اى استفسار عن التحويل للمعاهد الخاصة الهندسية جاهز للرد [الأرشيف]

samirrashed

08-08-2012, 02:41 PM

اكادمية اخبار اليوم سمعتها حلوة والدراسة جادة وبعدين العميد بتاع الاكادمية الدكتور احمد زكى بدر وزير التعليم السابق يعنى شغل شغل ومقيدة فى نقابة المهندسين وعضو اتحاد الجامعات العرب

samirrashed

08-08-2012, 02:44 PM

بالنسبة لمعهد القاهرة العالى ايوة تقعد اول سنة فية وبعدين تحول الشروق او العاشر

! SpY MaN !

08-08-2012, 03:31 PM

انا واحد صاحبى قعد سنة فى معهد عالى هندسة فى المنيا و عايز يحول لمعهد فى اكتوبر زى مدينة الثقافة و العلوم التحويل نظاموا ايه و يروح يحول امتى ؟
شكرا يا غالى :)

elppo

08-08-2012, 03:33 PM

ايه نظام معهد العبور

messi xavi

08-08-2012, 03:45 PM

معهد الجزيرة الوحيد اللي جالي هندسة ينفع اخد سنة هناك واحول لاخبار اليوم او حتة تاني
عشان هو مش معتمد من النقابة لانه مخرجش ولا دفعة بس انا كلمت النقابة وقالولي ادام معتمد من المجلس الاعلي للجامعات لما اول دفعة تتخرج بياخد كارنيه النقابة(وياريت عايز رد علي الاثنين)

samirrashed

08-08-2012, 04:30 PM

spay man بص هو علشان يحول للثقافة والعلوم لازم يجيب مجموع الثقافة والعلوم وميقلش عنة وبعدكدا يروح للمعهد ويقدم ورقوا ويحول عادى

samirrashed

08-08-2012, 04:32 PM

معهد العبور فى كذا واحد باسماء مختلفة ياريت ممكن توضح اكتر

samirrashed

08-08-2012, 04:35 PM

messi بص ايوا تقعد اول سنة فى الجزيرة وبعدين تحول لاخبار اليوم عادى وملهاش علاقة بالنقابة لان اى معهد نزل فى التنسيق معترف بية من المجلس الاعلى للجامعات وتقدر تحول بعد اول سنة لاى معهد انت عاوز تروحة

محمد جمال عبيد

08-08-2012, 07:44 PM

انا جالى السلام وهو على اد مجموع بالظبط
هل ممكن احول دلوقتى لاى معهد تانى ولا لا
يعنى لو حد بيتبقى فيه اماكن

koka7koka

09-08-2012, 05:28 AM

انا مجموعى 77 % وعايز اخش اكاديمية الشروق علوم الحاسب بس هيا بتاخد من 83.6%
فكرت اروح اكاديمية المستقبل واحول يا ريت حضرتك تدينى رأيك
وهل ينفع احول للشروق ف اول سنة يعنى مروحش المستقبل ؟؟؟؟؟؟؟؟

mohmed alm

09-08-2012, 07:05 AM

ممكن بس تقولى انى اقدر احول من دمياط الى السلاب

samirrashed

09-08-2012, 07:11 AM

samirrashed

09-08-2012, 07:15 AM

الاخ محمد لو انت جايب مجموع السلاب تقدر تحول لية لو مش جايب مجموع السلاب خليك فى معهد دمياط اول سنة وحول تانى سنة للسلاب

hamada966

09-08-2012, 07:22 AM

انا جايلى فى الترشيح حاسبات الشروق وعايز احول للقاهرة العالى هندسه استنى التحويل على النت ولا اروح الشروق واقولهم عايز احول للقاهره وايه رايك فى القاهره العالى

samirrashed

09-08-2012, 08:43 AM

اهم حاجة تكون جايب مجموع القاهرة القاهرة العالى للهندسة علشان تعرق تحول لية لما يفتح التحويل الالكترونى حول لية لو التحويل مقبلشى خد ورقك واطلع على معهد القاهرة العالى وهوا هيحولك

