=====هندسة ولا تجارة====== [الأرشيف] - بوابة الثانوية العامة المصرية

Egyptain 2012

24-07-2012, 01:59 PM

mizo1166

24-07-2012, 02:02 PM

بسم الله الرحمن الرحيم
كل سنة كل الناس طيبين وبخير

انا عاوز بس ارائكم فى حاجة كده وكل واحد يقول براحتو
انا دلوقتى محتار بين هندسة خاصة او تجارة انجليزى
كل لما اقول هروح تجارة ارجع اقول واسيب هندسة والعكس صحيح مش عارف بقى هى تفرق ولا لاء

بس عاوز ردو د واضحة

شكرا

انصحك بلاش خاصة لان اولوية الشغل بعد التخرج بيكون للجامعات الحكومية
فانا شايف ان تجارة انجليزي كلية جامدة جدا وشغلها مضمون بعد التخرج

tarek eno

24-07-2012, 02:08 PM

انا بردو فى نفس حيرتك دى و انا فضلت تجارة انجليزى لان مجال الشغل احسن و اوسع ان شاء الله و تجارة انجليزى ليها اولوية عن العربى

Amr Elassal

24-07-2012, 02:27 PM

انا كمان كنت زيك محتار بين هندسة خاص وتجارة انجليزى بس خلاص قررت انى هدخل تجارة انجليزى
والسبب بكل بساطة ان لو دخلت خاص اخرك الناس هتقول عليك دى شهادة بفلوسك حتى لو كان الفرق بينك وبين هندسة عام 1 فى المية ده غير ان الى جايبين 70 فى المية بيدخلو هندسة وبصراحة الخاص بيلم جامد يعنى وهتلاقى نفسك بتتساوى مع ناس اقل منك بكتير فانت الاحسن تدخل كلية عام بمجموعك محدش يعرف يدخلها غير الى زيك

The Love Angel

24-07-2012, 02:47 PM

انصحك بلاش خاصة لان اولوية الشغل بعد التخرج بيكون للجامعات الحكومية
فانا شايف ان تجارة انجليزي كلية جامدة جدا وشغلها مضمون بعد التخرج

رأيي الشخصي بصراحة مادام بإمكانيتك تقدم هندسة خاصة افضل طبعا
الهندسات الخاصة كليات نضيفة واحسن الف مرة من الكليات الحكومية واخويا فى هندسة خاصة ومابياخدش دروس مقارنة بزمايلة فى الحكومية ايلى طالع عينهم فى الدروس وبينجح برده وبتقديرات
وبالنسبة للشغل مافيش اى افضلية طبعا للجامعات الحكومية وكدا او كدا يمين شمال معاك واسطة هاتشتغل مامعكش يبقى على جنب وده طبع فى مصر والمصريين ولو عملنا سبعميت ثورة

sameh mostafa

24-07-2012, 02:53 PM

1_مش فرق بين هندسة حكومى وخاص
اهم حاجة التقديرات هنا او هنا
2_فى جميييييييييييييع الحالات هندسة افضل من تجارة
تجارة انجليزى تعتبر خاص برضه ده مصاريفها بتعدى ال5000 او 6000 جنية فى السنة

Eng.Ahmed Hagag

24-07-2012, 03:03 PM

أنا كنت في نفس مكانك واخترت هندسة خاص من غير تفكير ..
سيبك بقى من اللي يقولك هتلم و 60 %
الشروق السنة اللي فات واخدة 89% يعني ولا بتلم ولا حاجة
وبعدين إنت هتدفع مصاريف في تجارة e يبقى من غير تفكير هندسة مع احترامي لكلية تجارة شعبية اللغة الإنجليزية
والاخ اللي بيقول الأولوية أنتم لسة في ثانوي لما تقول كلمة تكون متأكد منها مش كلام وخلاص
الأولوية للكفاءة مش للحكومي أو الخاص ..

Eng.Ahmed Hagag

24-07-2012, 03:06 PM

انصحك بلاش خاصة لان اولوية الشغل بعد التخرج بيكون للجامعات الحكومية
فانا شايف ان تجارة انجليزي كلية جامدة جدا وشغلها مضمون بعد التخرج

تقدر تقولي عرفت الكلام ده منين حضرتكك ؟
أنا قصدي الجملة ديه

انصحك بلاش خاصة لان اولوية الشغل بعد التخرج بيكون للجامعات الحكومية

Egyptain 2012

24-07-2012, 04:08 PM

بسم الله الرحمن الرحيم
اولا انا متشكر جدا جدا على ردودكم
بس على فكرة انا كده برده لسه محتار لان بردو زمايل ليا رايح هندسة خاصة بيقولولى تعال معانا احسنلك وهتطلع مهندس وهتشتغل
وناس تانية بيقولولى والله شغل تجارة انجليزى اكتر من شغل المهندسين وده واحد مهندس اللى قالى

كمان المعهد اللى قريب منى مفيهوش اللى مدنى ومعمارى واتصالات وانا كان نفسى اخش ميكانيكا عشان يفتحلى مجال للتجارة والشغل يعنى مش عاوز افضل طول عمرى مهندس بس لا انا عاوز ما هو ابعد من كده

