بصوا يا جماعة انا جبت مجموع 97.7
وربنا اختارلى ادخل بيطرى
مع ان حلمى كان ادخل صيدلة
بس سمعت انى ممكن ادخل صيدلة كلينيكال وكانها كلية خاصة يدفعلها فلوس
هل ده ممكن ؟؟
ولا لازم كنت التحق بكلية الصيدلة وبعيدين ادخلها ؟؟
ياااريت تطمنونى بالله عليكوا
اصل دلوقتى محتارة اوووووووووى
انا نازلة النهارده اسال ف الكلية بس ياريت لو حد يعرف يجاوبنى

لا طبعا لازم تكونى فى كليه صيدلة وبعدين تروحى تقدمى قسم كلينيكال ....ولو مش عاجبك بيطرى ممكن تروحى صيدلة خاص حلوه برده واعتقد لسه فى اماكن

لا طبعا لازم تكونى فى كليه صيدلة وبعدين تروحى تقدمى قسم كلينيكال ....ولو مش عاجبك بيطرى ممكن تروحى صيدلة خاص حلوه برده واعتقد لسه فى اماكن

اولا شكراا ع الرد
ثانيا موضوع الخاص ده انا شخصيا مش مقتنعة بية ابداا
لانى بحس ان اللى بيدخل خاص ده بياخد حق غيرة
"ودى وجهة نظرى"
ثالثا انا كان ف الاول مش عاجبنى البيطرى لكن فوضت امرى لربنا ورضيت واقتنعت بيه الحمد لله
وربنا بوقفنى فيها واحقق اللى محققتوش ف صيدلة


ربنا يكرمنا جميعاااااااااااا

انا لسه هدخل صيدلة الزقازيق السنة دي
وتقريبا مينفعش الا لو كنتي طالبة ف صيدلة من الاساس
حولي علاج طبيعي افضل ، تقريبا مجموعك يلحقها

الحمد لله علي كل شئ

انا لسه هدخل صيدلة الزقازيق السنة دي
وتقريبا مينفعش الا لو كنتي طالبة ف صيدلة من الاساس
حولي علاج طبيعي افضل ، تقريبا مجموعك يلحقها


للاسف علاج طبيعى واخد م 97.9
بس الحمد لله ع اختيار ربنا
وانا ع فكرة م الزقازيق
وكنت كاتبة صيدلة الزقازيق رغبة اولى
بس مفيش نصيب :)

الحمد لله علي كل شئ

اكيد طبعا الحمد لله ع كل شئ :)
وانا متفائلة خير باذن الله

ياااااه
حرام بجد علي 0.2 متلحقيش علاج طبيعي
ليا واحد صاحبي 97.9 وملحقش صيدلة برضو

معلش بجد ربنا اكيد رايدلك الخير في الكلية اللي اختارهالك ، لان احنا عندنا قصر نظر شوية ف امور الدنيا ، بنكون شايفين اللي تحت رجلينا بس ، انما ربنا عالم الغيب فبيعملنا الحاجات اللي تناسب مستقبلنا ، واكيد هو الاختيار الأفضل لأنه احكم الاحكمين :)

ياااااه
حرام بجد علي 0.2 متلحقيش علاج طبيعي
ليا واحد صاحبي 97.9 وملحقش صيدلة برضو

معلش بجد ربنا اكيد رايدلك الخير في الكلية اللي اختارهالك ، لان احنا عندنا قصر نظر شوية ف امور الدنيا ، بنكون شايفين اللي تحت رجلينا بس ، انما ربنا عالم الغيب فبيعملنا الحاجات اللي تناسب مستقبلنا ، واكيد هو الاختيار الأفضل لأنه احكم الاحكمين :)


