انا ملاحظة ان القسم (اجتماعيات طالب)
معادش زي زمان ..كان في مواضيع متثبتة بتتكلم عن طريقة المذاكرة و المشاكل اللي بتواجه الطلبةو نصايح و افضل الملخصات .........الى اخره
دلوقتي القسم اغلبيته مواضيع للفرفشة و اللعب و مفيش عن الدراسة حاجة!!!
انا مش ضد المواضيع دي بس القسم ده متعلق بالدراسة واستفسارات الطلبة اولا
للفرفشة و الفائدة ثانيا
ده رأيي و حبيت اقوله بصراحه...:)

ده مؤقتاً بس ؛ عشان الإچازة

لمّا تبدأ الدراسه هيبقى فيه موضوعآت گتير عن الدراسه
بإذن الله

معاكى حق فعلا و الله المنتدى باظ تقريبا او معدتش زى زمان

متقلقيش هو بس كدة عشان احنا فى الاجازة ترفية شوية و كدة بس فى الدراسة هتلاقى كل حاجة عايزاها ان شاء الله :)

فعلا معاكى حق المنتدى ده كان فيه مواضيع من أروع المواضيع اللى ممكن حد يتخيلها
عن الدراسة
الله يسامح اللى بوظها وضيعها وخلى صحابها يسيبوا المنتدى
بس ان شاء الله لما الدراسة تبتدى هتبقى فيه مواضيع ممتازة
والأعضاء الموجودين حاليا أكثر من رائعين
ربنا يبارك فيهم

انا كمان شايفه ده اجتماعيات طالب كانت ممتاااااااااازه بجد ندمانه انى رجعت وشوفتها بالمنظر ده حتى الناس اللى كانو معانا فيها مشفتهمش ومش عارفه راحو فين او سابو المنتدى ليه

عندك حق والله المنتدى زمان كان احسن بكتييييييييييييييييييير اوى
دلوقتى بقى وحش جدا جدا وممل خاااااااالص خصوصا القسم ده

اه هو للمزاكرة احنا دلوقتى اجازة



اولا

ثانيا هنا اكبر تواجد للاعضاء

انتى قولتى الكلام اللى كنت عاوزة اقوله من فترة
اصلا كله بقى هايص على كله وحاجة متنفعش خالص

طبعا احنا دلوقتى فى الاجازة فا المواضيع دى نزلت من التثبيت
بس شوية كدا اسبوع تانى يكون الكل بدا وكدا ونرجع المواضيع دى وافضل منها كمان

[size="5"]لا حول ولا قوه إلا بالله العلى العظيم
طب إحنا دلوقت ف أجازه ؟؟؟ نعمل إيه طيب ؟؟؟؟
ومع ذلك أى حد بيطلب أى حاجه عن الدراسه بنساعده فيها

طب كنتى تيجى تشوفينا أيام الدراسه ومواضيع أيام الدراسه
كل يوم كنا بنتكلم عن الدراسه وإزااااااااى نذاكر وإزاااااااااااااى نراجع ...إلخ
ده كان ف الدراسه ... دلوقت إحنا ف أجازه

مشكوره ع التوبيك [size]

انا مش معاكو ان المنتدى بقى وحش على فكره ........ على الرغم من اتفاقى ان كان فى مواضيع مثبته كانت مفيده جدا واتشالت

ياا جماعة انا الى شلت المواضيع لانها كانت عن المذاكرة
قولت مجرد ما تبدا الدروس هثبتها تانى
وهنزل مواضيع افضل كمان

المنتدى بقا ممل نوعااا ما
اعتقد ان المشكله فى عدم تثبيت المواضيع المفيده

يا جماعة انا قولت رأيي بصراحة :(
بس مغلطتش في حد
بس حبيت افكركم ان انسب وقت لمواضيع الدراسة و النصايح دلوقتي
لان السنة اللي فاتت بمجرد ما ابتدت الدروس (مش المدرسة كمان )
مكنشي في حد بيدخل خالص..وا نا كنت متابعة وعارفة ده كويس:(
و اعتقد الكل ملاحظ ان في اعضاء متفوقين هنا في القسم معدوش بيدخلوا الفترة دي او بيدخلوا قليل
اما لمواضيع الفرفشة والله قلت اني مش ضدها و خالد احمد من افضل الاعضاء اللي هنا :078111rg3:
بس القسم ده بقى كل المواضيع اللي فيه للترفيه و في مواضيع مبتعجبشي اغلبية الاعضاء و مش بيشاركوا فيها
..و ياريت تنزل مواضيع جديدة بنفس مستوى اللي اتحذفت قبل كده:rolleyes:

