مشاهدة النسخة كاملة : افضل كتاب خارجى
lovelygirl2210 05-08-2012, 10:36 AM السلام عليكم
بسم الله الرحمن الرحيم
ما افضل كتاب خارجى فى مواد المرحلة الثانية؟؟
يا جماعة انا عايزة اعرف افضل الكتب فى مادة:
العربى(بس فى التعبير والنحو والبلاغة(بس يكون فيه اجابات))
الانجلش(بس يكون فيه اجابات)
الكيمياء(يكون فيه افكار واجابات)
الفيزياء(يكون فيه مسائل وافكار واجابات نموذجية)
علم النفس(يكون فيه اسئلة واجابات)
معلش طولت عليكوا
انا عارفة ان اكيد ده موضوع متكرر
بس انا مش لاقية المواضيع القديمة والاعضاء بطلوا يردوا
فأنا عملت الموضوع ده عشان الاعضاء يشوفوه ويردوا عليه
مع العلم ان ده اول موضوع ليا
hassan201022 05-08-2012, 01:04 PM عاوز كتاب انجليزى وفيه اجابات من فضلكم
hassan201022 05-08-2012, 01:05 PM والكمياء اللى فيه اجابات هو كتاب الامتحان
lovelygirl2210 06-08-2012, 12:07 AM هو تقريبا مفيش كتاب انجليزى متجاوب على حد علمى
بس انا قلت اسأل برده
وميرسى على المشاركة
lovelygirl2210 06-08-2012, 12:31 AM انا عندى سؤال انا اسمع ان كتاب الوسام فى الفيزياء حلو
طب هو الكتاب ده للغات بس؟؟
Ahmed fathy 7 06-08-2012, 12:40 AM لا الوسام مش لغات بس
lovelygirl2210 06-08-2012, 12:42 AM شكرا على المشاركة
lovelygirl2210 06-08-2012, 12:43 AM طب الوسام ولا المثالى ولا الامتحان فى الفيزياء؟
Ahmed fathy 7 06-08-2012, 12:44 AM فى العربى الرساله والامتحان , فى الكيمياء الامتحان الانجليزى مفيش تقريبا ملخص بالاجابات غير سربرايز المراجعه , وكشكول الاول كان فيه اجابات لبعض التمارين
lovelygirl2210 06-08-2012, 12:54 AM تماام شكرا بس هيا المشكلة بجد فى الفيزياء
الاراء بتختلف جامد فيها
يعنى فيه:
الوسام
والمثالى
والماسى
والامتحان
فأنا مش عارفة مين أحسنهم؟
hassan201022 06-08-2012, 01:04 AM انا فيزياء وعاوز اعرف برده
Ahmed fathy 7 06-08-2012, 02:07 AM لا هو الوسام والامتحان بس يكفى بس دور اسئله بس
لو عايز شرح يبقى المثالى
a7med bondok 06-08-2012, 03:05 AM اعتقد ان الفيزيا بنصيحة من طالب سابق الوسام لا غتى عنه بعد توفيق الله
lovelygirl2210 07-08-2012, 12:09 PM شكرا بجد ربنا يخليكوا
طب علم النفس ايه نظامه؟؟
وبالنسبة للمراجعة النهائية فى:
العربى
الكيمياء
الفيزياء
بتنصحوا بأى كتب؟؟
وشكرا مرة تانية
lovelygirl2210 09-08-2012, 02:11 PM هو محدش رد عليا ليه لغاية دلوقتى؟
خالد احمد محمود 09-08-2012, 03:27 PM الامتحان فى مراجعة الكيمياء والفيزياء والرسالة للعربى
lovelygirl2210 09-08-2012, 03:36 PM ميرسى جداا لحضرتك
طب بالنسبة للانجلش
اجيب كتب خارجية ايه؟؟
وفى المراجعة اجيب ايه؟
Ahmed fathy 7 09-08-2012, 06:02 PM علم النفس --> الوسام
الفيزياء ---> الامتحان مراجعه
الكيمياء ---> ألامتحان
العربى --> الرساله او الامتحان
lovelygirl2210 09-08-2012, 09:31 PM شكرا لحضرتك بس هو الوسام فى علم النفس
ده شرح ولا اسئلة؟
Ahmed fathy 7 09-08-2012, 10:38 PM شرح واسئله
والاحسن تذاكري من مذكرات المدرس
user22 10-08-2012, 01:19 AM شكرا لحضرتك بس هو الوسام فى علم النفس
ده شرح ولا اسئلة؟
علم النفس مش محتاج كتاب خارجي طالما معاكي كتاب المدرسة ومذكرة المدرس بس الأهم حل اسئلة امتحانات الثانوية العامة على كل وحدة وهتلاقيها موجودة في قسم علم النفس هنا في المنتدى :)
ميرسى جداا لحضرتك
طب بالنسبة للانجلش
اجيب كتب خارجية ايه؟؟
وفى المراجعة اجيب ايه؟
كتاب Senior ممتاز , بس كالعادة حل الامتحانات السابقة والـWorkbook في الأولوية دايما .
