سلام عليكم

استفسار يعني كده


دلوقتي عدد كليات الطب في الجمهوريه كلها 15 كليه .... وعدد الطلبة اللي بيقولوا عليه انه مطلوب 7000 طالب ولو هيزيد هيبقى 9000 يبقى كل كليه هتاخد 600 طالب وانا اخويا في طب المنصوره وبيقولي ان طب المنصورة السنه اللي فاتت اخدت 1200 طالب !! فاانا مش فاهم ازاي العدد ده دخل ده لو كل كليه اخدت 1000 بس هيبقى العدد 15000 طالب ؟!!!

حد عنده تفسير ؟؟

معاك حق فتى الجرايد ودانا فى داهية انا اعصابى اتدمرت 97.5 وبيقولو مش هتلحقى حاجة وانا بقى عندى اكتئاب خلاص .ياااااااااااااااااارب الطف بينا.

بص انا مقدرش افتي واقولك اني اعرف معلومة اكيدة بس انا ممكن اقولك تخميني
ان طب المنصورة دي كلية كبيرة مثلا فدة بيخليها تاخد عدد كبير عشان كدة بتنزل في التنسيق عادة اقل من كليات طب كتير(العرض والطلب)لان الاماكن المعروضة كتيرة
لكن ممكن مثلا طب زي قنا 200 واحد بس لان تنسيقها عالي و مش معقولة يكون الشبب ان اهالي قنا هما اللي جايبين اعلي مجاميع ووخدينها باكتساح
الخلاصة زي مافي طب زي المنصورة كبير جدا فية طب صغيرة وبتقبل اعداد قليلة

وطبعا دي تخمينات انا مش متاكد من حاجة

لا طب شبين نفس عدد المنصورة وبياخد من مجموع كبير جدا بعد قنا

بص انا مقدرش افتي واقولك اني اعرف معلومة اكيدة بس انا ممكن اقولك تخميني
ان طب المنصورة دي كلية كبيرة مثلا فدة بيخليها تاخد عدد كبير عشان كدة بتنزل في التنسيق عادة اقل من كليات طب كتير(العرض والطلب)لان الاماكن المعروضة كتيرة
لكن ممكن مثلا طب زي قنا 200 واحد بس لان تنسيقها عالي و مش معقولة يكون الشبب ان اهالي قنا هما اللي جايبين اعلي مجاميع ووخدينها باكتساح
الخلاصة زي مافي طب زي المنصورة كبير جدا فية طب صغيرة وبتقبل اعداد قليلة

وطبعا دي تخمينات انا مش متاكد من حاجة

اللي انت متعرفوش ان طب المنصوره من اعلي كليات الطب من حيث مجموعها ولو افترضنا انها عشان كليه كبيره معظم الجامعات اللي فيها طب بتبقى كبيره يعني بحسبه بسيطه عمره ما يوصل العدد ل 7000 دي خالص يعني عدد بسيط جدا

صعب جدا ان كلية طب تبقى صغيرة .. و لو موجود يبقى نادر أوى
متنسوش ان كليات الطب غالبا واخدة قطاع جغرافي كبير .. ده غير ان هي الكلية الوحيدة تقريبا اللي مجبرة توصل و لو خريج واحد على الأقل لأصغر قرية أو نجع و وحدة صحية و مدرسة .. في حاجة اسمها تكليف يعني محتاجين خريجيين .. ده غير ان مفيش كلية طب مش ملحقة بمستشفى جامعي ازاي بقى 200 طالب في الكلية يتعين منهم نسبة 10 % في الجامعة تقريبا يعني 20 في مستشفى الجامعة كل سنة يتثبت منهم 5 مثلا ؟؟!!!! مفيش ارقام كده
ده و معظم الدكاترة مسافرين و شغالين بره اساسا

يارب ألطف بينا وحقق لكل منا أمنيته
بس أنا عاوز أقول لحضراتكم أنهم لازم يرفعوا المجاميع علشان الكليات بتاع الناس الفلول تشتغل وتحقق مليارات الجنيهات أما المجتهدبن من عامة الشعب (أسف فى اللفظ ,,,,,,,يغوروا فى كسحة تاخدهم وتاخد |أهاليهم ) لأنهم مازالوا بيعاملونا وكأننا رعاع لا قيمة لنا
أدعوا كل الطلبة لوقفه قوية أمام القصر الرئاسى لانهاء هده المهزلة وقلة الادب (أزاى بلقى واحد جايب 98.5% ومايخشش طب لأنى كل مابكلم واحد وأقلوه أنى جايب 98.5% ومش هااخش طب يقوللى (بطل عبط أنت اتجننت أمال مين اللى هايخش طب ,,,فقلتيله اللى جايب 88% فاستغرب أكتر فقلتيله أيوة هوه فعلا مايسحقش يخش طب لكن بيتعلم بفلوسه أما اللى ماعندوش فلوس يشوف له أى شغلانه تانيه
مالك يابلدى ....أحبك وتكرهيننى ........
أتعب من أجلك وأتفوق ...........وترفضين هديتى
أنادى فيك بأعلى صوتى وأصرخ أين حقى .........وكأنك لا تسمعيننى
أأأأأأأأه يابلد الى متى هذا الظلم البين

العدد مش بالتساوي ده حسب حجم وامكانيات الكلية
طب الفيوم مثلا الدفعة 140 وقنا او اسيوط مش فاكرة بالظبط
الدفعة حاجة زخمسين كدة يعني

احنا قنا السنة اللى فاتت وصل العدد 70 طالب
تلت الخريجين بيتعينوا معيدين لانها كليه جديدة وطالبة معيدين كتير
وده السبب اللى هيخلى سوهاج السنة دى توصل ل 100 %

يا جماعه احنا بنتكلم في طب قنا او سوهاج طب شيلو الكليتين دول وكمان 3 كليات كمان هيتبقى 10 كليات كبيره كل واحده لو اخدت زي المنصوره يبقى 12000 طالب ؟!!! ده لو هنشيل 5 كليات مش موجود فيهم ولا طالب

طب المنصورة بتاخد من اعلي المجاميع

هفهمك انا الموضوع
في كليات سعتها صغيرة زي قنا مثلا بتاخد عدد قليل و في كليات سعتها كبيرة جدا زي عين شمس

طب المنصورة اخدت في الاول السنة اللي فاتت 700 طالب فقط
طب ازاي بقوا 1200

ده بقي بالتحويل و طلاب الشهادات المعادلة

و لان الكلية تقدر تستحمل العدد ده لكن في كليات تانية متستحملش العدد الكبير ده لان طب المنصورة من اكبر الكليات علي مستوي مصر