esraa m yousef
06-10-2013, 07:01 PM
بجد ف حياتي ما حسيت بكل الامل ده ربنا يكرمك يارب و هفضل فاكرة المنتدي ده لاخر يوم فحياتي وهفضل ادعي لكل واحدساعدني هنا فكل صلاه بجد حسيت اني بتولد من جديد
|
مشاهدة النسخة كاملة : الموضوع ده هيوفر كتير لكل اللي عاوز يتفوق ثانوي عام ان شاء الله الصفحات :
1
[2]
esraa m yousef 06-10-2013, 07:01 PM بجد ف حياتي ما حسيت بكل الامل ده ربنا يكرمك يارب و هفضل فاكرة المنتدي ده لاخر يوم فحياتي وهفضل ادعي لكل واحدساعدني هنا فكل صلاه بجد حسيت اني بتولد من جديد يارالاتا 25-11-2013, 05:03 PM الف مبرووووووووووك يا دكتورة وعقبال بنتى يارررررررررررررررررررررب نصائح ذهبيه جزاكم الله كل خير lolododo2010 06-02-2014, 04:31 AM أنا بقى هذاكر جامد و هضغط على نفسىى و هى سنه و خلاص، بس المشكله عندى إححساس دياماً إن بعد تعبى سنه كامله و أهلى صارفين عليا دروس فى الأخر هدخل الإمتحان مش هعرف أحل كلمه واحده، فا ممكن تقوليلنا الإمتحان بيجى إزاى ؟؟ يعنى المزاكر او أى حد تعب يعرف يخلصو علىطول ؟ حتى لو واحد مستواه عادى ؟ و لازم واحد متميز علشان إمتحانات الثانويه العامه كلها أسئلة ذكاء و كده ؟؟ انا كنت فاكره زيك كده تمام اني هنسي ومش هحل وانا بقي ايه كانت الثقه بالنفس زيرو :d بس كان الطموح اكبر يعني انا كنت بحاول لاخر لحظه وكنت بطمن نفسي لاخر لحظه وفي الاخر طلعت عادي يعني اسئله عاديه جدا انتي لو متدربه كويس علي الصعب بلاش كلمه صعب لو مزاكره كويس وفاهمه كويس هتعرفي تحلي لانه امتحان عادي جدا الفكره بس ان الخوف بيضيع انما التدريب علي الامتحان والاستعداد ليه ده امر ميتخافش منه لو مع مدرسين كويسين وبيدربوكي كتير دورك انتي بقي انك تزاكري كويس وتثقي في الله ثم في نفسك والموضوع هيبقي سهل اوي lolododo2010 06-02-2014, 04:34 AM بجد ف حياتي ما حسيت بكل الامل ده ربنا يكرمك يارب و هفضل فاكرة المنتدي ده لاخر يوم فحياتي وهفضل ادعي لكل واحدساعدني هنا فكل صلاه بجد حسيت اني بتولد من جديد متنسيش اختك بقي الاء في دعوتين بظهر الغيب كده :022yb4: عارفه انا فكرت في فكره الموضوع ده وبتابعه الي الان رغم ان الواحد اهوه دخل الكليه وبقاله سنتين كمان بس انا كنت في ثانوي محتاجه اوي اللي يطمني ويفهمني الفكره انا مش عارفه هل الموضوع دلوقتي مفيد بعد تغيير نظام الثانويه العامه ولالا بس الحمدلله انه ربنا جعله يفيد حد يعني حسنات كده وانا مش واخده بالي فالحمدلله والشكر لله وربنا يوفقكوا جميعا :022yb4: دعواتكوا بقي ويارب اشوفكوا قريب معانا في طب جميعا lolododo2010 06-02-2014, 04:37 AM الف مبرووووووووووك يا دكتورة وعقبال بنتى يارررررررررررررررررررررب نصائح ذهبيه جزاكم الله كل خير ربنا يباركلك فيها ويوفقها طبعا الام بيبقي لها دور جامد اوي بالنسبه لماما كانت خايفه عليا بس مكنتش محسساني ان في ازمه يعني كانت بتوفرلي كل سبل الراحه وفي نفس الوقت مكنتش محسساني ان في حاجه اسمها مشكله ثانويه عامه انا نفسي استغربتلها :022yb4: وان شاء الله نشوف بنت حضرتك معانا قريب اي استفسارات انا تحت الخدمه عبير الجوري 06-02-2014, 09:40 AM موضوع جميل جدا ومفيد اريد ان اسال عن افضل كتاب للانجليزي مراجعة نهائية وبكون محلول او يكون له اجابات علي النت عايزة احل واصحح لنفسي لوحدي مش في درس انتظر ردك Jung Ji-Hoon 07-02-2014, 04:03 PM عندى مشكلة فى الجغرافيا انا ضعيف جدا فيها ومش عارف اذاكرها وكتاب الامتحان منزلشى السنادى اعمل ايه؟ son470508165410 20-02-2014, 06:42 PM تغليقا على كلامك يا دكتورة وردك على ( داركومالفوى ) .. انا بعد اذنك كنت عايزة اقول حاجة انا وصحبتي قبل ما ندخل تانية ثانوى كان الحماس واخدنا اوى كدة برضه .. وفضلنا نحط فى جداول وفى حاجات .. و اول ما الكتب نزلت الفجالة حتى مكنتش لسة اتوزعت على باقى المكتبات نزلنا احنا الاتنين فى عز الحر والصيام نجيبها .. وكنا بنشترى بغشومية .. كأننا داخلين مسابقة اللى هيشترى فيها كتب اكتر هيكسب اكتر .. المهم فضلنا بالحماس فى اول حوالى 3 شهور دراسة بس طبعا كان بيقل بالتدريج ..لحد ما وصلنا لشهر 1 او 2 تقريبا وبقينا زى كل الشعب المصرى بنحل من كتاب واحد بس من الكتب الكتيييير اللى كنا جايبنها .. بنام اكتر ما بنصحى فى اليوم .. بنذاكر تأدية واجب وعشان ضميرنا ما يأنبناش ان اليوم عدى واحنا ما ذاكرناش ... المهم المشكلة كانت فى ان احنا دايما حاسين اننا كدة مقصرين واننا مش عاملين الحاجة اللى المفروض تتعمل .. لما قعدت شوية مع نفسى وفكرت احنا ليه حاسيين بكدة لقيت ان الاحساس دة نابع من اننا حطينا جدول خرااافى وحاجاتفوق طاقة ابشر وكنا بنقسم اليوم من غير ما نحسب عدد ساعات النوم و الاكل والكلام دة ودة كله كان بدافع الحماس اللى كان واخدنا فى الاول لكن لما نزلنا على ارض الواقع لقينا قدامنا كل الحاجات اللى مكناش عاملين حسابها ودة اللى سببلنا احباط .. ولولا ستر ربنا الله اعلم الاحباط دة كان ممكن يوصل بينا لفين .. اسفة على الاطالة .. بس حبيت اوضح النقطة دى عشان محدش يقع فيها انا في تانيه ثانوي ونفسي ادخل طب ازاي اساعد نفسي من دلوقتي وايه نصايحك ليا son470508165410 20-02-2014, 07:48 PM الحمدلله جاوبتلكم علي كل الاسئله المتاخرة اعذروني علي التاخير معلش بقي دخله الجامعه انا منتظرة استفساراتكم اي سؤال خشوا اكتبوه وباذن االله هرد عليكم ربنا يوفقكم واشوفكم كل