مشاهدة النسخة كاملة : المدرسين بيعاملونــي كده ليــه انا


ثانويه1
08-08-2012, 04:04 PM
مفيش لا أخت ولا صاحبه تسمعني

ملقتش مكان اقول ال جوايا فيه غير هنا

انا مش عارفه ابدأ منين ولا أقول ايه

انا عارفه ان مستوايا علي قده واني مش ذكيه

بس بيعاملوني كده ليه

الاستاذ يسألني سؤال وانا لسه مخدتهوش
أقوله انا معرفوش اعرفه ازاي
يتريق عليه
ويقولي ازاي متعرفهوش قولي تفكيرك

اقوله مش عارفه

انا والله العظيم مبيبقاش في دماغي حاجه ولا اعرف حاجه عن الاجابه لاني مخدتهاش

أخاف اقول بالعاميه يتريقوا عليه زياده
انا عارفه أني مبفهمش

بس المواد صعبه عليه اعمل ايه
طيب يسالني وانا ماخدتش ليه
انا معنديش تفكير
كرهت نفسي وكرهوني في المواد
معرفش اخد عند مدرسين تانين عشان هيقولوا ان العيب مني وان انا مبفهمش
لان طلبه كتير بتاخد عندهم
حتي لما كان بيقف قدامي حاجه مش فهماها في درس بتكسف اقول مش فاهمه
انا عارفه ان شخصيتي ضعيفه ومهزوزه بس انا لقيت نفسي كده
مبعرفش اواجه لو حد زعلني او ظلمني أو قالي كلمه وحشه
بقعد اعيط لوحدي من غير ماحد يشوفني وبس

انا عارفه اني شخصيه غلط
انا مش عارفه انا بقولكم الكلام ده ليه
ولا انا عايزه ايه
بس انا تعبت من كل حاجه نفسي أفرح ابقي زي الناس عند شخصيه وقويه وبفهم
نفسي ابقي زي البنات الطبعيه دايما باخد قرارات واندم عليها
مليش أصحاب بخاف اكلم حد بحس اني هبقي تقيله عليه ومحدش هيستحملني

انا مش عارفه انا بقول ايه وليه بتمني الموت كل لحظه بس خايفه من ربنا
حتي في رمضان كنت بقرأ قرآن مبقتش عارفع اقرأ ولا عارفه اصلي التراويح زي الناس المسلمين

boom boom
08-08-2012, 04:08 PM
بتتمني الموت!!!!!!! ونفسك تفرحي علشان الموضوع دا( سبحان الله) ولا حول ولا قوه الا بالله

To Be Is To Do
08-08-2012, 04:11 PM
م طول م إنتى حاطه ف دماغك إنك مش شاطره ومش بتفهمى والكلام ده كله
يبقى حتشوفى كل الناس بتعاملك كده
حتى لو بيعاملوكى حلو حتحسى إنهم بيعاملوكى وحش برده
إبدأى بنفسك رجعى ثقتك بنفسك إمحى الهزه إللى إنتى فيها
حتلاقى معامله الناس إختلفت معاكى كتير

princess nona95
08-08-2012, 04:13 PM
عادى فى ناس بترتاح مع مستر وناس مترتحش معاه
انتى من الناس ال مرتحتش يبقى تغيرى
ومتخافيش اما تكونى عايزة تسألى على حاجة اسالى
خلى عندك ثقة فى نفسك
انتى مش ضعيفة انتى قوية جدا
والدليل على كدا انك حكيتى ال عايزة تقوليه ومترددتيش
ممكن اترددتى فى الاول بس فى الاخر كتبتيها
انتى مش ضغيفة ولا حاجة

yooma
08-08-2012, 04:13 PM
اوعي تقللي في يوم من قدراتك
كل واحد عنده قدرات مش حاسس بيها وطول ما انتي بتقولي انا مش هوصل لحاجه فعلا مش هتوصلي
خليكي مؤمنه من جواكي انك قادرة توصلي للقمه
قولي لنفسك انك قادره دا بجد هيعطيكي باور عالي اوووي

