لو سمحتم أنا عندي مصلحة في أسيوط و قد نضطر للمبيت في فندق أو لو كاندة في أسيوط ليوم واحد أو يومين .
حد يقول لي إسم فندق أو لوكاندة محترمة و نظيفة و سعرها معقول .
وافر الشكر ،

مفيش حد من أسيوط
طيب قولوا لي مثلا يوجد فندق في شارع كذا ، بجانب كذا
أنا رايحة إن شاء الله مبنى إدارة الجامعة القديمة
مكان إسمه الوليدية
يعنى عايزة أعرف أول ما ننزل من الميكروباص أو البيجو نمشي أو نركب إيه علشان نروح مبنى مبارك الذي فيه مكتب توثيق الخارجية ثم كيف نروح الوليدية مبنى إدارة الجامعة القديم ؟؟؟؟؟؟؟؟؟؟

مسز ايمى اهلا وسهلا بيكى فى اسيوط هتلاقى فندق بدر امام البريد وده فندق راقى جدا وكمان فى فندق الاسيوتيل على شارع البحر جنب كنتاكى وكمان فى فندق متواضع فى شارع الهلالى فى اوله بس مش متذكره اسمه عموما اى سواق تاكسى هيوديكى وكمان ازيدك من الشعر بيت توصيلة التاكسى من المحطة لاى فندق من دول ثلاث جنيهات لحسن يستغلوكى وان شاء الله توصلى بالسلامة

الميكروباس اللى جاى من مدن بحرى اسيوط بيعدى قدام الجامعة القديمة من منطقة الوليدية
لو من مدن قبلى اسيوط
من نفس الموقف بتلاقى مينى باس سرفيس بيروح الوليدية عند الجامعة القديمة

وكمان فى فندق اسمه المدينة المنورة اسعاره افضل من الفنادق المذكورة
ومعظم الفنادق دى قريبة من محطة القطار

وافر الشكر و التقدير لردودكم