السلام عليكم ورحمه الله وبركاته


يا جماعه انا علمى رياضه وجبت 91.2 بالظبط ..... وزى ما انتو عارفين ان التنسيق السنادى

عالى جداااااااا
وانا كان نفسي ادخل كليه فنون تطبيقيه وشكلها كده مش جايه .... وبجد خايفه مش الحق

اى حاجه عدله خاااالص :(:(

وفكرت دلوقتى ف علوم/رياضه ؟؟؟ ايه رئيكم فيها ؟؟؟ وهل مجموعى هايجبها ولا لاء ؟؟؟؟

وايه اكتر قسم كويس فيها ؟؟؟

وقولولى اكتب ايه بعدها ؟؟؟؟؟ يعنى الاول اداب ولا حقوق ولا تجاره ولا ايييييييييييه

بجد مضايقه اوى وحاسه ان خلاص مبقاش فى امل ف اى حاجه تانى حلوة

اسفه انى طولت عليكم

علوم رياضه كويسه
بس المهم تبقى ناويه تذاكرى لانها محتاجه شغل
بالنسبه لتانى رغبه نصيحه بلاش حقوق
وفاضلى انت بين اداب وتجاره حسب رغبتك لو ناويه تشتغلى

اداب او تجاره انجلش طبعاااا

طيب يا جماعه انا نقصت ف الانجلش 5 درجات ونص ومش جاتلى تجاره انجلش وكنت عايزة اسال عن تجاره
خارجيه دى؟ كليه منفصله ولا تبع تجارة ولا نظمها ايييييييييييه ؟؟؟؟؟

والله انا مش هقدر افيدك لانى فى ازهر ان شاء الله ربنا يفك كربتك
وتلاقى حد يقدر يساعدك

يااااارب ؟؟؟ السنادى بجد ظلمت ناس كتير اوووى

والله الظلم فى كل حته بس انا عرفت ان الامتحانات كانت بتتسرب على المدونات قبل الامتحان بيوم بالاجابه النموذجيه والغش كان مولع على البلاك بيرى وكده حتى الوزير اعترف بكده
بأمانه الكلام ده كان فى لجنتك ولا لئا ؟!!

لا خاااااااااااااالص ماكنش عندنا اى حاجه زى كده نهائي دول اول مره حتى كانو يفتشونا كده

انما كان فى غش بجد ف مدرسه الولاد وسمعت ان المدرسه كلها بعد كده دخلت لجنه خااااصه

ولو كان عندنا غش كده اكيد كنت جبت مجموع اعلى من كده وارتحت

طب سؤال لما تجيبى مجموع عالى (لو كان فيه الكلام ده :) ) انتى فاكره لما تخشى هندسه خلاص كده
بالعكس بتوع الهندسه بيقولو دلع الثانويه .....
ده الخبر اهوهhttp://www.mrhossamalagmy.com/2012/06/2012_6768.html
قال تعالى ( وعسى ان تكرهوا شيئا وهو خير لكم )
نصيحه منى ادخلى الكليه اللى جيباها بمجهودك واللى ربنا عايزهالك
وشدى حيلك من اول يوم
وصدقينى هتكونى الاولى وربنا مبيضيعش تعب حد
تحياتى

حسبي الله ونعم الوكيل بجد ف الامتحانات وف التنسيق وف الوزير
اكيد انا مش بايدى اى حاجه اعملها وهادخل ال هايجيلى وخلاص وامرى لله
بس انا دلوقتى بجد مش متصورة انى ممكن ادخل تجاره بعد ماكنت راسمه لنفسي هندسه
او فنون تطبيقيه .......... عموما الحمدلله على كل شئ

وميرسي اوى لحضرتك

طب سؤال كده (هندسه خاص فى الاكاديميه البحريه )
انا عارف انها مش أد كده وفلوس وبتاع
بس فى الاخر مهندسه شروق :)
ده اختيار 1
ممكن علوم قسم رياضه ولما تتخرجى تدى دروس خصوصيه وهتلاقى الرزق من السما :d
ده 2
سؤال هوا التجاره الانجلش لازم تكونى جايبه فى الانجلش مجموع كبير ؟
طب انتى لاحقه اداب انجلش؟
بلاش تجاره والنبى مستنى ردك ولا شكر على واجب :)

اولا اى حاجه خاصه مرفوضه عندنا خاااالص
ثانيا انا مش بحب التدريس ابدااااااااااا
ثالثا بقي اسمع ان تجاره انجلش لازم اكون جايبه ف الانجلش 45 تقريبا وانا جايبه 44 ونص
وبالنسبه لاداب عادى نازله ف التنسيق بس انا اختار اى قسم بعد كده بقي

اولا انتى ممكن تعملى تظلم فى الانجلش وتاخدى النص درجه ده !!
ثانيا انا شايف ان الاداب انجلش احسن من التجاره !