Nada . Atef
08-08-2012, 04:23 PM
اهم فعلا ثقتك بنفسك وحسى انك زيك زى اللى حواليك هما مش احسن منك فى حاجة ولا حتى الذكاء وابداى اتعاملى معاهم عادى واخرجى معاهم واساليهم على اى حاجة انتى مش فاهماها وحاولى تذاكرى كويس عشان هما كمان يسالوكى وساعتها هتقربى منهم واساليهم كمان فى حايتهم اليومة قولى لهم بتعملوا اية ولو فى مشكله مثلا حولى تحليها معاهم وتجيبى افكار عشات تقدرى تدخلى مابينهم وتبقى صاحبتهم وتصاحبيهم وحكاية حاسة انك هتقلى عليهم دة انا كمان زيك كدة مع اصحابى لكن والله انا بحاول اتعامل عادى واعمل زيهم ما بيعملوا وبتناسى وبكون طبيعية عادى زيهم وحاولى تختارى صديقة كويسة انتى بترتاحى معاها وبتثقى فيها ووصاحبيها وامشى معاها بس تكون مدردحة شوية وهى هتخليكى تتعاملى مع الباقى وشوفى هى مثلا لو بتتكلم فى موضوع مع حد ادخلى واتكلمى معاها هتلاقى التانين بيتكلموا انما بالنسة للمدرسين دول اصلا كل اللى اقدر اقول لك عليه عشان توصلى لقلبهم لازم تكونى شاطرة وبتذاكرى وحضرى الدرس الاول عشان تعرفى تجاوبى هتلاقى الكل بيحبك اوى وبيصاحبك مدرسين او طلبه وحكاية الذكاء دة انتى تقدرى تتغلبى عليها بالمذاكرة تحضير الدرس واحنا لسة اهو فى الاول وهتقدرى عليه ولسة فاضيين ولا فى مدارس ولا حاجة وبعد كدة لما تلاقى المدرسين بيحبوكى هيشجعوكى وهتتشجى وهتلاقى نفسك بتحبى المذاكرة والمنافسة

EZEL coming
08-08-2012, 04:26 PM
ربنا خلقنا كلنا بعقول ماينفعش تقولى انتى مش شاطرة او مش ذكيا الحكاية ان فى مننا اللى بستخدم عقلوا صح وفى اللى مش بيستخدموا عيشى حياتك موضوع الشخصية دة لازم من جواكى انت تتغير ولازم تعرفى ان الشخصية مش بتتغير فى يوم وليلة هى محتاجة وقت وبالنسبة لمدرسين سيبك منهم الواحد خد اية يعنى من المدرسين فيهم الكويس وفى الوحش ومتخليش حد يتحكم فيكى او يأثر عليكى خليكى وثقة فى نفسك تحت اى ظرف من الظروف وقوللى رأيك فى اى مكان وفى اى وقت العمر واحد والرب واحد

Yes We Can
08-08-2012, 04:27 PM
مين قال انك ضعيفه
اول الطريق انت بداتيـه انك عرفت نفسك صح و مكدبتيش على نفسك
كملى ف طريقك ده الهو
1 - الاعتراف بالخطأ
2 - تحليل المشكله
3 - حل المشكله
و طبعا قبل كل ده الاستعانه بربنا
اوعى تيأسى ف تغير نفسك احنا كلنا كنا كده و كنا ف مشكلتك دى
اوعى تفتكرى ان اى واحد اتخلق بيفهم كل حاجه و بيصاحب كل الناس
لا طبعا الانسان اول مانزل من بطن امه و بيتعلم بيتعلم المشى و الكلام و النقاش و .... الخ
انت ابتدى بنفسك و انتى الحمد لله ابتديتى الطريق صح
عارفه فيه ناس ممكن يكونوا زيك دلوقتى و مخدوعين و بيرموا الغلط على غيرهم ف اى حاجه
و اوعى تفتكرى من كلامى انك غلطانه او وحشه بالعكس انتى انسانه رائعه جدا
حاولى تفهمى واحده واحده واوعى حد يخدعك ويقولك انا بفهم بسرعه و انتى الغبيه
عن تجربه انا كان ليا زمايلى يكونوا شاطرين جدا ف الدرس و تيجى تسأليهم انت عملتوا ايه و ذاكرتوا ازاى
يقولك هههههههههه انت تسمع عنى انى بذاكر شوفتى الناس فيه مثل بيقول دارى على شمعتك تقيد
انت ذاكرى ف البيت كويس جدا وارجعى الدرس و خليهم ينبهرو بيكى من جديد
ده بخصوص المذاكره اما بخصوص الفهم انك بتقولى انك غبيه الانسان مش غبى
انما قدرات قدرتك انك تفهمى الدرس حفظ ناس تانيه تفهمه فهم و هكذاااااااااااا
شوفى قدرتك ايه ف اى حاجه مش لازم التعليم زى مثلا ناس تحب تلعب ياضه
وناس تحب تخترع و ناس تحب تألف ده بينمى قدرتك المدفونه جواكى
قدراتك موجوده لكن عليها تراب وعايزه نظافه شويه و النظافه هى انك تبتدى تنميها
هتلاقيها صعبه ف الاول لكن واحده واحده هتحسى بطعم النجـاح و تتعلمى من الماضى
اتمنى اكون افدتـك
جديد و جديد

