لو سمحتم ضرورى عايز اعرف ايه الشروط
اللى مطلوبه عشان الطالب يعيد 3 ثانوى عام
تانى وياترى بيدرس كل المواد ولا لا ياريت ضرورى
مع العلم ان خطيبتى جابت 93.2%
وناقصه 10.5 ف الرياضه

مين اللى عايز يعيد انت ولا خطيبتك ؟ لو انت اللى عايز تعيد اظن مينفعش لازم تكون ساقط..بالنسبه لخطيبتك ممكن تلحق حاسبات ومعلومات ودى كلية حلوه برده

خطيبتى يا باشا هى ناجحه بس انا بسال
ينفع تعيد عشان عوض المجموع
واحنا كاتبين حاسبات ومعلومات رغبه اولى
بس فيه كلام انها هاتفرق على 0.2% للاسف

للاسف يا برنس ما ينفعش
وعسى ان تكرهوا شيا وهوخير لكم

شكرا يا معلم
والحمد لله على كل حال

انا بسمع ان ممكن
ولكن اللى بيعيد الثانويه بيعيدها من سنه اولى ثانوى
وربنا يوفقها

بص اللى اعرفه وشفته هنا فعلا انك مينفعش تعيد سنه لكن تقريبا ماده او اتنين

لكن على فكره علمى رياضه بمجموعها ده ممكن تدخل حاسبات ومعلومات التوقعات لها حد ادنى 92.2 يعنى ان شاء الله تقبل

كمان بصراحه حرام انها تعيد سنه بعد اللى شفناه فى الثانوية ده

ومع احترامى ايه ضمنك انها لو عادت السنه ممكن تحسن مجموعها او توصل للمجموع ده

انا مش قصدى طبعا احبطك انا متأسفه لكن خليك واقعى ده قدر

وان شاء الله تلحق حاسبات وربنا يكرمها ويكرمك

تقصد "تحسين مجموع" !؟ للأسف غير موجود في النظام الحالي .. بلاش تضيع سنة تاني وتشوف الكليات المتاحة وخلاص :)