يا جماعة انا قولت رأيي بصراحة :(
بس مغلطتش في حد
بس حبيت افكركم ان انسب وقت لمواضيع الدراسة و النصايح دلوقتي
لان السنة اللي فاتت بمجرد ما ابتدت الدروس (مش المدرسة كمان )
مكنشي في حد بيدخل خالص..وا نا كنت متابعة وعارفة ده كويس:(
و اعتقد الكل ملاحظ ان في اعضاء متفوقين هنا في القسم معدوش بيدخلوا الفترة دي او بيدخلوا قليل
اما لمواضيع الفرفشة والله قلت اني مش ضدها و خالد احمد من افضل الاعضاء اللي هنا :078111rg3:
بس القسم ده بقى كل المواضيع اللي فيه للترفيه و في مواضيع مبتعجبشي اغلبية الاعضاء و مش بيشاركوا فيها
..و ياريت تنزل مواضيع جديدة بنفس مستوى اللي اتحذفت قبل كده:rolleyes:

أنا مقلتش إنك غلطى فى حد
وكمان محدش غلط
إنتى بتقولى رأيك وإحنا بنقول رأينا
و ي ريت نتعاون عشان نخلى القسم أفضل من كده
أنا معاكى فى ده

مع احتلاامي لرأيك بس الاستفاده مش مقتصرة ع الدراسه فس المدارس والدروس بس
احنا بنستفيد هنا من كل حاجه في حياتنا
ازاي نتعامل مع الناس والمجتمع ...إلخ
وأتمني ان القسم يكون أفضل من كدا

مع احتلاامي لرأيك بس الاستفاده مش مقتصرة ع الدراسه فس المدارس والدروس بس
احنا بنستفيد هنا من كل حاجه في حياتنا
ازاي نتعامل مع الناس والمجتمع ...إلخ
وأتمني ان القسم يكون أفضل من كدا

اقري الموضوع بتاعي تاني
واضح من الرد انك اتسرعتي في الرد
انا قولت لازم شويه كده وشويه كده
المواضيع كلها بقت للفرفشة و اللعب
و انا متابعة القسم ده من زمان و عارفه مستوى المواضيع الي فيه
وزي ماقولت مفيش حد بيدخل ايام الدراسة الا القليل من الاعضاء و الاغلبية زوار في القسم ده
و زي ما حضرتك لاحظتي كتير من الاعضاء المتفوقين في المنتدى مبقوش يدخلوا على قسم اجتماعيات طالب
بس بيدخلوا على اقسام تانية و ليهم مشاركات فيها
السنة الي فاتت و اللي قبلها كان مشاركاتهم و مواضيعهم مالية القسم
وفي مواضيع مكانها مش هنا من الاسااااس
و شكراااا

اقري الموضوع بتاعي تاني
واضح من الرد انك اتسرعتي في الرد
انا قولت لازم شويه كده وشويه كده
المواضيع كلها بقت للفرفشة و اللعب
و انا متابعة القسم ده من زمان و عارفه مستوى المواضيع الي فيه
وزي ماقولت مفيش حد بيدخل ايام الدراسة الا القليل من الاعضاء و الاغلبية زوار في القسم ده
و زي ما حضرتك لاحظتي كتير من الاعضاء المتفوقين في المنتدى مبقوش يدخلوا على قسم اجتماعيات طالب
بس بيدخلوا على اقسام تانية و ليهم مشاركات فيها
السنة الي فاتت و اللي قبلها كان مشاركاتهم و مواضيعهم مالية القسم
وفي مواضيع مكانها مش هنا من الاسااااس
و شكراااا


انا قرأت الموضوع كامل وكمان بتعليقاته كلها
ودي وجهة نظري
انا احترمت وجهة نظرك وانتي اكيد احترمتي وجهة نظري
وكمان انتي في ايدك تملي القسم بالمواضيع اللي تفيدك
ولو احتاجتي اي حاجه وطلبتهيا ع فكره هتلاقي الكل بيساعدك