|
مشاهدة النسخة كاملة : تنصحونى احول صيدلة عين شمس كلينكى نورة أ 30-07-2012, 04:09 PM مساء الخير انا جاتلى صيدلة طنطا وحابة ادخل صيدلة كلينيكى سمعت ان الدراسة ف عين شمس احسن وان كلينيكى فيها مجانى تنصحونى ادخلها؟؟؟؟؟؟؟؟؟؟؟؟؟؟؟؟؟؟ TITOOOOOOHATRK 30-07-2012, 04:30 PM انا جاتلى عين شمس ومش هحول طنطا لأن خريج عين شمس له سمعة افضل ومعرفش فيه نظام اسمه الساعات المعتمده ب12 الف بس الكلنيكى ببلاش ياريت حد يفهمنا ايه نظام الساعات المعتمده ده نورة أ 30-07-2012, 05:42 PM انا سمعت انها ببلاش طب يا دكتور ماتحاول تسال اى حد ف الجامعه دى وياريت اى حد يعرف حاجة عنها يقووووووول babagamil 30-07-2012, 06:08 PM طبعا فى كتير فاكرين ان كلينيكال فى عين شمس ببلاش:bosyht9: بس انا عرفت ان خريج عين شمس بياخد على الشهاده انه دارس صيدله اكلينيكيه بس الحقيقه انه ولا بيدرسها ولا حاجه وكل الدكاتره اللى فى المستشفيات عارفين ان خريج عين شمس مش بيكون دارس اكلينيكيه..عايز تدرسها دى ب12الف جنيه ... والف شكر انا قلت بس افهمكوا الحوار ماشى ازاى واللى يقولك غير كده يبقى:stickjo4: TITOOOOOOHATRK 30-07-2012, 06:42 PM على فكرة يقى سمعة خريج عين شمس جامدة جدا الكلام ده من دكاترة صيدلانين من طنطا ونصحونى انى اخلينى وحولش وكمان من دكاترة بشريين وقالو كمان ان الخريج بيطلع فاهم بس صعبة ام 12 الف ده نظام الساعات المعتمدة مش كلنيكال ده كلام من الجروب الرسمى لصيدلة عين شمس ياريت مصدر معلوماتك babagamil 30-07-2012, 07:10 PM حضرتك انا سائل ناس فى صيدلة عين شمس قالولى الكلام ده وده الصح TITOOOOOOHATRK 30-07-2012, 07:32 PM طيب ممكن حضرتك تعرفلى الفرق بين كلنيكال والساعات المعتمدة لان انا بردة عرفت ده من الناس على الجروب الرسمى babagamil 30-07-2012, 09:11 PM انا عارف نظام الكلينيكال ده ب 13 الف جنيه وحضرتك ممكن تتاكد من كلامى اما تدخل الكليه مفيش كلينيكال فى مصر مجانا لحد علمى وزى ماقلت ان خريج عين شمس بيتكتب جنب شيهادته كلينيكل لكن الحقيقه انه مش بيبقى دارسها ...اما الساعات المعتمده هستفسر وارد عليك نورة أ 31-07-2012, 11:47 AM معلش مش فاهمه فى فرق بين كلينكى ونظام الساعات المعتمدة؟؟؟؟؟؟؟؟؟ وا ترى فعلا كلينكى مش مجانى ف عين شمس TITOOOOOOHATRK 31-07-2012, 03:35 PM كلنيكى ببلاش بس نظام الساعات ده معرفش عنه حاجة alfars215 31-07-2012, 05:29 PM هل سهل التحويل من طنطا لعين شمس TITOOOOOOHATRK 31-07-2012, 10:48 PM انا اتأكد دلوقتى من كذا واحد على الجروب الاساسى ان كلنيكال ببلاش وندرسها فى تالتة ورابعة ونظام الساعات المعتمدة بيدرس ماده اسمها drug design وده ب6 الاف فى الترم الشفق القرمذى 01-08-2012, 12:42 AM ايوة صيدلة عين شمس قسم تصنيع دوائى دى ب 12 الف TITOOOOOOHATRK 