جروب المتفوقين [حقق حلمك] [الأرشيف] - بوابة الثانوية العامة المصرية

annoccc

25-07-2012, 03:23 PM

أنا لا حظت ان كل الموضوعات المعمولة سابقا تتحدث عن المتفوقين الى تفوقوا و نجحوا وعدوا المرحلة دى ، لكن فكرت فى اننا محتاجين نعمل جروب يجمع الطلاب الحاليين الى لسة هيتفوقوا باذن الله ، فايه رأيكم ان الكل يدخل ويشارك .
يعنى الى يدخل يعرفنا بنفسه و هو فى سنة كام ، وعلمى ولا أدبى ، وايه هو حلمه الى عاوز يحققه ، و الأهم أنه يقولنا طريقته فى تحقيق حلمه ، يعنى طريقة تنظيمه للوقت ، هيذاكر كام ساعة ، الوقت المفضل ليه فى المذاكرة ، ومكان المذاكرة الذى يفضل المذاكرة فيه ، المواد التى يحب أن يذاكرها فى الأول ، جدول مذاكرته للمواد شكله هيكون عامل ازاى ، طريقة مذاكرته للمواد نفسها هتكون ازاى .
يعنى من الآخر كل الحاجات التى سيخطط للعمل عليها فى المذاكرة عشان يحقق أكبر قدر من الاستفادة و التركيز .

الهدف من هذا الجروب هو ان الكل يشارك بتصوراته و تطلعاته عن نظام المذاكرة الذى سيمشى عليه ، لأن دة هيوفر لنا مجموعة كويسة من الأراء التى ستفيد الكل ، بمعنى ان الواحد حتى لو كان ليه نظام مذاكرة ماشى بيه من الأول ، لما يدخل الجروب ممكن يكتشف حاجات تانية أحسن و يقوى مناطق الضعف فى النظام الى هو ماشى بيه .
يلا ادخلوا و قولنا خبراتكم و آراءكم .
و كل سنة وانتوا طيبين

annoccc

25-07-2012, 03:37 PM

أنا هبدأ بنفسى :-
الاسم: عمر ،و أفضل اللقب [رجل القلم]
طالب بالصف الثانى الثانوي علمى رياضة ، أنا أفضل أن أكون على النظام القديم ولو اتيحيت لى فرصة الاختيار بين النظامين سأختار الدراسة على النظام القديم ، و انا اتمنى الالتحاق بكلية هندسة البترول فى السويس .
بالنسبة لنظام المذاكرة الى أنا بأتبعه عشان أحقق حلمى ، أنا هقول بعض منه الآن ، فانا أحب أن أطبق الحكمة القائلة "لا تؤجل عمل اليوم الى الغد" ، فيجب مذاكرة الدروس أول بأول ، وكمان لا ننسى قراءة القرآن الكريم قبل المذاكرة ، و قراءة أدعية الاستذكار فهى بجد رائعة ومفعولها أكيد .
و انا أحب وقت الاستذكار من بعد الفجر مباشرة وحتى الظهر ، وأحب دايما أنام بعد الظهر لغاية قبل العصر ، و المذاكرة الليلية كمان حلوة جدا ، خصوصاً فى أوقات الشتاء ، يعنى زى ما بيقولوا كدة "الطالب لو مسهرش ليالى الشتا الطويلة يبقى قليل الحيلة" .

دا جزء من برنامجى للاستذكار ، أتمنى انى أستفيد منكم برضة ، وكلنا نفيد بعض .
و ربنا يوفقا جميعاً لما يحبه ويرضاه .

Pro Saher Abdel-Aziz

25-07-2012, 03:53 PM

. ahmed-gamal

25-07-2012, 03:57 PM

annoccc

25-07-2012, 04:10 PM

طب احب اعرفكوا بنفسى
انا طالب فاشل:)
اه والله
يعنى لا يجب ان اندرج تحت مسمى طالب اصلا
هههه
لا بروح مدرسة ولا بذاكر ولا بعمل اي حاجة وسبحان الله يا اخى
درجاتى فى التسعينات وانت طالع
دعاء الوالدين عامل مفعول
ربنا يستر السنتين اللى جايين دول

وهدخل حاسبات ومعلومات
لو ربنا ستر

ليه كدة بس ، أكيد انتا بتبالغ لأن الله لا يضيع أجر المحسنين ، يعنى أكيد لو زى ما بتقول انك فاشل و ما بتذكرش ، يبقى دماغك فاضية ما فهاش اى اجابات ، و الا ازاى جيبت فوق التسعين ، يعنى احنا عملنا الجروب دا للعندهم حاجة كويسة يقدموها لأخواتنا فى المنتدى عشان يستفيدوا فى حياتهم ، و يطور من أنقسهم ، مش عشان نقولهم يا بركة دعا الوالدين ، و نام و ارتاح و على الله النجاح . و ربنا يوفقك فى حياتك الى جاية وبلاش تاخدها سبهللة و ضياع فى ضياع كدة .

annoccc

25-07-2012, 04:20 PM

انا اسمى احمد
وانا داخل اولى ثانوى وانا كنت من المتفوقين فى المرحلة الاعدادية وطلعت الاول على المدرسة
وانا حلمى نفس حلمك تماما نفسى ادخل هندسة بترول وانا مش هكون من الناس اللى بتلعب فى اولى ثانوى وثانية ثانوى لانهم نقل (حسب النظام الجديد) فانا حاطط فى دماغى ان المتفوق يكون متفوق فى كل المراحل التعليمية وانا نظام مذاكرتى
بيكون انى بذاكر من 4-6 ساعات فى اليوم فى اولى وثانية لكن فى تالته هذاكر على قد ما اقدر وان شاء الله اجيب مجموع هندسة بترول وانا اوقات مذاكرتى بتكون بالليل وبالصبح بدرى افضل وقت عندى وربنا يوفقنا جميعا يا رب ونحقق احلامنا

أهلا بيك يا أحمد معانا ، ويارب يكرمك و يكرمنا جميعاً ، و نحقق أحلامنا ان شاء الله ، و عاوزينك تواصل التفوق ، ومن أحسن إلى أحسن ان شاء الله ، و طبعاً مش لازم تلعب فى سنة أولى أو تانية ، لأنى على الأقل هكونوا تدريب ليك فى سنة تالتة ، وكمان دول امتداد طبيعى لسنة تالتة ، خصوصاً لو المناهج متغيرتش هتلاقى المناهج مرتبطة بين ثانية وثالثة ، و هتكمل بعض .
يلا شد حيلك و أقولك "و ما نيل المطالب بالتمنى ولكن تؤخذ الدنيا غلابا " ، و أى حاجة تخطر على بالك تخص التفوق و تحقيق الأحلام، مترددش انك تنشرها معانا عشان كلنا نتشارك و نستفيد ، وتابعنا كمان لعل وعشى يكون أفكار جديدة وتهمك ، و دايما يارب منور الجروب .

bright stars

25-07-2012, 06:22 PM

annoccc

25-07-2012, 07:40 PM

السلام عليكم:احب اشارك معاكم
اسمي:اسماء
داخله المرحله التانيه ومجموعي 96
ومكمله احياء انشاء الله بس نفسي ازيد اتنين في الميه عشان ادخل اسنان وافرح اهلي
يلا ربنا يستر
المهم انا بحب اذاكر بليل عشان الهدوء وكده بس جربت اذاكر الفجر لقيت الموضوع احلي بكتير
طبعا بذاكر اول بأول وبحب احل امتحانات كتير عشان اعرف مستوايا

أهلا بيكى يا أسماء ، منورة الجروب ، ويارب تحققى حلمك ، و تكونى أعظم دكتورة أسنان ، ولو انى معلش أكتر ناس ما حبش أتعامل معاهم هما دكاترة الأسنان ، أصلى ليه ذكريات مش تمام معاهم كلها ألم ، بس و الله كلهم ناس محترمين ، طب هو انتى بتفضلى انى الواحد يعمل كشكول لكل مادة يكتب فيه حلول الأسئلة والامتحانات الي هتقابله ، أصلى دى فكرة جديدة أنا ناوى أطبقها عشان أرجع للكشكول ده فى فترة المراجعات ، ولا انتى شايفة انها فكرة مش مجدية . و كل سنة و انتى وكلنا طيبين و بخير ، وابقى تابعينا .

