سلام عليكم ورحمه الله وبركاته
ممكن تساعدونى عشان انا محتاره جدا جدا
- انا نتيجة التنسيق بتاعتى طلعت ودخلت علوم\رياضة
-كل الناس بتقولى ان الكليه دى معقده جدا + ملهاش مستقبل +بيطلعوا منها مدرسين
-وحاسبات ومعلومات وتجارة انجلش افضل من علوم
-انا محتاره جدا ومش عارفه اختار ايه :-
هل اختار علوم \رياضه :- طب لو دراستها معقده ما انا ممكن افشل فيها وفي الاخر مش الاقي وظيفه
ولو اختارت تجاره انجلش \ الانجليزى بكرهه جدا ومش بحب الحفظ لكن ممكن احاول امشي فيه يعنى
بس سوق العمل ليه افضل
من فضلكم حد كلية علوم يفيدنى بجد
لان التحويل بكره

لو بتفكري تشتغلي مستقبلا - وبسهولة - خليكي مع تجارة ومش شرط إنجليش ممكن عربي .. بس أعرف ان في التوظيف بيفضلوا خريج تجارة إنجليش واللغة مش صعبة ومعقدة وممكن تاخذي كورس يفك الإشكال .

مجال الشغل لخريج التجارة في مصر بالذات واسع جدا , وعلى فكرة مش كل خريجي كلية العلوم بيشتغلوا مدرسين . كل واحد على حسب مجال دراسته وتفوقه (:

لا مجاااال اصلا للمقارنه علوووووم حاجه وتجاره حاجه تانيه خالص وده طبعا حسب ميولك بس احب اقولك ان الايام الجايه كليه علوم هتاخد وضعها وجدا وحطي في دماغك ان الشغل ده بتاع ربنا وده رزق وكليه علوم زيها زي صيدله واسنان وطب علوم مش اقل منهم

سلام عليكم ورحمه الله وبركاته

ممكن تساعدونى عشان انا محتاره جدا جدا
- انا نتيجة التنسيق بتاعتى طلعت ودخلت علوم\رياضة
-كل الناس بتقولى ان الكليه دى معقده جدا + ملهاش مستقبل +بيطلعوا منها مدرسين
-وحاسبات ومعلومات وتجارة انجلش افضل من علوم
-انا محتاره جدا ومش عارفه اختار ايه :-

هل اختار علوم \رياضه :- طب لو دراستها معقده ما انا ممكن افشل فيها وفي الاخر مش الاقي وظيفه

ولو اختارت تجاره انجلش \ الانجليزى بكرهه جدا ومش بحب الحفظ لكن ممكن احاول امشي فيه يعنى

بس سوق العمل ليه افضل

من فضلكم حد كلية علوم يفيدنى بجد

لان التحويل بكره



الكلية مش صعبة ومفيش حاجة سهلة كل حاجة فالدنيا محتاجة جهد وتعب واوعى تفتكرى ان المهندس بقى مهندس كدة وخلاص ولا الدكتور الخ لا كل واحد تعب عشان يبقى نفسه
الكلية كلية علمية محتاجة مذاكرة بس مش لدرجة انها هتبقى مذاكرة ثانوية عامة كل الموضوع انك محتاجة تحضرى محاضرات وتركزى بسس

اقسم بالله بندرس فالكلية مواد من تجارة ومن حقوق اسمها متطلبات جامعة بتبقى مواد معقدة جدا وصعبة وتوزرع الدرجات فيها غير عادل بالمرة والدكاترة اللى بيدوها من الكليات دى والله مابنفهم منهم حاجة

الدراسة مش صعبة لدرجة الفشل يعنى وبعدين انا معرفش غير حاجة واحدة
من جد وجددددددددددددددددددددددد

ادخلى شوفى اقسام كلية علوم بتخصصتها الرئيسة والفرعية قد ايه وشوفى تجارة شعبها قد ايه
وانتى تعرفى ايه الفرق
وكفاية انه قدام يكون اسمك الدكتورة كزة او المهندسة كزة

اعملى استخارة و ربنا معاكى ويوفقك فى المكان اللى تروحيه

جزاكم الله 100 خير على ردودكم ومساعدتكم الاكتر ممن رائعه وكل سنة وانتم طيبين