قصيدة "عريس رفح"
جهزت كحك العيد
وبسكوت الفرح
ودفعت لك تمن الجهاز
فاضل يا دوب فرش الفرح
أنا قلبي ملفوف النهارده
من يومين باب القلق
ماله اتفتح
دانا نادرة ازور البيت
يوم ما أشوفك يا عريس
لابس يا واد بدلة فرح
وأختك وفاء
بتجهز الفستان
ورقصتها على صوت القدح
زرعي اللي ضميته بحنان
وتعبت فيه
ودفنت فيه تعب السنين
بالحب غذيته وطرح
دلوقت لابس بدلته
صايم وماسك سبحته
تشهد عليه أرض العريش
تلة رفح
مش عارفه ليه
بعد الفطار
طليت على صورتك يا واد
قلبي انجرح
دقيت عليك
"مغلق"
وأنا قلبي انفطر
يمكن يا واد
اللحظة دي لحظة خطر
ما أنا قلت لك
ساعة الفطار
لازم تطمن قلبي وتهز الوتر
رنيت عليك
وأختك وفاء
مش عارفه ليه
بتضم ألبوم الصور
رن الجرس
وجريت على صوت الجرس
شيخ الخفر
والدمعة نازله من عنيه
وفهمت ليه
غاب القمر
جهزت ليه يا قلبي
بسكوت الفرح!!!
وانت اللي موعود بالعذاب
جهزت ليه!!!!!
حددت ليه كتب الكتاب
جهزت ليه!!!!
متعودة الأحزان تاخدني
من هنا
من باب لباب
فستان وفاء
معناته إيه
بعد اللي راح
زين الشباب

أبو خلاد/ هشام فتحي

مؤثرة اوى
الله يرحمهم

جميلة اوووووووووووووووووووووى

إنا لله وإنا إليه راجعون .

الله يرحمهم

شهداء الله يرحمهم و يغفر لهم و الجنة منزلهم و مستقرهم
http://img831.imageshack.us/img831/3181/i6d78650.gif

لا حول ولا قوة إلا بالله العلي العظيم.

لا اله الا الله
اللهم ارحم شهداءنا واسكنهم فسيح جناتك
اللهم اجرنا فى مصيبتنا واخلف لنا خيرا منها
جزاكم الله خيرا

لا حول ولا قوة الا بالله

الحزن يملؤ قلوبنا على شهدائنا

اللهم ارحم من كانو يسبحونك
اللهم صبر اهلهم على فراقهم
اللهم ارزقهم جناتك التى وعدتهم
اللهم انك قد بلغتهم رمضان فأعتق رقابهم من النار
اللهم استجب اللهم استجب

موضوع جميل

اللهم انزل على قبورهم السكينة
يارب ارحم شهداء رفح
والقصيدة مؤثرة جدا
جزاكم الله خيرا