gana hany
31-07-2012, 10:01 AM
عايزة اعرف البنات بتفضل تدخل كلية من كليات الطب ولا هندسة وياريت لو فى حد من البنات نفسه يدخل هندسة يقولى ايه السبب
|
مشاهدة النسخة كاملة : البنات بتفضل ايه gana hany 31-07-2012, 10:01 AM عايزة اعرف البنات بتفضل تدخل كلية من كليات الطب ولا هندسة وياريت لو فى حد من البنات نفسه يدخل هندسة يقولى ايه السبب thanawia 31-07-2012, 10:05 AM أفضل للبنت الطب و ليس الهندسة , هذا رأيي , و أحترم الآراء الأخرى . gana hany 31-07-2012, 10:14 AM طيب ممكن يعنى لومجموعها ميخلهاش تكمل فى علمى علوم من رايك تعمل ايه بجد انا محتاجة نصيحة thanawia 31-07-2012, 10:16 AM من رأيي أن البنت إن لم يكن لها نصيباً في القطاع الطبي ( طب , صيدلة ) يبقى أفضل حاجة ليها كلية التربية , ممكن تجدي آراء أخرى ,,,,, لكن ده رأيي الشخصي . eckadOel 31-07-2012, 10:18 AM شوفى اللى بتحبيه ، داخل كلية هندسة فيه أقسام بتكون مناسبة للبنات زى العمارة او الديكور او الاتصالات وفيه حاجات خاصة للاولاد محتاجة لتعب وشغل زى المدنى او التعدين او الميكانيكا بالنسبة لقسم علمى علوم كلية صيدلة كلية بردو مناسبة للبنات شغلها خفيف جداً وبسيط لكن عامةً هى مبتتحسبش كدة بالولاد والبنات انتى شوفى هوايتك ايه وايه اللى تقدرى تبدعى فيه وادخليه مجموعك كام فى تانية ؟ gana hany 31-07-2012, 10:22 AM انا جبت فى تانية 94.5 مع العلم انى والله مظلومة فى التصحيح انا كلية صيدلة هى امنية حياتى بس كل اللى حوليا بيقلولى خليكى فى المضمون وشوفى التنسيق عامل ازاى وللعلم انا بحب الاحياء جدااااااا;) eckadOel 31-07-2012, 10:30 AM انا لما كنت فى 2 ثانوى كنت جايب 96.5 % وكان نفسى اكمل علوم وادخل صيدلة زيك كدة بس والدى نصحنى وقاللى هتدخل علوم واخرك مش هتحصل حتى طب بيطرى ادخل رياضة وخليك فى المضمون ، والصراحة سمعت كلامه وجبت فى تالتة 92.8 وفى السنتين على بعض جبت 95.5 % بالمستوى الرفيع ودخلت هندسة والحمدلله ! إتكلّى على الله وادخلى رياضة وشدى حيلك وممكن تكونى متضايقة من كلامى وشايفة ان الكلية اللى نفسك فيها راحت انا بقولك لما ان شاء الله يجيلك هندسة وهتشوفى واحدة غيرك كانت جايبة اعلى منك فى تانية ومش لاحقة حتى علوم هتفتكرى الكلام ده ، انا قعدت اول شهر فى الدراسة مكنتش مصدق انى دخلت رياضة بس الحمدلله ربنا كرّمنى وقدرت ادخل كلية الهندسة ، وان شاء الله ربنا يوفقك :) gana hany 31-07-2012, 10:34 AM يعنى انت شايف ان فى هندسة مجال شغل كويس للبنات وطيب لوحولت انا خايفة من رياضة 2 اوى بما انك اخدتها ياريت تفيدنى وطبعا مش متضايقة وجهة نظرك معقولة جدا خصوصا انى املى ضعيف انى ادخل صيدلة eckadOel 31-07-2012, 10:41 AM بصى الشغل متاح جداً أنا واحدة قريبتى كان نفسها فى طب وجابت مجموع قليل فى تانية وحولت رياضة ودخلت هندسة عمارة وبمجرد تخرجها اشتغلت فى مكتب استشارى هندسى كبير وبدون واسطة او اى شئ وبمرتب مجزى أما بالنسبة لرياضة 2 انا كنت مش خايف منها انا كنت مرعوووب وغير كدة امتحاناتنا جت صعبة نااار والحمدلله جبت فيها 46 بالنسبة لامتحان السنادى درجة كويسة جداً بس انتى محتاجة مدرس يكون كويس يديكى واجبات ويتابع معاكى أول بأول وهتلاقى الحكاية بسيطة خالص وان شاء الله لو قدرتى تحافظى على مجموعك وجبتى درجة كويسة فى المستوى هتدخلى هندسة مرتاح جداً إن شاء الله marym ali 31-07-2012, 10:45 AM هندسة مش حلوة للبنات بس اسمك مهندسة ومحدش هيتقدملك اقل منك فهمااااااااااني طبعا :022yb4::022yb4::022yb4:هههههههههه gana hany 31-07-2012, 