*تائبة فى رحاب الله*

25-07-2012, 09:41 PM

. ahmed-gamal

25-07-2012, 09:57 PM

هو كلامك فيه حاجة بس مش تمام وهو ان الواحد يستنى يدخل الكلية وبعدين يشوف احلامة
كل واحد من صغرة وهو نفسة يكون حاجة فى دماغة ولما يكبر بيبحث عن المجال اللى هو عاوزة وايه متطلباته
والانسان لازم يحط هدف فى دماغة محدد ولو هو عاوز يحققه هيذاكر بجد ويحققه انما بقى الواحد ميقولش انا فى دماغى كذا طريق ويقول اللى اعرف اجيبة اجيبة لانه كدا مش هيذاكر بجد فهيقول لو ملحقتش الكليه دى فيه كليه اقل منها وكدا مش هنذاكر كويس
هذا مجرد رأى وياريت محدش يزعل لان كل واحد عنده راى

rana rory

25-07-2012, 10:11 PM

Pro Saher Abdel-Aziz

25-07-2012, 10:19 PM

sad nono

25-07-2012, 11:56 PM

~7AMoDA~

26-07-2012, 12:34 AM

الاسم : محمد
جايب 98.3 في تانيه ورايح تالته
نفسي ادخل بترول او هندسه
الحلم المستقبلي : Computer Administrator او Great Hacker
مجرد احلام وربنا يستر,,,

asmaa232

26-07-2012, 01:06 AM

انا داخلة تانية ان شاء الله
وناوية السنة الجاية معملش مشاكل مع حد وابقى مع ربنا دايما
وحلمى إنى أبقى حاجات كتير فى بعض

annoccc

26-07-2012, 01:12 AM

هو ليه كل واحد بيربط احلامه بالكلية اللى هيدخلها
تب لا قدر الله يعنـى محصلش نصيب ومدخلتش الكلية دى هيبقى موقفك ايه؟؟
هتكسل وخلاص نصيب بقى هعمل ايه؟؟ ويدخل اى كلية ويخلص والسلام
أنا لسة راحة تانية ثانوى......لحد والله آخر الترم الاول فى اولى ثانوى
كنت بفكر كدة انى اخلى احلامى متوقفة ع الكلية اللى ان شاء الله هتدخلها
والله حصلت ظروف ومواقف خلتنى افكر بالعكس.......الواحد ممكن يحقق حلمه فى اى وقت خصوصا لو كان ناوى يخدم دينه أو بلده مش منفعة شخصية له

طولت وخرجت برة الموضوع معلش :blush:
أنا فى دماغى كذا حاجة ومتيقنة انى ان شاء الله هحققهم
3 كليات......:d
مرة واحدة وان شاء الله ربنا يعينى وهضمهم ......
مش عاوزة اى حد بعد الكلام ده يعنى يتخلى عن حلمه يبقى فهم غلط...بس متوقفش الحياة كلها عنده بس هو دة الغرض
وفقكم الله.......وكل عام وانتم والامة الاسلامية بخير

هو أولا أهلا بيك ، ومنورانا دايما ،لكن أنا مش عارف انتى بتتكلم عن ايه ، أصلى مش عارف قصدك مرة تقولى ان الواحد مش لازم يربط نفسه بكلية معينة ومرة تانية تقولى أنا فى بالى تلات كليات مع بعض ، لو انتى قصدك ان الواحد ميخليش أمله مرهون بكلية بعنها ، فماشى الكلام ، لكن أنا عاوز أقولك الجروب هنا مش هدفه الحلم فى حد ذاته ، انما الواحد بس يعرفنا هو عاوز يدخل كلية ايه [ وأظن ان كل واحد فينا ليه حلم ، كلية معينة و إالا ما كنش دخل ثانوى و حدد كمان القسم الي عاوز يدخلو أدبى ولا علمى علوم و لا علمى رياضة] ، لكن زى ما قولت تحديد الكلية مش هى الهدف فى حد ذاتها ، انما احنا كأعضاء هنا عاوزين نشوف كل واحد فينا بيذاكر ازاى ، وايه هى آرائه و تطلعاته حول طرق المذاكرة الي عاوز يطبقها ، يعنى احنا هدفنا هنا دراسة الوسيلة الي ممكن نوصل بيها لحلمنا ، و دا بخلينا نتبادل الخبرات و الآراء حول طرق المذاكرة ، عشان الكل يستفيد ويشوف الكل بيذاكر ازاى ، بمعنى اننا نشجع بعض .
أتمنى انى أكون وصلت الفكرة من انشاء الجروب ، وربنا يوفقنا كلنا لما فيه الخير ، وكل سنة وانتوا طيبين .

lolo nice

26-07-2012, 01:20 AM

أنا داخلة تالتة ثانوى و جبت فى تانية 91% كان حلمى أنى أدخل علمى علوم و اجل كلية الطب بس عشان المجموع هدخل ان شاء اللع علمى رياضة فاتجهت لحلم تانى و هو أنى أدخل هندسة أو فنون جميلة ^_^

KhaleD Moustafa

26-07-2012, 01:39 AM

أنا خالد

أدبي .. داخل تآلته

چبت درچة وحشة ف تانية بس

ناوي إن شاء الله أچيب ف تالته 100٪ .. ده حلم

بس إحنا نچتهد وأهي يَ صابت يَ صابت ف أمر المؤمن گلّه خير =)

*تائبة فى رحاب الله*

26-07-2012, 01:42 AM

هو أولا أهلا بيك ، ومنورانا دايما ،لكن أنا مش عارف انتى بتتكلم عن ايه ، أصلى مش عارف قصدك مرة تقولى ان الواحد مش لازم يربط نفسه بكلية معينة ومرة تانية تقولى أنا فى بالى تلات كليات مع بعض ، لو انتى قصدك ان الواحد ميخليش أمله مرهون بكلية بعنها ، فماشى الكلام ، لكن أنا عاوز أقولك الجروب هنا مش هدفه الحلم فى حد ذاته ، انما الواحد بس يعرفنا هو عاوز يدخل كلية ايه [ وأظن ان كل واحد فينا ليه حلم ، كلية معينة و إالا ما كنش دخل ثانوى و حدد كمان القسم الي عاوز يدخلو أدبى ولا علمى علوم و لا علمى رياضة] ، لكن زى ما قولت تحديد الكلية مش هى الهدف فى حد ذاتها ، انما احنا كأعضاء هنا عاوزين نشوف كل واحد فينا بيذاكر ازاى ، وايه هى آرائه و تطلعاته حول طرق المذاكرة الي عاوز يطبقها ، يعنى احنا هدفنا هنا دراسة الوسيلة الي ممكن نوصل بيها لحلمنا ، و دا بخلينا نتبادل الخبرات و الآراء حول طرق المذاكرة ، عشان الكل يستفيد ويشوف الكل بيذاكر ازاى ، بمعنى اننا نشجع بعض .
أتمنى انى أكون وصلت الفكرة من انشاء الجروب ، وربنا يوفقنا كلنا لما فيه الخير ، وكل سنة وانتوا طيبين .

شفت حضرتك فهمت غلط
هو 3 كليات يعنى لو مجبتش مجموع كذا هدخل كذا
لا لا هدخلهم ان شاء الله مع بعض ازاى مش عارفة بس ان شاء الله هيحصل
يعنـــــى لا قدرالله لو حضرتك مدخلتش هندسة بترول
بس ان شاء الله تدخلها
هيكون موقفك ايه؟؟
اللى لا حظته ان اكتر الناس بتدور ع الكليات اللى فيها تعيين او وظائف متاحة
ملقتش حد انا داخل كدذا حب فى العلم دة........هو دة الغرض من ردى

عموما كل واحد له فكره الخاص به وربنا يارب يوفقكم وتدخلوا الكليات اللى انتم عاوزينها
محدش يدعـــى عليا او يحبط:rolleyes:

asmaa232

26-07-2012, 01:50 AM

شفت حضرتك فهمت غلط
هو 3 كليات يعنى لو مجبتش مجموع كذا هدخل كذا
لا لا هدخلهم ان شاء الله مع بعض ازاى مش عارفة بس ان شاء الله هيحصل
يعنـــــى لا قدرالله لو حضرتك مدخلتش هندسة بترول
بس ان شاء الله تدخلها
هيكون موقفك ايه؟؟
اللى لا حظته ان اكتر الناس بتدور ع الكليات اللى فيها تعيين او وظائف متاحة
ملقتش حد انا داخل كدذا حب فى العلم دة........هو دة الغرض من ردى

عموما كل واحد له فكره الخاص به وربنا يارب يوفقكم وتدخلوا الكليات اللى انتم عاوزينها
محدش يدعـــى عليا او يحبط:rolleyes:

رفيدة ماشاء الله عليكى انا كمان والله نفسى أدخل كليتين بس أخلص واحدة وأدخل ع التانية فاهمانى

*تائبة فى رحاب الله*

26-07-2012, 02:12 AM

رفيدة ماشاء الله عليكى انا كمان والله نفسى أدخل كليتين بس أخلص واحدة وأدخل ع التانية فاهمانى

أنا دلوقتى بخلص فى اتنين بس فى واحدة لازم اكملها اساسى
والتالتة غصب...وتسلط
والاولى تبعى وبحاول بس انتى ادعيلى
هو انتى بتفكرى فى اللى انا بفكر فيه؟؟:p
كويس والله يااسماء على الاقل نساعد بعض
بالتوفيق

asmaa232

26-07-2012, 02:35 AM

أنا دلوقتى بخلص فى اتنين بس فى واحدة لازم اكملها اساسى
والتالتة غصب...وتسلط
والاولى تبعى وبحاول بس انتى ادعيلى
هو انتى بتفكرى فى اللى انا بفكر فيه؟؟:p
كويس والله يااسماء على الاقل نساعد بعض
بالتوفيق

اممممم دلوقتى ازاى يعنى ؟؟

bright stars

26-07-2012, 03:07 AM

أهلا بيكى يا أسماء ، منورة الجروب ، ويارب تحققى حلمك ، و تكونى أعظم دكتورة أسنان ، ولو انى معلش أكتر ناس ما حبش أتعامل معاهم هما دكاترة الأسنان ، أصلى ليه ذكريات مش تمام معاهم كلها ألم ، بس و الله كلهم ناس محترمين ، طب هو انتى بتفضلى انى الواحد يعمل كشكول لكل مادة يكتب فيه حلول الأسئلة والامتحانات الي هتقابله ، أصلى دى فكرة جديدة أنا ناوى أطبقها عشان أرجع للكشكول ده فى فترة المراجعات ، ولا انتى شايفة انها فكرة مش مجدية . و كل سنة و انتى وكلنا طيبين و بخير ، وابقى تابعينا .

