http://www.h2un.com/uploadcenter/uploads/03-2012/PIC-734-1331039896.jpg

بشكر وبحمد ربى
حبك بيقل فقلبى
لانه مكانش ليا
انى اختارك جمبى

بشغل نفسى وبالى
عشان تروح من بالى
وبقيت عايش لحالى
وكأن محبش قلبى

ليلاتى مع الايام
بنسا اى ألآم
وببص لقدام
ومش نادم على حبى

مهو لو عشت ندمان
مش هعرف اعيش فامان
ارضى بحكم الزمان
ولا اعيش بجرح فقلبى


بشكر وبحمد ربى
حبك بيقل فقلبى
لانه مكانش ليا
انى اختارك جمبى


للصفر قرب حبك
وكأنى معشتش جمبك
ولا دوقت يوم من مرك
بقرارى انى امحيك

امحيك من بالى وفكرى
واعيش من غيرك عمرى
ولو عشت شويه فقدرى
بردو مش باكى عليك

كأنك صفحه اتقلبت
او رسمه برمله اترسمت
وبموج البحر اتهدت
انا بايعك مش شاريك

بشكر وبحمد ربى
حبك بيقل فقلبى
لانه مكانش ليا
انى اختارك جمبى





Mr::NoOoR

قاااااااااااااااااااااااااسيه هي كلماتك
ولكنها رائعه
وهذا ما أتوقعه دائماً فيما يخطه قلمك
أخي الغالي
دمت متألق دائماً
وفقك الله إلى ما يحب ويرضا

سيلفااااااااااااانو

كان نفسى ارد اول واحد على التحفة دى

بس الاخت كنارة بقى سبقتنى

يا سيلفانو

الفشل او خطوة للنجاح

الحب لو حقيقى عمره ما يقل

وكلماتك دى اكبر دليل

لأنه لو بيقل

مش هتتأثر بيه

يعنى كأنه مكنش موجو

انت ما زلت تعانى يا حبيبي من نيران الحب

هههههههههههههههههههههه

مسكين يا سيلفانو


سلمت يدااااااااااااااااااااااااك

تحفة

كأنك صفحه اتقلبت
او رسمه برمله اترسمت
وبموج البحر اتهدت
انا بايعك مش شاريك


تعبيرات رائعة فى قسوتها

وان كنت اخالفك فيما تدعى
من انك نسيتها واتفق مع
ا/ ياسر فيما ذهب اليه من انك
مازلت تعانى من نيران الحب

دمت موفقا ومبدعا

تقبل مرورى

كلماتها حلوة اوى بس بتفق معاكو بردو لان الحب الحقيقى بيزيد وعمره ما هيقل حتى لو انجرحت من حبيبك وبالتوفيق يا سيلفانو

عمل جميل منك نور
لن أناقشك فى المحتوى فقد فعل ذلك الرائعون ...
كنارة ، ابوبسملة ، سيبويه ، منى .
ولكن دعنى أقول ..
أنك تقترب فيه الى حد بعيد من الاحترافية فى هذا العمل
خاصة انك جعلت النظم يأخذ شكل أغنية لها موسيقى متناغمة
أعتقد أنك كما نظمت الكلمات فقد لحنتها فى ذهنك أيضا
أعجبنى ابداعك هذه المرة وفى انتظار جديدك للعودة

الأساتذة الكرامـ

كنارهـ , ابو بسمله , سيبويه , منى , فاروق ابو عيانه

اولا مشكورين على المرور الرائع والتعقيب والتعليق الاروع فهذا يزيدنى قوة وابداعا وشرفا

ولكن البعض منكم اخذ الموضوع على انه يخصنى بشخصى ولكن هو مجرد تعبير عن واقع لكثير من الناس احسسته بداخلهم او تمت الحكايه عنه امامى وانا مجرد ناقل للصورة بفكرى وكلماتى

وفالنهايه اشكر كل من شارك بالتعليق على كلماتى اساتذتى الكرام

وشكر خاص للاستاذ فاروق ابو عيانه لانه اتضح من تعليقه انها اول قصيده تنال اعجابه منى ومع انه شيء غريب بعض ما الا انه شيء يشرفنى بالطبع ويدفعنى للامام عندما يقدرنى مبدع مثله ويصفنى بالاحترافيه

ادام الله بيننا المحبه والخير
فى حفظ الله جميعا
دمتم بخير