hamada966
03-08-2012, 07:47 AM
بعد سنه كامله من الرياضه انا حاسس ان فى رساله لازم اوصلها للجيل الجديد خبره سنه لعلها تفيدكوا
اولا لازم متخليش حد يحدد قدراتك ويقولك انت متنفعش فى ايه وتنفع فى ايه انت عارف ايه اللى بتحبه وايه
اللى ممكن تبدع فيه لانك لو صدقته هتبقى هى دى حدودك فعلا ومش هتحاول تتخطاها لانك جواك بقيت
مصدق ان ده اخرك الرياضه فى وجهه نظرى فن حاجه بنستمتع بيها مش بنضايق واحنا بنعملها زى لحن
موسيقى كل قانون كل رقم كل شكل ليه نبض معين ليه طعم كل مسأله زى حاله بتاخدك معاها يمكن
النظام المصرى بيصيب الطالب بالعقم لانه بيجرد الماده مجرد قوانين و طريقه للحل ويمكن حتى بعض
الاساتذه للاسف الشديد بتحفظ الرياضه وكمان الطالب كل هدفه انه يحل امتحان بطريقه معينه علشان
الدرجه وخلاص عمرى ما اقتنعت ان يبقى فيه نموذج اجابه للرياضه او طريقه مثاليه للحل بس ده مينعش انك
عندك سنه كامله ممكن تتعلم فيها رياضه وانت بتحل اى مسئله لازم تعرف ان كل كلمه فيها ليها معنى
بيحدد ليها تفاصيل اكتر من الكلمه اللى قبلها حاول دايما متتقيدش بطريقه معينه كل مسئله ليها حلول كثيره
كلها ممكن تجيب نفس النتيجه بس العبره مش فى الناتج وخلاص العبره فى الخطوات دايما الاذكى هو
الاسرع والادق ذى ما اساتذتنا علمونا ممكن اكون حليت مسئله صح بس فى صفحه كامله لكن هى فى
الاصل ممكن تتحل فى سطر واحد لو ركزت فيها و طوعتها رياضيا للقانون حاول دايما يكون عندك صبر متعجزش
بسرعه حاول فى الحاجه مره والتانيه والثالثه والرابعه كمان بس اعرف ان فى كل محاوله جديده لازم تتقدم
خطوه للصح انت الوقتى بقيت طالب كبير داخل جامعه السنه الجايه يعنى المعلومه مش بس عند المدرس
المعلومه حواليك فى كل حته و هتلاقى اللى انت عايزه لو ساعيت يمكن فى كتاب المدرسه فى كتاب
خارجى يمكن على النت يمكن مع واحد صاحبك يمكن حتى تبقى معاك بس محتاجه انك تفكر بعمق شويه علشان
تلاقيها اسهل طريقه انك تسئل مدرسك بس دى مش اخر طريقه الوقت مهم وده مش كلام مكرر او مبتذل
ده شئ حقيقى وملموس كل لحظه بتعدى عليك ليها تاثير كبير يمكن لو حاولت تحصره حتى متعرفش كل
مشكله بتبدا صغيره و لما نتجاهلها بتبقى اكبر وتتفاقم لحد ما الحل يبقى صعب وكان اسهل بكتير اننا نواجها
فى الاول التعقيد العقلى ده اساس فى اى مسئله صحيح بدرجات بس لازم يبقى موجود و الا يبقى ملهاش
لزمه لانها لازم تمثل مشكله رياضيه سواء حقيقيه ممكن تكون فى الواقع او تخيليه بس اعرف انها لازم ليها
حل خليك دايما هادى فى تعاملك مع الامور العصبيه والنرفزه مش هتفعك فى حاجه الهدوء دايما بيخليك
تشوف الحاجه بصوره اكبر واوضح متستخسرش مجهودك كل متقدم للحاجه من قلبك هتديلك اكتر الرياضه
ماده جميله واساس لحاجات كتير جدا اقدم العلوم متخليش حد يقنعك انها مجرد كلام نظرى ملوش لازمه من
غير الرياضه مكنتش هتعرف تقرا الكلام اللى انا كاتبه ده مكنتش هتسكن فى بيت اسمنت مكنتش هتسافر
فى سفينه حديد بس هى العقليه المصريه اللى بعتبر ان البحث العلمى رفاهيه او مضيعه للفلوس و للجهد
