييجى ب انا مش عايزة بصراحة هتلبخ ومش هعرف اعمل حاجة ينفع حد من الاخوات ؟؟؟
انتى بتكتبى رقم السؤال و ملاحظتك عليه
طبعا انتى بتبينلوا فكرتك انك صح لكن المصحح ماخدش بالاجابة
انا مثلا كان فيه سؤال فى الاحياء انا كاتب زى الاجابة النموذجية
فى ورقتى كان حاطط خط تحت ( قشرة الغدة الكظرية)
و هى موجودة فى ورقة الاجابة
كتبتلوا كده فى الملاحظات ( لقد تم تقدير السؤال بنصف الدرجة فقط و وضع خط تحت قشرة الغدة الكظرية مع العلم انها موجودة فى الاجابة النموذجية)
اما بالنسبة لولى الامر هو مين اللى كتب ورقة التظلم معاكى؟؟؟
لان هو ده اللى لازم يروح معاكى لانه هو اللى كاتب الرقم القومى بتاعه
و كمان تتلبخى ليه؟؟ عادى انا كمان والدى راح معايا مع انى كنت عاوز والدتى لانها هى اللى كانت بتذاكرلى
بس حاسيت انه هايزعل و هيقول انى مش بقدره و رحت معاه و عملنا كل حاجة
هو بس كان بيكتب و انا كنت باقله يكتب ايه
انتى المتحكمة فى الموضوع لان دى ورقتكو لو انتى هتتوترى قوليله مايقوليكيش حاجة عشان انتى بتتوترى
و ربنا معاكى يااااااااااااااااااااااااااااااااااااااااااااااااا ااااااااااااااااااااااارب و ابقى طمينينا
atteyia 25-07-2012, 04:39 PM استغرقت وقت كثير ولااااااااااااااا
legends8 25-07-2012, 04:41 PM استغرقت وقت كثير ولااااااااااااااا
فى ايه بالظبط؟؟؟؟؟؟؟
legends8 26-07-2012, 05:38 PM رفع للاستفادة
" أحبك ربى " 26-07-2012, 06:36 PM انا روحت النهردة الصبح و اخدت اخويا معايا بصراحة وطلع عادى بس هما شافو بطاقته بس وع فكرة انا اصلا كنت راحة مقدمة ع التظلم لوحدى عادى من غير رقم قومى ولا حاجة
بص بصراحة والله انا حسيت ان المصحح كان بيصحح فى بعض الاسئلة بما يرضى الله جداااا بس فى اسئلة تانية حسيت انه مش مدرس المادة عشان لو كان مدرس المادة اكيد مكانش هيعمل كده يعنى انا تقريبا طلع ليا 6 درجات مضمونين اووووووى يعنى بس والله بعد ما طلعت لقيت نفسى مرتاحة جداااا وعندى احساس بالرضا وحمدت ربنا كتير و اول حاجة عملتها اما روحت صليت ركعتين شكر لله و قولت يارب والله انا عارفة انك هتجيب لى الخير فى الاخر وحتى والدى و والدتى زعلو اما عرفو انى اتظلمت قولتلهم قل لن يصيبنا الا ما كتب الله لنا و الحمد لله والله محدش عارف الخير فين
بجد يا جماعة اى حد متضايق و حاسس انه اتظلم يسيبها على الله ويروح يكشف ع ورقته بجد هيرتاح كتير ع الاقل هتحس انك مقصرتش وهتفهم ايه اللى حصل و نقصت ع ايه وربنا معاكو يا رب ويوفقكو كلكو
legends8 26-07-2012, 08:21 PM انا روحت النهردة الصبح و اخدت اخويا معايا بصراحة وطلع عادى بس هما شافو بطاقته بس وع فكرة انا اصلا كنت راحة مقدمة ع التظلم لوحدى عادى من غير رقم قومى ولا حاجة
بص بصراحة والله انا حسيت ان المصحح كان بيصحح فى بعض الاسئلة بما يرضى الله جداااا بس فى اسئلة تانية حسيت انه مش مدرس المادة عشان لو كان مدرس المادة اكيد مكانش هيعمل كده يعنى انا تقريبا طلع ليا 6 درجات مضمونين اووووووى يعنى بس والله بعد ما طلعت لقيت نفسى مرتاحة جداااا وعندى احساس بالرضا وحمدت ربنا كتير و اول حاجة عملتها اما روحت صليت ركعتين شكر لله و قولت يارب والله انا عارفة انك هتجيب لى الخير فى الاخر وحتى والدى و والدتى زعلو اما عرفو انى اتظلمت قولتلهم قل لن يصيبنا الا ما كتب الله لنا و الحمد لله والله محدش عارف الخير فين
بجد يا جماعة اى حد متضايق و حاسس انه اتظلم يسيبها على الله ويروح يكشف ع ورقته بجد هيرتاح كتير ع الاقل هتحس انك مقصرتش وهتفهم ايه اللى حصل و نقصت ع ايه وربنا معاكو يا رب ويوفقكو كلكو
ألف مبرووووووووووووووووووووووووووووووووووووووووك
و يارب تخديهم
بس سألتى عن المعاد؟؟؟؟
" أحبك ربى " 26-07-2012, 09:32 PM الله يبارك فيك يارب
اها بيقول بعد اسبوعين كده تقريبا او 10 ايام وانهم هيبعتوهالنا وبس كده
محمد السيد الحلم 27-07-2012, 01:38 AM أعوذ بالله من الشيطان الرجيم
بسم الله الرحمن الرحيم
الحمد لله قدر الله وما شاء فعل
يا رب يا رب ربنا معاكم
ولدعولنا جميعا بالتوفيق
ولا تنسوا رمضان
اللهم اغفر لنا ذنوبنا اللهم ارحمنا اللهم اعتق رقابنا من النار اللهم بلغنا ليلة القدر اللهم توفنا مع الابرار الصالحين
اللهم تقبل صيامنا اللهم تقبل صلاتنا اللهم تقبل منا قيامنا اللهم تقبل منا ركوعنا اللهم تقبل منا سجودنا اللهم تقبل منا دعواتنا اللهم تقبل منا دعائنا اللهم تقبل منا ادعيتنا
يا رب التنسيق يكون مرضى يا رب العالمين يا رب ندخل ونلتحق بالكليات التى نتمناها يا رب اختر لنا فاننا لا نحسن الاختيار يا رب نلتحق بالكليات التى نتمناها يا رب يا رب انصرنا يا رب
ربنا معاكم في التظلمات
انا فكرت اعمل اعادة في الفيزياء بس مش فاكر اجابتي ايه في الورقة زي الارقام النهائية مثلا الحمد لله
ادعولي
محمد
mido22trika 27-07-2012, 05:21 AM فعلا و الله عندك حق انا برده كنت بعانى من كمية الغش و المراقبين اللى معندهمش ضمير و الحمد لله جبت 202 بس روحت عملت تظلم على الفرنساوى شوفت نموذج اجابة الوزارة و معنديش اى حاجة غلط بس ناقص درجة و ربنا يكرم و اعرف ارجع حقى
|