الكليات الحلوة اللي تتمنوها يارب:022yb4::av4056bb7jp3: السلام عليكم انا في تانيه ثانوي ونفسي ادخل طب فممكن اعمل ايه دلوقتي يساعدني في الثانوية العامه nada ndoosh 17-05-2014, 12:12 AM السلام عليكم ورحمه الله وبركاته الف مبروك لدكتوره مع انها جت متأخره ربنا يكرمك انا كنت بشوف ردك بس مكنتش بعرف اسجل والحمد لله سجلت وانا داخله علمى ان شاء الله لسه تانيه وياريت استفيد منك المجلس2009 20-05-2014, 02:32 AM كله ماششييييييييييييييييييييييييييييييييييي بس المهم تذاكروووووووووووواااااااااااا ابراهيم الكومى 22-05-2014, 05:49 PM جزاكم الله خيرا alshymaa hafez 18-06-2014, 09:41 AM اول مره اقراء الموضوع كنت داخله اولى ثانوى دلوقتى داخله 3 ودى تانى مره اقراء الموضوع او التالته بجد استفدت جامد ومازلت كل مره بقراءه بستفيد ربنا يكرمك ويوفقك يارب وتبقى معيدة كمان فى الكليه ^_^ alshymaa hafez 18-06-2014, 09:42 AM بعد اذنك انا باخد النصايح دى وانزلها على الفيس علشان اصحابى يشفوها :) Dr Alaa Inv 19-06-2014, 09:11 PM انا في حاجة لفتت نظري حضرتك بتقول في العربي كتاب المثالي رائع بس انا مسمعتش عن حد اشتري او مدح المثالي في العربي خالص ... فأنا عايز اعرف ايه الي بيميزه عن باقي الكتب ؟؟؟ ... ثانيا الكمياء ايه افضل الكتب الخارجية بعد الامتحان هل المثالي ولا الوسام ولا المعلم ولا مندليف ؟؟ وشكرا lolododo2010 04-08-2014, 05:53 AM اخواتي اللي تابعوا الموضوع ده زمان طمنوني دخلتوا ايه وهرد علي الاستفسارات الجديده حالا يارب يكون الموضوع كان كويس وفادكوا وتكونوا حققتوا احلامكوا واحلام اهاليكوا ها حد شرفني ف طب عين شمس انا رايحه 3 اهو ادعولي جامد 3 من المفترض انها من اصعب السنين lolododo2010 04-08-2014, 05:59 AM انا في حاجة لفتت نظري حضرتك بتقول في العربي كتاب المثالي رائع بس انا مسمعتش عن حد اشتري او مدح المثالي في العربي خالص ... فأنا عايز اعرف ايه الي بيميزه عن باقي الكتب ؟؟؟ ... ثانيا الكمياء ايه افضل الكتب الخارجية بعد الامتحان هل المثالي ولا الوسام ولا المعلم ولا مندليف ؟؟ وشكرا مستر ابو الحسن هو مؤلف الكتاب ده وللصدفه هو اللي كان بينزل اسئله الجمهوريه والاخبار التعليمي وللصدفه كان بيدينا درس الكتاب حلو انه مفصفص الحاجات باسلوب المستر بس علي ما اتذكر كان فيه بعض الاخطاء الاملائيه بس كان كتاب رائع وكنت معتمده عليه اعتماد كلي lolododo2010 04-08-2014, 06:01 AM بعد اذنك انا باخد النصايح دى وانزلها على الفيس علشان اصحابى يشفوها :) فكره رائعه صدقه جاريه ربنا يجازيكي خير وتحققوا احلامكوا lolododo2010 04-08-2014, 06:05 AM السلام عليكم انا في تانيه ثانوي ونفسي ادخل طب فممكن اعمل ايه دلوقتي يساعدني في الثانوية العامه بصي يا بنتي انا هقولك اللي كنت بعمله ف اولي :dاللي تعدل تانيه عندكوا يعني بعد تغيير النظام انا كنت لما بسال حد كبير يقول ريحوا ف اولي والثانويه مرمطه وكدهوت لحد ما في مستر انجليزي الله يعافيه بالخير قالي اكبر غلط اولي دي بدايه تعاملك مع الجد لو ظبطيها هتظبطي ثانوي فابتديت احفظ كلمات انجليزي كتير عشان احسن نفسي ف الترجمه والقطع وابتديت اركز اني اعرف احدد ازاكر ازاي كل ماده يعني اعرف يعني ايه احياء و احدد اسلوب المزاكره فيها وكدهوت لدرجه اني طلعت الاولي ف سنه اولي الحمدلله :d وربنا كرمني وحققت حلمي شوفي انتي / انت تقدر تقوي نفسك سواء انجليزي او اللي هتحتاجه لرفع مستواك ف المزاكره واشتغل عليه لكن متستهونش اوي ولا تشد اوي خير الامور الوسط lolododo2010 04-08-2014, 06:09 AM عندى مشكلة فى الجغرافيا انا ضعيف جدا فيها ومش عارف اذاكرها وكتاب الامتحان منزلشى السنادى اعمل ايه؟ مممممممممم للاسف ممكن الرد يبقي متأخر لاني كنت ف فتره الامتحانات بس ممكن حد يحتاج الاجابه ممكن كنت تاخد الكتاب بتاع الامتحان من أي حد اكبر من السنين اللي قبلك عادي او تستخدم أي كتاب خارجي غيره ان تعذر الحصول عليه او ان الجغرافيا حفظ لو ضاقت بيك السبل تحفظها من كتاب المدرسه او من مزكره الدروس كزا حل :d يارب تكون قدرت تتعامل معاها كويس وتكون جبت اعلي الدرجات lolododo2010 04-08-2014, 06:11 AM موضوع جميل جدا ومفيد اريد ان اسال عن افضل كتاب للانجليزي مراجعة نهائية وبكون محلول او يكون له اجابات علي النت عايزة احل واصحح لنفسي لوحدي مش في درس انتظر ردك انا علي ايامي كان كل كتب الانجليزي الخارجيه متجاوبه ف نفس الكتاب مش فاكره اوي كنت بستخدم ايه هتلاقوه ف المشاركات السابقه بس غالبا surprise the best :d الزهايمر اشتغل لاني بعدانه عن الثانويه بقالي عمر :022yb4:(الحمدلله يعني ):d omarhassan2009 04-08-2014, 06:23 AM شكرا على موضوعك الاكترمن رائع انا بس هستغل انك موجوده .. وهسأل عن تنظيم الوقت .. وفى حاجة كمان لفتت نظرى وهيا " كورسات التنميه البشريه " لو كنتى اتكلمتى عنهم قبل كدة يا ريت رابط الصفحه ولو متكلمتيش ابقى اتكلمى لاننا بنستفاد بخبرتك جامد :) lolododo2010 04-08-2014, 06:48 AM شكرا على موضوعك الاكترمن رائع انا بس هستغل انك موجوده .. وهسأل عن تنظيم الوقت .. وفى حاجة كمان لفتت نظرى وهيا " كورسات التنميه البشريه " لو كنتى اتكلمتى عنهم قبل كدة يا ريت رابط الصفحه ولو متكلمتيش ابقى اتكلمى لاننا بنستفاد بخبرتك جامد :) لا هو انا لو اتكلمت هفتكر الصفحه الموضوع لو كان طفل كان زمانه بدأيتكلم :d بالنسبه لتنظيم الوقت فانت اللي هتقدر تعمل كده وده هيبقي متماشي مع ارادتك يعني مثلا اللي بيزاكر عشان يدخل طب مش هيدي وقت زي اللي بيزاكر عشان يدخل معهد:d انا تقريبا الثانويه العامه ويمكن الجامعه كمان يومي ما هو الا مدرسه او جامعه دلوقتي كورسات او دروس ومزاكره تصل الي ما شاء الله من المده بس ده ليه ؟ اقولك ليه :d لاني وبلا فخر بطيئه وبحب التكرار انتحر يعني:d لا بعوض البطئ بكثره ساعات المزاكره والتكرار الكتير بيثبت سواء بالحفظ بالورقه والقلم او حل الاسئله ولما بتيجي تراجع بيكون فاكر كويس لكن لو ربنا مديك ف قدراتك انك تنجز الكميه المطلوبه باتقان ف وقت قليل وتحقق التارجت بتاعك :022yb4:باقي الوقت المتبقي حلال فيك تقوي مهاراتك تتسلي براحتك اما بالنسبه لكورسات التنميه البشريه كنت بسمع ع اليوتيوب للدكتور الفقي وهتلاقي فيه كورسات تقريبا تبع رساله وما شابه بينظموا حاجات زي كده وميزه التنميه البشريه انها بتقوي شخصيتك من جواك وغالبا اللي بيديها بيبقي دارس ما يسمي بالسيكولوجي :022yb4:قسم عندنا فعين شمس بيدرسه اساتذه الطب النفسي فيه منهم بيتجه للمجال ده وفيه ناس ف المجال ده مش من طب بس كويسين ربنا يوفقكوا :d omarhassan2009 04-08-2014, 07:05 AM باين ان الموضوع قديم جدا .. مفيش حل غير انى ادور فيه وخلاص ^_^ .. بس كنت عاوز اسال برضو بالنسبه لكلمات الانجلش ايه افضل طريقه لحفظها وتثبيتها .. وكمان بالنسبه لموضوع تعدد المدرسين ف الماده ؟ lolododo2010 04-08-2014, 07:13 AM باين ان الموضوع قديم جدا .. مفيش حل غير انى ادور فيه وخلاص ^_^ .. بس كنت عاوز اسال برضو بالنسبه لكلمات الانجلش ايه افضل طريقه لحفظها وتثبيتها .. وكمان بالنسبه لموضوع تعدد المدرسين ف الماده ؟ افضل طريقه للحل والتثبيت هي الورقه والقلم وانك تبدا تحل قطع كتير فهتلاقي كلمات فهتفتح القاموس فهتقوي نفسك بمعني انك بعد ما حفظتها بتطبق اما بقي تعدد المدرسين انا كنت باخد مع كزا واحد ف نظامنا القديم فمقدرش اقولك وحش :022yb4: ومعظم اللي كانوا بيعددوا ف طب وصيدله بس فيه برده كانوا بيعددوا بغباء وملحقوش تجاره :blush: الفكره ان الاستاذين يبقوا عباقره فتستفاد من الاتنين او بيكملوا بعض لو حسيت ان ده كويس بس مش بيديك كل حاجه واهم حاجه تكون بتزاكر اول باول مش تحرق نفسك نزول ومتبقاش انت بتزاكر اصلا وتحل كتير تطبق علي اللي بتزاكره اول باول بس ومتخافش وتتوكل علي الله سبحانه وتعالي omarhassan2009 04-08-2014, 07:18 AM إن شاء الله ^_^ .. معلش بس هستغلك شويتين كمان لو مفيهاش راخامه ^_^ .. اكبر مشكله كانت بتواجهنى جدول المذاكره .. اسمع دايما ان ناس بتحط جدول للاسبوع وجدول للشهر كلو وكدة .. حاولت اعمل كدة بس مكانش بيظبط جامد فياريت تقوليلنا طريقتك ف عمل الجدول ونظام المذاكره وكدة .. والتمسيلى اى عزر معلش .. نادر ما بلاقى حد اسألو وجوايا اسأله كتير صراحه بس مش هزود عليكى تانى :) lolododo2010 04-08-2014, 07:32 AM إن شاء الله ^_^ .. معلش بس هستغلك شويتين كمان لو مفيهاش راخامه ^_^ .. اكبر مشكله كانت بتواجهنى جدول المذاكره .. اسمع دايما ان ناس بتحط جدول للاسبوع وجدول للشهر كلو وكدة .. حاولت اعمل كدة بس مكانش بيظبط جامد فياريت تقوليلنا طريقتك ف عمل الجدول ونظام المذاكره وكدة .. والتمسيلى اى عزر معلش .. نادر ما بلاقى حد اسألو وجوايا اسأله كتير صراحه بس مش هزود عليكى تانى :) انت مستغرب ليه ان جدول المزاكره بيبوظ ده من شيم العظماء :d قولي ليه؟ لان الناس اللي بيبقي حلمها كبير بتكلف نفسها مالا طاقه لها به بتحط حاجات كتير علي وقت قليل وده اكبر غلط ;) غالبا مبينفذش وبيضيع وقت يندم ع الجدول اللي منفذوش :d اما بقي الحل انك متكتبش جداول كده وتحطها قدام عنيك تزغللك الرؤيه خليها ف دماغك بمعني ابدا زاكر شويه بالماده السهله لو انت مكتئب واقطع فيها جز كويس حسيت بالملل تعمل ايه :dقوم افتح التلاجه خيارايه كده وارجع تاني :d وامسك ماده تانيه ولو انت من النوعيات اللي بتمسك 3 ف اليوم فهتقلل ساعات القاعده ف الماده بس ف الواقع هتلاقي نفسك ممكن تمسك ماده واحده ف اليوم :d وده برده شغال وبياكل عيش يعني الناس اللي بتزاكر الماده قبل درسها عشان تستفاد بتخلي اليوم اللي قبل الدرس مزاكره للماده بتاعه بكره ف الدرس ساعات كتير كنت بعمل كده بس براجع القديم كله وبحل الواجب كمان وبكده ده برده اسلوب كويس للمراجعه المستمره اللي اقصده ان فيه اكتر من طريقه تنظم بيها وقتك حسب انت من انهي نوع بتاع الماده الواحده ولا الاتنين ولا ال3 المهم انك تطبقه صح وتبعد عن المشتتات الفيس بوك والاصحاب وما شابه :022yb4:انا وانا ف ثانوي مكنتش اعرف يعني ايه فيس بوك ده مكنتش اعرف بتاع ايه :d ولا كان ليا صحبات خروجات وتضييع وقت ولا كدا فرتب امورك والغي المشتتات وقرب من ربنا واستعين بيه واي حاجه انا ف الخدمه :d لا تتقيل ولا حاجه انتوا اخواتي الصغيرين :d بس عايزه اعرف هل حد من اللي قروا الموضوع من قبل كده دخل كليات كويسه ولا ايه طمنوني عليكوا علطول Mhd.A.sadek 04-08-2014, 07:45 AM موضوع جميل :) جاري التطبيق :d Mhd.A.sadek 04-08-2014, 07:46 AM بارك الله فيكي ^^ omarhassan2009 04-08-2014, 01:03 PM انت مستغرب ليه ان جدول المزاكره بيبوظ ده من شيم العظماء :d قولي ليه؟ لان الناس اللي بيبقي حلمها كبير بتكلف نفسها مالا طاقه لها به بتحط حاجات كتير علي وقت قليل وده اكبر غلط ;) غالبا مبينفذش وبيضيع وقت يندم ع الجدول اللي منفذوش :d اما بقي الحل انك متكتبش جداول كده وتحطها قدام عنيك تزغللك الرؤيه خليها ف دماغك بمعني ابدا زاكر شويه بالماده السهله لو انت مكتئب واقطع فيها جز كويس حسيت بالملل تعمل ايه :dقوم افتح التلاجه خيارايه كده وارجع تاني :d وامسك ماده تانيه ولو انت من النوعيات اللي بتمسك 3 ف اليوم فهتقلل ساعات القاعده ف الماده بس ف الواقع هتلاقي نفسك ممكن تمسك ماده واحده ف اليوم :d وده برده شغال وبياكل عيش يعني الناس اللي بتزاكر الماده قبل درسها عشان تستفاد بتخلي اليوم اللي قبل الدرس مزاكره للماده بتاعه بكره ف الدرس ساعات كتير كنت بعمل كده بس براجع القديم كله وبحل الواجب كمان وبكده ده برده اسلوب كويس للمراجعه المستمره اللي اقصده ان فيه اكتر من طريقه تنظم بيها وقتك حسب انت من انهي نوع بتاع الماده الواحده ولا الاتنين ولا ال3 المهم انك تطبقه صح وتبعد عن المشتتات الفيس بوك والاصحاب وما شابه :022yb4:انا وانا ف ثانوي مكنتش اعرف يعني ايه فيس بوك ده مكنتش اعرف بتاع ايه :d ولا كان ليا صحبات خروجات وتضييع وقت ولا كدا فرتب امورك والغي المشتتات وقرب من ربنا واستعين بيه واي حاجه انا ف الخدمه :d لا تتقيل ولا حاجه انتوا اخواتي الصغيرين :d بس عايزه اعرف هل حد من اللي قروا الموضوع من قبل كده دخل كليات كويسه ولا ايه طمنوني عليكوا علطول حلوه فكره التلاجه دى :d وإن شاء الله اقدر انفز الكلام دة Pythagoras 06-08-2014, 10:47 PM عندك حق في كلامك lolododo2010 09-08-2014, 11:30 AM عندك حق في كلامك ربنا يوفقكوا جميعا :d nooooooooooooono 18-08-2014, 03:36 AM لو سمحتى انا فى درس الرياضه صحابى يتكلموا ويهزروا غصب عنى بهزر معاهم والنتيجه ساعات بلاقىحاجاتمش فاهماها وكمان انا نفسى ابقى متفوقهجدا فى الانجليزى ممكن تقوليلى ازاى وكمان انانفسى اكون دكتوره ازاى اوصل لحلمى lolododo2010 19-08-2014, 07:37 PM لو سمحتى انا فى درس الرياضه صحابى يتكلموا ويهزروا غصب عنى بهزر معاهم والنتيجه ساعات بلاقىحاجاتمش فاهماها وكمان انا نفسى ابقى متفوقهجدا فى الانجليزى ممكن تقوليلى ازاى وكمان انانفسى اكون دكتوره ازاى اوصل لحلمى بصي انا مكنتش بحب اخد درس فمجموعه فيها صحباتي :d لا وكمان ايه صحباتي مكنوش بيهزروا دول كلهم كانو مجموعهم فتانيه من 99 فالميه الي 99.8 في نفس الرنج بتاعي ساعتها وجاولت اوفق المواعيد فمجموعه تانيه ميكونش العيال اللي فيها بيبصوا لبعض ومتغاظين من بعض عشان انا مكنتش صاحبه مبدا خليني فدرس العيال الحريته كنت بتخنق منهم :d\ وبردوا مكنتش بختار مجموعه يكون فيها ضحك وفرفشه انا كنت بختار مجموعه عارفه ان البنات اللي فيها عايزه تحقق حلم عالي بس بتجتهد جامد فكانوا بيشجعوني بعكس الدحيحه بيخبوا او مبيظهروش نصيحتي ليكي لو ينفع تغيري المجموعه وتطلبي من المستر كده كان بها لان الهزار ده عارفاه بيضيع وقت وهيشتتك وحرام تضيعي حلمك :022yb4:المهم اصلا يكون الاستاذ كويس لان اللي بيسمح بالهزار غالبا بيبقي مش قوي فشوفي لو في احسن منه روحيله وريحي نفسك من اللي ممكن يعطلوكي كنت هقلك الحل التاني متنخرطيش معاهم بس بصراحه انا برجح انك تبعدي عنهم خالص خصوصا لو انتيمه وكده بيضيعوا وقت والله انتي اولي بيه انا عن نفسي مكنتش بحب جو الصحوبيه فالدراسه نهائيا الي الان حرام تضيعي حلمك وف الاخر الناس بتتفرق والرياضه محتاجه تركيز فشوفي يا تسيبلهم المجموعه يا تشوفي مستر احسن ومتتكسفيش من حد حلمك اهم الانجليزي بقي حسب تاسيسك ده اولا ثانيا حسب انتي بتعمليله ايه دلوقتي يعني زمايلي كانوا بيسيبوا القطع ويحلو باقي الاسئله وهم بيزاكروا انا كنت بموت فحل القطع وتخمين معاني الكلمات الانجليزي محتاج فهم وحفظ الجرامير والكلمات كويس اوي وتحلي كتير واقري الموضوع من اوله كنت كاتبه اسامي كتب وحاجات كنت بلجأ لها ساعتها بس انا دلوقتي رايحه 3 طب ونسيت الاسامي :022yb4: اما بقي انك تبقي دكتوره فده مش بعيد عن ربنا خالص الثانويه العامه زيها زي أي سنه دراسيه عاديه جدا الناس هي اللي مهولاها ومصعباها عليكوا عادي جدا شويه كتب لو اتفهمو كويس واتحفظووا كويس واؤكد علي اتحفظوا دي لان المصحح يحب ان يري نسخه من الكتب وطبعا الفهم مهم لانك لو مفهمتيش مش هتحفظي :d زاكرتي حلي بقي حلي كتب كتير :d حليتي لازم تكوني مع احسن مدرسين فالمنطقه والمناطق المجاوره معروفين هتلاقي الدحيحه كلهم عندهم جيل ولا جيل بيروحوا كليات القمه ودي نقطه مهمه المدرس بيشغلك :d روحتيله ابعدي عن المواويل كلهااااا فيس بيت اصحاب مشاكل تبقي حياتك مزاكره * مزاكره :022yb4: بس مع ده كله تكوني متفائله اصله عادي هي دي المزاكره اصلا مش وصفه للثانويه اللي بيطلع الاول علي ابتدائي بيعمل كده واللي بيطلع الاول علي حضانه بيعمل كده :022yb4: اوعي تسمحي للياس ولا الاحباط انه يهوب نحيتك بقدر الامكان طول السنه بتاعت 3 ثانوي دي ارضي ربنا والديكي حافظي علي الصلاه وورد القران انا كنت بحط الفواصل بين المزاكره قرايه قران :dعملتي ده كله روحي امتحني وانتي متوكله علي الله وراضيه بقضاء الله ونتيجته مهما كانت :022yb4:حققتي حلمك ودخلتي طب برافوا عليكي يبقي ربنا عايزك هنا وهيساعدك هناك وشايلك لحاجه مهمه هتعرفيها بكره لما تبقي طبيبه :( دخلتي كليه تانيه متزعليش لان برده ربنا بعدك عن شر وشايلك الخير فمكان اخر :022yb4:وربنا يوفقك واي سؤال لاي حد انا فالخدمه *Mohamed+Khaled* 20-08-2014, 05:46 PM السلام عليكم ورحمه الله وبركاته اولا كده ازيكم يا طلبه ثانوي انا الحمدلله داخله اهوه علي اولي طب عين شمس قولت لازم زي ما استفدت من الموقع العريق ده وزي ما كونت بسال اعمل ايه وعندي مشاكل في المذاكرة لازم افيدكم لوجه الله تعالي اولا كده النظام اتغير بس هقول المذاكرة ازاي وطبعا لازم يبقي في وعي تنظيم وقت عنكم 1/اولا وقبل كل شئ توكلوا علي الله خلي علاقتكوا بيه كويسه صلوا انا عن نفسي كنت بقرا ربع قران قبل المذاكرة انتوا اقروا ولو ايتين بجد هترتاحوا 2/متخافوش ابدا من ماده مهما كانت ومتخلوهاش تهزيمكوا بل ع العكس اهزموها انتوا 3/نخش ع الموضوع ازااااااااااااااااااااي نتفوق؟ ازاي نخش كليه نفسنا فيها والتنسيق بيعلي؟ اولا لازم قبل اما السنه تبدا تتعبوا شويه 1/تسالوا عن افضل المدرسين للدروس متسالوش بس مدرسين اسالوا طلبه كبار شاطرين من مدرستكم عن افضل مدرسينلان بجد المدرس برده بيتعب معاك 2/الكتب الخارجيه عن نفسي 1/العربي ......... كتاب الوزارة لازم معاك هو اه ملخبط حبتين بس انا مكنتش بحب الملازم كنت في الادب بقرا الصفحه من الكتاب والخصها ورقه وقلم واكتبها يعني سؤال واجابه بالطريقه اللي احبها ده احسن حل للادب اللي كان سهل جدا بجد وطبعا كان معايا كتاب خارجي رائع هو المثالي في العربي 2/الرياضه حل جامد مكنتش بسيبها يوم الا واحل شويه من المعاصر اساسي فيه كل حاجه بس تمسك التمرين لاخر مساله اللي هي الذكاء متسيبش مساله الا المكرر افكاره وبرده مسائل الوزارة والتقويم 3\الكيمياء وزارة للمذاكرة والامتحان للحل مبيطلعش منه الامتحان بس طبعا التقويم هو الاساس الكيمياء من اسهل المواد خصوصا عضويتها:) 4/الانجليزي..... لازم تكون معاك كتاب خارجي ممتاز ومدرس بريمو يكون متابعك وطبعا نصيحه...............عربي وانجليزي ماتنساش التعبير والبراجرافات ولو بالتبادل واحد كل اسبوع 5/اللغه التانيه.....طبعا المدرس بيبقي بيقول علي كتاب خارجي ولازم برده تحل امتحانات كتير(وده برده في كل المواد اخر شهرين تلاته تكون مخلص وبتحل امتحانات) 6/احلي ماده في الكون الفيزياء......حلها سهل اوي اولا المدرسين بيخوفوا الطلبه منها معرفش ليه دي رائعه بس محتاجه انك تحل كتير اوي مسائل وكمان النظري انا كان في مدرسين بيركزوا علي النظري اكتر دول لا لازم المدرس يبقي موازن لان النظري سهل المهم المدرس يكون عبقرينو في المسائل وطبعا حضرتك متبقاش مش بتذاكر فيزياء كما تستحق وتقول صعبه لازم تتعب فيها اوي الفيزياء لاتترك يوما بس سهله جدا ورائعه اهم حاجه متخافش منها ولا تستهترش بيها 7/الاحياء ياااااااااااااااااااااااااه ماده جميله جدا حلها سهل 1/مدرس شاطر 2/كتاب الامتحان تفهمه اوي ولا ابالغ في مصر لازم تحفظه كمان بالنص عشان تجيب مجموع وملكش دعوة باللي بيقولوا حفيظ 3/تحل فيها كتير اوي اوي اوي (طبعا التقويم لازم في كل المواد وكتاب الوزارة) 8/علم النفس مادة رائعه وسهله محتاجه انك تكون فاهم وحافظ المنهج صح واخيرا بقي كلمه بس بصراحه بلاش البخل اللي بيحل في الامتحانات اكتب كل ما تعرفه عن السؤال حتي ولو هتكتب صفح بس في المضمون يعني مش تجيب حاجه مش مطلوبه اقصد بلاش الايجاز والامتحانات ليها فن اللي مذاكر صح واعصابه حديد في اللجنه هو اللي بيكسب بتوفيق ربنا ونصيحه.................................... بلاش تسمع للطلبه اللي بيقولوا مذاكرناش هنسقط لان دول عاوزين يحطوا منك بامانه خلي صديقك كتابك ومنارتك مدرسك معلش طولت عليكم اللي عاوز أي سؤال انا في الخدمه باذن الله علي قدر المستطاع الف الف مبروك يا دوك عندي سؤال هو الافضل ان ناخد كل درس في يوم ولا نجمع الدروس في كام يوم وباقي الايام فاضية للمذاكرة lolododo2010 21-08-2014, 01:21 AM الف الف مبروك يا دوك عندي سؤال هو الافضل ان ناخد كل درس في يوم ولا نجمع الدروس في كام يوم وباقي الايام فاضية للمذاكرة الله يبارك فيه انا رايحه 3 خلاص ده كان من سنتين :022yb4: بص هو انا مكنتش من هواه المدرسه اوي فاليوم كله بتاعك بفكنت عادي ممكن اخلي درسين مع بعض فاخر السنه حشرت الدروس فتلت ايام وكنت بزاكر 4 ايام :022yb4: بس انا فعلا الي الان بحب اخلص الحاجات اللي محتاجه نزول فايام وافضي ايام للمزاكره من غير نزول وتعب لكن لو هتعرف توفق ومش هضيع وقتك تمام لانك ممكن تحشرها فيوم ومتزاكرش وممكن تفردها علي الاسبوع وتزاكر ماده بماده المهم انك تزاكر كويس ده اللي اقصده *Mohamed+Khaled* 21-08-2014, 03:25 AM الله يبارك فيه انا رايحه 3 خلاص ده كان من سنتين :022yb4: بص هو انا مكنتش من هواه المدرسه اوي فاليوم كله بتاعك بفكنت عادي ممكن اخلي درسين مع بعض فاخر السنه حشرت الدروس فتلت ايام وكنت بزاكر 4 ايام :022yb4: بس انا فعلا الي الان بحب اخلص الحاجات اللي محتاجه نزول فايام وافضي ايام للمزاكره من غير نزول وتعب لكن لو هتعرف توفق ومش هضيع وقتك تمام لانك ممكن تحشرها فيوم ومتزاكرش وممكن تفردها علي الاسبوع وتزاكر ماده بماده المهم انك تزاكر كويس ده اللي اقصده ده اللي هعملوا ان شاء الله واسف يا دوك وعقبال التخرج يارب :) serena710 10-09-2014, 09:16 AM انا رايحة 3 السنة دى بس مشكلتى فى تنظيم الوقت ....انا بدات دروس و تقريبا الاسبوع كله فى دروس ما عدا يوم الاحد ....... ارجع البيت كل يوم الساعة 8 عقبال مخلص حجاتى كلها بتبقى الساعة 3 من حل واجبات الدروس و مذاكرة الجديد و الحل عليه ......