مبسوطه انكم قبلتوني بالنسبه لدكاترة الاسنان ففيهم الحلو والوحش كل الناس كده بس انت حظك وقعت بين ايد دكتور كويس حبتين زياده.......هههههههه يلا ربنا معانا بس انا مش هكون كده انا ليامخططات ربنا يعني عليها

اما بالنسبه للكشكول فهيه فكره كويسه ومش كويسه يعني احنا هنحل ونرجع نشوف الحل دا كويس بس اللي مش كويس ان المفروض الوقت اللي هتقضيه في قراية المحلول الاحسن تحل فيه جديد:rolleyes:
بسسسسسسسسس انا عندي فكره حلوه:028ja7:
اولا هاخد مثال وهو الانجلش
في الحصه هناخد كلمات وجرامر لما نروح البيت هنذاكره ونحل عليه............1
الحصه اللي بعديها نحله مع المدرس او هياخده يصححه في كلا الحالتين كده اتـكدنا ان الحل صح مثلافلما نيجي نذاكر تاني قبل اي حاجه نراجع اللي حليناه ده مره واحده............2
الطبيعي عندي ان كل نهاية اسبوع بالكتير اوي اسبوعين لازم اختبار شامل يعني علي كل اللي اخدته واحنا بنراجع للامتحان ده نفتح الكشكول اللي احنا كنا حلين فيه ونراجع مع العلم اننا مراجعينه مره قبل كده ونركز علي اللي كنا غلطانين فيه.........3
بكده مش هنحتاج نرجع للكشكول ده تاني الالوقت اللزوم وده تقريبا مش هيحصل لاننا هنحل اكتر واكتر والاسئله دي هتتكرر كتير وبكده قدرنا نحصل اكتر ونثبت المعلومات اكتر وده هيفيد في وقت المراجعات بكتيييييييييييييييييييييييير

يارب متكونوش مليتوا مني واستفادتم كمان وتقبلو رأيي الخاص مع احترام كل الاراء

*(amera)*

26-07-2012, 04:02 AM

اسمى اميرة

طالعة تانية ثانوى

نفسى ادخل كلية هندسه لكن فيه عوائق انى ادخلها
يعنى باذن الله اذا جبت درجتها مش هدخلها ((للاسف))
لاسباب مافيش داعى ان اقولها:(

لكن ناوية ان شاء الله على تربية قسم رياضيات

بالنسبه لاوقات المذاكره بحب اذاكر بليل او بعد الفجر لحد الضهر
بس هحاول ابعد عن بليل((رغم ان الدنيا بتبقى هدوء ))
لأن فيه مدرس قالنا بلاش مذاكره بليل علشان لو اتعودنا عليها وفضلنا كده لحد الامتحانات
يبقى هنروح الامتحان مطبقين ومش هنعرف نحل

بفضل اذاكر الدروس اول بأول واخصص يوم فى الاسبوع لمراجعة القديم

!! Dark Man !!

26-07-2012, 08:54 AM

انا اسمي اسلام وداخل 2 ث ان شاء الله
ونفسي ادخل طب جراحة قلب وحلمي اني اساعد الفقراء والناس الغلابة وابسطهم واخلي البسمة في عيونهم وابقي زي الدكتور مجدي يعقوب
بالنسبة للمذاكرة انا بحب اذاكر الصبح عشان الذهن بيكون نشيط سعتها لكن بصحي متاخر للاسف
والمذاكرة عندي بسيطة اذاكر ساعة ولا حاجة واكمل الباقي ع النت وبرغم كده بجيب درجات عالية مش عارف ازاي بقا ههههههههه

annoccc

26-07-2012, 01:42 PM

annoccc

26-07-2012, 01:50 PM

انا رنا
طالبه فى تالته ثانوى علملى علوم
حلمى انى ادخل صيدله
بحب ازاكر على السرير جدا معرفش ليه
و الحمدلله منظمه و بذاكر على طول اللى بخده اول باول
:bosyht9:
و بذاكر بللللللليل و فى هدوء تام

يا أهلا بيك يا رنا معانا ، ونورة دايما الجروب ، بس ايه موضوع المذاكرة على السرير ده ، طيب هتعملى ايه لما يجى الشتا ، والدنيا برد وبتكتكى ، وانتى بتذاكرى عالسرير و طبعاً الشيطان مش هيسيبك فى حالك ، ويقولك مش شايفه البطانية ناعمة ازاي ادفى يا شيخة ادفى ، وبعدين يقولك هى جات من ليلة نامى واحلمى ، وانا هصحيكى على الفجر ، تبصى تلاقى الصبح صبح ، وتضيع عليك الليلة ، و دا أكيد كل ليله ، لا عاوزينك تصحى عشان مضيعيش ليالى كتيرة ، دا السرير هو العدو الأول للطالب ، فاحذرى

و تمنياتى لكى ولكل الموجودين بالتوفيق ، وكل سنة وانتم طيبين .

annoccc

26-07-2012, 01:52 PM

يلا يا جماعة عاوزين اقتراحتكم بشأن طرق المذاكرة التى ستتبعونها لتحقيق أحلامكم ، وليس فقط مجرد عرض لهذه الأحلام .
و يارب يوفقكم جميعا و أنا وياكم لتحقيق احلامنا ، ان شاء الله

annoccc

26-07-2012, 02:01 PM

انا اسمي نهى .. ورايحة 3 ثانوي ..
جبت في تانية 96.8 ... وانا مظلومة في 3 درجات ربنا ينتقم منهم " حسبي الله ونعم الوكيل (http://thanwya.com/vb/showthread.php?t=445392) "

حلم حياتي اني ادخل طب اسنان وحاليا بفكر في طب ...
بس زي ما قلت دا حلم وتفكيييير يعني في الخيااااال .....
انا عندي يقين ان ربنا ان شاء الله مش هيضيع تعبي ومش هيضيع حقي لان بجد حرقة الظلم وحشة اووووي
ان شاء الله ناوية اشد حيلي اووووووي في تالتة وربنا هو المعين بقااا ....
انا كان عندي احياء في تانية وناس كتير قالتلي ان الكيمياء حلوة مع الفيزياء هتبقا اسهل من الاحياء
ودا كان حافز ليا اني استرجع الامل بعد ما شفت ورق الاحياء والجبر وأدركت الظلم البيــن اللي في ورقي ...
مع يقيني ان ربنا مش هيضيع حقي ان شاء الله اكييد هعرف ... " دعواتكوا بقا " ....

الاسم : محمد
جايب 98.3 في تانيه ورايح تالته
نفسي ادخل بترول او هندسه
الحلم المستقبلي : Computer administrator او great hacker
مجرد احلام وربنا يستر,,,

انا داخلة تانية ان شاء الله
وناوية السنة الجاية معملش مشاكل مع حد وابقى مع ربنا دايما
وحلمى إنى أبقى حاجات كتير فى بعض

أهلا بيكم يا نهى ومحمد وأسماء معانا فى جروب المتفوقين ، ويارب يحقق كل احلامكن ، بس المهم انكم متكسلوش و تذاكروا بجد ، و يا نهى ربنا يكرمك فى التظلم ، و ان شاء الله ربنا هينصفك ، وتحققى حلمك .
لكن أنا عاوز منكم انكم تقولولنا ايه هى الطرق الي انتوا هتذاكرو بيه ، يعنى شكل يو مكم هيبقى عامل ازاى ، و ربنا يوفقنا كلنا ، وكل سنة وانتوا طيبين .

asmaa232

26-07-2012, 02:05 PM

انا بإذن الله لما أبدأ دروس هظبط نفسى على أساسها يعنى عشان المواعيد والمزاكرة اما بالليل او بالنهار وكدا دا كله متوقف ع مواعيد الدروس

annoccc

26-07-2012, 02:44 PM

أنا داخلة تالتة ثانوى و جبت فى تانية 91% كان حلمى أنى أدخل علمى علوم و اجل كلية الطب بس عشان المجموع هدخل ان شاء اللع علمى رياضة فاتجهت لحلم تانى و هو أنى أدخل هندسة أو فنون جميلة ^_^

ربنا يوفقك ، وشد حيلك فى رياضة ، لازم تذاكر بجد ، ممكن تقولنا ازاى هتنظم وقتك فى المذاكرة ، و ايه الذى ممكن تعمله لتلافى الأخطاء التى عملتها من السنة الفاتت ، عشان تذاكر أكتر و تجيب مجموع أعلى باذن الله .