Nihal !
08-08-2012, 04:33 PM
بصي ثقي ف الله وف نفسك !!!
فيش حد غبي وحد

Nada . Atef
08-08-2012, 04:36 PM
على فكرة انا كنت فى نفس مشكلتك دة زمان كنت بتضايق من اى حاجة وبزعل من اى حد ومش بكلم اى حد بخاف لحد مثلا يتضايق او يزعل منى وبخاف جدا لكن لما دخلت ثانوي بدات واتصاحب اكتر مع زمايلى واصحابى صحبتهم اكتر ولقيت اصلا مفيش مشكله وان المشكله دة كانت من جوايا انا وحتى زمايلى اللى بدات اكلمهم كانوا بيستغربوا منى وبيقولوا لى انتى اتغيرتى انتى مكنتيش بتكلمى حد وعلى طول فى حالك واحنا كان نفسنا نتعرف عليكى اكتر من زمان يعنى انتى اللى خلقتى مشكلة من مفيش اصلا

KhaleD Moustafa
08-08-2012, 06:17 PM
الذگي هو من يحول السلبيات إلى إيچابيات

بْ معنى -> توگلي ع الله وقولي لْ نفسگ أنا ذگية أنا فاهمه
وإچتهدي ف المذاگرة والله المستعان

ومن صدقَ الله صدقه

وإن شاء الله ف الآخر إنتي تضحگي عليهم


=)

SUNLIGHT00097
08-08-2012, 10:20 PM
حاولى تقوى ثقتك فى نفسك واستعينى بالله وانش اء الله ربنا يوفقك فى حياتك

asmaa232
09-08-2012, 12:43 AM
اممممم هو انا ممكن اقولك حاجة

انتى المشكلة عندك مش ف الدراسة انتى عندك مشكلة تانية أكبر حاولى تصارحى نفسك بيها وابتدى تحليها

Aya Mn Allah ♥
09-08-2012, 06:08 AM
يا حبيبتى مش تقولى ع نفسك كده
انتى اللى شايفة نفسك كده وحاسه ان الناس باصلك نفس نظرتك لنفسك
قولى انا شاطرة وذكيه وشجعى نفسك بنفسك
خلى ليكى اصحاب وفضفضى معاهم عشان ترتاحى
انتى كده قافله ع نفسك اوى ودى حاجة مش كويسه
انتى انسانه طبيعيه زى كل البنات بس مترددة ومهزوزة ومش عندك ثقة بنفسك
لو وثقت بنفسك هتقدرى تعملى اى حاجة من غير خوف او تردد
واحنا هنا اصحابك وهنسمعلك دايما ونشجعك وننصحك يا قمر ^_^