lovelygirl2210 10-08-2012, 05:36 AM شكرا لحضراتكم على هذا الاهتمام
بالنسبة لكتاب senior حضرتك شايفه ممتاز فى الشرح
لكن هل الاسئلة متجاوبة؟؟
وحضرتك نصحتنى احل الامتحانات السابقة هل فيه كتاب
به الامتحانات السابقة كاملة؟؟
"خالد أحمد" 10-08-2012, 08:50 AM مفيش كتاب انجليزى فيه امتحانات الثانوية السابقة كاملة لان نظام الامتحانات متغير من سنة 2009كان بأسلوب مختلف عن الوضع الحالى بس مش مشكلة .الصراحة انا شخصيا بفضل The Best عن اى كتاب .senior جميل جدا اسلوبه حلو وبسيط وجربته فى 2ثانوى بس The Best عجبنى اكتر .وبالنسبة لباقى المواد :الاضواء جميل فى العربى والمثالى شرحه حلو فى الفيزياء والمعلم كمان .وعلم النفس مش لازم كتاب خارجى بس لو لازم يبقى مراجعة احسن
lovelygirl2210 10-08-2012, 04:31 PM شكرا لحضرتك
طب بالنسبة للمستوى الرفيع
انا اخدت عربى اكتفى بمذكرات المدرس
ولا فيه كتاب معين بتنصحوا بيه
"خالد أحمد" 10-08-2012, 05:35 PM مذكرات المدرس كويسة بس بالنسبة للعربى فى المستوى بيبقى الكم الكبير فى الاجابة ضرورى شوية علشان كدة دروس المستوى الرفيع يستحسن تقرأيها وتحفظيها من الدرس الاصلى وكتاب الاضواء جميل ومفصل خالص فى المستوى الرفيع العربى
lovelygirl2210 10-08-2012, 05:54 PM يعنى فى المستوى الرفيع (عربى) المهم الحفظ مش حل الاسئلة
يعنى حضرتك بترشحلى الاضواء عشان شرحه حلو
لكن بالنسبة للاسئلة مش مهمة؟؟
معلش هو حضرتك كنت رشحتلى كتاب the best
هو حلو فى الشرح
طب حضرتك كنت بتحل اسئلة منين؟؟
"خالد أحمد" 10-08-2012, 06:10 PM مش حكاية مش مهمة انت كدة كدة ان شاء الله هتحلى امتحانات الثانوية للمستوى الرفيع بس المستوى الرفيع وخصوصا العربى يعتمد اكتر على الحفظ على الاقل 90% ممكن تعملى يوم فى الاسبوع للمستوى وتحفظى فيه درس كامل بأى اسلوب تحبيه سواء تقرأى الدرس الاول وبعدين تحفظى سؤال وجواب او تحفظى الدرس ذات نفسه بس اهم حاجة تداومى عليه علشان ميتنساش وان شاء الله ربنا يوفقك .انا والله كنت بحل من The Best كمان التمارين الموجودة على الوحدة فى تمارين كتير وحلوة كتير خصوصا القطع افكارها وكلماتها جميلة وكمان كان عندى كتاب اسمه English loversفى مهارات كتير وحلوة وده بجانب مذكرات المدرس
lovelygirl2210 10-08-2012, 06:13 PM اه بس حضرتك لما كنت بتحل
كنت بتتأكد ازاى من الاجابات؟؟
وبالنسبة لكتاب الاضواء فى المستوى
بيبقى فيه اسئلة وامتحانات السنين السابقة
ولا شرح بس؟
