السلام عليم ورحمه الله كل سنة وانت طيبين:rolleyes:

انا كنت عايز اسأل عن ماده اللغة العربية الناس ال جايبة درجه حلوه فية هل كانت بتكتب بخط نسخ ولا رقعه اصل انا خطي مش حلو خالص وخايف انقص علشان الخط دا حاجه كبيره عند المصحيحين
وانا مش عارف اكتب نسخ ولا رقعه في الامتحان انا عايز اعود خط ايدي السنة دي علي خط الامتحان ال هكتبة بس مش عارف رقعه ولا نسخ وهل الخط فعلا بيدي للمصحح انطباع كويس وبالتالي بيديني درجة كويسة علي حسب الاجابات وخطي ؟!!
ولا بيدي علي الاجابات ومش مهم حلو ولا وحش
اخر سؤال هل كل ال جابو درجه حلوه في العربي كان في حد خطه متوسط؟

وشكرا لأعضاء المنتدي الذي هم نور المنتدي

بص يا عم انا الحمد لله جبت فى تانية ثانوى 30 فى العربى وانا خطى كان عادى يعنى مش حلو اوى بس بص فى التعبير لازم تلتوم باكنر من حاجة يعنى علامان الترقيم مثلا والاستشهاد بايات واحاديث وشعر وغيرها وكتابة الموضوع فى صورة فقرات بس بص العربى كله ساهل بس عاوز مذاكرة كتيييييير اوى طول السنة يعنى المراجعة بصفة مستمرة بس لاوم تركز على النحو وتحل كتير علشان ساعات بيلعب جامد فى النحو وربنا يوفقك ومعلش علشان طولت عليك

بص اولا انا داخل تالتة ثانوي و الحمد لله جبت ف العربي 29.5

خطي مش ابداع اوي عادي جدا يتقرا يعني ودا اهم حاجة انو يتقرا ويكون واضح

وبالنسبة للرقعة او النسخ برضو مش اشكال اوي اكتب زي منتا متعود بس اكيد الرقعة افضل لان اسرع ونتا محتاج لوقت ف الامتحان

بس اهم حاجة ف موضوع التعبير انك متشطبش كتير وخطك واضح واستشهد علي قد متقدر وكلامك يكون منظم ومبني علي افكار وباذن الله تجيب درجة حلوة ف العربي :))

شكرااااا لكم جدا يا جماعه علي الردود الجميلة يعني رأي الاعضاء اني اكتب بالخط النسخ وخلاص؟