د/نداء الجنة المصرية
09-08-2012, 06:49 AM
مين قال انك مش بتفهمى؟الناس كلها مستوى الذكاء عندها متقارب وبعدين ولايهمك معاملة المدرسين اجتهدى اكتر واثبتى ليهم العكس خلى ده دافع ماتخليهوش يحبطك وصدقينى مافيش حاجة اسمها حد بيفهم وحد لا انا اول مادخلت الثانوى كنت مش مستحملة معاملة المدرسين لان قبل كده كانوا المدرسين دايما يعاملونى على انى اشطر واحدة فى الفصل وعمر ماحد حتى قالى عملتى كده ليه؟او مابتذاكريش ليه او كده ولقيت النظام مختلف فى الثانوى بصراحة اتصدمت لما مدرس قالى انتى بنت مش شاطرة ده غير واحدة صاحبتى قالت لى انتى فاشلة على فكرة قلت هو فى ايه هو انا خبت اوى كده وفقدت ثقتى بنفسى زيك كده بس جيت فى تانية ثانوى وقلت انا مش هستسلم لكلام حد وهذاكر وهدعى ربنا والحمدلله ربنا وفقنى والاحياء فى تالتة كنت اذاكر اكتر من مرة وكل ماالمدرسة فى الدرس تسال سؤال مش عارفة ليه ماكنتش بجاوب وكانت بتمسكنى طول الحصة توبيخ قدام الدرس كله انا وواحدة صاحبتى ساعات كنت بطنش بس فى مرة عيطت فيها اوى لما قالت لى انتى السنة دى هتضيعى كل المذاكرة اللى ذاكرتيها السنين اللى فاتت وطول السنة يابنتى والله على كده وجينا فى اخر السنة ماحدش دخل طب بشرى فى مدرستنا غير انا وصاحبتى اللى كنا بنتشتم من الابلة دايما فكل الكلام اللى بتقوليه ده مش بيقول انك مابتفهميش ماتستسلميش انتى لازم تثبتى العكس

عبير الشذى
09-08-2012, 11:55 AM
متحكميش على نفسك انك مش بتفهمى وبعدين مش لازم عشان كل الناس بتاخد عند مدرس وبتفهم منه وانتى لاء يبقى معنى كده انك غبية
والله العظيم واحده صحبتى كانت بتاخد درس فرنساوى عند مدرس محدش يعرفه خالص من اصحابنا وكانت اشطر مننا كلنا فى الفرنساوى
وكانت مش بتحب الانجليزى ومتعرفش اى حاجه عنة من اول ما اخدناها فرابعة ابتدائى لحد ما وصلنا اولى ثانوى كانت زى ما بيقولوا كده ابيض يا ورد
وفسنة تانية اخدت عند مدرس مش معروف بس لانه كانت بتفهم منه
ولقت انها لو فضلت تفكر فى انها مش بتفهم انجليزى وانها غبية لقت انها مش بتستفاد حاجه
ولقت ان الحل انها تبدء من الاول لان ربنا بيدى كل انسان على قد تعبه وانها تجيب دؤجة وحشة احسن من انها تسقط فى المادة وفعلا والله ربنا كرمها
خلى عندك ثقة بربنا وثقة بنفسك
وان شاء الله ربنا هيكرمك
وبعدين انتى متعرفيش ايه اللى مخبيه القدر ليكى ولزمايلك اللى انتى حاسة انهم افضل منك
وكمان متعرفيش مين الافضل عند ربنا

Hager Adel
09-08-2012, 12:05 PM
( ان الله لا يغير ما بقوم حتى يغيروا ما بأنفسهم )

خليكي واثقه بنفسك دايما .. رددي كلمة ( انا واثقه فى نفسي ) دايما .. اتعلمى ازاى تثقى فى نفسك

وازاى ان يكون ليكي رأى خاص بيكى
تعارضي تؤيدي تناقشي
ده رايك و انتى مقتنعه بيه

مش فاهمه حاجه فى الدرس اسالى امال بناخد درس ليه !!

اسالى ,, هتتكسفى من ايه لما تسالى وتعرفى حاجه انتى مش عارفاها
السؤال هيفتحلك ابواب كتييير اوى للعلم
وهيخلى دماغك شغاله
والمعلومات تثبت اكتر فى دماغك
خليكي دايما واثقه من نفسك وجريئه فى الحق

حقك انك تتعلمى وحقك انك تسألى
ولو مدرس مش عاجبك
سيبييييييييييييييييييييييييه
مش مهم غيري هيقول ايه
المهم انا عااايزة ايه ؟
انا هرتاح فى ايييه ؟؟
انا فاهمه ولا مش فاهمه ؟.
دايما فكري بالطريقة دى
انتى مش غلط يا حبيبتى
بس هما فى مدرسين كداا
العيب مش منك والله
فى رعاية الله ~~