elppo

09-08-2012, 04:00 PM

معهد العبور فى كذا واحد باسماء مختلفة ياريت ممكن توضح اكتر

معهد العبور العالي للهندسه والتكنولوجيا
"كيلو21 طريق القاهرة/بلبيس, ص.ب 27 مدينة العبور
"
----------
عاوز اقعد سنه واحول مثلا
بس سمعت ان العبور ممكن مقبلش انى احول
او الشروق ممكن يحدد الاقسام ال احولها يعنى مينفعش احول لأتصالات او مدنى لازم قسم معين

samirrashed

09-08-2012, 04:48 PM

هوا لسة مخدشى المعادلة بس انتا ممكن تقعد فية اول سنة وتحول للشروق عادى تانى سنة والشروق بتقبل التحويلات وبالنسبة للاقسام روح للمعهد اللى انتا عاوز تحولة وهوا هيفهمك النظام

elppo

09-08-2012, 05:03 PM

طب متعرفش سمعته نظامها ايه ؟

koka7koka

09-08-2012, 06:10 PM

يا باشا مش بتنزل ف التنسيق ازاى دى معتمدة بس مسمهاش ف التنسيق اكاديمية المستقبل ده اسمها
المعهد العالي للدراسات التكنولوجية المتخصصة أول مصر الإسماعيلية

وده التفاصيل عنها ف مكتب التنسيق شوفها وقولى رايك
http://www.tansik.egypt.gov.eg/application/Dalel/institutions/40.htm

وهل لو فى اماكن ف اكاديمية الشروق مش ممكن يقبلوا ؟

samirrashed

09-08-2012, 06:10 PM

بصراحو انا معرفشى بس انت افضى فية اول سنة ووروح للمعهد اللى انتا عاوز تروحة وكويس

mohamed13gamal

09-08-2012, 08:11 PM

انا جبت تقدير جيد فى 15مايو والشروق مش عايزه غير قسم كيميه وطبيه .ايه رايكم فى القسمين دول

samirrashed

09-08-2012, 10:32 PM

هوا انتا اللى تحدد القسم اللى انتا هتدخلة مش شرط لازم يكون فى الشروق روح اى معهد كويس تانى

samirrashed

09-08-2012, 10:35 PM

koka اة كدا تعرف تحول للشروق اقعد فى اكادمية المستقبل اول سنة وتانى سنة روح الشروق

yasmin 25

10-08-2012, 12:39 AM

ياجماعه انا جالي كليه حقوق بس انا مجموعي يجيب اكاديميه الاعلام وهندسه6 اكتوبر احول ازاي هل استنى التحويل الالكتروني ولا اروح الاكاديميه

mohmed alm

10-08-2012, 03:09 AM

بس بيقولو معهد دمياط بيعمل مشاكل فى التحويل

أبو الدكتور

10-08-2012, 05:27 AM

لو سمحت معهد القاهرة العالى تخصص علوم الحاسب احسن ام معهد العالى بالتجمع الخامس تخصص علوم الحاسب احسن؟؟

mohamed13gamal

10-08-2012, 03:20 PM

بصراحه انا خايف ليكون قسم اتصالات فى مودرن اكاديمى مش حلو .وبسمع ان الشروق حلوة جدا مش عارف اعمل ايه

elsayedmohy

10-08-2012, 03:52 PM

السلام عليكم
محتاج مساعدة ضرورى
انا دلوقتى ازهرى و عملت معادلة لمجموعى طلع 87 و بالمستوى 89.2
و عايز ادخل اى معهد هندسه بشرط انى احول منه تانى سنه لمعهد كفر الشيخ اروجوك افدنى اروح فين و اى معهد اروحه عشان اعرف احول منة و شكرا