"خالد أحمد" 10-08-2012, 06:19 PM اى كتاب انجليزى ليه اجابات بس بتبقى خاصة للمدرسين بس انا كنت اخدتها من المدرس اللى انا عنده وصورت نسخة منها .وكتاب الاضواء فيه امتحانات السنوات السابقة من 2008 وفى نماذج امتحانات تانيه وفى تمارين الوزارة على كل درس واجابات بعضها وتمارين من الكتاب نفسه
lovelygirl2210 10-08-2012, 06:23 PM ماشى شكرا لحضرتك انا استفدت جداا
طب هو حضرتك سمعت عن كتاب
surprise
top students
lovelygirl2210 10-08-2012, 06:31 PM بدل الكتب الخارجية اشترى سرنجات للفيزياء انا جبت سرنجة قبل الامتحان وجبت 48 فى الفيزياء
شكرا على النصيحة
بس انا حاليا بتكلم على الانجليزى
والمستوى الرفيع(عربى)
هو فعلا الموضوع فى قسم الفيزياء
بس انا بتكلم عن كل المواد
وحاليا بتكلم عن اكبر مشكلة بالنسبة لى
وهى الانجلش
شكرا على المشاركة
ومنور التوبيك
"خالد أحمد" 10-08-2012, 06:31 PM top students كتاب مستواه عالى وحلو بس المدرس قالى متجبوش الصراحة مش عارف ليه و surprise معرفش عنه حاجة والله لانى مشتغلتش منه بس كنت بسمع عنه انه حلو وفى ناس كتير شغالة منه.
lovelygirl2210 10-08-2012, 06:34 PM top students كتاب مستواه عالى وحلو بس المدرس قالى متجبوش الصراحة مش عارف ليه و surprise معرفش عنه حاجة والله لانى مشتغلتش منه بس كنت بسمع عنه انه حلو وفى ناس كتير شغالة منه.
ميرسى جداا لحضرتك
بس انا مش هعرف اجيب اجابات اى كتاب فى الانجلش
بس لو حضرتك شايف ان the best افضلهم فان شاء الله هجيبه
"خالد أحمد" 10-08-2012, 06:40 PM تسلمى ...The Best هو اللى جربته والصراحة عجبنى جدا وsenior جربته فى المراجعة بس مكملتوش كله هو مش وحش بالعكس حلو خالص بس انا الصراحة حبيت The Best اكتر وان شاء الله لو عرفت ارفعلك اجاباته مش هتأخر
Senior007 10-08-2012, 09:15 PM السلام عليكم
شوفى أختى
أنا دلوقتى رايح 3 ثانوى
وهقولك على كتبى اللى هجيبها ان شاء الله
بشكل عام فى العربى >
مذاكرة العربى قليلة اصلاً بسبب ضيق الوقت
لكن مع ذلك أقولك لا غنى عن كتاب الرسالة وكتاب الامتحان
كتاب الرسالة به شرح خراااااافى للنحو والنصوص
وملخصات روعة بالنسبة للقراءة والأدب < والكلام ده عن تجربة
بالنسبة لكتاب الامتحان هتجيبيه عشان الحل بس .. من امتحانات السنين السابقة وكمان تمارين النحو والبلاغة المكثفة .
بالنسبة للفيزياء
الموضوع مش محتاج كتاب شرح .. اعتمدى على ورق المدرس بتاعك ..
وهاتى كتاب الامتحان طبعاً ... لازم الحل المكثف .. وكتاب الامتحان كتاب يُعتمد عليه ..
لو مُصرة ع7لى كتاب شرح يبقى المثالى أو الوسام .
بالنسبة للانجلش
صراحة سربرايز ده اكبر مقلب
الناس بتجيبه عشان القاموس اللى فيه بس
لو عايزه كتاب محترم .. سينيور أو ذا بيست .
