سلام عليكم . لقد أطلقت نقابة المهندسين بيان بخصوص بعض التخصصات بكلية الهندسة التى بها وفرة اى يعنى بها نسبة بطالة كبيرة و حذرت طلبة الثانوية العامة من دخول هذة الأقسام و هى كالاتى

بترول
اتصالات
ميكانيكا باور
كهرباء تحكم و حاسب الى
مدنى و عمارة ( إناث )

هذة رابط البيان من على موقع نقابة المهندسين المصرية
http://www.eea.org.eg/declar/declar46.htm

حوار مع نقيب المهندسين على بوابة الوفد بخصوص أحوال النقابة و الخطط المقترحة لتقليل البطالة بين المهندسن
http://www.alwafd.org/%D8%AD%D9%88%D8%A7%D8%B1%D8%A7%D8%AA-%D9%88%D9%85%D9%84%D9%81%D8%A7%D8%AA/190875-%D8%AE%D9%84%D9%88%D8%B5%D9%89-%D8%B9%D9%85%D9%88%D9%85%D9%8A%D8%A9-%D8%A7%D9%84%D9%85%D9%87%D9%86%D8%AF%D8%B3%D9%8A%D 9%86-%D8%B3%D8%AA%D9%83%D9%84%D9%81%D9%86%D8%A7-6-%D9%85%D9%84%D8%A7%D9%8A%D9%8A%D9%86

بالتوفيق للجميع دائما

دلوقتي زمن الكليات المتوسطة والمعاهد الفنية .. خلاص البلد اكتفت من الدكاترة والمهندسين مش عارفين يودوهم فين :d

عالم غريبة فعلا ^____^

الحمد لله انا ناوى على ميكانيكا باور

طب وبالنسبه لكلية الطب:)

ابعدوا عن التخصصات المذكورة و خلاص و ربنا يوفقكم جميعا

طب وكده ايه الاقسام اللي فاضلة في هندسة ؟؟
اذا كان الاقسام النضيفة ملهاش شغل ؟!

مانا نقلتلكم الصورة و معلوماتى و معنديش حاجة أقولها بس دة الواقع و فية شكاوى للناس كتيرة جدا لو تحبوا تشوفوها بس انا مش عاوز اعملكم احباط .. انا عاوز بس كل واحد فيكم يحاول يتجنب التخصصات دى على قد ما يقدر .. و ربنا يوفقكم

امال ايه الاقسام اللى مفهاش تحذير ههههههههه دا كل الاقسام فيها تحذير
ميكانيكا وكهرباء وحاسب الى واتصالات وعمارة ومدنى
ههههههه اتبقى ايه كده
وبترول كمان ههههههه
دى ناس هجاصه مش عاوزين مهندسين فى البلد عاوزين البلد خريجين حقوق واداب وتجارة
عشان ميكنش فيه تقدم وبحث علمى فى البلد دى

شكرا على المعلومة

يا جماعة النقابة عملت مسحت شامل فى 500 شركة و تلقت سيفات العاطلين فبعد هذة الدراسة وجدوا ان البطالة فى التخصصات المذكورة و الناس عندهم حق و انا مش عاوز اجبلكم االحقايق من بتوع هندسة نفسهم لانكوا هتتصدموا فية ناس اتصالات بتفكر تدررس مدنى تانى و حاجة مسخرة خالص .. لو عاوزين اللينكات دى اجبلكم باعتراف من على منتديات مهندسين مصر و هتلاقى الدنيا واقعة خالص .. انا مش عاوز اجيب للناس احباط لكن حبيت أحذر الناس فقط علشان متتصدمش خاصة الأجيال القادمة و خدوا بالكم ان الدفعات القادمة اللى هتيجى هتعانى اكتر لان قدامها 5 دفعات اكبر منها فدول هيزودوا السوق اللى فية بطالة بالفعل فهتبقى مأساة و ربنا يوفقكم

طيب بالنسبة لتخطيط عمراني
ايه اخبارها هنلاقي شغل اكيييييييييييد
فيها بطالة ولا لا
طمني

تخطيط عمرانى دة بيدرس عمارة فان شاء الله ليها شغل حسب البيان

مهى خربانة خربانة اية الجديد .....!

