mohamed arafa
02-08-2012, 01:15 AM
هو الى يحب يعيد ثانويه عامه يعمل ايه ؟؟
انا جايب السنه دى 93 % ومش لاحق اى حاجه ومش هدخل تجاره
انا جايب السنه دى 93 % ومش لاحق اى حاجه ومش هدخل تجاره
|
مشاهدة النسخة كاملة : سؤال غريب لاكن ظريف ^_^ mohamed arafa 02-08-2012, 01:15 AM هو الى يحب يعيد ثانويه عامه يعمل ايه ؟؟ انا جايب السنه دى 93 % ومش لاحق اى حاجه ومش هدخل تجاره ال منى 02-08-2012, 01:19 AM ولو عدت هتعيد فى ماده واحده بس او مادتين مش السنه كلها ولا المواد كلها mohamed arafa 02-08-2012, 01:20 AM يبقى العربى الى منقصنى 12 درجه gogo kota 02-08-2012, 01:24 AM انا كمان جايبه زيك وعلمى رياضه هو انت عرفت منين انك مش جايب حاجه هو تنسيق المرحله التانيه نزل؟؟؟ mohamed arafa 02-08-2012, 01:26 AM من غير ما ينزل واضح اننا هنلبس فى الحيط .... وبعدين يعنى مندخلب هندسه على 4 او 5 درجات وندخل تنجاره الى بيدخلوها من 70 الله يخرب بيت نظامك يا بلد gogo kota 02-08-2012, 01:33 AM فى فنون جميله عماره وحاسبات ومعلومات وعلوم رياضه وهما كلهم كويسين جدااااا بس مش عارفه هانجبهم ولا لا؟؟؟ user22 02-08-2012, 04:26 AM احتمال كبير تلحق حاسبات ومعلومات أو كلية علوم , والاثنين كليات راقية ومرموقة بس تعمل إيه للتخاريف والجهل المنتشر في بدلنا عن سمعة أي كلية غير الطب والصيدلة والهندسة !! على فكرة , أنا مجموعي أأقل من مجموعك بحاجة بسيطة (علمي رياضة) ومتفائل جدا بخصوص الحاسبات أو العلوم .. ربنا يقدم اللي فيه الخير . أنت خذ بالأسباب والباقي على ربك :) * شروق * 02-08-2012, 06:32 AM ربنا يستر معانا كلنا hamada27588 02-08-2012, 10:57 AM طيب إنت ممكن تلحق حاسبات و معلومات ، طيب أختى بقى اللى علمى علوم و جايبه 95% و مفيش قدامها كلية زى الناس تعمل إيه ؟ منك لله يا نشار إنت و كل الفاسدين اللى فى البلد hala azzam 02-08-2012, 11:53 AM انا جبت95.7 علمي علووم وما فيش كليه هتخدني لا علوم ولا تجاره ومش عارفه اعمل ايه هما بيطرونا للجامعات الخاصه usernamo 02-08-2012, 01:18 PM اخى الفاضل .. تجارة ليس من كليات القاع :) .. هى اقوى كلية فى العالم هى و حقوق .. لكن بلدنا هى اللى غريبة مش الكلية هى اللى وحشة .. ده اولاً :) .. ثانياً .. تجارة انجليزى و ده الاهم .. دراستك بتبقى تبع كتب امريكية .. و دراسة ممتعة و لذيذة و نظام تعليمى يخليك فاهم ايه هى التجارة و ادارة الاعمال فعلاً .. و غياب و حور و التزام و دكاترة تخليك تعمل مشاريع و يشاركوك فيها .. انا بكلم عن جامعة القاهرة اللى انا فيها .. و احب اقول بردو ان كلية تجارة انجليزى هتاخد السنة دى 93% ان شاء الله يعنى :) .. فبالتالى اللى جايب 70 % مبيخشهاش .. ! و تجارة عربى قفلت من ادى فى القاهرة على 83% .. فما بالك علمى .. اعتقد هتقفل على 89% .. يعىن اللى جايب 70 مبيخشهاش .. فياريت بلاش تقول على كلية تجارة وحشة .. لان انت لسه صغير و مشفتش حاجة ^_^ جمــ الروح ـال 02-08-2012, 01:40 PM طيب احمدوا ربنا انا بقى علمى علوم وجبت فى تانيه 97.6 ولكن مجموعى الكلى بالمستوى السنه دى 94.5 مع العلم انى فى الانجلش جبت 11 من 25 مع العلم برده انى محلتش اصلا ولا كلمه لان حصلتى ظروف فى اللجنه ومكملتش امتحانى وتخيلوا بقى علمى علوم فى تنسيقنا ده برده هنزل تجاره ومرفوضه يعنى غالبا