طبعا ادخل انام اصحى على الساعة 10.....المشكلة ان النظام دا مش هينفع فى المدارس لان انا فى مدرس متشددة فى حكاية الغياب .......بجد سااااااااعدونى مش عارفة اعمل ايه.....كل اللى انا عايزاه جدول ينظم المواد الجديد و القديم مع بعض lolododo2010 17-09-2014, 06:34 PM انا رايحة 3 السنة دى بس مشكلتى فى تنظيم الوقت ....انا بدات دروس و تقريبا الاسبوع كله فى دروس ما عدا يوم الاحد ....... ارجع البيت كل يوم الساعة 8 عقبال مخلص حجاتى كلها بتبقى الساعة 3 من حل واجبات الدروس و مذاكرة الجديد و الحل عليه ......طبعا ادخل انام اصحى على الساعة 10.....المشكلة ان النظام دا مش هينفع فى المدارس لان انا فى مدرس متشددة فى حكاية الغياب .......بجد سااااااااعدونى مش عارفة اعمل ايه.....كل اللى انا عايزاه جدول ينظم المواد الجديد و القديم مع بعض اولا انتي متوتره ليه ده واضح فكلامك اوي :d بصي اهم حاجه فالثانويه العامه انك تكوني ريلاكس لحد يوم النتيجه ثانيا موضوع الغياب ده fake بجد :d انا كنت فمدرسه واخده الاعتماد والجوده وكانوا مأفورين فموضوع الغياب ده وغبت السنه كلها محضرتش الا بتاع اسبوعين 3 ايام كده :d ولا حصل أي حاجه لدرجه ان المديره كانت بتترجاني احضر مسابقه اوائل الطلبه وتمسحلي الغياب وطنشتها :d دي حاجه الحاجه التانيه بقي هكلمك عليها من منظور دراستي للطب فيه حاجه اسمها الساعه البيولوجيه لجسم الانسان supra chiasmatic nucleus :d دي يا ستي بتتعدل حسب المعطيات اللي داخلالها يعني مع ضغط الدراسه هتلاقيها اكتفت بساات نوم قليله هتلاقي جسمك بينجز معاكي الحاجات بوقت قليل وفيه فوقت الضغط هرمونات بتساعدك علي الانجاز زي الادرينالين والكورتيزون :d بغض النظر عن ده كل وبالبلدي خالص انتي فالاجازه دلوقتي فمطلوب منك فقط مزاكره اللي بتاخديه وجسمك طبيعي مريح بسبب الراحه :av4056bb7jp3: لكن بعد الدراسه وسواء هتحضري المدرسه لو فيها فايده او لا فان فيه قاعده دهبيه ان الانسان تحت الضغط ال stress بينجز اكتر وده تحت تاثير تغيرات فجسمه بس اهم حاجه الله يكرمك بلاش التوتر الزايد ده عامل كانه موتور بيحرق بنزين علي الفاضي من غير ما يتحرك aalaaabdelhamed 18-09-2014, 03:48 PM لو سمحتي يا دكتورة انا متعلقة اووووي ببوابة الثانوية وبقعد عليها كتييير وبضيع وقت كتير اعمل ايه وايه الحد المعقول اللي مش ازود عنه lolododo2010 20-10-2014, 01:37 PM لو سمحتي يا دكتورة انا متعلقة اووووي ببوابة الثانوية وبقعد عليها كتييير وبضيع وقت كتير اعمل ايه وايه الحد المعقول اللي مش ازود عنه لما تخلصي دروسك كلها وتزاكريها وتحلي الاسئله وتبقي خلصتي شغلك كله بتاع اليوم اسمحي لنفسك بساعه فقط قبل النوم تفتحيها تنزلي اللي انتي محتاجاه فقط :angry2: غير كده لا :mad: متبدأيش بيها الساعه هتبقي 3 او اكتر :rolleyes: وكمان تبقي قبل ما تفتحي عارفه انتي عاوزه تنزلي ايه مش تقري فالمواضيع كلها وتردي علي دي وتستني الرد والاقتباس بمعني اصح لازم تكوني عامله كونترول لنفسك اكتر من كده عشان ميبقاش هروب من الواقع :022yb4: ربنا يوفقك ويوفقني ويوفق كل الناس طالبه فى ثانوى عام 02-01-2015, 10:32 PM السلام عليكم مبرووووك يادكتوره بالنجاح والتوفيق ان شاء الله انا عندى مشكله انى بحل الاعراب صح وبعدها بغيره للحظا ده بيحصل بس فى ايام امتحانات العربى وغيره كده ان خايف اوى من 3 ثانوى مع انى لسه فى تانيه ثانوى مفروض ان افكر فى السنه ديه بس بس بجد هموت من الخوف ان لسه بردى وغير كده محتاره اةى انا نفسى اكون مهندسه نووى وطبعا الكل بيضحك عليه والاسره عندى عايزنى ادخل كليه طب ونفسى اطلع من اوائل الثانويه العامه واثبت نفسى امام اخوتى والعيله عموما بحاول ان اكون هادئه جدا محتاجه نصيحه منك ياريت تساعدينى. لان لو استمرت بالنظام ده هصير تعبانه اوى يكفنى ان بحلم شبح الثانويه العامه هههه وشكرااااا واعتذر اذا اطلت بالحديث طالبه فى ثانوى عام 02-01-2015, 10:52 PM لو سمحتي يا دكتورة انا متعلقة اووووي ببوابة الثانوية وبقعد عليها كتييير وبضيع وقت كتير اعمل ايه وايه الحد المعقول اللي مش ازود عنه ذكرتنى بالذى مضى اختى كانت هكذا ولكن احنا. فصلنا النت من اجلها وبعد فتره وصلنه الوصله النت تانى واثقه 11-01-2015, 05:38 PM شكرا ليك بجد بجد الله يبارك فيك محمد احمد عبد الغفار 26-01-2015, 07:38 PM هل يا دكتورة في مواد معينة محتاج اني اجيب فيها كذا كتاب اصل في ناس بتقول دا تشتيت وكفايةكتاب واحد وانا متعود اجيب كذا كتاب واحهم عشان اتقن الدرس وتاني حاجة انا البراجراف مشكلةبالنسبة ليا انا بكتب بس الكلام بيكون مش منطقي اوي والمدرس بيقولي اني معنديش تنظيم للافكار مع العلم اني مئستوايا كويس الحمد لله في القواعد والكلمات ؟:078111rg3::d سعيد بد 31-01-2015, 10:04 AM هنزل كمان طريقه المواد الادبيه باذن الله طبعا دا من زميله دخلت اقتصاد وعلوم سياسيه عشان انا كنت علمي بس هو محدش بيرد ليه هو الموضوع مفدكوش؟ ربنا يوفقك متشكر جدا انا عن نفسى فادنى جدا جدا جدا جدا متشكر ويارب يجعله فى ميزان حسناتك يا دكتور سعيد بد 31-01-2015, 10:07 AM ربنا يوفقك متشكر جدا انا عن نفسى فادنى جدا جدا جدا جدا متشكر ويارب يجعله فى ميزان حسناتك يا دكتور بس انا مبعرفش انظم وقتى وفى مواد ضعيف فيها جدا وبكره افتح كتبها زى الرياضة والحمدلله فى مواد ممتاز فيها زى الكيمياء والتاريخ والاحياء والانجليزى lolododo2010 10-02-2015, 10:56 PM السلام عليكم مبرووووك يادكتوره بالنجاح والتوفيق ان شاء الله انا عندى مشكله انى بحل الاعراب صح وبعدها بغيره للحظا ده بيحصل بس فى ايام امتحانات العربى وغيره كده ان خايف اوى من 3 ثانوى مع انى لسه فى تانيه ثانوى مفروض ان افكر فى السنه ديه بس بس بجد هموت من الخوف ان لسه بردى وغير كده محتاره اةى انا نفسى اكون مهندسه نووى وطبعا الكل بيضحك عليه والاسره عندى عايزنى ادخل كليه طب ونفسى اطلع من اوائل الثانويه العامه واثبت نفسى امام اخوتى والعيله عموما بحاول ان اكون هادئه جدا محتاجه نصيحه منك ياريت تساعدينى. لان لو استمرت بالنظام ده هصير تعبانه اوى يكفنى ان بحلم شبح الثانويه العامه هههه وشكرااااا واعتذر اذا اطلت بالحديث انتي مش عندك حاله غريبه ولا حاجه الحاله دي بتحصل لناس كتير وحصلت معايا مره او مرتين فاسئله الاختيار من متعدد فالكليه بس لو صدقتي نفسك انك دايما هتعملي كده عقلك هيصدق انك خلاص دايما هتغيري ويبدا يتحول لفعل فالواقع لا اراديا كل ما عليكي الهدوء المزاكره كويس التدريب كذا مره قبل الامتحان وشوفي حلولك بعد ما تخلصي السؤال كله كانك بتدربي نفسك ع الامتحان اقنعي نفسك انك مش هتغيريها وطبعا المزاكره الكويسه بتدي ثقه فبتبدأي متغيريش لكن متخافيش انتي مش من كوكب اخر حاله التوتر اللي بتبقي عند الشاطرين بتعمل اكتر من كده ثانيا مشكلتك والاسره والضغط النفسي ده يا حبيبتي انتي مش فصراع انتي فثانويه زيها زي اي مرحله دراسيه ذاكرتي هتجيبي مجموع ان ربنا اراد فمتجيش تحطي لنفسك اسوار نفسيه انا لازم اطلع الاولي انا لازم اكون من اوائل الجمهوريه وتحسسي نفسك انها مش بتعمل اللي يوصلها لكده حاولي تشجعي نفسك مش تحبطيها زي ما بقاولك زاكري واعملي اخر جهدك المهم توصلي لهدفك علي فكره الاول علي جمهوريتنا فسنتنا دخل طب واول سنه جاب جيد ومعظمنا لا كان من اوائل الجمهوريه ولا حاجه وجاب امتياز ما شاء الله فالعبره مش بكده خالص اما هندسه فده حلم جميل مش فاهمه هل الاعتراض لانك بنت ؟ طب شغلها اصعب واتقل من هندسه وعموما برده كان ليا صاحبتي فتانيه علم رياضه وجابت 99 فالميه وحولت علمي علوم وجابت مجموع طب لرغبه باباها ودلوقتي تقديراتها جيدجدا ومش بتحب الكليه فمش قادره تبدع فيها اختاري اللي تحبيه وخليكي صاحبه قرارك لانك اللي هتستحملي النتيجه سواء كانت حلوه او وحشه فطالما انتي اللي هتستحملي النتيجه فقومي انتي بالفعل بعد اقتناع\ يارب يوفقك ويارب اكون قدرت افيدك lolododo2010 10-02-2015, 11:00 PM هل يا دكتورة في مواد معينة محتاج اني اجيب فيها كذا كتاب اصل في ناس بتقول دا تشتيت وكفايةكتاب واحد وانا متعود اجيب كذا كتاب واحهم عشان اتقن الدرس وتاني حاجة انا البراجراف مشكلةبالنسبة ليا انا بكتب بس الكلام بيكون مش منطقي اوي والمدرس بيقولي اني معنديش تنظيم للافكار مع العلم اني مئستوايا كويس الحمد لله في القواعد والكلمات ؟:078111rg3::d بص انت لو قريت الموضوع من الاول هتلاقيني رديت فالنقطه دي بس الخلاصه انا كنت جايبه كذا كتاب فالانجليزي وحليت معظمهم طالما كاسئله مش كمصدر مزاكره مفيش مشكله واصلا كلهم ناقلين من بعض بنسبه 70% وفي الفيزيا برده وفالرياضه فتانيه اقصد المواد اللي محتاجه تدريب كبير ولكن التركيز الاساسي كان علي كتاب واحد والتاني ده كان ازاده تدريب مش ضروره ملحه واللي كان بيحدد الكتاب الاساسي المدرس او انا حسب اللي بشوفه احسن البراجراف حاول تصيغه بمنطقيه يفهمها اللي هيقراها وفنفس الوقت تكون صح هم اصلا بيركزوا ن القواعد تكون صح والاسبيلنج يكون صح والكلام مترابط ومفهوم لكن متحاولش انك تعمل جمل هلاميه ممكن تكون صح والمدرس ميفهمهاش وينقصك lolododo2010 10-02-2015, 11:07 PM بس انا مبعرفش انظم وقتى وفى مواد ضعيف فيها جدا وبكره افتح كتبها زى الرياضة والحمدلله فى مواد ممتاز فيها زى الكيمياء والتاريخ والاحياء والانجليزى عادي معظم بتوع علم علوم مبيحبوش الفيزياء بس جابوا فيها 50 :022yb4: الفكره مش انت بتحبها ولالا الفكره هل انت فاهمها ولالا ؟ هل انت بتزاكرها صح ولالا الرياضه بتحتاج حل كتير ومتابعه كتير وانك تحل وتغلط وتعرف غلطك وتعلم عليه وترجعله وتفهمه وهكذا انا كنت بخاف من الرياضه والفيزيا وذاكرتهم كتييير جدا وقفلتهم الفكره بقي هل لو انت بتكرها هتهرب ومتزاكرهاش لكن مفيش حاجه اسمها ضعيف اصل بصراحه :d المناهج بتاعتنا مفهاش ابداع وابتكار ولا بتفرق بين الطالب العبقري واللي قدراته نص نص مناهجنا بتفرق هل انت ذاكرت كل حاجه وحفظتها وفهمتها ولما سالتك عنها حلتها ان شاء الله حتي لو كنت ملصمها :d حاول تجرب تاني وتالت اكيد هتلاقيلها حل aalaaabdelhamed 11-02-2015, 02:17 AM انا ف 2ث وبادئة التيرم ده كسلانة خاالص ومليش نفس اذاكر ومعنديش ثقة بنفسي مع اني التيرم الاول كنت طالعة الاولي بس مش عارفة ايه اللي بيحصلي وحاسة ان المواد صعبة اعمل ايه طالبه فى ثانوى عام 11-02-2015, 04:08 PM انا بشكرك اوى وبالتوفيق ان شاءالله وان شاء الله تتخرجى ونروح نكيشف عندكى مجانا :049gc0::049gc0: بالنسبه للانجليزى اعمل. فيه ايه انا بحفظ كلمات كتير وجرامر بفهمه بس بالنسبه للحال و الصفه . والتحويلات اعمل فيها ايه عايزه اقوى نفسى فيه على اساس انها لغه التانيه بعد العربى lolododo2010 17-02-2015, 04:48 AM انا بشكرك اوى وبالتوفيق ان شاءالله وان