هو ليه الناس اللي هنا كل أسئلتهم كده
أنا هدخل طب بيطري هي الكلية دي ليها مستقبل
أنا هدخل حاسبات هي الكلية دي ليها مستقبل
أنا هدخل علوم هي الكلية دي ليها مستقبل
إلخ إلخ
الحقيقة المرة أيها الطالب إن الكليات كلها ملهاش مستقبل !!!!!!!!!
عارف ليه ......... عشان الكليات مش إنسان
أنت الإنسان ..... أنت اللي لك مستقبل ..... وأنت اللي بتحدد المستقبل ده
والسؤال اللي بيضحكني فعلا
اللي بيتخرج من الكلية دي بيقبض كام :)
يا عزيزي هذا رزقك حتى لو دخلت بترول برضو مش هتاخد أكتر منه
و اللي استنتجته إن اللي بيسأل السؤالين اللي فوق دول بيبقى هو أصلا مش ناوي على كلية معينة أو زي الناس وخلاص
ناس كتير بتدخل طب يبقى هو هيدخل طب وخلاص مش عشان هو بيحب الكلية دي
وناس كتير بتحب هندسة يبقى هو هيدخل هندسة وخلاص مش عشان هو بيحب الكلية دي
وصدقني بجد لو عملت كده هتخرج طبيب عادي أو مهندس عادي مش هتعمل أي فرق في أي مكان ولا البلد اللي احنا فيها دي هتتحرك خطوة لقدام
مجرد خريج طب أو هندسة أو .... أو ... أو .... إلى نهاية الكليات
أنا بس الكلمتين دول واقفين في زوري من أيام التنسيق بتاعي اللي كان السنة اللي فاتت
وربنا معاكم في التنسيق الغريب بتاعكم ده ويا رب كل واحد نفسه في كلية لأنه هو عايزها فعلا ربنا يوفقه وتجيله

والله عندك حق فى كل كلمة
انا عن نفسى راضية بالمجهود للى عملته وعارفة انه كل شى مكتوب ومقدر وانا ع التنسيق ده
مش هتجيلى صيدلة اللى انا باحلم بيها من زمان بس انا واثقة لو جاتلى كلية تانية اكيد ربنا شايف انه هى دى اللى فيها الخير
ويارب كلنا ندخل اللى احنا عايزينه
وشكراا ع الموضوع الاكتر من رائع

موضوع ممتاز

بارك الله فيكم

عندك حق والله والمهم نرضى بالنصيب !!

هو ليه الناس اللي هنا كل أسئلتهم كده
أنا هدخل طب بيطري هي الكلية دي ليها مستقبل
أنا هدخل حاسبات هي الكلية دي ليها مستقبل
أنا هدخل علوم هي الكلية دي ليها مستقبل
إلخ إلخ
الحقيقة المرة أيها الطالب إن الكليات كلها ملهاش مستقبل !!!!!!!!!
عارف ليه ......... عشان الكليات مش إنسان
أنت الإنسان ..... أنت اللي لك مستقبل ..... وأنت اللي بتحدد المستقبل ده
والسؤال اللي بيضحكني فعلا
اللي بيتخرج من الكلية دي بيقبض كام :)
يا عزيزي هذا رزقك حتى لو دخلت بترول برضو مش هتاخد أكتر منه
و اللي استنتجته إن اللي بيسأل السؤالين اللي فوق دول بيبقى هو أصلا مش ناوي على كلية معينة أو زي الناس وخلاص
ناس كتير بتدخل طب يبقى هو هيدخل طب وخلاص مش عشان هو بيحب الكلية دي
وناس كتير بتحب هندسة يبقى هو هيدخل هندسة وخلاص مش عشان هو بيحب الكلية دي
وصدقني بجد لو عملت كده هتخرج طبيب عادي أو مهندس عادي مش هتعمل أي فرق في أي مكان ولا البلد اللي احنا فيها دي هتتحرك خطوة لقدام
مجرد خريج طب أو هندسة أو .... أو ... أو .... إلى نهاية الكليات
أنا بس الكلمتين دول واقفين في زوري من أيام التنسيق بتاعي اللي كان السنة اللي فاتت
وربنا معاكم في التنسيق الغريب بتاعكم ده ويا رب كل واحد نفسه في كلية لأنه هو عايزها فعلا ربنا يوفقه وتجيله
شكرا على مجهود حضرتك ....... و حضرتك شايف ممكن 96.34% يدخل بطرى ولا اييه؟؟

كلامك كويس والله
بس انا عايزاك تعذر الناس من اللى هما فيا
في ناس كتير كانوا بيحلموا بكليات معينه وبالتنسيق ده مش هيلحقوها
ومن كتر ما فقدوا الامل بقو مش عارفين يختاروا ايه
بالفعل انا عذراهم
انا تقريبا واحده منهم جايبه 97.2 وكده مش هلحق صيدله
وسألت سؤال مختلف شويه
علاج طبيعي الاحسن ولا البيطري
والله ده من فقدان الامل بس
وشكرا ليك على موضوعك

اقسم بالله انا راضى بالله ربنا يجيبه حتى لو جتلى كليه بلاعات قسم مجارى فى موزبيق علشان انا عارف ان الخير فيها لان دايما بدعى ربى (((اللهم وفقنى الى ماتحب وترضى ..اللهم انى اطلب الانس بجوارك ))

يا جماعة والله معرفش حاجة عن الكليات العلمية
أنا مجرد إن الموضوع لفت نظري مش أكتر
وربنا يوفقكم كلكم إن شاء الله