وربنا يوفقك و يوفقنا ، وكل سنة و انتم بالصحة والسلامة

bright stars

26-07-2012, 04:11 PM

أهلا بيكم يا نهى ومحمد وأسماء معانا فى جروب المتفوقين ، ويارب يحقق كل احلامكن ، بس المهم انكم متكسلوش و تذاكروا بجد ، و يا نهى ربنا يكرمك فى التظلم ، و ان شاء الله ربنا هينصفك ، وتحققى حلمك .
لكن أنا عاوز منكم انكم تقولولنا ايه هى الطرق الي انتوا هتذاكرو بيه ، يعنى شكل يو مكم هيبقى عامل ازاى ، و ربنا يوفقنا كلنا ، وكل سنة وانتوا طيبين .

اليوم ده هيبقي علي حسب الدروس والمواعيد لما نبدأ هقولكم:friendsxs3:

تغريد الطيور

26-07-2012, 04:13 PM

bright stars

26-07-2012, 04:16 PM

برافو عليكي يانور يلا ياجماعه كلو يدخل عاوزين نبقي جروب كبير وايد واحده ونستفيد من بعض
وطبعا نور في الخدمه........هههههههه.....تدبيسه بقي
وانا كمان في الخدمه

Pro Saher Abdel-Aziz

26-07-2012, 04:20 PM

احلى حاجة فعلا لما تستفيد من اللى عدى المرحلة ديه قبلك
خبرة بردوه:d

!! Dark Man !!

26-07-2012, 07:44 PM

ما شاء الله عليكي يا نور
ربنا يوفقك ونشوفك مهندسة قد الدنيا :))

lolo nice

27-07-2012, 12:04 AM

ربنا يوفقك ، وشد حيلك فى رياضة ، لازم تذاكر بجد ، ممكن تقولنا ازاى هتنظم وقتك فى المذاكرة ، و ايه الذى ممكن تعمله لتلافى الأخطاء التى عملتها من السنة الفاتت ، عشان تذاكر أكتر و تجيب مجموع أعلى باذن الله .

وربنا يوفقك و يوفقنا ، وكل سنة و انتم بالصحة والسلامة

شكرا على ردك و بالنسبة ازاى هنظم وقتى انا الصراحة فى تانية كان وقتى متلخبط يعنى مفيش وقت معين بذاكر فيه بس المهم انى كل ما اجى من الدرس اذاكر اللى اخدته و اعمل الواجب بس انا بقى ان شاء الله السنادى هبدأمذاكرتى من الفجر لحد الظهر و انام شوية و بعد كدا اصحى و اكمل مذاكرة و بعدين انا كنت فاهمة دايما ان المذاكرة بتخلص و لما كنت بتعب من المذاكرة كنت بوقف ... بس فعلا اللى بيساعدنا على المذاكرة أكتر و اللى بيشجعنا دايما بجد هما الصحبة الطيبة .. بجد و الله هما اللى بيشجعونى على الصلاة و عبادة ربنا و فى المذاكرة كمان:039uw8:
بالمناسبة أنا بنت مش ولد :bosyht9:
و احب اشكرك جدا جدا على الموضوع الرائع و ربنا يوفقنا جميعا فى السنة الجديدة أمييين

annoccc

27-07-2012, 08:09 PM

السلام عليكم ..

ما شاء الله فكرة جمييلة جدا و احب اشارك بعد اذنكم

انا داخلة تالتة ثانوى علمى رياضة ان شاء الله و جايبة 99.3 الحمد لله و نفسى ادخل هندسة عمارة او مدنى و نفسى ابقى محفظة قران

و ان شاء الله لما اخلص تالتة ثانوى عايزة ااخد كورسات انجلش و كمبيوتر و طبعا ال icdl

******

تقريبا انا اكبر واحدة هنا ف انا يعنى هانصحكوا شوية نصايح لعلكوا تستفيدوا بيها

بصوا اول حاجة لازم قبل ما تدخلوا ثانوية عامة تحطوا قدامكوا حلم واحد ثااااابت و تمشوا عليا مش مثلا تذاكروا تذكروا و تجيبوا مجموع عادى ف تدخلوا علمى رياضة عشان هندسة بتاخد من قليل و لو جبتوا عالى تدخلو علوم عشان طب و الكلام دا .. لا خلوا هدفكوا واحد و تسيروا عليه و طبعا زى ما قالت حبيبتى تائبة مش العبرة ف الكلية اللى هاتدهلها لا ممكن تدخل كلية انت مش عاوزها و سبحان الله تلاقى نفسك ممتاز فيها و يمكن كمان تطلع معيد فيها

اولا بالنسبة للدراسة انا اول حاجة بنصحكوا بيها الاهتمام بالصلاة و ياريت ماتفوتوش ركعة و الله دى سبب توفيق ربنا انا مش بقول كلام و بس و الله دا كلام حقيقى

تانى حاجة ياريت ماتسبوش قراءة القران و لو حتى كل يوم ااية دا اكبر سبب للتوفيق

و تالت حاجة .. لااااااااااازم تعيدوا النظرة ف اصدقائكوا و الله بيضيعوا جدااااااا و ياريت تصاحبوا اللى اكثر منكوا ف المستوى عشان يبقوا كمنافس ليكوا و ياما عرفت نااس كانوا متفوقين و ضاعوا بسبب اصدقائهم يارب ماتكونوش منهم

********

و لو اى حد عندوا مشكلة ف اى مادة انا ف الخدمة على طووووول :)

أهلا منورة دايما يا نور الايمان ، ويارب يحقق لكى كل أحلامك ، بس أنا شايف انى الهندسة مش ملائمة للبنات يعنى و خصوصاً مدنى يعنى هتبقى وسط الزلط والطوب والرمل ، وخصوصاً لو كنتى هتبنى فى المدن الجديدة يعنى وسط الصحرا و الحر الشديد ، دا غير انك لازم هتتعاملى مع مقاولين وعمال ، ولازم صوتك يعلى عشان تنبهى دا وتصحى دا ، و تخلى دا يشوف شغله و كدة يعنى ، و بالتالى دى شغلانة كلها جهد و تعب ومشقة متناسبش البنات الحلوين و طبيعتهم الرقيقة . لكن أنا نا قولتش انى البنات ماليهمش أى دور ، لا دا ليهم أحسن دور فى الحياة ، ودا مجرد رأى , اتمنى انك تتقبليه اما بالنقد أو الاقتناع ، ويارب يحقق لكى حلمك فيما يرضاه الله عنا ، وطبعا بالنسة للقران الكريم فيارب يكرمك وتمى حفظه وتلاوته حق تلاوته والعمل به وتعليمه للمسلمين ، نسأل الله لكى ولنا و لكافة المسلمين هذا .
و يارب دايما معانا ، وكل سنة و انتم طيبن .

annoccc

27-07-2012, 08:13 PM

شكرا على ردك و بالنسبة ازاى هنظم وقتى انا الصراحة فى تانية كان وقتى متلخبط يعنى مفيش وقت معين بذاكر فيه بس المهم انى كل ما اجى من الدرس اذاكر اللى اخدته و اعمل الواجب بس انا بقى ان شاء الله السنادى هبدأمذاكرتى من الفجر لحد الظهر و انام شوية و بعد كدا اصحى و اكمل مذاكرة و بعدين انا كنت فاهمة دايما ان المذاكرة بتخلص و لما كنت بتعب من المذاكرة كنت بوقف ... بس فعلا اللى بيساعدنا على المذاكرة أكتر و اللى بيشجعنا دايما بجد هما الصحبة الطيبة .. بجد و الله هما اللى بيشجعونى على الصلاة و عبادة ربنا و فى المذاكرة كمان:039uw8:
بالمناسبة أنا بنت مش ولد :bosyht9:
و احب اشكرك جدا جدا على الموضوع الرائع و ربنا يوفقنا جميعا فى السنة الجديدة أمييين

يا لولو انتى أجدع البنات ، و ياريت ما تأخذيناش على سوء الفهم الي حصل معايا ، و يارب دايما منورانا وسامعين صوتك ، وأنا أشكرك على رأيك و تعليقك الجميل دة ، يارب يوفقك و يوفقنا ونحقق كل أحلامنا فى ما يرضاه ربنا عنا .