IslamHindawy

10-08-2012, 04:05 PM

طب انا جايب 81 ومش لاقي معهد خاص لو تعرف اي معهد لسه فاضي السنادي

mohamed arafa

10-08-2012, 05:03 PM

انا جالى تجاره وانا علمى رياضه 93 % .. وجيت احول فى التحويل الالكترونى ملاقيتش ولا معهد هندسه اعمل ايه

samirrashed

10-08-2012, 05:22 PM

yasmin بصى انتى تحولى الكترونى الاول ولو التحويل الالكترونى مقبلشى تروحى الاكادمية وتحولى من هناك

samirrashed

10-08-2012, 05:24 PM

mohmed alm بالعكس انا لية واحد صاحبى حول معهد دمياط واتقبل عادى مفيش مشكلة

samirrashed

10-08-2012, 05:25 PM

ابو الدكتور علة ما اعتقد ان اجمد معاهد علوم الحاسب الشروق والعاشر والسلاب مش عارف بقى معهد القاهرة دا

samirrashed

10-08-2012, 05:31 PM

elsayed mohy بص يا سيد انت قدامك معاهد كتير تقدر تدخلها بمجموعك دا زى الثقافة والعلوم والاهرامات وكتير تقدر تقعد فيها سنة وتحول من غير ما تشيل مواد معاك

samirrashed

10-08-2012, 05:35 PM

iislam hendawy بص يا اسلام تقدر تروح معهد المدينة هو واخد اقل من 81 فى المية وبعدين او فية معهد اسموا النييل هيفتح السنادى بس منزلشى التنسيق روح كلمهم وهما هيخدو الورق بتاعك ويقبلوك

samirrashed

10-08-2012, 05:41 PM

mohmed arafa بص ياريس عادى خالص لان فى التحويل الالكترونى مينفعشى تحول لمعهد هندسة الا لما تكون فى معهد هندسة مناظر لية انت هتروح للمعهد اللى انتا عاوز تحول لية وتقدم ورقك فية ومتقلقش خالص وهما هيقبلوك

mohamed arafa

10-08-2012, 05:42 PM

ربنا يطمن قلبك يا ريس ^_^

محمد1428

10-08-2012, 05:51 PM

أنا كنت فى العريش السنة اللى فاتت وخدت اعدادى وطلعت جيد الحمد لله وجبت بيان حالة ورحت قدمته فى السلاب وقالولى اطمن بس الوزارة هتبعتلهم انى مقيد على بداية امتحانات الترم الاول يعنى هفضل كل ده مش مقيد بس هحضر وكل حاجة لكن مقلق من الموضوع ده !!

mohmed alm

10-08-2012, 06:35 PM

انا جالى معهد دمياط بس انا كان نفسى السلاب وعايز اقعد سنة فى دمياط واحول السلاب بس فى ناس بتقول ان معهد دمياط بيعمل مشاكل عشان محدش يحول

حد السيف

10-08-2012, 10:09 PM

الله يكرمكم
حد يفيدنى

عاوزاروح الشروق وفارق معايا نص درجه

اعمل ايه؟

samirrashed

11-08-2012, 04:41 AM

الاخ محمد 1428 بص يا ريس متقلقشى من الموضوع دا عادى خالص الامور ديت روتينية وبتحصل مع اى حد بيحول الان هما لسا بيجمعوا التحويلات وبعديت يودوها الوزارة والوزارة بعد كدة بتوافق عليها

samirrashed

11-08-2012, 04:44 AM

الاخ mohmed alm مفيش مشاكل ولا حاجة روح انت بس حول وهما هيقبلوك مفيش مشكلة بس لازم تكون جايب جايب المجموع بتاعة وميقلش عنة

samirrashed

11-08-2012, 04:47 AM

حد السيف للاسف مينفعشى تحول لان لازم تكون جايب الحد الادنى او يزيد عنة روح حول اى معهد تانى واقعد فية سنة وبعدين حول الشروق

amrcapo

11-08-2012, 06:33 AM

koka انا بصراحة معرفشى اكادمية المستقبل ديت بس انت المفروض تروح معهد نازل فى التنسيق اكادمية المستقبل مش نازلة فى التنسيق ومينفعشى تروح الشروق اول سنة لان مجموعك مش جايببة انت تروح اى معهد تانى وتقعد فية سنة وتحول تانى سنة للشروق