01-08-2012, 01:04 AM هو ايه بقى تصنيع دوائى ده هستفاد منه ولا لأ الشفق القرمذى 01-08-2012, 01:10 AM معرفش انا سمعت عنه بس سمعت ان فرصته فى العمل فى مصانع الادوية اكبر و الله اعلم TITOOOOOOHATRK 01-08-2012, 01:11 AM هو حضرتك فى طب ولا صيدلة dr besho 01-08-2012, 08:21 AM انا روحت عين شمس و سالت هي مجرد مادة بتتاخد في 3 و 4 صيدلة بس ممكن تاخدي فيها كورس خارجي لو حبيتي من اعداي Bent 3bdo 02-08-2012, 01:45 AM اولا مبروك ليكو و ان شاء الله تبقى فتحه خير عليكو بالنسبه لكلينكال ف عين شمس مفهاش صيدله كلينكال بالمعنى اللى بتقوله احنا بناخد ف تالته و رابعه مواد كلينكال بس مش كلها يعنى مش زى ما تخش كلينكال م الاول ف جامعات تانية شهادتك بتبقى علوم صيدليه عادى مش كلينكال بس الميزة انك عشان واخد كلينكال ف تالته و رابعه ممكن تاخد دبلومه سنتين تبع الجامعه بتبقى ب 1000 تقريبا بالنسبه للساعات المعتمده فهو ف عين شمس تصميم دوائى و ف القاهرة كلينكال نظام السااعات المعتمده ده يعنى مش ترمات زى العادى لا ساعات يعنى الكورس بتاع الماده دى ده كذا ساعه ودى كذا و هكذا بقى و بيبقى عندك امكانيه انك تختار ترتيب بعض المواد ايه تاخده الاول و ايه تأجله بس متكونش مترتبه ع بعض يعنى ممكن تبقى انت و صاحبك ف نفس الترم بس مش بتاخدو كل المواد زى بعض بس ف الكورسات المترتبه ع بعض مينفعش و لو لا قدر الله مثلا شلت كورس زى الاورجانك 1 مينفعش تاخد2 غير لما تنجح ف 1 الاول مش زى العادى تشيها معاك السنه اللى بعدها عادى مع الكورس اللى المفروض تاخده عادى و بتمتحن ترم و اخر سنه عادى و طبعا بفلوس و مفهوش اعدادى بتبتدى من اولى ع طول و بيبقى ف غياب و حضور ف المحاضرات مش زى العادى و مفيش درجات رأفه (بعد الشر عليكو محدش يحتاجلها بس عشان تبقو عارفين المعلومات كلها ) يا رب اكوت افدتكو و لو حد عايز يسأل عن حاجه تانيه انا موجوده :) Bent 3bdo 02-08-2012, 01:48 AM منصحش حد بكلينكال الصراحه بعزقه فلوس ع الفاضى و ملوش مجال شغل ف مصر و لسه بدرى اوى ع ما يطبق هنا ده لو اتطبق غير انك كورسات الكلينكال مغرقه الدنيا ممكن تاخدها ف اى حته و تاخد عليها شهاده وكله فلو انت مش ظبط نفسك ع شغل برة ف المجال ده نصيحه من أخت اكبر منكو بلاش g_boy19942000 02-08-2012, 03:37 AM اولا مبروك ليكو و ان شاء الله تبقى فتحه خير عليكو بالنسبه لكلينكال ف عين شمس مفهاش صيدله كلينكال بالمعنى اللى بتقوله احنا بناخد ف تالته و رابعه مواد كلينكال بس مش كلها يعنى مش زى ما تخش كلينكال م الاول ف جامعات تانية شهادتك بتبقى علوم صيدليه عادى مش كلينكال بس الميزة انك عشان واخد كلينكال ف تالته و رابعه ممكن تاخد دبلومه سنتين تبع الجامعه بتبقى ب 1000 تقريبا بالنسبه للساعات المعتمده فهو ف عين شمس تصميم دوائى و ف القاهرة كلينكال