طالبةُ التفوقِ

27-07-2012, 11:06 PM

طالبةُ التفوقِ

27-07-2012, 11:10 PM

annoccc

27-07-2012, 11:48 PM

أهلا بيكم كلكم منورين الجروب والله ربنا يوفقكم يارب جميعاً
أنا آلاء داخلة تانية ثانوى علمى علوم ان شاء الله نفسى أدخل صيدلة
وحلمى بقى انى اعرف اذاكر عشان احقق الكلية ايلى انا عايزاها لانى مش بعرف اقعد ع الكتاب فترة خالص ادعولى وياريت هنا نشجع بعض ان شاء الله ونساعد بعض :)

يا آلاء أهلا بيكى معانا فى جروب المتفوقين ،و يارب نشوفك أكبر صيدلانية فى العالم ، وتزلزلى الدنيا كلها باكتشافاتك واختراعاتك فى الأدوية ، أهم حاجة عشان تقعدى على الكتاب فترة أطول انك أولا تتوكلى على الله سبحانه وتعالى ، و تقرى ورد قرآن يومي قبل المذاكرة ، وكمان متنيش أدعية الاستذكار الافتتاحية ، و بعدين لازم تتخلصى من كل حاجة ممكن تشغليك يعنى بلاش تلفزيون، و بلاش جو المجاملات بين الأصحاب و الأقارب الزايد عن اللزوم ، يعنى بقولك مفيش داعى لأى حاجة فيها شغف وبتحبيها ، متخليش فى ذهنك غير عبادة ربنا سبحانه وتعالى ، وبعدين حب الكتب والمذاكرة ، لازم يحصل عندك نوع من الاشتياق للمواد نفسك ترجعيلها بعد ما تخلصى حاجة وراكى ، عشان تكملى ، مثلا يبقى عندك شغف انك تحلى مسألة رياضيات ، أو تحفظى كلمة فرنساى أو أى لغة تانية .
يعنى لازم تدربى نفسك على شغف الاستذكار ، وربنا يوفقك وتحققى حلمك ، ويوفقنا معاكى .
و كل سنة وانتم طيبين .

احمدالمدريدي

28-07-2012, 01:19 AM

annoccc

28-07-2012, 01:07 PM

يلا جماعة عاوزين آراءكم حول طرق المذاكرة ، و ازاى هتحققوا حلمكم .
:romarioxp6::av4056bb7jp3::022yb4::av4056bb7jp3::0 22yb4::av4056bb7jp3:

annoccc

28-07-2012, 01:08 PM

انا اسمي احمد ثانيا انا داخل اولي ثانوي وجبت في اعدادي 95.33
الحلم هو دخول كلية الهندسة
طريقة المذاكرة لانني كنت في مدرسة ومنتكش باخد دروس فكنت بذاكر من الساعة تلاتة للساعة 11 ونصف ولو حاجة وقعت مني في اي مادة في ايام الدراسة بروح اخدها في الويك اند و اهم حاجة في طريقة المذاكرة هو عدم التسويف للغد لانه الواحد ميعرفش ايه اللي هيحصله في الغد من انشغلات ويرجع قبل الامتحان بفترة يقول ياريتني ذاكرت من الاول
وباشكرك جدا يا صاحب الموضوع علي فتحك نافذة حوار للجميع حتي يستفيد الكل من تجارب الاخرين

أهلا بيك معانا يا أحمد ، و يارب نشوفك كدة أعظم مهندس فى الدنيا كلها ، بس عاوزين نعرف انتا هتواصل على انك متخدش دروس فى الثانوية العامة ، و أنا معاك ان الواحد مش لازم يتمنى لأن التمنى والتسويف من عمل الشيطان و مش لازم نسمع لوساوس الشيطان ، الطالب يجب أن يؤمن بالمقولة القائلة " لا تؤجل عمل اليوم إلى الغد " ، و على فكرة الرنج بتاعك فى المذاكرة ممتاز وياريت تحافظ عليه او تزوده كمان ، ويارب دايما سامعين صوتك معانا ، و كل سنة وانتم طيبن .
و السلام عليكم ورحمة الله و بركاته

annoccc

28-07-2012, 02:02 PM

انا قرأت ان لازم الواحد يذاكر فى جو مناسب من الضوء ، و أن أفضل ضوء مناسب للاستذكار هو ضوء اللمبة النيون

احمدالمدريدي

28-07-2012, 02:53 PM

أهلا بيك معانا يا أحمد ، و يارب نشوفك كدة أعظم مهندس فى الدنيا كلها ، بس عاوزين نعرف انتا هتواصل على انك متخدش دروس فى الثانوية العامة ، و أنا معاك ان الواحد مش لازم يتمنى لأن التمنى والتسويف من عمل الشيطان و مش لازم نسمع لوساوس الشيطان ، الطالب يجب أن يؤمن بالمقولة القائلة " لا تؤجل عمل اليوم إلى الغد " ، و على فكرة الرنج بتاعك فى المذاكرة ممتاز وياريت تحافظ عليه او تزوده كمان ، ويارب دايما سامعين صوتك معانا ، و كل سنة وانتم طيبن .
و السلام عليكم ورحمة الله و بركاته

بخصوص الدروس الخصوصية اكيد هاخد في تالتة ثانوي اما بالنسبة لاولي ثانوي باذن الله هحاول اعتمد علي ربنا وعلي المدرس في المدرسة لكن في تانية ثانوي ممكن اضطر اخد دروس في بعض المواد او في معظمها لكن في الشهادة لازم كده او كده تخد دروس عشان ده تحديد مستقبل

annoccc

28-07-2012, 03:04 PM

كل سنة وانتو طيبن يا اخوانى و أخواتى :-
فيه حاجات مهمة عشان نقدر نوفر جو مناسب للمذاكرة ، يعنى مثلا لازم الطالب يفضى دماغه من كل الي بيشغلها ، ميخليش قدامه غير طريق التفوق ، أصلى أنا ملاحظ ان الواحد يجى يذاكر و يقعد على الكتاب ، و لما تيجى أى حاجة تشغله زى رنة تلفون من واحد من أصحابه يقولو تعالى نلعب مطش كورة أو نروح مشوار ، أو حتى يقولو كلمنى على الفيس ، كل ده يخليه يسيب الكتاب ، ويبدأ الشيطان يوسوس له ياعم لسة السنة طويلة ماجتش من يوم يعنى ، الحق المطش هيفوتك ، ولا المشوار دة مهم ، ولا يقولك متخش شوية عالنت شوف أصحابك كاتبين ايه ، أو التعليقات الجديدة الي كتبها أصحابك على التوبك بتاعك ، المهم يعقد يلهنا مرة ورا مرة لغاية متتراكم علينا الدروس ، ونبص نلاقى أنفسنا مش قادرين نعمل حاجة .

عشان كدة أنا بقولك فضى دماغك و أنا رأيى اقفل تلفونك قبل ما تذاكر عشان محدش يلهيك عن مذاكرة دروسك .
و ربنا يوفقنا كلنا لما يحبه الله ويرضاه ، والسلام عليكم ورحمة الله وبركاته .

annoccc

29-07-2012, 01:18 AM

يلا يا أعضاء يا كرام ، محدش عنده رأي ممكن يفدنا بيه كلنا عشان نخلى المذاكرة أسهل و أكثر فاعلية ، بالله عليكم متبخلوس ، وربنا يوفقنا كلنا ان شاء الله .

تغريد الطيور

29-07-2012, 11:53 AM

برافو عليكي يانور يلا ياجماعه كلو يدخل عاوزين نبقي جروب كبير وايد واحده ونستفيد من بعض
وطبعا نور في الخدمه........هههههههه.....تدبيسه بقي
وانا كمان في الخدمه

هههههههههههههههههههه بتدبسينى يا هاانم :d

ماشى ماشى حسابنا بعدين :d

انتو تؤمروا و الله انا فعلا ف الخدمة لكن انا للاسف ظروفى ماتسمحش انى اقعد كتير ع النت ... اى مادة مش عارفين تذاكروها قولولى و انا انصحكم ازااى تذاكروها :)

ما شاء الله عليكي يا نور
ربنا يوفقك ونشوفك مهندسة قد الدنيا :))

ربنا يكرم حضرتك و الله انا بقول ما شاء الله ع الناس اللى انا مش زيهم و اشطر منى بكتييييير لكن انا ولا حاجة و الله و حضرتك اشطر منى الااااااااف المرات

يارب اكون عند حسن ظنكوا يارب :)

أهلا منورة دايما يا نور الايمان ، ويارب يحقق لكى كل أحلامك ، بس أنا شايف انى الهندسة مش ملائمة للبنات يعنى و خصوصاً مدنى يعنى هتبقى وسط الزلط والطوب والرمل ، وخصوصاً لو كنتى هتبنى فى المدن الجديدة يعنى وسط الصحرا و الحر الشديد ، دا غير انك لازم هتتعاملى مع مقاولين وعمال ، ولازم صوتك يعلى عشان تنبهى دا وتصحى دا ، و تخلى دا يشوف شغله و كدة يعنى ، و بالتالى دى شغلانة كلها جهد و تعب ومشقة متناسبش البنات الحلوين و طبيعتهم الرقيقة . لكن أنا نا قولتش انى البنات ماليهمش أى دور ، لا دا ليهم أحسن دور فى الحياة ، ودا مجرد رأى , اتمنى انك تتقبليه اما بالنقد أو الاقتناع ، ويارب يحقق لكى حلمك فيما يرضاه الله عنا ، وطبعا بالنسة للقران الكريم فيارب يكرمك وتمى حفظه وتلاوته حق تلاوته والعمل به وتعليمه للمسلمين ، نسأل الله لكى ولنا و لكافة المسلمين هذا .

