السلام عليكم ورحمة الله وبركاته

انا جبت في سنة ثانية 95.5% والله اتظلمت كتير وكان حلمي حتي لو كنت جايب 100 % اني اخش صيدلة بس قدر الله وما شاء فعل انا دلوقتي مصدوم بعد نتيحة التنسيق مش عارف اكمل احياء ولا احول رياضة بالله عليكم افيدوني وشكرررررررررررررررررررررررررررا

رياضة احسنلك لانك هتتعب ف علمى اوى ومش هتلحق الا بيطرى لو جبت مجموع كويس جدا كمان

شوف ترتيبك علي الجمهوريه كاااااااااااام لو في ال 15 الف الاولانين توكل علي الله و خش علمي علوم لو بعد كده حول علمي رياضه

لو تضمن تجيب 204 السنة الجاية + 5 مستوي كمل علوم غير كدا لأ ( والله اعلم)

بصى احسن حاجه كملى علوم وخشى خاصه ومتتعبيش نفسك فى الدروس الخصوصيه جت جت ماجتش خشى خاص

اولا ما شاء الله الدرجة مش وحشة اوى بالعكس درجات تانية السنة دى كلها فى النمط ده ثانيا شوف انت ميولك فى ايه اكتر احياء او رياضة وكمان التنسيق السنة الجاية مش هيبقى بنفس درجة"غباء" التنسيق السنة دى فانا من رايى الشخصى لو حلم حياتك هيه صيدلة فحاول تحققه بس طبعا بعد ما تاخد بالاسباب يعنى احسب مع نفسك ممكن تنقص اد ايه فى تالته لو اخدت احياء واد ايه لو اخدت رياضة ....وطبعا اسمع كتيير من الاراء علشان تستريح وتستقر على حاجة وربنا يوفقك للاختيار الاحسن

كمل علمى علوم وان شاء الله تعلى متقلقش

علمى رياضه افضل بكتييييييير بالنسبة لك هيقى معاك هندسه و حاسبات و فنون تطبيقية ع الاقل
بالتوفيييق

لو ح تجيب 100% السنة الجاية ماتدخلش برده علمى لان كل اللى جاب مجموع عال دخل بيطرى

بص انا كنت فى 2 كيمياء وجبت 96 وفى 3 كملت احياء وفيزيا وجبت 99 وطبعا 99 مجموع كبير فى احياء وفيزيا وكام مجموع السنتين 97.6 ورست فى الاخر على بيطرى مع العلم اننى جبت 96 فى 2 العربى وحده منقصنى 3 فى المية بس الحمد الله فانت توكل على الله وشوف الترتيب الاول ولو كنت مصمم وعندك عزيمة قوية كمل علمى علوم ومتسمعش كلام حد لان كتير قالولى فى البداية احياء مع فيزيا صعبة ومش هتعلى عن 2 بس المفروض الواحد عندى هدف انت اللى تاخد القرار دة

بس لو التنسيق جه زى السنة بتعتنا لو جبت فوق ال100 فى المية ممكن متلحقش غير بيطرى وحسب درجات دفعتكم بردك شوف ترتيبك الاول لاننا تعبنا ومحدش قدر تعبنا للاسف