طب لو سمحت بعد اذن حضرتك يا بشمهندس انا عايز اعرف هو ( معهد المدينة العالى للهندسة بشبرا منت ) معتمد ولا لا ولو انا قاعدت اول سنة فية وبعدين عايز احول لاى معهد غيرة زى طيبة او العاشر او زى اكاديمية مودرن اكاديمى هيبقى فية مشكلة فى التحويل ولا لا بالله عليك حد ترد عليا او اى حد يعرف يرد انا تعبان بسبب الموضوع د وشكرا واسف اذا ازعجت حد .

samirrashed

11-08-2012, 07:50 AM

amrcapo بص يا عمرو باشا مفيش معهد نازل فى التنسيق الا ويكون معتمد من المجلس الاعلى للجامعات ووزارة التعليم العالى فانتا عادى هتقعد فية سنة وبعدين تحول عادى خالص ومتقلقشى واى خدمة يا ريس

drmohamedph

11-08-2012, 02:35 PM

طيب انا عايز احول من معهد اللى انا فية للمعهد العالى للهندسة والتكنولوجيا بالمنصورة .... والدرجات طلعت والحمد لله نجحت وبتقدير كمان عايز اعرف بقى اية اللى لازم اعملوا علشان اعرف احول لان المعهد اللى انا فية مش راضى يدينى الملف بتاعى ففى ناس قالولى روح الوزارة ..؟؟ فعايز اعرف اية الاجراءات اللى لازم اعملها علشان اخد ورقى من الوزارة

samirrashed

11-08-2012, 07:12 PM

drmohmed بص انت تروح معهد االى فى المنصورة وتقولة انا عاوز احوا عندكو وهوا هيقوللك على اللى انتا هتعملوا

حد السيف

11-08-2012, 07:39 PM

حد السيف للاسف مينفعشى تحول لان لازم تكون جايب الحد الادنى او يزيد عنة روح حول اى معهد تانى واقعد فية سنة وبعدين حول الشروق

اخى الفاضل

مش ممكن حد يحول من المعهد ومكانه يفضى
مش احنا فى فترة تحويلات
سامحنى يا اخى الموضوع خانقنى عا الاخر
يا رب ما اكون تقيل
الحمد لله رب العالمين

samirrashed

11-08-2012, 10:20 PM

حد السيف بص دا انا شفت على موقع التنسيق يبقى انت كدا تحول على الشروق وخلاص طبقا للكلام دا من على موقع الوزارة يمكن للطلاب المرشحين الي المعاهد التقدم بطلب تحويل مناظر في حدود 10 % بحد أقصي ثماني معاهد من نفس التخصص ، ودون النظر الي الحد الأدني للقبول بها

حد السيف

11-08-2012, 10:50 PM

hamada100%

12-08-2012, 09:45 PM

معهد طيبة العالي للهندسة بالمعادي

rimaza

13-08-2012, 12:45 AM

انا كنت في حاسبات القاهرة واتفصلت وعايز احول هندسة طيبة . المطلوب ايه

sosoonly

13-08-2012, 01:32 AM

اى حد عنده تفسير للكلام اللى مكتوب فى صفحه التنسيق ده

http://www.tansik.egypt.gov.eg/appli...ultThanwy.aspx (http://www.tansik.egypt.gov.eg/application/defaultThanwy.aspx)

" يمكن للطلاب المرشحين الي المعاهد التقدم بطلب تحويل مناظر في حدود 10 % بحد أقصي ثماني معاهد من نفس التخصص ، ودون النظر الي الحد الأدني للقبول بها "

