سلام عليكم


لو سمحتم ياجماعة اى حد يقرا الكلام دا ميبخلش عليا برايه
لانى اقسم بالله قربت اتشل من كتر التفكير

انا زيى زى ناس كتير اوى اتظلمنا بتنسيق السنة دى
انا جايبة 97 ونص
وطبعا ماجاليش غير بيطرى
ودا كان طبعا اخر حاجة فى دماغى لدرجة انى ماكنتش عاوزة اكتبها فى الرغبات
بس على رغبة الوالد اصر انى اكتبها على اساس ان مجموعى بعيد جدا عنها
وانى فى حدود اسنان وصيدلة ودى حاجات اضافية

المهم انا قرات عن بيطرى وسالت ناس فيها
وقرات عن علوم وسالت ناس فيها برضه

الكليتين حلوين ومجالاتهم حلوة ولكنى ميالة بعلوم اكتر عشان مجالات تصنيع الادويه
انا حابة المجال دا جداااا وخصوصا انى بحب العلم وحاسة انى اقدر اعمل حاجة كويسة اوى

المشكلة فى الاهل
مصرين ع بيطرى اصرار غريب رافضين اى باب للنقاش
من باب ان يكفى انك :
1- مسجلة فى نقابة الاطباء
2- اسمك دكتورة
3- ليكى مكانة فى المجتمع


طب وبعدين ؟


لو سمحتم عاوزة ارائكم
انا ولله هتشل من التفكير

اولا كليه طب بيطري والله جميله جدا ومستقبلها حلو
وممكن بعد ما تخلصي تعملي اكتر من دبلومه
و علوم برده حلوه
م الاخر صلي استخارة

رأيى علوم طبعا
بيطرى أنا شخصيا مش بحبها
ولو عايزه بيطرى يبقى بره مجال شغلها ف الخارج مش ف مصر
لكن علوم راااااااائعه جدا

ربنـا معاكى و يوفقكـ
و ياريت تفكـرى كويس جدا قبل ماتفكـرى
اما انا مش هاقدر اساعدكـ لانى معرفش دى و لا ده
لانـى ادبـى :d
المهم فكـــــرى كويس و خدى معلومات عن الاتنين
و بالتوفيـق

طب بيطرى حلوة طبعا

سيبك من الافكار الجهله بتاعتنا دى\وف الاول وف الاخر القرار يرجعلك انتى وصلى استخارة

انا رأيى انك تدخلى علوم لانك هتكملى مستقبلك فيها فلازم تكون حابه مجالك وحاولى تقنعى الوالد وفهميه انه مستقبل وبصراحه انا عندى علوم احسن من بيطرى كتيييييييييييير

استخيري الله .. واجعليهم يستخيروا هما كمان وبالتأكيد ربنا هيجري الخير
على ايدهم وايدك اينما كان ...

طب بيطرى جميلة جدا
انا ماما كلية علوم وبتدعى ياريتها كانت دخلت كلية تانية اجمل
كلية طب بيطرى تقدرى تعملى فيها حاجات كتييير
انا برشحلك طب بيطرى

اصلا اهلى مش موافقين على علوم
وقالولى قرار نهائى
يعنى بيطرى بالاجبار
لله كنت حاسة انى هعمل حاجة كبيرة اوى فى علوم
تانى صدمة اخدها فى حياتى بعد المجموع
حسبى الله ونعم الوكيل بجد

متزعليش يامى
وربنا طب بيطرى جميلة
وهتمشى فيها خالص
وبكرة تقولى نونا قالت

انا بس عايزة اسالك سؤال عشان انا ليا صديقة طفولتى اسمها مى ياسر
ممكن تشابه اسماء او انتى
انتى اسم مدرستك الابتدائى ايه

العلوم كويسة ومجالاتها كتيير...بس الطب البيطري برضه كويس وليه اكيد مجالات كتيرة ف الشغل...وطبعا ف الاول وف الاخر الارزاق بيد الله..وصلي برضه استخارة وربنا يوفقك يرشدك للاصلح ان شاء الله

خلاص طلاما مامتك وباباكى مصرين..طيب اية لازمتها رأينا بقى؟؟

اولا لازم تقنعيهم باللى انتى حباه

لأن هما اللى هيندموا فى الآخر لو دخلتى بيطرى ولا قدر اللى مجبتيش تقدير مش هتعرفى تعملى أى حاجة

وربنا يوفقك وانا شايفة لو انتى فعلا حابة علوم محدش هيقدر يقف قصادك ابدا

انا انصحك بعلوم بيطرى ملهاش مجال شغل فى بلدك

معيد في كلية علوم أحسن من دكتور بيطري بكتيييييييير :d
الله معاكي

بيطرى طبعاااااااااااااااا على الاقل ممكن تشتغلى مندوبة ادوية او فى معمل تحاليل بعد ما تحضرى دبلومة
اما علوم للاسف كلية صعبة جدا و ملهاش شغل كتير غير مدرسة علوم و ده اكيد طبعا مش طموحك

اعملي اللي بتحبيه و اللي بتميلي ليه
اختاري كلية علوم لو بتحبيها
و قوليلهم ان الرازق هو الله مش الكلية ولا نقابة الاطباء
و ربنا يصلح حالك
انا عانيت من نفس مشكلتك لكن اخترت علوم في الاخر
كان متاح قدامي هندسة الكترونيات منوف و رفضت ادخلها التزاما باختياري
و الحمد لله علي كل حال :)