مش هعرف ادخل حاجه ولا هقدر حتى اعيد السنه زى ما بتقولوا لان بعد اللى شفته مستحيل اقدر اعيد يوم كمان مش سنه يعنى اللى عايزة اقوله احمدوا ربنا بس ملحوظه محدش ضامن ظروه وانت ايه ضمنك انك لو عدت السنه هتجيب المجموع ده اصلا مش يمكن تقل او يمكن التنسيق يزيد اكتر فى رياضه من وجه نظرى المتواضعه انك تقبل كدا وترضى بقدرك وتحمد ربنا وتأكد ان ده الخير ولو كنت جبت 99 او 100 ودخلت هندسه او بترول او طب او او مكنتش هتمشى لا ربنا له حكمه فى كل حاجه ربنا نزلك كدا علشان حكمه هو وحده يعلمها والمجال اللى هتدخله هو بس اللى هتتفوق فيه وتحقق فيه نجاح لان ربنا اختاره له والخيره فيما اختاره الله ارضى بقدرك وسيبها لله وأتمنى ميكنش كلامى ضايقك بس صدقنى انا اكتر واحده ممكن احس باللى انتوا حاسينه لكن برده بلاش تعيد لانك مش ضامن ومحدش عارف بكره مخبى ايه وربنا يوفقك ويوفق الجميع مع احترامى The king Boy 02-08-2012, 02:59 PM من غير ما ينزل واضح اننا هنلبس فى الحيط .... وبعدين يعنى مندخلب هندسه على 4 او 5 درجات وندخل تنجاره الى بيدخلوها من 70 الله يخرب بيت نظامك يا بلد ممكن تلحق حاسبات وانت غلطان مقدمتش فنية عسكرية ليه وعلى فكرة تجارة من 83 % مش 70 ومش مهم الكلية بتاخد كام المهم انا عايز ايه لو فتحت موقع الاستاذ هتلاقي مثلا واحدة جايبة 97 وشوبة علمي رياضة وداخلة حقوق وواحدة تانية علمي علوم جايبة 98 وكسر وداخلة حقوق برضو مش مهم ادخل كلية بمجموعي المهم ادخل كلية انا عايزها وربنا كريم وهيوفقك ان شاء الله The king Boy 02-08-2012, 03:03 PM انا جبت95.7 علمي علووم وما فيش كليه هتخدني لا علوم ولا تجاره ومش عارفه اعمل ايه هما بيطرونا للجامعات الخاصه ليه ايه الي عرفك ان مفيش كلية هتاخدك وان شاء الله سواء علوم او تجارة تدخليها مرتاحة وانتي عندك تجارة انجليزي وحقوق انجليزي وعلوم وكليات الادبي التانية وان شاء الله فيه امل استخيري وتوكلي على الله حسن عبد العزيز يونس 02-08-2012, 03:34 PM ممكن تلحق حاسبات وانت غلطان مقدمتش فنية عسكرية ليه وعلى فكرة تجارة من 83 % مش 70 ومش مهم الكلية بتاخد كام المهم انا عايز ايه لو فتحت موقع الاستاذ هتلاقي مثلا واحدة جايبة 97 وشوبة علمي رياضة وداخلة حقوق وواحدة تانية علمي علوم جايبة 98 وكسر وداخلة حقوق برضو مش مهم ادخل كلية بمجموعي المهم ادخل كلية انا عايزها وربنا كريم وهيوفقك ان شاء الله mahmouedr 02-08-2012, 04:16 PM يا جدعان طول عمر علوم بتأخد أقل من هندسة و هندسة السنة دى واخدة من 93.9 يعنى أستحالة علوم تزيد عن كده ممكن تأخد من 93.5 ماشى لكن مينفعش تزيد صح ولا أيه برده dalia_x 02-08-2012, 04:50 PM إن شاء الله تلحق حاسبات و معلومات و دى كلية كويسة اوى beta777 02-08-2012, 05:22 PM الثانوية العامة مش كل حاجة ادخل اي كلية وتميز فيها وابقي معيد وحضر ماجستير ودكتوراة وتبقي احسن من اى مهندس فاشلو يمكن كمان تدرس في كلية هندسة :) mohamed arafa 02-08-2012, 11:08 PM ربنا يخليكوا يا جماعه . عموما هو قضاء وقضر وانا صليت استخاره وموضوع انى اعيد ده طار من دماغى خلاص والحمد لله عل كل شىء . انا مقدم فنيه عسكريه على فكره بس مشكلتها انها مش مضمونه . انا كتبت التنسيق واى حاجه هتجيلى هقول عليها الحمد لله وفعلا زى ما اخويا وضح انا هحاول اتميز فى اى كليه هروحها الحمد لله |