10:46 AM بس بجد فى ناس مخليانى مرعوبة منها وبعدين اصلا عندنا محدش بيدرس رياضة2 بجد بيخافوا يدرسوها امال احنا بقا اللى هناخدها ننتحر بقا ولا ايه marym ali 31-07-2012, 10:47 AM رياضة 2 جات صعبة السنة دي اووووووووووووووي معرفش ليه جبت فيها 35 بس مكنتش ب\اككررررر كويس :(:(:(:( gana hany 31-07-2012, 10:50 AM فهمااااااكى بس انا ضد فكرة اسمك مهندسة ولو كنت متمسكة بصيدلة فده علشان انا حباها مش علشان هبقى دكتورة وخلاص لكن انا ان شاء الله هستخير ربنا واحتمال كبيييييييييير احول رياضة eckadOel 31-07-2012, 10:51 AM أنا قولتلك رأيى والاختيار يرجعلك yusuf reda 31-07-2012, 10:54 AM اكيد تحولى علمى رياضه افضل ليكى وبالنسبه لموضوع البنات ده فى كليه الهندسه فيها مهندسات اشطر من المهندسيين وبيكون قسم عمارة معظمه مهندسات وبعدين انتى شايفه التنسيق عامل ازاى اتكلى على الله وحولى علمى رياضه gana hany 31-07-2012, 10:55 AM ممكن اعرف يامريم انت دخلت هندسة ولا كلية ايه باظبط بليييييز gana hany 31-07-2012, 10:56 AM طبعا انا محترمة رايك جدااااا واقنعتنى وريحتنى كتيييييييييير yusuf reda 31-07-2012, 10:56 AM سيبك من الناس اللى بتعقدك ديه مذكرتش انا جايب فى رياضه 2 49 والامتحان مكنش سهل gana hany 31-07-2012, 11:10 AM طب ممكن بليز اسالك شوية اسالة ع الخاص علشان تفيدنى اعمل ايه ايه فى رياضة2 دى بما انك جايب 49 بسم الله ماشاء الله طبعا yusuf reda 31-07-2012, 11:11 AM اتفضلى يا جنى انا تحت امرك thanawia 31-07-2012, 11:21 AM طب ممكن بليز اسالك شوية اسالة ع الخاص علشان تفيدنى اعمل ايه ايه فى رياضة2 دى بما انك جايب 49 بسم الله ماشاء الله طبعا اسأليه على العام ...... ليه على الخاص ....... ما تكلميش حد خاص أبداً أياً كانت نوعية الكلام ........ و أي استفسار خليه عام ,,,,,,, و في ناس كتير بتجيب 50 في رياضة 2 مش أول حد يجيب 49 مع احترامي ليه .......... gana hany 31-07-2012, 11:26 AM :huh:على فكرة انا مش قصدى اى حاجة وبعدين كان كل قصدى مزحمش الموضوع ونتوه وكمان انا كنت عايزة اراء ناس تانية كمان ومع احترامى ليك طبعا بس انا بالنسبة لى 49 حلوة جدا فى الامتحان الصعب ده وكمان انى مبحبهاش ولاحظ انك كدة ممكن تكون بتغلط فى ناس حتى من غير قصد واعتقد ان ربنا سبحانه وتعالى مطلع على هزه السائل وهو اعلم بالنوايا:o thanawia 31-07-2012, 11:32 AM على فكرة انا مش قصدى اى حاجة وبعدين كان كل قصدى مزحمش الموضوع ونتوه وكمان انا كنت عايزة اراء ناس تانية كمان ومع احترامى ليك طبعا بس انا بالنسبة لى 49 حلوة جدا فى الامتحان الصعب ده وكمان انى مبحبهاش في ناس بتجيب 50 مع المذاكرة إن شاء الله gana hany 31-07-2012, 11:35 AM ياريت رجع تقرا اللى انا زودته فى التعليق اللى قبل بتاعك وشكراااااا thanawia 31-07-2012, 11:40 AM أنا لا أسيئ الظن , و لكنني نصحت حرصاً عليكِ كبنت , و لو أي بنت كنت هكتب نفس الكلام اللي كتبته , خوفاً عليهم ليس أكثر , فإن كانت نيتها سليمة , فإن نية الشيطان ليست سليمة , و علينا أن نمتثل أمر رسول الله صلى الله عليه و سلم بألا يخلو رجل و امرأة لأن الشيطان ثالثهما . أُكرر أنني لا أقصد شيئاً و لا أسيئ الظن بكِ و لا بأي أحد ,, و لكنني أردت النصيحة التي من الممكن أن تتذكريها مدى الحياة . و أسأل الله لكِ التوفيق . gana hany 31-07-2012, 11:46 AM شكراااااااا ليك بس زى ماقولتلك انا بس كنت محتاجة حد يقولى ازاكرها ازاى لانى بجد تعبانة ويارب متتحطش فى الموقف ده وزى ماقولتلك ربنا مطلع ع الرسائل دى |