صح والله الحمد لله ع اختيار ربنا
وانا متفائلة خيييير ان ربنا هيكرمنى

انا جايب 97.56% و دخلت صيدلة خاصة ... الموضوع مش إنك بتاخدي مكان غيرك .. كل مافي الموضوع إن الوزير حب ينتقم من الطلبة لإنه مش في التشكيل الوزاري الجديد فقلل عدد المقبولين في الكليات الطبية ... انا مش المفروض اقبل بأي حاجة يجبهالي التنسيق طالما هي مش رغبتي .. و اتمسك برغبتي الاولي عشان انجح في حياتي العملية ... انا انصحك ادخلي احسن خاص و بلاش تدخلي حاجة مش حابها.. كمان سمعت في الخاص بيبقي في قسم كلينيكال و عندنا في جامعة مصر الدولية لسه في أماكن و بنكمل دراسة معاهم بعد الخمس سنين و بناخد فارم دي و بيدربنا دكاترة من امريكا متخصصين ... يعني تدريب احسن من الحكومة مليون مرة

لو سمحت يا دكتور حسام انا جايب مجموع 80% هل ممكن اقبل في جامعة مصر الدولية؟؟وما هو الحد الادنى للتنسيق حتى ادخل كلية الصيدلة او طب الاسنان ؟؟؟ ولا مفيش تنسيق اصلا
الحاجه التانية انا لو قبلت في كلية صيدلة بالمجموع ده هل ممكن اني افتح صيدلية؟؟؟لاني انا سمعت اني في قرار نزل من نقابة الصيادلة بس مش عارف اه هو
وحاجه اخيره معلش مصروفات الكليتين ....وهل مصر الدولية احسن ولا 6 اكتوبر ولا اكتوبر للعلوم الحديثة والاداب بتاعت نوال الدجوي افضل

شوف حضرتك هو علي ما اعتقد كدة هما بياخدوا بالاولوية في التقديم مع المجموع يعني صعب يقبلوا حضرتك بالمجموع دة خصوصا ان في اعداد كبيرة اوي مقدمين في الجامعة و معظمهم فوق التسعين بس لو حضرتك حابب الجامعة ممكن تروح تمضي ابليكيشن ببلاش و تاخد ميعاد للامتحان بتاع الانجليش و ربنا يوفقك باذن الله بس لو عايز نصيحتي اعمل كدة بس حط ورقك في جامعة تانية عشان تبقي ضامن لو لا قدر الله ماجتلكش الدولية تلحق في مكان تاني ... من ناحية حكاية عدم الاعتراف بيك فهو يقصد الاقل من ٨٠٪ يعني حضرتك معدي و مستريح بعون االه .. المصاريف ٣٥ الف و نص في السنة .. بالنسبة للجامعات الاحسن و حسب اغلب الاراء و دة من حيث كلية الصيدلة بس فالترتيب هو جامعة مصر للعلوم و التكنولوجيا ثم الدولية ثم الالمانية ثم ٦اكتوبر ثم الحديثة للعلوم و الاداب و لو عندك اي استفسار تاني انا بعون الله في الخدمة .. بالمناسبة انا عندي امتحان انجليش بكرة باذن الله بتاع القبول .. ادعولي يا جماعة

شوف حضرتك هو علي ما اعتقد كدة هما بياخدوا بالاولوية في التقديم مع المجموع يعني صعب يقبلوا حضرتك بالمجموع دة خصوصا ان في اعداد كبيرة اوي مقدمين في الجامعة و معظمهم فوق التسعين بس لو حضرتك حابب الجامعة ممكن تروح تمضي ابليكيشن ببلاش و تاخد ميعاد للامتحان بتاع الانجليش و ربنا يوفقك باذن الله بس لو عايز نصيحتي اعمل كدة بس حط ورقك في جامعة تانية عشان تبقي ضامن لو لا قدر الله ماجتلكش الدولية تلحق في مكان تاني ... من ناحية حكاية عدم الاعتراف بيك فهو يقصد الاقل من ٨٠٪ يعني حضرتك معدي و مستريح بعون االه .. المصاريف ٣٥ الف و نص في السنة .. بالنسبة للجامعات الاحسن و حسب اغلب الاراء و دة من حيث كلية الصيدلة بس فالترتيب هو جامعة مصر للعلوم و التكنولوجيا ثم الدولية ثم الالمانية ثم ٦اكتوبر ثم الحديثة للعلوم و الاداب و لو عندك اي استفسار تاني انا بعون الله في الخدمة .. بالمناسبة انا عندي امتحان انجليش بكرة باذن الله بتاع القبول .. ادعولي يا جماعة
تسلم يا دكتور ........وربنا يوفقك