تعريف بنظام كلية العلوم جامعة القاهرة [الأرشيف] - بوابة الثانوية العامة المصرية

مشاهدة النسخة كاملة : تعريف بنظام كلية العلوم جامعة القاهرة

mohamed-mohsen

08-08-2012, 10:42 PM

كلامى هيبقى مرتبط جدا بالصورة دى بتاعة الاقسام فياريت تركزوا فيها وانتوا بتقرأوا الموضوع

http://img69.imageshack.us/img69/2153/25528136304651709872910.jpg

فى سنه اولى علوم بيبقى فيه خمس مواد تلاته منهم اجباريين هما
1- فيزياء
3- كيمياء
2- رياضه
واتنين اختيارين بختارهم من العشر مواد الى على شمال الصوره وبعد كده بنتخصص فى سنه تانيه فى القسم الى احنا عايزينه والتخصص بيبقى بناءا على حاجة اسمها متطلبات يعنى انجح فى مواد معينه عشان اعرف ادخل القسم واجيب فيه تقديرات معينه وهى دى المواد الاختياريه

ملحوظة فى مواد اسمها متطلبات جامعة ودول لازم تاخدهم فى اى سنة من الاربع سنين بس كنصيحة خدهم فى سنة أولى وهم 4 بتاخد منهم 2 ترم أول واتنين ترم تانى

*****************************

سؤال هو انا ينفع اختار اى ماده من العشره ؟؟

لا هو ده بيتوقف على انت كنت علمى علوم ولا علمى رياضه
لو علمى علوم ليك كل المقررات الا اول اتنين
لو علمى رياضه ليك كل المقررات ماعدا 4 و7 و8 و9 و10 (الكليه بتاعة علوم اساسا :P )
والاقسام زى ما متوضح فى الصورة كده ايه المتاح لرياضه وايه المتاح لعلوم وموضح برده ايه المقررات اللازمه لدخول القسم
*****************************
طب وانا ينفع ادخل اى قسم ؟

لا طبعا انت بتدخل الاقسام الى انت واخد المواد المؤهله ليها زى ما وضحنا والاقسام رقم 21 و 22 و 23 و 24 عشان دول اقسام ملهاش مواد اجبارى للتخصص

*****************************
طب وايه نظام االدراسه ؟؟

بص يا سيدى العزيز الدراسه عندنا كل ماده من 100 درجه متقسمه كاالاتى
60 درجه على الفاينال وده الامتحان الى فى اخر التيرم خالص و30 درجه على العملى و10 درجات على الميد تيرم . ال 30 درجه بتوع العملى بالنسبه للرياضه لانها مالهاش عملى بيبقى فيه ميد تيرم تانى ب 20 درجه و10 درجات على الشيتات الى هى امتحانات صغيره كده بتتعمل فى السكاشن
بتاخدو كل اسبوع فى المواد دى محاضره وسكشن (الحاجات الى مافيهاش معامل)او محاضره ومعمل

****************************
طب كويس اخيرا بقى هدخل الكليه واغيب براحتى ^_^
لا استنى هنا الغياب اكتر من تلات محاضرات او معامل بيحرمك من الامتحان :D

****************************
طب هى الجداول بتنزل امتى وازاى بيعرفو انى هاخد المواد دى ؟

لا انت الى بتختار موادك وانت الى بتعمل جدولك وانت الى بتختار ايام اجازاتك بحريه تماما هما بس بينزلولك فى كتاب اسمه دليل الطالب المواعيد الى موجوده لكل ماده انت بتختار المواعيد الى انت عايزها وتظبط جدول كامل فيه كل حاجة من الى فاتت دى وتسجله على موقع الكليه وبتطبعه وبتمضى عليه وتسلم نسخه للشؤون وتسلم نسخه للدكتور ونسخه معاك وخلاص كده وطبعا احنا هنساعدكوا فى عمل الجدول ده ماتقلقوش :D

****************************
طب وايه موضوع الساعات المعتمده ده ؟

بص يا سيدى انت دلوقتى مثلا بتاخد مادة الرياضه . بتاخد كل اسبوع محاضره وبتاخد سكشن , المحاضره بتبقى ساعتين والسكشن 3 ساعات فاحنا بنحسب حاجة اسمها الساعات المعتمده للماده كالاتى ان اى محاضره الساعه بتاعتها بتتحسب بساعه معتمده وان اى معمل الساعتين او التلات ساعات بتوعه بيتحسبو بساعه واحده معتمده فكده تعالى نحسب الساعات المعتمده بتاعة الرياضه
محاضره ساعتين = ساعتين معتمدتين
سكشن تلات ساعات = ساعه واحده معتمده
يبقى مادة الرياضه كده ب 3 ساعات معتمده
لو حسبتها فى الخمس مواد هتلاقى انك بتاخد فى التيرم الاول 15 ساعه معتمده بس كده
يعنى هى طريقه لتحويل المواد الى ساعات معتمده