الكلام ده معنااااه ايه ..... ياريت لو حد يعررررف يقولنا :078111rg3::078111rg3::078111rg3:

samirrashed

13-08-2012, 06:13 AM

rimaza بص هو انت تروع اكادمية طيبة وتاخد معاك شهادة النجاح والدرجات وتحول عادى

samirrashed

13-08-2012, 06:19 AM

soosonly بص على حد علمى ان دا اول مرة يحدث بس هو عاوز يقول ان ممكن تحول الى معهد انت مش جايب الحد الادنى بتاعة ولكن تكون كاتب فى الرغبات 8 معاهد بس انت عاوز واحد فيهم وهوا هيختار ليك المعهد اللى انتا عاوز تحولة ولكن فى حدود نسبة ال 10 فى المية ممكن ميقبلشى عادى زى تحويل الكليات بيبقى فى حدود عشرة فى المية وفى ناس مش بتقبل ةبتحول تحويل ورقى فى الاخر

samirrashed

13-08-2012, 06:21 AM

hamada100 اكادمية طيبة زى الفل مش وحشة ولا حاجة ومسجلى فى النقابة

احمد حسن محمود الشناوي

13-08-2012, 02:03 PM

ياريت حد يفيدني، في اي معهد هندسة معتمد يقبل مجموع 71.5 ولا لا ؟

samirrashed

13-08-2012, 09:09 PM

مظنش ان فية معهد بيقبل من 71 وبعدين نقابة المهندسين قالت انها مش هتسجل اى عضو حاصل على اقل من 84 فى المية

hamada100%

14-08-2012, 12:27 AM

السلام عليكم انا جالي معهد السلام ولكن انا عايز احول لمعهد طيبة وانا عملت التحويل علي النت ومش عارف نتيجة التحويل امتي ومش عارف اعمل اية عشان ادخل معهد طيبة ما هو المطلوب مني مع العلم انا جايب 88.41

samirrashed

14-08-2012, 03:49 AM

استنى نتيجة التحويل وان شاء اللى هتجيللك لانك جايب اكتر من مجموع طيبة ولو لقدر اللة ماجتشى تروح معهد طيبة وتحول عادى من هناك تحويل ورقى

mody21000

14-08-2012, 04:29 AM

انا في اعدادي هندسه العبور وعايز احول معهد العاشر ادخل كهرباء وعندي كام سؤال
اولا : بالنسبه للدراسه في المعهد انها لها يونتات محدده زي مابيقولو 110 يونت تقريبا كل سنه بيبقي ليك عدد يونتات معينعلي حسب تقديرك
يعني لو جبت امتياز السنه دي تاخد السنه اللي بعدها 20 يونت
جبت جيد جدا تاحد 18
جبت جيد تاخد 15
جبت مقبول تاخد 12
هل الكلام ده صحيح فده معناه ان اللي جايب جيد هتحرج في 6 سنين علي الاقل ومقبول عيزله 7 سنين الكلام ده صحيح ولا غلط ارجو الافاده السريعه من فضلكم ولكم جزيل الشكر
و ياريت حد يشرح نظام التسجيل و نظام الدراسه كلها و شكرا جزيلا

samirrashed

14-08-2012, 03:31 PM

مش عارف بصراحة لان العاشر نظام الساعات مختلف عن المعاهد التانية

kamatesho

16-08-2012, 05:55 AM

انا جالى معهد الاهرامات و انا عاوز احول العاشر روحت قالولى لازم تحول الاول من على النت و لسة النتيجة مظهرتش انا جايب 92.3 و خايف الاماكن تخلص اعمل ايه ؟؟؟

samirrashed

16-08-2012, 09:01 PM

هتستنى نتيجة التحويل لو رفض هتروح تحول من معهد العاشر تحويل ورقى متقلقشى

! SpY MaN !