علم النفس .. مقدرش افيدك صراحة لانى مش هاخده
بس بشكل عام .. سلسلة الوسام أو المثالى اسمائها قوية واعتقد كويسة .
> بالنسبة للكيمياء
انا السنة اللى فاتت كنت بستخدم كتاب الامتحان للحل
والشرح من ورق المدرس وكتاب المدرسة.
وآخر السنة المراجعة النهائية الامتحان ودليل التقويم وكتاب المدرسة تانى .
> بالنسبة للمستوى .. مقدرش اقيدك فى العربى .. لكن لو غيرتى رأيك وخدتى انجلش
يبقة ذا فيجن أو سينيور
نصيحة :-
قبل اختيار الكتب .. اختارى مدرس صح
لازم يكون مبتكر
ونشيط
بيجيب دايماً اسألة مجتش قبل كده
وبيعمل امتحانات بصفة دورية
دمتم سالمين .
lovelygirl2210 10-08-2012, 10:31 PM تسلمى ...the best هو اللى جربته والصراحة عجبنى جدا وsenior جربته فى المراجعة بس مكملتوش كله هو مش وحش بالعكس حلو خالص بس انا الصراحة حبيت the best اكتر وان شاء الله لو عرفت ارفعلك اجاباته مش هتأخر
بجد ميرسى لحضرتك
وجزاك الله خيرا
lovelygirl2210 10-08-2012, 10:34 PM السلام عليكم
شوفى أختى
أنا دلوقتى رايح 3 ثانوى
وهقولك على كتبى اللى هجيبها ان شاء الله
بشكل عام فى العربى >
مذاكرة العربى قليلة اصلاً بسبب ضيق الوقت
لكن مع ذلك أقولك لا غنى عن كتاب الرسالة وكتاب الامتحان
كتاب الرسالة به شرح خراااااافى للنحو والنصوص
وملخصات روعة بالنسبة للقراءة والأدب < والكلام ده عن تجربة
بالنسبة لكتاب الامتحان هتجيبيه عشان الحل بس .. من امتحانات السنين السابقة وكمان تمارين النحو والبلاغة المكثفة .
بالنسبة للفيزياء
الموضوع مش محتاج كتاب شرح .. اعتمدى على ورق المدرس بتاعك ..
وهاتى كتاب الامتحان طبعاً ... لازم الحل المكثف .. وكتاب الامتحان كتاب يُعتمد عليه ..
لو مُصرة ع7لى كتاب شرح يبقى المثالى أو الوسام .
بالنسبة للانجلش
صراحة سربرايز ده اكبر مقلب
الناس بتجيبه عشان القاموس اللى فيه بس
لو عايزه كتاب محترم .. سينيور أو ذا بيست .
علم النفس .. مقدرش افيدك صراحة لانى مش هاخده
بس بشكل عام .. سلسلة الوسام أو المثالى اسمائها قوية واعتقد كويسة .
> بالنسبة للكيمياء
انا السنة اللى فاتت كنت بستخدم كتاب الامتحان للحل
والشرح من ورق المدرس وكتاب المدرسة.
وآخر السنة المراجعة النهائية الامتحان ودليل التقويم وكتاب المدرسة تانى .
> بالنسبة للمستوى .. مقدرش اقيدك فى العربى .. لكن لو غيرتى رأيك وخدتى انجلش
يبقة ذا فيجن أو سينيور
نصيحة :-
قبل اختيار الكتب .. اختارى مدرس صح
لازم يكون مبتكر
ونشيط
بيجيب دايماً اسألة مجتش قبل كده
وبيعمل امتحانات بصفة دورية
دمتم سالمين .
