انا الحمد لله نجحت في الثانويه السنا دي وجبت 99.6 ودخلت طب بنها بش انا خايف اوي وقلقان من حاجه وهي ان الكل بيقولي الكلام باللاتيني وصعب وفي كلمات كتيره وده يدل علي اني لوعاوز اذاكر لازم اولا احفظ كلمات طبيه الاول وبعدين ابقي اذاكر وعلشان كده انا بطلب من كل طالب تجاوز المرحله دي يحكيللي عن نفسه في اول سنه طب له وعمل ايه علشان يجتاز العقبه دي واستمرت الحكايه دي معاه اد ايه وكانت نفسيته ازاي .................................................. ............................................ياريت كل اللي يقرأالموضوع يساعدني .............وتمنياتي للجميع وللمنتدي

ههههههههه متقلقش
بص اللايتيني هايف هو بس في الامبريولوجي هيطلع عينك وانا قايل كده في البوست بتاعي بتاع طب بنها
لكن غير كده قشطه
هتقعد اسبوع بس وبعدها هتلاقي اللغه سهله معاك

بس الكليه سهله موووووت والامتياز فيها مضمون متقلقش
اللاتيني عشان اوريك مثله مثلا في الابر فيه عضله اسمها
Extensor Digitorum Longus

انت في الاول هتاخد حاجه اسمها جنرال اناتومي هيفهمك يعني ايه كل مقطع من دول
Extensor يعني بتفرد
Digitorum متداخله
LONGUS طويله

وللعلم اياك تترجم الانجلش او اللاتيني هيا اسم العضله كده او اسم الشريان كده يعني اسم علم انا بقولك بس ده عشان تفهم ان اللاتيني مش صعب لكن الاعلام مترجمهاش

الف الف شكر علي الاهتمام يا دكتور وربنا ينفعك بعلمك

هههههههههههه متقلقش خالص كل دة بيبقى اول شهرين بعدين الانجليزى هيبقى اسهل من العربى

هههههههههههه متقلقش خالص كل دة بيبقى اول شهرين بعدين الانجليزى هيبقى اسهل من العربى
الف شكر يا دوك

انا كمان جبت 99.7 (طب بنها) وعايزة اعرف ايه الكورسات اللى هنا خدها --وينفع ما ناخد اى كورسات خالص ---انا عايزة اسال د\ محمد مصطفى يقولنا كل حاجة يا جماعة نفسى حد يكلمنا بالتفصيل مش عن المواد وكده ---لا احنا عايزين الحاجات الصغيرة دى ----- والله مش عرفة اشكركم ازاى ربنا يوفقكم جميعا -- على فكرة انا رحت الكلية الاحد اللى فات وقالو لسة التقديم ما فتحش د\اسراء ان شاء الله

اية صحيح ازاى اغير اسمى فى المنتدى مش عرفة خالص

ابعتى رسالة للادارة وحطى الاسم الى انتى عايزو وهما يحويوهولك او اعملى ايميل تانى وصجلى من جديد بلايسم الى انتى عايزاة

الف مبروك دكتوره اسراء بس انا زيك داخل اولي ومنصحكيش متخديش اي كورسات انا طبعا سامعه من جماعه اعلي مني في السن وبيطلعو من الاوائل طب بنها وبيقلولي متخدشي اي كورسات علشان تبقي دكتور متميز وتعتمد علي نفسك