ريسنا القادم
إهداء لمرشحى الرئاسة الـ 13
................................................

اضحك وعلّى صوتك
اوعى تخشى موتك
أو أى شئ يفوتك

اضحك وغنى كمان
أقولك.. ماتعزف كمان
وارقص فى وسط الميدان

انشد للثورة وغنى
وارقص واحرق فى دمى
أصلك مش حاسس بهمى

بعت أرضها وترابها
وبكيتلك فوق طربها
وانت ناسى شبابها

هو ده اتفاقنا
هو احنا كده بدأنا
مش كان فاض زهقنا

وقولنا ثوره وقولنا فلول
ولا الغبا هيطول
شكله هيطول علطول

مسكنا مبارك وكل ناسه
وفى الدرا بسنا راسه
وشيلنا مداسه

وقولنا مجلس وصوتنا
أتاريه مجلس صواتنا
ونواحنا وعياطنا

وشهدا ملولنا الميدان
نسيت؟ طب هقول كمان
وشهدا ملولنا الميدان

سال دمهم شلال
دم يروى الجبال
وانت واقف زى الخيال

نفسك فى سلطه ومنصب
وأيادى تترفعلك وموكب
وحرس على كل باب

زمان قريت فى كتاب
مايسعى لسلطه غير كداب
ومايملا عينه غير تراب

ارحم ناسك واهلك
وارجع تانى لنفسك
شيل مصر فى عيونك

اتقى ربنا فى قولك
على كتافنا نشيلك
ونهتف الله يصونك


لـ محمد جلال



أشكركم على المرور الطيب

جميل يا محمد وبحس انك بتقولها بقلبك بجد مع نبره خوف على مصر وحزن شوية
بس بجد سلمت يداك
تقبل مرورى

جميل يا محمد وبحس انك بتقولها بقلبك بجد مع نبره خوف على مصر وحزن شوية
بس بجد سلمت يداك
تقبل مرورى

جزاكِ الله خيرا
اخت مريم
وبارك الله فيكِ

والف شكر على مرورك الطيب