نظام السااعات المعتمده ده يعنى مش ترمات زى العادى لا ساعات يعنى الكورس بتاع الماده دى ده كذا ساعه ودى كذا و هكذا بقى و بيبقى عندك امكانيه انك تختار ترتيب بعض المواد ايه تاخده الاول و ايه تأجله بس متكونش مترتبه ع بعض يعنى ممكن تبقى انت و صاحبك ف نفس الترم بس مش بتاخدو كل المواد زى بعض بس ف الكورسات المترتبه ع بعض مينفعش و لو لا قدر الله مثلا شلت كورس زى الاورجانك 1 مينفعش تاخد2 غير لما تنجح ف 1 الاول مش زى العادى تشيها معاك السنه اللى بعدها عادى مع الكورس اللى المفروض تاخده عادى و بتمتحن ترم و اخر سنه عادى و طبعا بفلوس و مفهوش اعدادى بتبتدى من اولى ع طول و بيبقى ف غياب و حضور ف المحاضرات مش زى العادى و مفيش درجات رأفه (بعد الشر عليكو محدش يحتاجلها بس عشان تبقو عارفين المعلومات كلها ) يا رب اكوت افدتكو و لو حد عايز يسأل عن حاجه تانيه انا موجوده :) ممكن توضيح اكثر على الاكلينيكيل يعنى هو عبارة عن اية و ممكن اخدو من اولى و بيكام و لما باخدو تبع الجامعة بوصل لانهى حد معاهم و بيكتب فى الشاهدة اكلينيكل ولا لا ثم توضيح عن الساعات المعتمدة و دية موجودة فى كل الكليات ولا لا و بيكام ثم اية تانى بفلوس ثم تنصحينى نعمل اية من اول اولى لحد 5 و التخرج و اية اللى مش ناخدوا و اية المهم و المطلوب و كدة Bent 3bdo 02-08-2012, 05:16 AM ممكن توضيح اكثر على الاكلينيكيل يعنى هو عبارة عن اية كلينكال يعنى الدكتور بس يشخص الحاله و انت عليك بناءا ع التشخيص ده انك تحدد الدوا و الجرعه و كل الحاجات الخاصه بالدوا و ان الدكتور بس وظفته انه يشخص الحاله دى و ده طبعا مش موجود ف مصر و ممكن اخدو من اولى و بيكام و لما باخدو تبع الجامعة بوصل لانهى حد معاهم و بيكتب فى الشاهدة اكلينيكل ولا لا لو هتاخدو من اولى فانت هتخش قسم لوحده اللى هو ساعات معتمده و ده مش ف عين شمس و بيبقى من 10 ل 13 الف ف السنه مش عارفه الرقم بالظبط بس ف الرينج ده و لو دخلته بيبقى مكتوب ف الشهاده مش فاهمه يعنى ايه بتوصل لانهى حد معاهم ؟ ثم توضيح عن الساعات المعتمدة و دية موجودة فى كل الكليات ولا لا و بيكام قصدك كل الكليات يعنى طب و هندسه وكده ؟ و لا كل الجامعات ؟ لو قصدك صيدله كل الجامعات فغالبا اه بس بتختلف بقى هو ايه كلينكال زى القاهرة ولا تصميم دوائى زي عين شمس و ان كان ف الاغلب بيبقى كلينكال و بكام زى ما قولتلك ف الرنج اللى فوق كده حسب كل جامعه و ع فكرة ف كليات النظام العادى بتاعها هو ساعات معتمده مش اللى بفلوس زى علوم السويس كده ثم اية تانى بفلوس اعتقد هو الكريدت بس غير بقى الفلوس العاديه بتاعه المصاريف و الادوات و حاجات كده عاديه يعنى ثم تنصحينى نعمل اية من اول اولى لحد 5 و التخرج و اية اللى مش ناخدوا و اية المهم و المطلوب و كدة و الله منصحكش بحاجه حاليا في ناس بسمعها بتاخد