تخطيط عمرانى كمان وحاسبات ومعلومات ملهمش مستقبل لانهم بيدرسوا العماره والحاسب الالى
ههههههه
دا هجص عشان الناس متدخلش هندسه
اللى عاوز يخش اى قسم يخش والشغل هيبقى موجود باذن الله لو ربنا رايد
انما مش يستهبلوا ويقولوا ان كل الاقسام ملهاش شغل
امال لما احب اخش هندسه اخش قسم ايه يعنى

تخطيط عمرانى كمان وحاسبات ومعلومات ملهمش مستقبل لانهم بيدرسوا العماره والحاسب الالى
ههههههه
دا هجص عشان الناس متدخلش هندسه
اللى عاوز يخش اى قسم يخش والشغل هيبقى موجود باذن الله لو ربنا رايد
انما مش يستهبلوا ويقولوا ان كل الاقسام ملهاش شغل
امال لما احب اخش هندسه اخش قسم ايه يعنى


مش فاهم لية لغة التخوين .. اولا انا بحاول انصحكم ببيان رسمى من على موقع النقابة المهنية اللى بتنظم شئون الخريجين و هى نقابة المهندسين

ثانيا النقابة محددة التخصصات اللى فيها و بالتالى انا بجاوب من خلال البيان مش أكتر فإن أردت أن تستفيد من ذلك البوست فربنا يوفقك و إن لم ترد الاستفادة ربنا يوفقك

ثالثا و دة المهم انت حر تدخل او متدخلش دى حاجة ترجعلك او ترجع لاى شخص لكن انا بحاول انقلكم شىء ممكن يساعدكم فى اختيار التخصص مش اكتر

رابعا فية تخصصات مطلوبة بشدة مثلا كلية الحاسبات من أعلى الطلب على الوظائف داخل مصر و خارج مصر فى دول الخليج و فية تخصصات مطلوبة فى الخليج بشدة زى تكييف و تبريد و مدنى

فعلى ما يبدو ان حضرتك متعرفش كثيرا عن سوق العمل .. أرجو مراجعة ذلك و ربنا يوفق الجميع

دى أحد النماذج مثلا عن كلية بترول .. خلاص كدا القطاع دة بقى فية بطالة على أوسع نطاق و الناس مش بتتعيين الا لما تتظاهر و وضعهم أصبح صعب جدا و خطير و مفيش اى عين عقل فى الدولة العجيبة دى انها تخرج واحد مهندس بترول ويقعد فى بيتة
http://www.alwafd.org/%D8%A3%D8%AE%D8%A8%D8%A7%D8%B1-%D9%88%D8%AA%D9%82%D8%A7%D8%B1%D9%8A%D8%B1/10-%D9%85%D8%AD%D9%84%D9%8A%D8%A9/12586-%D9%81%D9%87%D9%85%D9%8A-%D9%88%D8%B8%D8%A7%D8%A6%D9%81-%D9%84%D8%AC%D9%85%D9%8A%D8%B9-%D8%AE%D8%B1%D9%8A%D8%AC%D9%8A-%D9%87%D9%86%D8%AF%D8%B3%D8%A9-%D8%A7%D9%84%D8%A8%D8%AA%D8%B1%D9%88%D9%84

http://www.almasryalyoum.com/node/671321

و ضعهم بقى خطير و لذلك النقابة حطيتهم فى اللى فيهم وفرة و بتنصح الناس بالابتعاد عن مثل هذة التخصصات

انا والدى مهندس و بيأكدلى ان التخصصات المطلوبة مدنى و عمارة و كهرباء و احيانا ميكانيكا ........... و انا كمان جاتلى هندسة اسكندرية و ان شاء الله حختار مدنى ........ المشكلة كما ذكرها والدى ان التخصصات الباقية عايزة بلد فيها مصانع و شغل و دماغ تانية و عالم تانى مش موجود فى اى دولة عربية

هو حقيقة اللى نزلتة نقابة المهندسين هو الصح و هو بيطابق كلامك لان النقابة أقرت ان المطلوب تخصصات مدنى و عمارة و كهرباء باور اما باقى التخصصات فيها وفرة و كل اقسام ميكانيكا مطلوبة فيما عدا باور

اما تخصصات بترول و كهرباء اتصالات و حاسبات و ميكانيكا باور و كل التخصصات المذكورة فى البيان فيها وفرة
أعتقد ان أفضل قسم هو مدنى و هو مطلوب فى الدول العربية هو و تكييف و تبريد
و ربنا يوفقكم جميعاً