ميرسى على المشاركة
انا استفدت جدا من كلام حضرتك
جزاك الله خيرا
وشكرا على المرور العطر
babagamil 11-08-2012, 12:43 AM العربى الاضواء شرح ومراجعه
الانجليزى شرح the best&top student
الفيزياء الامتحان فى اول السنه ومراجعه كتاب الوسام الاصفر +الاحمر
الاحياء الامتحان شرح واسئله فى اول السنه +الدليل والنفيس مراجعه اخر السنه
الرياضه 2 كتااااب لامى\
DR AMR FACULTY OF PHARMCEY AT CAIRO UNIVERSITY
احمد جلال عبدالمجيد عيد 11-08-2012, 01:07 AM العربى الاضواء شرح ومراجعه
الانجليزى شرح the best&top student
الفيزياء الامتحان فى اول السنه ومراجعه كتاب الوسام الاصفر +الاحمر
الاحياء الامتحان شرح واسئله فى اول السنه +الدليل والنفيس مراجعه اخر السنه
الرياضه 2 كتااااب لامى\
dr amr faculty of pharmcey at cairo university
اولا السلام عليكم ورحمة الله وبركاته
بالنسبة للعربي
كتاب الوسام ولا الاضواء شرح
بالنسبة للفيزياء
كتاب الوسام شرح ولا اسئلة ومسائل ....
بالنسبة رياضيات 2 لامي ولا المعاصر
lovelygirl2210 11-08-2012, 05:43 AM شكراا لحضراتكم
وجزاكم الله خيرا
عمار شاهين 12-08-2012, 07:02 AM فى كتاب اسمه الماسى فى الفيزياء ده كتاب جامد جدا بس مبينزلش من 2008 ممكن تدورى عليه هو عندى
lovelygirl2210 12-08-2012, 09:13 AM فى كتاب اسمه الماسى فى الفيزياء ده كتاب جامد جدا بس مبينزلش من 2008 ممكن تدورى عليه هو عندى
شكرا على المرور
بس انا سمعت ايضا عن كتاب الوسام
واكييد كتاب الامتحان
hassan201022 12-08-2012, 12:07 PM انا رايح تالته ثانوى وده الكتب اللى هجبها
عربى الاضواء-الامتحان
رياضه لامى او ممكن المعاصر
انجليزى سربرايز
علم نفس الامتحان
فيزياء الامتحان وممكن الوسام
lovelygirl2210 12-08-2012, 11:08 PM انا رايح تالته ثانوى وده الكتب اللى هجبها
عربى الاضواء-الامتحان
رياضه لامى او ممكن المعاصر
انجليزى سربرايز
علم نفس الامتحان
فيزياء الامتحان وممكن الوسام
شكرا على المرور
لكن حضرتك كنت محتار تجيب كتاب ايه فى الانجليزى
كيف اتخذت هذا القرار وهو شراء كتاب surprise ؟
hassan201022 13-08-2012, 01:11 PM شكرا على المرور
لكن حضرتك كنت محتار تجيب كتاب ايه فى الانجليزى
كيف اتخذت هذا القرار وهو شراء كتاب surprise ؟
السنه اللى فاتت كان معايا كتاب سربرايز وذا بيست وكنت باستخدم كتير اوى كتاب سيربرايز
معظمه اسئله من الورك بوك وائله امتحانات
على عكس ذا بيست فيه اسئله كتير اوى مش بيبقى ليها لازمه وبتيجى الا ان برضه ذا بيست كتاب كويس
lovelygirl2210 13-08-2012, 11:29 PM طب هو حضرتك كنت بتتأكد من الاجابات ازاى؟؟
مع العلم ان انا علمى علوم ومجموعى معقول و الحمد لله
بس كان عندى مشكلة فى الانجليزى ان الكتب
من غير اجابات وربنا يستر السنة دى
وبالنسبة لعلم النفس حضرتك ليه هتجيب كتاب الامتحان
بالتحديد هل فيه اسئلة حلوة وباجابتها؟؟
والأضواء فى العربى نظامه ايه؟
معلش اسئلتى كتيير
وبالتوفيق للجميع ان شاء الله
hassan201022 14-08-2012, 12:05 AM طب هو حضرتك كنت بتتأكد من الاجابات ازاى؟؟
مع العلم ان انا علمى علوم ومجموعى معقول و الحمد لله