كورسات انجلش و الاقى سناتر بتعمل كورسات لمواد الكليه حاسه انه ملوش لازمه الصراحه يعنى لو عايز انجلش اهو حاجه هتفيدك عامه لو انت محتاج انما كورسات لمواد الكليه فكله هتاخده مش محتاجه مش ثانويه عامه هى عشان تاخدو كورسات قبلها شهر عيشو حياتكو و انسو جو الدح بتاع ثانويه عامه بالنسبه للكورسات بقى ف الدراسه اللى هى الدروس ف ع حسب كل واحد انا عن نفسي مبحبذهاش و لو اتعودت عليها مش هتقدر تكمل من غيرها و لو قررت انك هتاخد فنصيحه متاخدش ف كل المواد يعنى شوف المواد الصعبه اوى لان فعلا بتضيع وقت كتير اوى ومش هتلحق تلاقح بين المحاضرات و الكورسات و هتبتدى تطنش المحاضرات و جرب احضر محاضرات الاول و شوف هتفهم من الدكتور و لا لا و اعمل حسابك انك ف الاول مش هتبقى فاهم اوى و واحده واحده هتلاقيك ابتديت تفهم وتتابع معاه و تعرف كل دكتور بيأكد ع ايه و نظام اسئلته ايه و ف نص المحاضرات كده هتلاقيهم بيقولو كتير ع اسئله هيجبوها و يجبوها الادوات متشلوش هم الموضوع ده خالص ف اول سيكشن كل قسم هيقولولكو ايه الادوات اللى عايزنها و تجبوها منين و هتلاقو فيه أسر ف الكليه كمان بتبيع و الموضوع بيبقى بسيط و انت كمان لو روحت بس لمحل الادوات الطبيبه لو هو قريب م الجامعه و ع طول فيه تعامل معاه مع الطلبه اول لما تقولو اعدادى صيدله هيجبلك كل حاجه من غير ما تطلب حاجه حاجه ف الكليه بقى هتلاقى اتحاد الطلبه و الاسر بتعمل ندوات و محاضرات و ورك شوبس عن التعامل مع المرضى و marketing و Team work و حاجات من دى شوف اللى عايز تاخده خده g_boy19942000 02-08-2012, 07:32 AM بجد شكراااااا وضحتى حاجات كتير بس فية كام حاجة كدة اعتقد انك مش فهمتيهم منى 1_الاكلينيكل لو مخدتش فية حاجة و مشيت مع الكلية على اساس هاخدوا هيكون حلو و مش بطال ولا ملوش لازمة و لو عملت الدبلومة لما اخلص دية هكون كدة درست الاكلينيكل و بيكام هى 2_اية الكريدت دة 3_ناخد الساعات المعتمدة دية ولا ملهاش لازمة و هل هى فى المنهج بس دية تفصيلا ولا حاجة تانية زى الاكلينيكل 4_فية تكييف فى القاعات ولا لا:d انا بجد كنت عاوز طب بعيد شوية السنة دية بس الحمد لله :mad: استحملينى فى الاسئلة بقى :blush: و شكراااااااااااااا Bent 3bdo 02-08-2012, 05:11 PM :)بجد شكراااااا وضحتى حاجات كتير بس فية كام حاجة كدة اعتقد انك مش فهمتيهم منى 1_الاكلينيكل لو مخدتش فية حاجة و مشيت مع الكلية على اساس هاخدوا هيكون حلو و مش بطال ولا ملوش لازمة يعنى ايه حلو و مش بطال و لا ملوش لازمه ؟ قصدك من جهه ايه انك تشتغل بيه ؟ ولا تستفيد منه كمعلومات ؟ لو من ناحيه المعلومات فأكيد هتستفاد لو من ناحيه الشغل فاعتقد لا لازم تبقى عامل دبلومه او ماجستير او واخد كورسات معتمده ع الاقل و لو عملت الدبلومة لما اخلص دية هكون كدة درست الاكلينيكل و بيكام هى اه هتكون كده درسته هيبقى معاك دبلومه فيها و معتمده و كل حاجه الدبلومه بتبقى بالف تقريبا ع حسب ما أنا فاكرة 2_اية الكريدت دة credit hours :) 3_ناخد الساعات المعتمدة دية ولا ملهاش لازمة و هل هى فى المنهج بس دية تفصيلا ولا حاجة تانية زى الاكلينيكل انا وجهه نظرى انه لا الساعات المعتمده ف عين شمس التصميم الدوائى بيخادو زياده عننا ماده واحده بس اللى هى دراج ديزين 2 و مش بياخدو مواد علوم اللى احنا بناخدها ف اعدادى فبيبقو ف بعد الكورسات سابقنا يعنى كورس هما ياخدو الترم الاول احنا نكون بناخده الترم اللى بعديه و المفروض يعنى حسب اللى بيتقال ان بما انهم تصميم دوائى ان يبقى ليهم اولوليه ف شركات الادويه بس ف الاخر 90 % من الشغل ف شركات الادويه بيبقى وسايط فمش محتاجه انك تدفع كل سنه 12 الف ممكن تاخد كورسات او تدرب ف شركات او تحضر ماجستير او دبلومه ف المجال اللى هتشتغل فيه اعتقد هيبقى احسن و هيبقى ليك فرصه اكبر الكلينيكال بردو شايفه ان لا مجال شغله ف مصر محدود جدا ف معاهد الاورام و ف الاخر هى وجهات نظر انت ممكن تسأل حد ف القسم ده اكيد ليه وجهه نظر تانيه عشان تعرف الرأين و تختار انت حسب اللى هيناسبك 4_فية تكييف فى القاعات ولا لا:d المدرج فيه 6 تكيفات لا تقلق :d حتى البرى لاب (المدرجات الصغيرة اللى جنب المعامل ) فيها بس هتفطسو ف المعامل هما السنه دى ركبو مراوح اخيرا بس لما بنيجى نشتغل بيقفلوها انا بجد كنت عاوز طب بعيد شوية السنة دية بس الحمد لله :mad: استحملينى فى الاسئلة بقى :blush: و شكراااااااااااااا الخيرة فيما اختاره الله و العفو مفيش حاجه لو عايز تسأل عن حاجه تانيه انا موجوده dandana.s 02-08-2012, 05:39 PM طب معلش يا دوك انا اولى صيدلة عين شمس بردو وداخلاها غصب عنى علشان كنت جايبة 98.7 وكان نفسى فى اسنان فقوليلى اى حاجة حلوة تحببنى فيها لحسن مش طايقاها لانى كنت بفضل الاحياء بكتيييييييييير عن الكيميا وهل هى صحيح المبنى بتاعها لسة جديد معلش استحملينى علشان انا مستحملة دخولى الكللية دى بالعافية وعلى عينى Bent 3bdo 02-08-2012, 11:38 PM طب معلش يا دوك انا اولى صيدلة عين شمس بردو اهلا و سهلا الكليه هتنور ;) وداخلاها غصب عنى علشان كنت جايبة 98.7 وكان نفسى فى اسنان لو علمتم الغيب لاخترتم الواقع احمدى ربنا محدش عارف الخير فين انسى اسنان خالص و بصى ع مميزات صيدله ده حتى اسنان ارف يا بنتى ؟ كنتى هتقضى حياتك ف بوء الناس :p فقوليلى اى حاجة حلوة تحببنى فيها لحسن مش طايقاها انا ؟ و حاجه حلوة عن الكليه؟ النمرة غلط :d هو كليتنا فيها حاجات حلوة كتير يعنى هيبقى ليكى مجالات شغل اكتر من اسنان سواء ف صيدليه ف الشارع او ف مستشفى او ف مصنع ادويه او ميديكال ريب او حتى تفتحى صيدليه وتقعدى ف البيت و ف عين شمس بغض النظر عن انها اصعب من بقيه الجامعات بس الدكاترة الحق يتقال محترمين الا قله قليله اوى يعنى هتلاقيهم 5 بكتير غير كده التعامل بتاعهم كله باحترام حتى لما يحبو يطردوا حد اتفضل برة يا دكتور من غير شتيمه ولا قله ادب و براحتك تاكلى و تشربى ف المحاضرة هتلاحظى الفرق لما تتعاملى مع دكاترة علوم و هندسه وطب بغض النظر يعنى عن امتحانتهم اللى زى الفل فتصحيحهم حلو اوى و هتلاقى في activities كتير لانى كنت بفضل الاحياء بكتيييييييييير عن الكيميا هتلاقى احياء كتير متقلقيش خالص بتحبى الحفظ هتحفظى لحد ما تشبعى وهل هى صحيح المبنى بتاعها لسة جديد اهو المبنى http://im17.gulfup.com/2012-08-03/1343943016851.jpg (http://www.gulfup.com/show/x34nskx0wrlogso) معلش استحملينى علشان انا مستحملة دخولى الكللية دى بالعافية وعلى عينى لا يا بنتى مفيش حاجه و شوفى لو عايزة تسألى ع حاجه تانيه و انسي فكرة انك كارهه الكليه دى بما انك كده كده خلاص داخلاها سواء حبتيها او لا فحاولى تحبيها احسن g_boy19942000 02-08-2012, 11:50 PM انا يا دكتورة اقتنعت بكلامك عن الاكلينيكل و عن الساعات المعتمدة مادام كدة كدة بناخد نفس الحاجات بتاعته ما عدا مادة واحدة و فى الاخر الواحد هيعمل ماجيستير فى المجال اللى هيحبه رغم انه ممكن يشتغل فى كل المجالات و حبيت صيدلة رغم انها كلهااااااااااااااااااااااااااااااااااااااااااااااا اااا بناااااااااااااااااااااااااااااااااااااات;) dandana.s 04-08-2012, 01:36 AM لا يا بنتى مفيش حاجه و شوفى لو عايزة تسألى ع حاجه تانيه و انسي فكرة انك كارهه الكليه دى بما انك كده كده خلاص داخلاها سواء حبتيها او لا فحاولى تحبيها احسن شكرا يا دوك ادعيلى بس افوق من الصدمة اللى انا فيها وارضى بقضاء ربنا mahy.truefriends 04-08-2012, 08:43 PM الاحسن انك تدخل عادي و بعد كده تعمل دبلومه في الصيدله الاكلينيكيه Bent 3bdo 05-08-2012, 02:03 AM انا يا دكتورة اقتنعت بكلامك عن الاكلينيكل و عن الساعات المعتمدة مادام كدة كدة بناخد نفس الحاجات بتاعته ما عدا مادة واحدة و فى الاخر الواحد هيعمل ماجيستير فى المجال اللى هيحبه رغم انه ممكن يشتغل فى كل المجالات ;) ربنا معاك بس احسن تسمع من حد ف القسم بردو عشان تبقى سمعت م الاتنين بردو و حبيت صيدلة رغم انها كلهااااااااااااااااااااااااااااااااااااااااااااااا اااا بناااااااااااااااااااااااااااااااااااااات دى بالنسبه لكو ميزة ولا ايه ؟ :d شكرا يا دوك ادعيلى بس افوق من الصدمة اللى انا فيها وارضى بقضاء ربنا العفو يا حبيبتى ربنا معاكى ان شاء الله و روقى كده بقى :) g_boy19942000 05-08-2012, 03:38 AM انا سمعت ان الصيدلى ممكن يفتح معمل تحاليل بس بعد دبلومة بيعملها و لكن هناك عقبة و هى انه بيرفع قضية بيسكبها و مضمونة بس مش عارف اية لزمتها و كدة اية الحوار دة ممكن حد يوضحلنا |