ارجو المساعده [الأرشيف] - بوابة الثانوية العامة المصرية

همس الرومانسيه

29-07-2012, 01:13 PM

اه طبعا ينفع تحولي ونص كمان :)
ان شاء الله هيتم فتح التحويل الالكتروني خلال ساعات من دلوقتي ولمدة يومين وتقدري من خلاله انك تحولي للنطاق الجغرافي ( أ ) بتاعك اللي هو منطقة سكنك التابعة للادارة التعليمية اللي خدتي منها الثانوية وفقا لقواعد تقليل الاغتراب خاصة للبنات ... ان شاء الله يتم قبولك فيه على طول وتحولي واهلا بيكي في طب المنصورة :cool:
ولو حتى لاقدر الله منفعش التحويل الالكتروني - وده نسبته ضعيفة - تقدري تحولي ورقي وده بنسبة كبيييرة بيتقبل وخاصة في الظروف المنيلة اللي البلد فيها والحكومة محتاجة فلوس وتفاصيله زي ماكتبتها هنزلها هنا دلوقتي وبالتوفيق يارب ان شاء الله

بصي هو عموما بداية من انتهاء التحويل الالكتروني لازم تتابعي بنفسك موعد التحويل الورقي لانه بيحدد ليه موعد اعتقد السنة اللي فاتت كان في نص شهر تسعة وممكن يكون في 8 الله اعلم الوزارة كل سنة بحال يعني تابعي بنفسك وان شاء الله تحولي من الالكتروني باذن الله لان تحويلات كتير بتتقبل لتقليل الاغتراب وفق التوزيع الجغرافي

ده نص منقول من احد المنتديات عن موضوع التحويل الورقي اتمنى يفيدك ان شاء الله

بسم الله الرحمن الرحيم
و مبروك للي حولو و اللي تحويلهم متقبلش و حيحولو
انا حشرحلكوا مثال عليا انا مثلا الحمد لله جيبت 380.5 و جالي فنون جميلة عمارة المنيا و عملت تحويل لأسكندرية اللي واخدة من 381.5 فرق درجة و كنت متأكد انه مش هيتقبل طب ليه؟
- اولا فنون جميلة عمارة اسكندرية كانت واخدة 97 طالب من الثانوية العامة و بالتالي 10/100 يعملو 10 طلاب لكن اللي كانو جايبين 381 كانو حوالي 15 تقريبا فكل اللي كان جايب 381 في المنيا و عايز يحول اسكندرية عشان القرب اتوافق عليهم لكن اللي جابو 380.5 او 380 و عايزين يروحو اسكندرية حيعملو كالأتي؟
الكلية الل يعايزين يحولولها فين ؟ جامعة اسكندرية؟
يبقي حروح ادارة الجامعة في الأسكندرية و معايا ايه اثبات اقامة و وصل نور و ميا حاجات تثبت انك في اسكندرية؟
طيب ازاي طب مانا واخد ال ث ع من اسكندرية ؟ معلش روتين بقا ؟ اوك و معاك بطاقة ترشبحك علي فنون جميلة عمارة المنيا و الشهادة بتاعة النجاح و حتسأل في ادارة الجامعة عن التحويلات و تروح تعمل تحويل لكلية مناظرة رسومه حوالي 100 جنيه اوك و بعدين هيقلك التحويل حيخلص علي امتي تيجي رايح عالكلية اللي حولتها و حتكون اتبلغت بأسمك و انضاف للكشوف و حتروح و معاك ورقك و تقدم عادي و تمتحن كشف طبي بس خلي بالك
ممكن يطلبوا منك تبرع ؟؟؟ في حدود كام ؟؟
من 500-1000 جنيه و قاصل معاهم و ادفع 300 جنيه و تتقبل عادي و ده ان شاء الله اللي حعملو
التبرع ده مش رشوة اصلا قبل ما يكون التنسيق عالنت كان التحويل التناظر بيوصل لنسبة 20 و 30 /100 ورقي
بس ده حاجة كدة عشان الجامعة و الوزارة تستفاد و تخلي التحويل المتناظر 10/100 عشان تعبي فلوس من الباقي
طب عرفت منين الكلام ده ؟

انا قولت قبل كده ان والدي اصلا شغال مدير عام شئون طلبة بكلية الاداب بدمنهور - و كان شغال امين عام مكتب التنسيق ايام ما كان ورقي
و الحمد ببه بردو انا بنت خالتي حولنالها ورقي من صيدلة المنيا (اقل صيدلة ) لأسكندرية و تقدروا تشوفوا الفرق السنة اللي فاتت .

وده نص تاني من المنتدى هنا :
لسه الوزير لم يعطي المسئولين أي إشارة عن التحويل الورقي لكن أحنا أملنا في ربنا كبير و معتقدش الحكومة تقدر تستغني عن المبالغ دي و علي العموم انا عرفت من جامعة المنصورة اللأوراق اللي هتكون مطلوبة علشان التحويل الورقي زي ما قال المسئول علشان تجهزوها
1 - إيصال ماء أو نور أو تليفون ( من 6 شهور علي الأقل )

2 - بطاقة الترشيح

3 - شهادة الميلاد ( الكمبيوتر )

4 - شهادة أو استمارة الثانوية العامة ---> بس مش عارف بقي هما هيخدوا الأصلية و لا صورة منها لأني أعتقد هنحتاج الأصلية في التقديم بإذن الله

5 - الرقم القومي ( كمبيوتر ) ----> أنا بيتهيألي دي البطاقة

و الرسوم حوالي 200 جنيه

و لو التحويل قبل بإذن الله هيكون في تبرع للجامعة