و يارب دايما معانا ، وكل سنة و انتم طيبن .

اللهم اااامييييين يارب

طبعا راى سليييم جدا بخصوص مدنى بس دا مش هادف اساسى يعنى انا عندى عمارة لو ربنا كرمنى و طلعت من ال20 الاوائل ع الدفعة هالاقى تعيين على طوول و فى قراباتنا بناات اشتغلوا ف الخبرا اللى بتقدمها وزارة العدل .. لكن انا اخو صحبتى كان ف مدنى و حاليا بيشتغل ف مكتب مش ف وسط العمال .. على حد علمى ان مدنى ليه قسمين واحد انك تقف مع العمااال و كدا و التانى انك تقعد ف المكتب و انت اللى تحدد اساسيات البناء و الاسمنت و الحديد ... الخ و عمارة بقى انا اللى اصمم شكل المبنى و الغرف اللى فيه و لفة البلكونة و كدا و عموما انا بموووووووت ف الرسم

لكن انا بقول اذا عجبنى الباب بتاع الكهربية اللى ف الفيزيا ممكن افكر ادخل كهربا فيها مجالات للشغل كتييرة .. و ف الاول و ف الاخر لااااااااااااااازم ادخل اللى انا احبه و اللى مقتنعة بيه

معلش طولت ..

:blush:

فراشة 44

29-07-2012, 01:31 PM

annoccc

29-07-2012, 11:18 PM

انا اسمي مريم
كنت في ثانية ثانوي
وجبت 96.3% ومحتارة اكمل ايه مع التنسيق العالي ده :mellow:
انا كنت بحب اذاكر اووووي بالليل
وده لان البيت كله بيبقى ناااااايم ;)
احسن وقت كنت بركز فيه من الساعه 1 بالليل لحد قبل الفجر كده
وبعدين كنت بصلي الفجر وانام
دي كانت طرقتي :d
وربنا يوفقنا كلنا السنه الجايه ياااااااااااااارب
اهلا بيكى معانا يا مريم ، بس مش شايفة ان الوقت من الساعة 1 لغاية قبل الفجر دا وقت قليل ، يعنى 3 ساعات تقريباً ، دا وقت قليل جدا ، عالعموم ربنا يوفقك ويحقق حلمك ، ويوفقنا جميعاً و يحقق أحلامنا فيما يرضاه الله عنا ، و بخصوص القسم الى ممكن تكملى عليه ، فلو انتى حابة تدخلى صيدلة فكملى على بركة الله ، وشد حيلك جامد و ربنا يوفقك ، لكن لو ميالة لرياضة ، وعاوزة تدخلى كلية هندسة أو حاسبات ومعلومات فادخلى رياضة ودا هيديك فرصة أكبر . و قبل أى حاجة صلى صلاة الاستخارة ، و ربنا يهديك لما فيه الخير و الصلاح .
و السلام عليكم ورحمة الله وبركاته .

lolo nice

30-07-2012, 09:19 PM

يا لولو انتى أجدع البنات ، و ياريت ما تأخذيناش على سوء الفهم الي حصل معايا ، و يارب دايما منورانا وسامعين صوتك ، وأنا أشكرك على رأيك و تعليقك الجميل دة ، يارب يوفقك و يوفقنا ونحقق كل أحلامنا فى ما يرضاه ربنا عنا .

ههههههههههه عادى عادى و لا يهمك و أحب اشكرك مرة تانية على الموضوع الجميل و جزاك الله خيرا

فراشة 44

30-07-2012, 10:30 PM

اهلا بيكى معانا يا مريم ، بس مش شايفة ان الوقت من الساعة 1 لغاية قبل الفجر دا وقت قليل ، يعنى 3 ساعات تقريباً ، دا وقت قليل جدا ، عالعموم ربنا يوفقك ويحقق حلمك ، ويوفقنا جميعاً و يحقق أحلامنا فيما يرضاه الله عنا ، و بخصوص القسم الى ممكن تكملى عليه ، فلو انتى حابة تدخلى صيدلة فكملى على بركة الله ، وشد حيلك جامد و ربنا يوفقك ، لكن لو ميالة لرياضة ، وعاوزة تدخلى كلية هندسة أو حاسبات ومعلومات فادخلى رياضة ودا هيديك فرصة أكبر . و قبل أى حاجة صلى صلاة الاستخارة ، و ربنا يهديك لما فيه الخير و الصلاح .
و السلام عليكم ورحمة الله وبركاته .

ده كان في اول الدراسه لما قربنا على الامتحانات كنت بذاكر من 1 لحد الساعه 6 الصبح تقريبا
بس ان شاء الله السنه الجاية الجهد لازم يبقى مضاعف علشان افرح وافرح اهلي باذن الله

اما بخصوص الميول فانا والله كنت مقررة من البدايه علمي علوم بس بعد ما شفت تنسيق السنه دي خفت جدااااااااا وقررت اني اصلي استخارة وارجع عن قراري لحد ما ربنا يهديني للي فيه الخير

ربنا يكرمك ع الدعاء بجد :)
ولك بالمثل ان شاء الله

بس ياريت تدعلي ان ربنا يهديني للي فيه الخير ليا
سوا كان علمي علوم او رياضه

annoccc

05-08-2012, 02:25 AM

علينا أن نكون أو لا نكون ، يلا يا جماعة اكتبوا مقترحاتكم حول طرق التفوق و كيف يمكن اننا نحقق أحلامنا ، يعنى ازاى ممكن نذاكر ، وطرق الاستذكار الي بتحبوا تتبعوها ، و كل حاجة نفسكم تقولوها بخصوص أحلامكم .
يلا مستيين ردودكم وآراءكم حول الموضوع دا ، وكل سنة وانتو طيبين .

eng.emy ahmed

23-08-2012, 07:20 AM

لى عودة ان شاء الله معاكو

nena lelo

23-08-2012, 09:20 PM

السلام عليكم

انا اسمى نورهان و انا جديدة فى المنتدى يعنى دى اول مشاركة ليا
اصل انا عجبتنى فكرة التوبيك و حبيت اشارك
انا ان شاء الله رايحة تانية ثانوى و اخترت علمى رياضة
و نفسى اكون مهندسة

عبد المقصود مصطفى

22-03-2013, 12:38 AM

انا طالب بالاصف الاول الثانوى حلمى ان اكون طبيب اسنان ان شاء الله بس انا مبقدرشى اقعد على الكتاب كتتتيير اعمل ايه ساعدونى

Alyaa Dfnany

22-03-2013, 03:05 PM

احييكم على الجروب الجميل ده .

وربنا يوفقنا يارب .

اسمى / علياء

الشعبة / ادبى

حاليا فى تالتة ثانوى .

ونفسى ادخل كلية السن او اثار . ويارب التنسيق ينزل السنة دى .

بالتوفيق للجميع .

عبد المقصود مصطفى

23-03-2013, 01:54 PM

حد يساعدنى

Alyaa Dfnany

23-03-2013, 04:50 PM

حد يساعدنى

حاول تفتكر حلمك .

و اسعى ليه و ذاكر اكتر .

اقرا ادعية قبل المذاكرة و بعدها .. ادعى ربنا سبحانه يهديك و تقدر تقعد وقت اطول على الكتاب .

ولو عندك مذكرة فى المواد ذاكر منها لانه ده حيسهل المذاكرة ان شاء الله .

وفى اوقات للمذاكرة حاول الاستفادة منها .

ويارب اكون افدتك . :)

وفيه موضوعات هنا فى القسم حاول الاستفادة منها عن المذاكرة . :)

عبد المقصود مصطفى

23-03-2013, 05:59 PM

انا بدى اتشكرك ويا ريت حدا يفدنى تانى

Bassant222

23-03-2013, 09:42 PM

annoccc

23-03-2013, 11:50 PM

انا طالب بالاصف الاول الثانوى حلمى ان اكون طبيب اسنان ان شاء الله بس انا مبقدرشى اقعد على الكتاب كتتتيير اعمل ايه ساعدونى

