لو سمحتم كل اللى على الدرجة الثانية وقبض المرتب يكتب لنا الصافى اللى قبضة قبل الزيادة وبعد وياريت الاساسى كمان لاننا كل ادارة ماشية بدماغها وشكرا

انا يا دوب اخدت الدرجة الثانية الشهر ده ومرتبي الشهر ده كان 1040 جنيه علي علم انا بدل نقدي واحد ليا

أنا على الدرجة الثانية من 1/8/2003 ومرتبي 1521 الصافي اليوم

الكلام ده بجد ولا ايه انا على الدرجة التانية من 2005 ومرتبى قبل زيادة شهر يوليو 1080 ازاى بقى المرتبات التانية دى وانا فى محافظة الاسكندرية هل فيه سرقة من محافظة لاخرى

الوزارة الوحيدة اللى مرتباتها متفاوته من درجة لدرجة ومن محافظة لمحافظة
كل الهيئات والمصالح معروف فيها الدرجه الاولى بتاخد كام والثانية كام والثالثة كام مهما كان موقع المصلحه
اما عندنا فى التربية والتعليم غموض تلاقى الاساسى مختلف من محافظة لمحافظة مع ان تاريخ التعيين واحد
وكمان ممكن يختلف من ادارة لادارة

أنا معاك والاختلاف من مدرسة لمدرسة لهذه الدرجة محدش عارف الصح فين

أنا على الدرجة الثانية من 2005 ومستنية الدرجة الأولى مع ترقيات المرحلة الثالثة وكنت بقبض قبل الزيادة 1042 والنهاردة انا قبضت 1159جنيه مش عارفة أنا مرتبى يعتبر قليل عن باقى زملائى فى الدرجة ولا إيه ؟ وفى بعض زملائنا فى المدرسة على نفس الدرجة ولكن مرتبهم أعلى منى مش عارفة ليه الاختلاف ممكن يكون فرق علاوة ولا حاجة ؟

انا درجة اولى من 24-11-2008 ومرتبى فى يوليو 1324

شوفو دي والي يشوف مصيبة غيره يحمد ربنا انا درجة اولى من 24-11-2008 ومرتبى فى يوليو 1215

الاساسى لا يختلف من محافظة لمحافظة ولكن يختلف امتيازات المحافظات النائية مثل البدل النقدى و بدل الجذب ولكن الاساسى ثابت للجميع من نفس تاريخ التعيين وهذا فى كل الوزارات