شاء الله تتخرجى ونروح نكيشف عندكى مجانا :049gc0::049gc0: بالنسبه للانجليزى اعمل. فيه ايه انا بحفظ كلمات كتير وجرامر بفهمه بس بالنسبه للحال و الصفه . والتحويلات اعمل فيها ايه عايزه اقوى نفسى فيه على اساس انها لغه التانيه بعد العربى :022yb4:تكشفوا مجانا كمان انتوا داخلين علي طمع :rolleyes: الانجليزي ماده لذيذه عشان تقدر تتقنه مع الحفظ والفهم لازم الحل حل كتير هتلاقي نفسك بالتكرار عرفت تحل الاسئله وتفهم التحويلات وطبعا لازم تتاكد من اجاباتك سواء من المستر او الكتاب اما لو تقصد انك عاوز تقوي نفسك كلغه خارج نطاق الثانويه ففيه كورسات فالجامعه الامريكيه وغيرها لكن ملهاش لازمه علي نطاق الثانويه مهاب احمد محمد 17-02-2015, 11:39 PM ايه ده يا الموضوع من 2012 :o انا عايز كشف مجاني بقي كل سنه كده اخلص اللي بشوفه في الكليه دي :( مهاب احمد محمد 17-02-2015, 11:42 PM انا ف 2ث وبادئة التيرم ده كسلانة خاالص ومليش نفس اذاكر ومعنديش ثقة بنفسي مع اني التيرم الاول كنت طالعة الاولي بس مش عارفة ايه اللي بيحصلي وحاسة ان المواد صعبة اعمل ايه اول نصيحه الوقت اللي ملكيش نفس تذكري فيه وتقعدي تحفظي حاجه جديده اكدي علي اللي عرفاه بالحل الكتير بالذات الرياضه ومتشديش علي نفسك جامد اوي كده من ثانيه لسه ثالثه لازم تشدي فيها بس هي دي احسن نصيحه واكيد طبعا فكري في الحلم والكليه اللي عاوزه توصليلها وانتي بتذاكري وادعي ربنا يوفقك lolododo2010 20-02-2015, 11:02 PM ايه ده يا الموضوع من 2012 :o انا عايز كشف مجاني بقي كل سنه كده اخلص اللي بشوفه في الكليه دي :( :d اه الواحد اهو علي اعتاب تخليص تالته هانت كلها اربع سنين ونخلص :d thanaa khedwi 11-03-2015, 07:49 PM لو سمحتى ااا دكتور عاوزه اكلم مع حضرتك بس مش عارفه ازااى ؟؟؟ :( lolododo2010 09-04-2015, 11:59 PM لو سمحتى ااا دكتور عاوزه اكلم مع حضرتك بس مش عارفه ازااى ؟؟؟ :( ممكن تبعتيلي رساله علي المنتدي هنا او ممكن تدخلي الصفحه الخاصه بيا فالمنتدي هتلاقي الايميل بتاعي اكتبيه فسيرش الفيس وهتلاقي صفحتي ان شاء الله زي ما زمايلك بيعملوا :d انا فالخدمه فاي وقت ربنا معاكي Master ahmed100 10-04-2015, 12:21 AM مع ان الموضوع منشور من زمان بس استفدت منه كتير شكرا ليكي:d lolododo2010 19-04-2015, 05:55 PM شدوا حيلكم فالامتحانات واستعينوا بربنا وادعوه كتييير وان شاء الله مش هيضيع تعبكم ومتخافوش خالص واعرفوا ان اللي ربنا كاتبهلكم هو افضل شئ يناسبكم ربنا معاكم flower dew 22-04-2015, 05:49 PM انا في تالتة ثانوي ادبي المادة الوحيدة اللي خايفة منها دلوقتي هي التاريخ مش عارفة ازاكرها كويس وبزهق من حفظها وبنسي اللي حفظته مش عارفة اقسم وقتي فيها ياريت لو حد يقدر يساعدني اني ابدا اعملها نظام من دلوقتي بحيث اجيب فيها درجه عالية . اعمل ايه ً ,ازاي اجيب درجة حلوة فيهامن دلوقتي ؟!* ياريت حد يساعدني 😢😥 طالبه فى ثانوى عام 23-04-2015, 09:35 PM ديه نصيحه ياريت تتقبليها اولا مفيش حد ينظم وقتك غيرك انتى. شوفى مواعيد الدروس ورتبى وقتك وقت الاكل وقت النوم ثانيا هتخافى من ايه ده مستقبلك وكل حاجه بتعمليها صح بتمهد له مفيش خوف هتذاكرى وتصلى خلاص خلصت العمليه هتجيبى للى عاوزه بس ثالثا التاريخ ده مفيس اسهل منه ذكريه على اساس قصه وجمعى التواريخ كلها واكتبها وعليقها قدام مكان المذكره بس كده وطبعا اهم الاحداث والنتائح االخاصه. بالحروب. غير كده وده الخطا الكبير للى بدمرى بيه مستقبلك انك دخلتى تسألى ازاى تعاملى مع التاريخ وبضيعى وقتك خايفه من ماده تذكرى مش اسئل ازاى رابعا المفروض تقفلى ام النت ......... تبعدى عن الهبل ده ناقص شهر ونصف بس ذكرى وصلى واجتهدى لازم تحطى فى دماغك هدف لازم لو انتى عايزه تجبى مجموع كبير تعالجى المشكله للى عندكى ربنا معاكى عايزين نسمع زغاريد نجاحك طالبه فى ثانوى عام 23-04-2015, 09:41 PM اااه نسيت رجعى على التاريخ من اخر حاجه فى المنهج الى اول حاجه ابتدى بالعكس flower dew 24-04-2015, 10:10 AM اولا متشكرة للمشاركة في مشكلتي انا فعلا بدات انظمها واراجعها تاني ويارب امشي علي النظام للاخر :078111rg3::078111rg3:😇 lolododo2010 25-04-2015, 09:59 PM ربنا يوفقكم يا بنات شدوا حيلكم وبلاش خوف التاريخ ماده زي اي المواد زاكريها هتجيبي فيها انا كنت علمي علوم فمش مدركه اوي اللي جواها بس اللي انا مدركاه ان انتي اللي تقدري تتحكمي فيها بالاصرار وكثره المحاوله واقفلوا النت خالص اليومين دول الله يكرمكم thanaa khedwi 04-05-2015, 06:34 PM ممكن تقوليلى اسم صفحه حضرتك ع الفيس عشان مش عارفه اجيبها بالايميل ... lolododo2010 05-05-2015, 12:12 PM كنت عامله دي اكتيفاشن للفيس اليومين اللي فاتوا جربي تاني هتوصلي ان شاء الله Duke Tefa 12-09-2015, 05:26 PM جزاكي الله كل خير يا دكتورة lolododo2010 09-02-2016, 01:12 PM جزاكي الله كل خير يا دكتورة واياكم ان شاء الله وربنا يوفق الجميع اية عبد اللطيف 11-03-2016, 01:40 PM جزاك الله خيرا اختى ربنا يكرمك lolododo2010 01-04-2016, 11:18 AM جزاك الله خيرا اختى ربنا يكرمك الشكرلله ربنا يخليكي Mr. Bayoumy Ghreeb 01-04-2016, 11:27 AM جهد مشكور اخي الكريم lolododo2010 23-05-2016, 08:01 PM جهد مشكور اخي الكريم العفو يا فندم وربنا يوفق الجميع lolododo2010 24-07-2016, 05:25 PM ربنا يحققلكم احلامكم وتجيبوا اعلي المجاميع |