مع ان ده الجهل بعينه
اولا لازم متخليش حد يحدد قدراتك ويقولك انت متنفعش فى ايه وتنفع فى ايه انت عارف ايه اللى بتحبه وايه
اللى ممكن تبدع فيه لانك لو صدقته هتبقى هى دى حدودك فعلا ومش هتحاول تتخطاها لانك جواك بقيت
مصدق ان ده اخرك الرياضه فى وجهه نظرى فن حاجه بنستمتع بيها مش بنضايق واحنا بنعملها زى لحن
موسيقى كل قانون كل رقم كل شكل ليه نبض معين ليه طعم كل مسأله زى حاله بتاخدك معاها يمكن
النظام المصرى بيصيب الطالب بالعقم لانه بيجرد الماده مجرد قوانين و طريقه للحل ويمكن حتى بعض
الاساتذه للاسف الشديد بتحفظ الرياضه وكمان الطالب كل هدفه انه يحل امتحان بطريقه معينه علشان
الدرجه وخلاص عمرى ما اقتنعت ان يبقى فيه نموذج اجابه للرياضه او طريقه مثاليه للحل بس ده مينعش انك
عندك سنه كامله ممكن تتعلم فيها رياضه وانت بتحل اى مسئله لازم تعرف ان كل كلمه فيها ليها معنى
بيحدد ليها تفاصيل اكتر من الكلمه اللى قبلها حاول دايما متتقيدش بطريقه معينه كل مسئله ليها حلول كثيره
كلها ممكن تجيب نفس النتيجه بس العبره مش فى الناتج وخلاص العبره فى الخطوات دايما الاذكى هو
الاسرع والادق ذى ما اساتذتنا علمونا ممكن اكون حليت مسئله صح بس فى صفحه كامله لكن هى فى
الاصل ممكن تتحل فى سطر واحد لو ركزت فيها و طوعتها رياضيا للقانون حاول دايما يكون عندك صبر متعجزش
بسرعه حاول فى الحاجه مره والتانيه والثالثه والرابعه كمان بس اعرف ان فى كل محاوله جديده لازم تتقدم
خطوه للصح انت الوقتى بقيت طالب كبير داخل جامعه السنه الجايه يعنى المعلومه مش بس عند المدرس
المعلومه حواليك فى كل حته و هتلاقى اللى انت عايزه لو ساعيت يمكن فى كتاب المدرسه فى كتاب
خارجى يمكن على النت يمكن مع واحد صاحبك يمكن حتى تبقى معاك بس محتاجه انك تفكر بعمق شويه علشان
تلاقيها اسهل طريقه انك تسئل مدرسك بس دى مش اخر طريقه الوقت مهم وده مش كلام مكرر او مبتذل
ده شئ حقيقى وملموس كل لحظه بتعدى عليك ليها تاثير كبير يمكن لو حاولت تحصره حتى متعرفش كل
مشكله بتبدا صغيره و لما نتجاهلها بتبقى اكبر وتتفاقم لحد ما الحل يبقى صعب وكان اسهل بكتير اننا نواجها
فى الاول التعقيد العقلى ده اساس فى اى مسئله صحيح بدرجات بس لازم يبقى موجود و الا يبقى ملهاش
لزمه لانها لازم تمثل مشكله رياضيه سواء حقيقيه ممكن تكون فى الواقع او تخيليه بس اعرف انها لازم ليها
حل خليك دايما هادى فى تعاملك مع الامور العصبيه والنرفزه مش هتفعك فى حاجه الهدوء دايما بيخليك
تشوف الحاجه بصوره اكبر واوضح متستخسرش مجهودك كل متقدم للحاجه من قلبك هتديلك اكتر الرياضه
ماده جميله واساس لحاجات كتير جدا اقدم العلوم متخليش حد يقنعك انها مجرد كلام نظرى ملوش لازمه من
غير الرياضه مكنتش هتعرف تقرا الكلام اللى انا كاتبه ده مكنتش هتسكن فى بيت اسمنت مكنتش هتسافر
فى سفينه حديد بس هى العقليه المصريه اللى بعتبر ان البحث العلمى رفاهيه او مضيعه للفلوس و للجهد
مع ان ده الجهل بعينه