ولو اخدت متطلبات جامعة المتطلب الواحد = ساعتين معتمدتين

ولما تيجى تطلع تانيه مش هيقولك انت معدى كام ماده عشان تطلع تانيه او لا هيقولك انت معدى كام ساعه معتمده بس اهم حاجة تكون نجحت فى 12 ساعة من مجموع ساعات الترمين
****************************
طب التقديرات ايه؟؟؟؟

طبعا عندنا النجاح من 60 درجه من اصل 100 درجه
امتياز من 85 ل 100
جيد جدا من 75 ل 84
جيد من 65 ل 74
مقبول من 60 ل 64
اقل من كده لا قدر الله راسب
****************************
طب تقدير التيرم كله يتحسب ازاى ؟

هنا بقى احنا عندنا حاجة اسمها المعدل التراكمى
انا لما انجح فى ماده بدرجه معينه اول حاجة عشان احسب المعدل احول الدرجه الى اناجبتها لنقط من 1 ل 5
60 ل 70 = 1ل 2 , 70ل 80 = 2 ل 3 وهكذا . طب 77 مثلا تبقى ايه ؟ 2.7 وهكذا
وبروح اجيب نقط كل ماده واضربها فى عدد الساعات المعتمده بتاعتها يبقى انا كده طلعلى خمس ارقام تانيين اروح اجمعهم على بعض واقسمهم على عدد الساعات المعتمده الى انا خدتها هيطلعلى رقم وليكن مثلا 3.2 الى هو جيد جدا حسب برده الى تحت ده
1 ل 1.5 مقبول
1.51 ل 2.5 جيد
2.51 ل 3.5 جيد جدا
3.51 ل 5 امتياز
***************************
ملحوظه :- الناس الى هتاخد حيوان فى اولى فيه تشريح عشان الى قلبه ضعيف ولا حاجه :P :P
انا كتبت كل الى اعتقد انكو هتسالو فيه ولو فيه اى اسئله تانيه اكتبوها وانا هجاوب بإذن الله

endoftheworld2

08-08-2012, 11:33 PM

الـــــــــــف شكــــر ليك بس انا عــــــايز رقم حضـرتك ضرورى عشان ف استفسارات بسيطه عايز اعرفها منك ووشكرا

mohamed-mohsen

09-08-2012, 02:05 AM

الـــــــــــف شكــــر ليك بس انا عــــــايز رقم حضـرتك ضرورى عشان ف استفسارات بسيطه عايز اعرفها منك ووشكرا

انا بعتلك فى رسالة عشان ممنوع هنا

tarek makram

09-08-2012, 03:40 AM

السلام عليكم لو سمحت عايز رقم حضرتك علشان انا خلاص دخلت علوم القاهرة ومش عارف حاجة خلاص ودماغى هتنفجر

user22

09-08-2012, 04:02 AM

يا جدعان ما تخلوا مناقشة الأسئلة هنا أحسن بدل التلفونات والرسايل عشان الكل يستفيد !!

تسلم ايدك يا دكتور محمد , الموضوع شامل وواضح المذاكرة هتشتغل من دلوقتي :d

mohamed-mohsen

09-08-2012, 04:22 AM

السلام عليكم لو سمحت عايز رقم حضرتك علشان انا خلاص دخلت علوم القاهرة ومش عارف حاجة خلاص ودماغى هتنفجر

ولا تنفجر ولا حاجة انا بعتلك كل اللى انت عايزه

يا جدعان ما تخلوا مناقشة الأسئلة هنا أحسن بدل التلفونات والرسايل عشان الكل يستفيد !!

تسلم ايدك يا دكتور محمد , الموضوع شامل وواضح المذاكرة هتشتغل من دلوقتي :d

انا شايف ان كدة أحسن بس عادى برده انا بعت الرقم عشان لو حد عايز يسأل على حاجة مش عايز يكتبها

وحلوة موضوع دكتور دى ربنا يسمع منك ..... انا لسه طالب فى علوم :d

gogo kota

09-08-2012, 05:55 AM

ايه مواد متطلبات الجامعه دى ؟؟؟؟

mohamed-mohsen

09-08-2012, 12:14 PM

ايه مواد متطلبات الجامعه دى ؟؟؟؟

هى مواد لازم تخديها خلال الاربع سنين (فى اى سنة ) وهى 4 مواد بمعدل مادتين كل ترم 3 منهم اجباري وهم
1- لغة انجليزية
2-حقوق انسان
3- مبادئ قانون
ودول بينزلوا الترمين
وتختارى مادة رابعة تكمليهم من بين المواد دى