بس كان عندى مشكلة فى الانجليزى ان الكتب
من غير اجابات وربنا يستر السنة دى
وبالنسبة لعلم النفس حضرتك ليه هتجيب كتاب الامتحان
بالتحديد هل فيه اسئلة حلوة وباجابتها؟؟
والأضواء فى العربى نظامه ايه؟
معلش اسئلتى كتيير
وبالتوفيق للجميع ان شاء الله
ماشى هرد عليكى رد تفصيلى واشرح لحضرتك وجهة نظرى
بالنسبه للعربى انا افضل كتاب الاضواء كشرح فهو ممتاز وفوق الممتاز وكمان لما بخلص المنهج بشترى الاضواء مراجعه نهائبه لان فيه اسئله انا عمرى ما بشوفها خلال المنهج بعرفها فى فترة المراجعه
اما كتاب الامتحان كاسئله هو فوق الممتاز وبيخلى الواحد يعرف ويحفظ ويثبت المعلومات كويس ومليان اسئله
****
الانجليزى بقى فعلا مشكلته ان مفيش ولا كتاب فيه اجابات فبعتمد على انى احل كل يونت فى سربرايز واراجع حلى مع المدرسه الطريقه التقليديه يعنى
****
على النفس فيه نصحونى اذاكر من كتاب المدرسه او اى مذكرة خارجيه بشرط تكون مطابقه لكتاب المدرسه ومش ملخصه يعنى فيها اجابات نموذجيه
وكتاب الامتحان فى علمى النفس جميل جدا حيث انه بيلم كل افكار الاسئله وكتير من الاسئله مجاب اجابات نموذجيه
*********
حضرتك جبتى كام فى تانيه ثانوى ونفسك تخشى ايه
انا عن نفسى جبت 98.29% وهكمل ان شاء الله علمى رياضه واحب جدا اخش هندسه
mohmal 26-08-2012, 03:15 PM كتاب Top Students في الانجليزي و له اجابات
Crazy SilenCe 27-08-2012, 11:34 PM تماام شكرا بس هيا المشكلة بجد فى الفيزياء
الاراء بتختلف جامد فيها
يعنى فيه:
الوسام
والمثالى
والماسى
والامتحان
فأنا مش عارفة مين أحسنهم؟
لا الوسام من افضل و احسن الكتب ف الفيزياء :)
مينا 2014 01-09-2012, 08:56 AM بالنسبة للعربي ... أحسن كتاب هو كتاب الامتحان ( أسئلة بس ... مش مجاوب الإ على شوية أسئلة بسيطة ) ... وكتاب الأضواء شرح ( لأنه شارح النصوص والنحو بطريقة حلوة وشاملة )وكتاب المعلم مراجعة نهائية ( كتاب رائع ... ملخصلك الأدب ... وجايب قطع قراءة وقصة وبلاغة ونحو متجاوبة كلها ... ومجاوب كل امتحانات الثانوية العامة اللي فاتت )
بالنسبة للإنجلش ... في كتاب senior وكتاب the best ... بصراحة كتابين رائعين ( هما الاتنين ليهم إجابات بس خاصة للمدرسين بس ... يعني انتي لو تعرفي حد صاحب مكتبة ممكن يجبهولك ... أنا عن نفسي ماأخدتش دروس في الإنجليش كنت بذاكر القواعد من كتاب senior وأحل وأشوف الإجابات )
بالنسبة للفيزيا والكمياء ( حل ) ... طبعاً كتاب الإمتحان ... لأنه جايب أفكار كتيرة وحلولها ...
أما علم النفس ... فأنا بصراحة ماعرفش لأني أخدت ( إقتصاد وإحصاء )
مهند مقلد2 04-09-2012, 11:45 AM انا تهت ف التوبيك بصراحة
طيب معلش
ايه احسن كتاب شرح فيزيا ؟؟
hassan201022 04-09-2012, 04:07 PM انا سمعت ان كتاب الامتحان هينزل شرح لو حصل فعلا يبقى طبعا الامتحان شرح وحل
ShahiNda A7Med 04-09-2012, 09:56 PM أنا كذلك أود أن أعرف رأيكم في
* الامتحان عربي (شرح)
*الماسي / المثالي فيزياء (شرح) / (أسئلة)
* Senior/Top Students/the best في الإنجلش.
* لامي / الماهر / المعاصر رياضة 2
ما الأفضلـ بنظركمـ
^_^
|