حد يساعدنى

انا بدى اتشكرك ويا ريت حدا يفدنى تانى

أهلا بيك معانا يا عبد المقصود ، يارب يوفقك و نشوفك دكتور اسنان كبير بس تكون مهاود شوية فى الفيزتا بتاعة الكشف .
ههههههههه أنا بضحك معاك .
المهم بالنسة لحتة انك مش قادر تقعد على الكتاب كتير فزى ما قالتلك الاخت "Alyaa Dfnany" لازم تفتكر حلمك علطول ، بمعنى هات مثلا شوية قصاصات ورق ملون أو عادى و أكتب فى كل واحدة طبيب أسنان ، او رسمة ضرس مثلا أو اكتب اسم شخص قدوة ليك فى هذا الحلم زى باباك مثلا أو عمك أو أخوك ، المهم كل ورقة من دول تخليها فى أقرب مكان لعينك قدامك على المكتب مثلا أو عالسرير فى الجهة المقابلة ليك أو على الحيطة أو على باب أوضتك عشان قبل ما تدخل تشوفها ، الحاجة دى تخليك كل ما تبصلها تفتكر الحلم الجميل اللى انتا عاوز تحققه ، فتيجى مثلا تدخل عالفيس و تشوف الورقة دى قدامك فتقول لا عشان الحلم ده ، وهكذا .
المهم تخليك دايما مفتكر حلمك متنساش خالص لغاية متطبع عليه لأنى عقلك هيتشغل به لدرجة انك ممكن تلاقى المذاكرة وصلت لحد الرغبة والمتعة مش عاوز تسيب الكتاب من ايدك .
أما بقى بخصوص الجو الملائم للمذاكرة فدا شيء طبيعى لازم تعمله زى الضوء المناسب و المكتب و الكرسى الكويس و الغرفة الهادئة و النظيفة ، كل دى و غيرها حاجات حسب راحتك انتا تعملها بحيث توفر لك انتا أحسن جو للمذاكرة .
قبل أى حاجة لازم تتوكل على الله و تثق فى انك باذن الله هتحقق حلمك دا لارضاء ربنا ثم لأبويك ثم للمسلمين كلهم ، و ماتنساش نفسك يعنى .
حكاية انك متقدرش تذاكر كتير دى بتاخد وقت و مش المذاكرة بس يعنى فيه ناس تقولك أنا مقدرش أتمرن كتير ، أو أقعد عالنت كتير بس لما تاخد على الجو و تشوف انك بتشبع رغباتك هنا هتحس ان الوقت بقى ممتع ، انتا عارف لازم مثلا تعمل جدول و تلزم نفسك بالالتزام بيه اجبارى يعنى ، الانجاز فى حد ذاته له معنى كبير ، مثلا تقول أنا مشيت عالجدول اسبوع كامل بدون ما غير فيه أى حاجة و أنجزت مثلا قد كدة فى المادة دى و قد كدة فى المادة دى زى ما خططت تماما ، مرة على مرة تحس ان الموضوع بقه روتينى و عادى جدا بس المهم التعود لحد ما توصل الى أن المذاكرة هى الشيئ العادى و ما عداه دا حاجة مش طبيعة ... فاهمنى .

خلاصة القول : -
توكل على الله - ارضى ربنا وداوم على طاعة الله ، وخليك بار بوالديك ، و احرص على قراءة القران فدا هيشرج صدرك - تذكر حلمك دوما و تعلق به - اسعى دائما للانجاز (حاول انك تقول انا أنجزت و حققت المطلوب منى ) - درب نفسك وحدة وحدة (يعنى خلى المسألة تدريجى انهاردة ساعة بكرة ساعة ونص بعده ساعتين وهكذا مش مرة واحدة ) - ابعد عن كل المؤثرات الخارجة التى تعترض طريقك (الفيس/ طلبات الاصحاب المتزايدة/ النت عموما / التلفزيون/ الماتشات / الضغوط العائلية و النفسية ) .

و فى النهاية اسف انى طولت عليك و أتمنى تلاقى فى كلامى حاجة تفيدك و ربنا يوفقك دائما يارب و يشرح صدرك و يذكرك ما نسيت و يعلمك ما جهلت ، و تحقق حلمك باذن الله .
و السلام عليكم و رحمة الله وبركاته .

annoccc

23-03-2013, 11:56 PM

احييكم على الجروب الجميل ده .

وربنا يوفقنا يارب .

اسمى / علياء

الشعبة / ادبى

حاليا فى تالتة ثانوى .

ونفسى ادخل كلية السن او اثار . ويارب التنسيق ينزل السنة دى .

بالتوفيق للجميع .

أهلا وسهلا بيك يا علياء منورانا دايماً .
و يارب تحققى حلمك و ان شاء الله خير و التنسق يكون زى ما انتى عاوزة بالضبط .
و كل المسلمين يارب يحققوا حلمهم آمين .
يلا بقى عاوزين منك و من باقى الأعضاء مشاركات جادة و قوية عن طرق المذاكرة و المراجعة و تخطيط الوقت و كل حاجة تساعدنا ازاى نتفوق و نحقق حلمنا باذن الله .
و السلام عليكم ورحمة الله و بركاته .

annoccc

24-03-2013, 12:14 AM

انا بسنت
طالبة فتانية ثانوي علمى
واخترت علمى رياضة بأذن الله
كنت الاولى على مدرستى فى الاعدادية
حلمى كلية الهندسة قسم عمارة ونفسى ادرس فن تشكيلى بس برة مصر بعد ما اخلص الهندسة بأذن الله
توقيت مذاكرتى مش محدد يعنى من 4 ساعات ل 6 ساعات ومش متواصلة طبعا عشان متعبش او يجيلى اجهاد او اكتئاب وكره للمذاكرة
جدول مذاكرتى حسب جدول الدروس واول بأول يعنى اللى باخده النهاردة بذاكره النهاردة
عندى مثلادرس فيزياء بقعد قبل الدرس اراجع القديم وادخل الدرس اخلصه واذاكر الجديد واحل عليه وفى الاخر ببدأ احل امتحانات وبعمل كشكول احل فيه عشان ارجعله وقت ما تقف حاجة معايا
بالنسبة للملل من المذاكرة احيانا ودى مشكلة اغلبنا بنواجهها فدى بحلها باكتر من طريقة مشكلتنا بيبقى فى طاقة سلبية منالضغوط والمذاكرة ووالروتين
باخد كل يوم ساعتين وبمارس هوايتى المفضلة اللى هى الرسم ، وبمارس الرياضة ورقص الايروبكس والحركات الايقاعية فى الجيم احيانا فى البيت لان مفيش وقت للجيم كل يوم
واخر الاسبوع بروح اقعد فى مكان هادى مع اصحابى نخفف عن بعض شوية
اهم حاجة الموضوع يبقى مرتب والاوضة اللى بتذاكر فيها تبقى نضيفة وغير الوضعية رش سبراى ريحته حلو وافتح الشباك يدخلك هوا افتح المروحة هتعمل جو انتعاش فى الاوضة مع صوت مزيكا هادية وانت بتذاكر وابعد عن الاغانى والفيسبوك وتويتر كلها بتشكل ضغط ومضيعة للوقت ، واختار كرسى مريح هات كل الملازم والكتب والادوات اللى هتحتاجها وخليها قدامك على المكتب عشان متضطرش تقوم تدور وتلف حوالين نفسك هات كمان طبق فاكهة وكوباية نسكافيه واى سناك بتجبه اتسلى فه وانت بتذاكر ومشروبك المفضل طبعا
واستعين بالله واقرا قرآن شوية قبل ما تذاكر حتى لو سورة واحدة
انا دماغ فى المذاكرة شوية :d بس ده الطريق الوحيد اللى يخليك ما تملش اهم حاجة مفكرتك دايما معاك نظم وقتك وخصص وقت لكل حاجة وفرغ دماغك من كل المشاكل ابعد عن اى صاحب ممكن تحسه بياخدك لطريق غلط واعرف دايما الكويسين اللى بيشدوك لقدام بس كدة :))
اهلا بيكى معانا يا بسنت ، يارب تحققى حلمك و تكونى مهندسة شاطرة .
بس مش شايفة ان متطلبات المذاكرة اللى انتى كاتباها أوفر شوية يعنى (سبراى / نسكافية / سناك (على فكرة سناك دى معناها بوزو أو كارتيه عشان الناس بس تبقى عرفاه ) / المشروب المفضل / المفكرة ) ، ايه ده يا شيخة كل ده عشان أذاكر خلاص أروح آخد قرض من البنك اسمه قرض المذاكرة عشان أوفر كل الحاجات دى ، على فكرة أنا مش معترض على أى حاجة بهزر كل دى حاجات حلوة و بسيطة و بتساعد على تهيأة الجو العام و تخلى دمغنا تبقى مستعدة لتلقى المعلومات ، ومش غالية على فكرة و أنا عارف ان كل واحد على حسب رغبته يعنى مثلا أنا بحب عصير الليمون فهشربه طبعا ههههههه ، وبحب ريحة البخور ممكن بدال السبراى ، بس كل ده ان دل فبيدل على ان عندك احساس عالى جدا ، و فنانة فنانة يعنى ، ربنا يزيك .
حاجة واحدة بس معترض عليها و مش عجابنى و بعد اذنك مبنصحش حد بيها خالص و هى انك تذاكر فى جو فيه موسيقى لا هادية و لا صاخبة و لابتاع ، لأنى منين تسمعى موسيقى و انتى بتذاكرى و منين تقرى قرآن ، متعارضان و متضادان و لا يجتمعا معاً أبداً ، فليكن اعتمادنا على الله و دائما فى طاعته و ان نجتنب نواهيه اللى منها اكيد الموسيقى .
و أهلا بيكى معانا مرة تانية و ربنا يهدينا لما يحبه الله و يرضاه و يوفقنا جميعأ للخير و نحقق أحلامنا كلنا اللى بيها يرضى ربنا عننا ثم يسعد بها آباءنا و أمهاتنا و كل المسلمين .
و السلام عليكم وحمة الله وبركاته

Alyaa Dfnany

24-03-2013, 01:37 PM

أهلا وسهلا بيك يا علياء منورانا دايماً .
و يارب تحققى حلمك و ان شاء الله خير و التنسق يكون زى ما انتى عاوزة بالضبط .
و كل المسلمين يارب يحققوا حلمهم آمين .
يلا بقى عاوزين منك و من باقى الأعضاء مشاركات جادة و قوية عن طرق المذاكرة و المراجعة و تخطيط الوقت و كل حاجة تساعدنا ازاى نتفوق و نحقق حلمنا باذن الله .
و السلام عليكم ورحمة الله و بركاته .

