انا داخل ان شاء الله اولى حاسبات القاهره وعايز حد يساعدنى اعمل ايه فى الصيف علشان استعد للكليه وعايز اعارف هو ايه المواد الى فى اولى ولغات البرمجه الى هتتاخد فيها ان شاء الله وشكرا..............

أولاً أهلاً بيك في حاسبات ... ربنا إن شاء الله يوفقك فيها

بالنسبة لتعمل إيه في الصيف ... تبدأ تشوف لغة برمجة ( c++ أو Java ) و تدور على فيديوهات ليها عالنت ... و تحاول تطبق اللي بيتشرح فيها ... ده هيريحك أوي في الكلية ... عشان هتنضغط شوية أول ما تدخل فيفضل يكون عندك خلفية كويسة عن لغة برمجة ... و زي ما قلت لغة البرمجة اللي ممكن تتاخد في أولى هي غالباً ( C++ أو JAva ) جرب تشوف أي حاجة فيهم و مش هتفرق المهم إنك تفهم مفاهيم البرمجة مش اللغة نفسها ... بس ركز دلوقتي على واحدة بس منهم و إن شاء الله حتى لو أخدتوا التانية هيبقى الموضوع سهل بالنسبة ليك إن شاء الله , و لو أي حاجة وقفت معاك اسأل هنا و أنا هأرد عليك إن شاء الله ..

المواد اللي هتاخدها بتختلف من كلية للتانية أنا شخصياً ( حاسبات المنوفية ) أخدت

رياضيات 1 - تراكيب محددة ( متتخضش من الاسم سهلة جداً جداً ) - مقدمة للحاسبات ( دي أخدت فيها بدايات c++ و مقدمة عن ال hardware ) - عربي - إنجليزي ( بس على ما أعتقد حاسبات المنوفية هي الوحيدة اللي لسه بياخدوا فيها عربي و إنجليزي ) ده بالنسبة للترم الأول

الف شكر يا استاذ انا هدور على اللغتين دول حتى لو اعرف الاساسيات بس عاوز اعرف هى الكليه لوحدها تكفى ولا لازم اخد معاها كرسات وكده يعنى خريجين الكليه بيكون بقدرات عاليه وهل ان المواد كلها بالانجليزى ديه مشكله ولا عاديه ل وايه هى مستقبل الكليه فى العمل وانا اسف لو كنت طولت على حضرتك

دعبس فى ال سي شارب وال سي بلس :)

تمام يعنى c# و c+ و c++ والجافا كل دول فى اولى ياله بينا بس هشوفهم ان شاء الله

لا خليك فى السي + + والسي شارب بس فى اولى

الف شكر يا استاذ انا هدور على اللغتين دول حتى لو اعرف الاساسيات بس عاوز اعرف هى الكليه لوحدها تكفى ولا لازم اخد معاها كرسات وكده يعنى خريجين الكليه بيكون بقدرات عاليه وهل ان المواد كلها بالانجليزى ديه مشكله ولا عاديه ل وايه هى مستقبل الكليه فى العمل وانا اسف لو كنت طولت على حضرتك

على فكرة أنا أكبر منك بسنة واحدة :)

آه ... هو الأساس إنك تعرف الأساسيات بأي لغة و بعدها دراسة أي لغة تانية هتبقى سهلة إن شاء الله

لأ الكلية مش كفاية ... مش كفاية للشغل قصدي ... يعني لازم تاخد كورسات أو هتلاقي في الكلية بيعملولكم تدريبات صيفية أو الأحسن من ده كله و اللي هيديك قوة إنك تدور و تتعلم بنفسك ..

كون المواد بالانجليزي دي مش مشكلة على الإطلاق ... هي اسبوعين و هتتعود إن شاء الله ... و أي مصطلح جديد هتتعود عليه بسرعة ...

مستقبل الكلية في الشغل الصراحة مقدرش أفيدك أوي فيها ... أنا لسه زي ما قلتلك داخل تانية و مبفكرش الصراحة أشتغل قبل ما أحس إني بقيت فوي في حاجة بما فيه الكفاية ...

صحيح ... أنا قبل ما أدخل كنت عارف شوية في PHP ( لغة برمجة لصفحات الويب ) و ساعدتني جداً لما جينا ناخد c++

ده بس عشان أؤكدلك إن اللعة نفسها مش المشكلة المهم المفهوم بتاع البرمجة نفسه :)

الأساس اهم ..

اها انا رايح حلوان ممكن اعرف المواد ال عندي