25-08-2012, 03:53 PM

طيب يا غالى هو صاحبى جايب فى الثانوية تقريبا 86 او 84% بس التقدير بتاعوا مش قد كدة حوالى 1.97
هو كان فى معهد عالى هندسة المنيا و هيحول لمدينة الثقافة و العلوم فى اكتوبر
ارجوا الرد

samirrashed

25-08-2012, 11:53 PM

بص اهم حاجة ميكنشى شايل مادة علشان يعرف يحول وهيحول عادى خالص بعد كدا

ANA ELMAGIC

26-08-2012, 04:04 PM

طيب انا فى المعهد العالى دمياط وعايز احول جامعة الفاروس فهل ينفع
انا كنت جايب 89

samirrashed

26-08-2012, 04:40 PM

يا باشا انت تحول عادى خالص روح جامعة فاروس وقدم هناك لان هيا مفيهاش تحويل الانها مش تابعة للتنسيق بس الحق قدم بسرعة الان العدد زمانة انتهى

12mody

27-08-2012, 04:13 PM

يا جماعة أنا جبت 73.5% وي أدمت في الجامعة الحديثة mti هندسة بس أنا قلقان منها وهيا خارج التنسيق فهل ينفع اخد فيه اعدادي و بعدين أحول لاكاديمية الشروق او القاهرة الجديدة ؟؟! وهل هيجلي معهد هندسي في المرحلة الثالثة ولا لا ارجو المساعدة ولو حد يعرف عن mti يساعدني و شكراا:078111rg3:

samirrashed

27-08-2012, 06:34 PM

متقلقشى ولا حاجة ديت جامعة خاصة علشان كدة مش تبع التنسيق لكنها مسجلة فى نقابة المهندسين ومعترف بيها عادى يعنى

ELSIS

28-08-2012, 10:52 PM

لو سمحت انا كان جالي حاسبات فيوتشر وعملت تحويل لنيو كايرو هندسة من النت وبردو جالي حاسبات ينفع احول اي كلية تانية ولا هيكون ف مشكلة مع العلم انا مجموعي اعلي من الكليتين
وشكرررررررررررررررررررررا

حد السيف

29-08-2012, 02:11 AM

هوه ينفع تحويل من هتدسة العاشر فرع 6 اكتوبر الى فرع العاشر بمدينة العاشر

ممكن حد يفيدنى

pola10football

14-10-2012, 01:52 PM

يا باشا انا جالى اكادمية المستقبل نظم و عاوز احول كومبيوتر سينس الشروق او اى حاجة تانية يس مجموعى مش هايجيبها ينفع اقعد سنه فى الاكادمية بتاعتى و احول للشروق بس كومبيوتر ساينس و اعيد اولى تانى علاشان الاتنين مش زى بعض و التحويل بيبقى بالمجوع الثانوية و لا التقدير

عمرو احمد شكر

19-10-2012, 06:27 PM

لو سمحه عاوز اعرف ايه المعاهد الى فيها قسم الكهرباء وايه راى حضرتك فى معهد سموحه للهندسه معهد رجب انا فيه انا بافكر احول مكان تانى فيه كهربه

ostaz_zekoo

24-10-2012, 01:17 AM

لو سمحت انا اختى فىالفرقة الاولى كلية تربية قسم رياضيات ومجموعها فى الثانوية 92.44 ممكن احولها لهندسة الشريف ولا لأ ولو ينفع ايه هى الاوراق المطلوبة. نرجوا الرد للاهمية

nagy safwat

08-01-2013, 08:19 PM

ارجو من حضراتكم الرد على سؤالى وهو اننى فى جامعة النهضة اعدادى هندسة واريد التحويل لمعهد العاشر السنة المقبلة ولكن اننى لم ادخل امتحان مادة الرسم الهندسى لظروف حدثت فهل من الممكن التحويل للمعهد علما بان الجامعة تعمل ايضا بنظام الساعات المعتمدة فارجو الرد

julianooo

08-08-2013, 08:26 AM

انا جالي حاسبات خاص بتاع العاشر بس انا عايز ادخل هندسه خاص ينفع احول ولا ايه
ومعهد الاهرامات واقف عليا بنص درجه !!