اشكر حضرتك .. و الجروب منور بكل الناس الجميلة اللى فيه .

وان شاء الله يارب .. كل واحد يقدر يحقق حلمه .

وباذن الله ابذل ما فى وسعى لافادة الجميع .

عبد المقصود مصطفى

24-03-2013, 01:50 PM

أهلا بيك معانا يا عبد المقصود ، يارب يوفقك و نشوفك دكتور اسنان كبير بس تكون مهاود شوية فى الفيزتا بتاعة الكشف .
ههههههههه أنا بضحك معاك .
المهم بالنسة لحتة انك مش قادر تقعد على الكتاب كتير فزى ما قالتلك الاخت "alyaa dfnany" لازم تفتكر حلمك علطول ، بمعنى هات مثلا شوية قصاصات ورق ملون أو عادى و أكتب فى كل واحدة طبيب أسنان ، او رسمة ضرس مثلا أو اكتب اسم شخص قدوة ليك فى هذا الحلم زى باباك مثلا أو عمك أو أخوك ، المهم كل ورقة من دول تخليها فى أقرب مكان لعينك قدامك على المكتب مثلا أو عالسرير فى الجهة المقابلة ليك أو على الحيطة أو على باب أوضتك عشان قبل ما تدخل تشوفها ، الحاجة دى تخليك كل ما تبصلها تفتكر الحلم الجميل اللى انتا عاوز تحققه ، فتيجى مثلا تدخل عالفيس و تشوف الورقة دى قدامك فتقول لا عشان الحلم ده ، وهكذا .
المهم تخليك دايما مفتكر حلمك متنساش خالص لغاية متطبع عليه لأنى عقلك هيتشغل به لدرجة انك ممكن تلاقى المذاكرة وصلت لحد الرغبة والمتعة مش عاوز تسيب الكتاب من ايدك .
أما بقى بخصوص الجو الملائم للمذاكرة فدا شيء طبيعى لازم تعمله زى الضوء المناسب و المكتب و الكرسى الكويس و الغرفة الهادئة و النظيفة ، كل دى و غيرها حاجات حسب راحتك انتا تعملها بحيث توفر لك انتا أحسن جو للمذاكرة .
قبل أى حاجة لازم تتوكل على الله و تثق فى انك باذن الله هتحقق حلمك دا لارضاء ربنا ثم لأبويك ثم للمسلمين كلهم ، و ماتنساش نفسك يعنى .
حكاية انك متقدرش تذاكر كتير دى بتاخد وقت و مش المذاكرة بس يعنى فيه ناس تقولك أنا مقدرش أتمرن كتير ، أو أقعد عالنت كتير بس لما تاخد على الجو و تشوف انك بتشبع رغباتك هنا هتحس ان الوقت بقى ممتع ، انتا عارف لازم مثلا تعمل جدول و تلزم نفسك بالالتزام بيه اجبارى يعنى ، الانجاز فى حد ذاته له معنى كبير ، مثلا تقول أنا مشيت عالجدول اسبوع كامل بدون ما غير فيه أى حاجة و أنجزت مثلا قد كدة فى المادة دى و قد كدة فى المادة دى زى ما خططت تماما ، مرة على مرة تحس ان الموضوع بقه روتينى و عادى جدا بس المهم التعود لحد ما توصل الى أن المذاكرة هى الشيئ العادى و ما عداه دا حاجة مش طبيعة ... فاهمنى .

خلاصة القول : -
توكل على الله - ارضى ربنا وداوم على طاعة الله ، وخليك بار بوالديك ، و احرص على قراءة القران فدا هيشرج صدرك - تذكر حلمك دوما و تعلق به - اسعى دائما للانجاز (حاول انك تقول انا أنجزت و حققت المطلوب منى ) - درب نفسك وحدة وحدة (يعنى خلى المسألة تدريجى انهاردة ساعة بكرة ساعة ونص بعده ساعتين وهكذا مش مرة واحدة ) - ابعد عن كل المؤثرات الخارجة التى تعترض طريقك (الفيس/ طلبات الاصحاب المتزايدة/ النت عموما / التلفزيون/ الماتشات / الضغوط العائلية و النفسية ) .

و فى النهاية اسف انى طولت عليك و أتمنى تلاقى فى كلامى حاجة تفيدك و ربنا يوفقك دائما يارب و يشرح صدرك و يذكرك ما نسيت و يعلمك ما جهلت ، و تحقق حلمك باذن الله .
و السلام عليكم و رحمة الله وبركاته .

انا استفدت كتتيير والله بس انا بدى شئ
بس ازاى انا بروح المدرسة بتاخد وقت طويل منى ومش بعرف انظم الجدول وايام كتتيير يغلبنى النوم ماذا افعل

Bassant222

26-03-2013, 01:57 AM

اهلا بيكى معانا يا بسنت ، يارب تحققى حلمك و تكونى مهندسة شاطرة .
بس مش شايفة ان متطلبات المذاكرة اللى انتى كاتباها أوفر شوية يعنى (سبراى / نسكافية / سناك (على فكرة سناك دى معناها بوزو أو كارتيه عشان الناس بس تبقى عرفاه ) / المشروب المفضل / المفكرة ) ، ايه ده يا شيخة كل ده عشان أذاكر خلاص أروح آخد قرض من البنك اسمه قرض المذاكرة عشان أوفر كل الحاجات دى ، على فكرة أنا مش معترض على أى حاجة بهزر كل دى حاجات حلوة و بسيطة و بتساعد على تهيأة الجو العام و تخلى دمغنا تبقى مستعدة لتلقى المعلومات ، ومش غالية على فكرة و أنا عارف ان كل واحد على حسب رغبته يعنى مثلا أنا بحب عصير الليمون فهشربه طبعا ههههههه ، وبحب ريحة البخور ممكن بدال السبراى ، بس كل ده ان دل فبيدل على ان عندك احساس عالى جدا ، و فنانة فنانة يعنى ، ربنا يزيك .
حاجة واحدة بس معترض عليها و مش عجابنى و بعد اذنك مبنصحش حد بيها خالص و هى انك تذاكر فى جو فيه موسيقى لا هادية و لا صاخبة و لابتاع ، لأنى منين تسمعى موسيقى و انتى بتذاكرى و منين تقرى قرآن ، متعارضان و متضادان و لا يجتمعا معاً أبداً ، فليكن اعتمادنا على الله و دائما فى طاعته و ان نجتنب نواهيه اللى منها اكيد الموسيقى .
و أهلا بيكى معانا مرة تانية و ربنا يهدينا لما يحبه الله و يرضاه و يوفقنا جميعأ للخير و نحقق أحلامنا كلنا اللى بيها يرضى ربنا عننا ثم يسعد بها آباءنا و أمهاتنا و كل المسلمين .
و السلام عليكم وحمة الله وبركاته

صدقنى مش غالية ولا حاجة علبة نسكافيه تشرب واحدةمنها فى اليوم لان كتره مضر بالصحة ومفكرة دى ممكن تستخدم كشكول قديم تكتب فيه اللى وراك وتنظمه ، والسبراى المعطر بيبقى موجود فى البيت اصلا او ممكن تش بيرفيوم من بتاع اخوك بس حاسب لا ياخد باله :p وممكن بردو بخور انا قدى تهيئة الجو بشكل عام ، ربنا يكرمك :))
بص انا بتكلم على اساس دراسات علمية اثبتت ان الموسيقى بتزود كفاءة العقل ، الفكرة فى الاغانى مختلفة عن الموسيقى الموسيقى مجرد الحان اما الاغانى فبعض المدارس الفقهية بتقول انها حرام لان اغلبها بيشيع الفاحشة ويدعو للحب والافعال الخارجة ومنها الزنا اللهم احفظنا يعنى
بس فانا مقصدش الاغانى طبعا ولعلمك احنا رواد فى مجال الموسيقى يعنى جالنا موشحات وابتهالات واناشيد دينية زى طلع البدر علينا كلها كانت تنشد ايام الرسول ولم تُحرم لان ليس بها منكر وكانو يستخدمون الة القانون والدفوف وبعض الطبول احيانا كل ده جالنا من تراثنا الاسلامى وطبعا فى مدارس فقهية مبتحرمش الاغانى اصلا فانت بتاخد المريح لك نفسيا وتبتعد عن ما نهى عنه الله سبحانه وتعالى بس يا ريت تكون فهمت قصدى