وكمان تجارة انجلش حلوة من اللى سمعتو عنها بس ناس بتقولى صعبة واكيد هتحول منها

يعنى دلوقتى اى مجال يفتحلى طريق البيزنس اكتر

وشكرا جدا جدا ليكم يا جماعة على ردودكم دى ويا رب بقى تشاركونى وتقولولى اعمل ايه واللى فيه خير يقدمو ربنا

lovelydream

24-07-2012, 04:15 PM

هقولك نصيحة
سيبك خالص من كلام الناس
شوف انت هتنجح في ايه
شوف عاوز تكون ايه و ايه المجال الي عاوز تدرسه
تجارة ولا هندسة ؟
و هقولك حاجة احسن من ده كله
اعمل استخارة لربنا و هو هيجبلك الخير لحد عندك

Mohamed Shiko

24-07-2012, 04:56 PM

تجارة انجلش طبعا . . وياريت تكون القاهره :)
ومجالات الشغل فيها كتير جدااااااااا

بالتوفيق

Eng.Ahmed Hagag

24-07-2012, 05:31 PM

المشمهندسة ميرو

24-07-2012, 07:52 PM

اي كلية احسن من الخاصه
انا عمري ف حياتي ما ادخل كلية خاصه
صدقني تجاره بمجهودك احسن ما تدخل خاصه وتبقى كأنك ولا ذاكرت ولا اي حاجه يادوب طلعت ب 80 %
وكمان فعلا اولوية الشغل بتبقى للحكومه
ومش لأاي حكومه كمان
الاولية بتبقى لخريجين جامعات القاهرة والمنصورة وعين شمس لأنهم من افضل الجامعات
احنا عندنا ناس زمايلنا ف هندسه بنها وغيرها بيجيبوا امتيازات
لكن احنا ف المنصورة مقبول
بس مقبول عندنا احسن من امتياز عندهم
كذلك هما حبوا يحولو بعد ما درسوا اول سنة ف بنها
شيلوهم مواد لانها مش عندهم ونزلوا تقديرهم
......
الخلاصه
اي جامعه حكومية احسن من الخاصه
الخاصه دي تدخلها وتشتغل بيها لو انت عندك واسطه :)

sameh mostafa

24-07-2012, 08:06 PM

esraaegypt

24-07-2012, 08:16 PM

هتلاقى آراء متضاربة شوف انت مستريح لإيه
انا اعرف ناس خريجين تجارة انجليش ومش لاقيين شغل كويس
فكرة انك تلاقى شغل كويس دى نصيب اولا واخيرا

Smoky

24-07-2012, 08:31 PM

على فكرة انا كمان محتارة زيك بالظبط
بس يقال ان تجارة انجلش بتحتاج مجموع معين فمادة الانجليزى
بصراحة مش عارفة الكلام دا صح ولا غلط وياريت حد ياكدلى المعلومة

lovelydream

24-07-2012, 10:15 PM

على فكرة انا كمان محتارة زيك بالظبط
بس يقال ان تجارة انجلش بتحتاج مجموع معين فمادة الانجليزى
بصراحة مش عارفة الكلام دا صح ولا غلط وياريت حد ياكدلى المعلومة

اه صح
لازم بدرجة الانجليش

Egyptain 2012

24-07-2012, 10:28 PM

انا معنديش مشكلة فى القبول بالكلية يعنى باذن الله لو قدمت ان شاء الله هقبل بس فى جامعة المنصورة
انا معنديش مشكلة هنا او هنا وبردو انا مش بشوف المعهد الخاص انو وحش اصل معلشى انا لو ناجح فى الدراسة هوصل ومن غير واسطة لان انا ممكن اعمل الشهادة بكام الف واروح اشتغل بيها مهو اكيد لازم حد هيمتحنى

ونفس الوقت انا معنديش مشكلة مع تجارة انجليزى وعادى جدا انا ممكن اتكيف مع اى حاجة مش من النوع اللى بيوقف حياته على حاجة واحده بس

ان شاء الله هعمل استخارة واللى ربنا يكتبه ليا ان شاء الله هخده وربنا يوفق الجميع للخير

وشكرا لردودكم يا جماعة بجد استفد الحمدلله

المشمهندسة ميرو

25-07-2012, 04:50 PM

اولوية الشغل للقاهرة والمنصورة وعين شمس
جامعة الاسكندرية رقم (1) على العرب 2008 و2010وافريقيا 2011 من حيث كفاءة التعليم والخريجين
الخبر لسه نازل السنة دي ان جامعه المنصورة واخده المركز ال 97 او 100 على العالم
والمركز التاي على العرب
المركز الاول هو جامعه الملك عبدالعزبز للبترول تقريبا
لكن جامعة المنصورة هي التانية على العرب والاولى على مصر
ودا خبر صحيح

zemo22222

25-07-2012, 10:55 PM

بلاش خاص ملوش لازمه وحتاخد الشهاده تعلقها جانبك

محمود شقرون

26-08-2013, 04:05 PM

بالنسبة للي عمال يقول ان هندسة خاضة وحشة انا ان شاء الله داخل هندسة الشروق و ان شاء الله ابقى احسن من اي حد في حكومي بإذن الله و انا بحس ان اللي بيقول كده بيبقى خايف اننا ننافسو في العمل و نبقى احسن منو ولا ان سبااقو في الثانوية طلع الفاضي و كان عايز هو بس اللي يبقى في هندسة مش عارف الصراحة بس ان شاء الله انا داخل هندسة الشروق مدني و هناك المدني المركز التاني بعد هندسة الاسكندرية و اتغاظو بقى يا بتوع الحكومي :d