من الان وداعا للسلبيه لازم ناخد حقنا .اخى يعمل فى وزاره الكهرباء متعين عامل وهو تعيين عام 1995 مرتبه الان 3760 واتا مؤهل عالى تعيين 1991 مرتبى 1200 جنيه ياخساره التعليم اللى انا تعلمته انا مش هاشتغل بعد كده واللى يكلمنى هاديله بالجزمه عايزين نعمل وقفه حقيقيه للاسف معلمين بدون كرامه كان المفروض محدش يطلع امتحانات ثانويه عامه ..... ليهم حق يعملوا فينا اكتر من كده لازم نتحد مع بعض كلنا ده مستقبلنا وكرامتنا ونقف ايد واحده

لازم ثورة واضراب عن العمل قبل بدء العام الدراسي همااساتذة الجامعة والشرطة احسن مننا احنا الاصل اصحو ايها المعلمين نحو معلم افضل لتعليم افضل

يااخى كم عدد العاملين بالكهرباء والبترول والضرائب يا اخى الفاضل احنا كمعلمين بعد التعينات العشوائيه عقب الثوره تعدينا الاربعة ملايين معلم وهذه ليست مبالغه فعندنا فى الغربيه كل اللى يجبلهم ورقه انه كان شغال فى التدريس حتى لو من القرن الماضى بيعينوه ومهما بلغ مؤهله حتى لو دبلوم صناعه ولو وصل الستين من عمره غير المسجلين خطر اللى زوروا ورق وبعد كده تقولى يزودوا مرتباتنا افكرك كمان سنه حنبقا عشر مليون معلم وتحيا الثوره

الاخ الفاضل اللى بيقول ان عددنا 4 مليون واية يعنى هو احنا عشان عددنا كبير تقلل الدولة من قيمة المعلم وكرامته وتجعله فى ادنى درجات السلم الوظيفى ويظلم ماديا أين العدالة الاجتماعية عندما نتحدث مع أى شخص فى أى مؤسسة يكون رده ما أنت بتاخد كادر محدش مصدق ولا يعرف مصيبة الكادر الذى نحصل عليه لان اسمه يوحى بأنه شى كبير نتقاضى من وراءه الاف الجنيهات
نتمنى الغاء هذا الكادر ومساواتنا بالعاملين فى الدولة

ثورة ما فيش غير كدة واضطراب عن العمل مش ح ينفع غير كدة واولياء الامور يعرفو قبلها عشان ما حدش يبعت ولادة المدرسة

10 / 9 إن شاء الله خارج

الإخوة المعلمين لو لم يتم عمل اضراب شامل ومفيش عام دراسي مش هناخد حقنا احنا للأسف محصلناش عمال المحكمة وعمال الكهرباء وعام دراسي بلا معلمين نفسنا نتحد ويبقى لنا كلمة

يا جماعه ان شاءالله كلنا نخرج ضرورى ولو كسلنا هنفضل بلا كرامه وبلا مرتب ومن حقهم يعملوا فينا اكتر من كده ومنطالبش بمرتب وبس .....يتعملنا مستشفى خاصه للمعلمين مثل باقى الوزارات وولادنا تتعفى من المصروفات الدراسيه واين النقابه احنا اغنى نقابه فى مصر ومابتعمليتاش اى حاجه المفروض يكون فيه معارض سلع واجهزه كهربائيه بدون فوائد للمعلمين ....... فين حقوقنا

تم الإجتماع أمس بطنطا في جو رمضاني طيب جمعنا هدف واحد هو مطالب المعلمين وآليات الحصول عليها وقد إتفق الزملاءعلى أكثر من : 14مطلب تم التأكيد على ست مطالب رئيسية لتقديمها لرئيس الجمهورية يوم الأربعاء : 20 رمضان أثناء الوقفة الإحتجاجية أمام قصر العروبة ، والمطالب التي توافق عليها الزملاء هي :
1- حد ادنى للأجور ثلاثة آلاف جنيه مع تجريم الدروس الخصوصية .
2- إعادة تكليف خريجي كليات التربية الدفعات السابقة والحالية .
3 - تثبيت المتعاقدين الذين مر على تعاقدهم ستة أشهر فقط .
4- ضم مدة الخدمة السابقة للذين تم تعيينهم والذين تم التسوية لهم .
5 - أن يكون معاش المعلم على إجمالي آخر مرتب حصل عليه وليس على الأساسي .
6 - زيادة ميزانية التعليم من : 4 % إلى : 15 % .
* في إنتظاركم يوم الأربعاء : 20 رمضان أمام قصر العروبة لتقديم هذه المطالب في تمام الساعة الثالثة عصراً وسيكون الإفطار أمام القصر الرئاسي .
دكتور محمد زهران - 01221310705