LionelMedo

11-08-2013, 06:29 AM

انا جالي حاسبات خاص بتاع العاشر بس انا عايز ادخل هندسه خاص ينفع احول ولا ايه
ومعهد الاهرامات واقف عليا بنص درجه !!

انا زيك بالضبط بس جالي حاسبات الدلتا وبعد ماعرفت ان كليات الحاسبات الخاصه (المعاهد يعني ) زي الزفت
حولت لهندسه كنج مريوط بالاسكندريه
وهي ماعليك الا انك تسحب ورقة الترشيح وتاخدها معاك مع الورق المطلوب وتقولهم انا عاوز احول عندكــــم

السمير م

11-08-2013, 07:02 PM

حد يعرف معلومات عن معهد الهندسة بالتجمع الخامس

الجنه غايتى 1 2 3

21-08-2013, 05:22 AM

انا خلصت سنه اولى علوم فى معهد طيبه الهرم
ينفع احول لطيبه المعادى سنه تانيه ولا لاء
علشان بيقولو ان لازم اكون جايبه الحد الادنى بتاع تنسيق الثانويه العامه
ارجو الرد سريعا

Ayoo Mohamed

07-09-2013, 02:00 PM

انا ف المعهد العالى للهندسة والتكنولوجيا ف المنيا الجديده كنت عايزة اعرف هل اقدر احول للمعهد العالى للهندسة والتكنولوجيا فرع 6 اكتوبر ؟ ولو ممكن احول ازاي ؟ مع العلم انى خلصت اعدادى بتقدير جيد

amir abdo

17-08-2014, 11:37 AM

اكاديميه اخبار اليوم ممكن التحويل منه لهندسه العاشر او الشروق بعد اول سنه

hkhodary00

17-08-2014, 04:54 PM

يا جماعه انا جالي معهد القناه العالي بالسويس وعايز احول كلية الثروه السمكية بالسويس اعمل ايه دلوقتي ؟؟؟؟

1sara

03-09-2014, 07:12 PM

التحويل من المعهد الوادى العالى للهندسة والتكنولوجيا بالقليوبية الي معهد الصفوة العالى للهندسة والتكنولوجيا بالقليوبية او المعهد العالى للهندسة بمدينة الشروق

hsnehsne

13-09-2016, 07:12 AM

انا عايز اعمل تحويل من المعهد العالي للحاسب ونظم المعلومات ش نظم تجمع خامس وانا ساكن فى الزويه الحمرا انا عايز اعمل نقل من المعد لى معهد شبرا او المطريه انا جايب 71.8 فى الدبلومات

معلش انا عارف انى مش تبعكو بس عايز اعرف انا او عملت نقل ايخد قد اى فى الرد
:078111rg3::078111rg3:

jooooo

27-09-2016, 11:24 PM

طباعة الكتب و المذكرات بالالوان باجود الخامات و اقل الاسعار ... ويوجد خدمة شحن لاى مكان ... يشرفنا التعاون معكم لاظهار مطبوعاتكم بارقي مستوى ... 01220140331 -- 01090706460

Mohamed eshiba

10-04-2017, 11:34 AM

انا أبني في المعهد العالى للهندسة بالشروق سنة ثانية وعاوزين نحوله كلية تربية قسم رياضيات هل ممكن وهيحول سنة كام

bdelwahab

23-09-2019, 04:28 PM

هل ممكن أحول من معهد عالي هندسة البحيرة إلى معهد عالي هندسة كفر الشيخ وإذا كان ممكن هل ممكن أحول بعد الترم الاول ام بعد نهاية السنه الأولى وهل فيه شروط التقدير وسؤال تاني الوزارة محدده رسوم المعهد ب ١٠٤٠٠ والمعهد اخذ في الترم الاول ٦٥٠٠ يعني في السنه ١٣٠٠٠ يعني زيادة حوالي ٢٥٠٠ عن ما حددته الوزارة هل دا قانوني ولا ممكن اشتكي وشكرا.