انا فعلا كنت عايزة اعمل تظلم بس ف علم النفس لانى ناقصه 3 درجات وانا مش غلطانه خاااااااااااالص
بس عارفه انهم مش باخدو اى حاجه بالعكس بيتعبوى ف المشوار رايح جاى وخلاص
وانا مش عارفه والله تجاره او اداب الاتنين كرهاهم بس قولت اسال عن احلى الوحشين
وسمعت ان فى قسم ف تجارة اسمو تجارة خارجيه وفيه عربي او انجليزى
مش عارفه بقي ربنا يستر بجد

مفيش كليه تجاره انجليزى
انت بتكتبى تجاره عاديه وبعد كدا بتحولى من جوه الكليه لشعبه انجليزى

اداب انجليزى وتجاره انجليزى والكليات اللى شبهم
بتدخلى الكليه عادى
ولما بتدخلى بتختارى انت قسم انجليزى
ماهيش كليه منفصله ف التنسيق

لا ازاااااااااااى اما دى ليها تنسيق ودى ليها تنسيق تانى خالص ؟؟؟؟ تجارة انجلش بتاخد اعلي ؟؟؟؟

لالالالا
تجاره واداب شعبه انجلش
بتدخلى الكليه عادى وبعدين تختارى قسم انجلش
وبالمناسبه ف الاختيارات ف التنسيق بيجيلك كل الكليات اللى نزلت مرحله تانيه
مش الكليات اللى مجموعك يجيبها بس
والدليل انك هتلاقى عندك كليه حاسبات ومعلومات مع انك مجموعها مش هيجيبها

اه ما انا عارفه ؟؟؟؟ بس ازاى حضرتك تجاره انجلش مجموعها اعلى من تجاره عاديه ؟؟؟؟؟؟

لالالالا
هى مش كليه منفصله عشان تبقى بمجموع
هى شعبه داخل الكليه
جايز عشان تدخلى الشعبه دى يبقى مجموعك وصل لحد معين
بس ف النهايه دى شعبه داخل الكليه
وبالمناسبه مجموعك دا يدخلك شعبه انجلش ف تجاره لو عايزه

حضرتك متاكد ؟؟؟؟؟؟؟ وايه رئيك انهى احسن تجاره انجلش ولا اداب اى قسم فيها بقي ولا حقوق

ايوه متأكد عمرها ما هتزيد عن 90 ف الميه اعتقد
ولو عايزه تتاكدى اكتر ممكن تدخلى قسم كليه تجاره ف المنتدى هنا وتسالى
هى الشعبه كانت واخده حوالى كام السنه اللى فاتت
بالنسبه لانهى افضل فا دى انت حره فيها حسب رغبتك
او لو ناويه تفكرى تشتغلى ولا ولا
اداب انت ف الغالب مدرسه
لكن تجاره انجلش فرصها اكتر وافضل هى اه فيها مصاريف
بس لو اشتغلتى بتعوضى كل دا ف وقت قليل

ان شاء الله ....... ربنا يسهل ويعوضنى عن فنون تطبيقيه وهندسه ال طااااااارت

ومتشكره جدااااا لحضرتك

العفو
وتحت امرك ف اى استفسار

منه لله وزير التربية و التعليم بيستعبط و لا أيه سيب الطلاب بتخبط فى بعض و عامل نفسه تايه عننا و بيقولك أن أعداد المقبولين زادت و كلية صيدلية حلوان قبلت 32 طالب بس يعنى مش محتجين مدرج هى تربيزة كبيرة و يلفوا حوليها

يا رب تلحقى علوم بجد كلية جميلة جداااااا و مجالاتها واسعة
و خالى بالك أن تجارة أنجلش بمصاريف حوالى 7000 جنيه فى السنة

باك علووم اييييييييييييييييييييييييييه بس !!!!!
ده كليه صعبه واللى بيتخرج ملهوش شغلانه الا بس بتوع الدروس
نصيحه منى زى ماقلتلتك كده واستخيرى ربنا
وبالتوفيق للجميع
اخوكم معاذ