الترم الاول :-
1- مبادئ ادارة ومحاسبة

الترم الثانى:-
1- تاريخ وفلسفة علوم
2- ثقافة بيئية
نصيحة خدوهم فى سنة اولى وريحوا نفسكوا

gogo kota

11-08-2012, 02:13 AM

هى مواد لازم تخديها خلال الاربع سنين (فى اى سنة ) وهى 4 مواد بمعدل مادتين كل ترم 3 منهم اجباري وهم
1- لغة انجليزية
2-حقوق انسان
3- مبادئ قانون
ودول بينزلوا الترمين
وتختارى مادة رابعة تكمليهم من بين المواد دى

الترم الاول :-
1- مبادئ ادارة ومحاسبة

الترم الثانى:-
1- تاريخ وفلسفة علوم
2- ثقافة بيئية
نصيحة خدوهم فى سنة اولى وريحوا نفسكوا

طب وايه احسن ماده فى المواد الاختياريه :d

mohamed-mohsen

11-08-2012, 03:50 AM

طب وايه احسن ماده فى المواد الاختياريه :d

بصى هم مبادئ ادارة ومحاسبة دى انا مجربها وسهلة جدا

وتاريخ وفلسفة علوم برضه سهله ..... بس ابعدى بقى عن الثقافة البيئية

mohamed-mohsen

11-08-2012, 03:54 AM

نسيت اقول ان فى مبادئ قانون برضوا بتنزل الترم الأول

hanaagamal

11-08-2012, 09:08 AM

mohamed-mohsen

11-08-2012, 03:58 PM

انا علمى علوم و نفسى اكون دكتورة تحاليل فاختار ايه بقى من العشرة مواد الاختيارية اللى ع الشمال
ولا المواد اللى هختارها ملهاش صلة بالتخصص
ثانيا:
انا جتلى علوم بنات عين شمس وفى كتير بيقولى مش حلوة
واحسنلك تحولى علوم عين شمس فيريد لو حد فيها ينصحنى
وجزاكم الله خيرا

بصى اولا لو عايزة دكتورة تحاليل عندك حلين اما 1 - قسم كيمياء حيوى .... وده اعتقد انه موجود فى عين شمس

2 قسم بيوتكنولوجى ... وده قسم خاص موجود بجامعة القاهرة فقط

موضوع انهى احسن كلية البنات ولا عين شمس ..... للأسف مقدرش افيدك فيها بس ممكن تسألى واحد من عين شمس هو كان عامل موضوع هنا فى المنتدى ^_^

عبير الشذى

12-08-2012, 02:09 AM

هو نظام الدراسة بيختلف من كلية للتانية ولا ايه
انا مش فاهمة حاجه خالص
ياريت حضرتك توضح النقطة دية

mohamed-mohsen

12-08-2012, 02:38 AM

هو نظام الدراسة بيختلف من كلية للتانية ولا ايه
انا مش فاهمة حاجه خالص
ياريت حضرتك توضح النقطة دية

اكيد طبعا بيختلف يعنى فى القاعرة مطبقين نظام الساعات المعتمدة ........ ومش بيخدوا بمجموع الثانوية العامة فى حاجة
ولكن مثلا عين شمس مش مطبقة نظام الساعات المعتمدة وبيخدوا بمجموع الثانوية العامة لدخول بعض الاٌسام وبلاش حضرتك دى :d

عبير الشذى

12-08-2012, 03:35 AM

اكيد طبعا بيختلف يعنى فى القاعرة مطبقين نظام الساعات المعتمدة ........ ومش بيخدوا بمجموع الثانوية العامة فى حاجة
ولكن مثلا عين شمس مش مطبقة نظام الساعات المعتمدة وبيخدوا بمجموع الثانوية العامة لدخول بعض الاٌسام وبلاش حضرتك دى :d
يعنى نظام الساغات المعتمدة ده مش بيطبق فى كل الكليات :o
انا التنسيق جالى علوم بنها
ولما جيت احول اسكندرية منفعش وعملت تحويل لدمنهور لانها الوحيدة القريبة
دمنهور فيها نظام الساعات المعتمده ده ولا لاء
وهل هو نظام فى مصلحة الطالب ولا لاء

mohamed-mohsen

12-08-2012, 03:57 AM

يعنى نظام الساغات المعتمدة ده مش بيطبق فى كل الكليات :o
انا التنسيق جالى علوم بنها
ولما جيت احول اسكندرية منفعش وعملت تحويل لدمنهور لانها الوحيدة القريبة
دمنهور فيها نظام الساعات المعتمده ده ولا لاء
وهل هو نظام فى مصلحة الطالب ولا لاء

لا طبعا مش فى كل الكليات وبصراحة انا مش عارف فى دمنهور ولا لأ انتى ممكن تسألى حد هناك ......... وأكيد فى مصلحة الطالب جدا

عبير الشذى

12-08-2012, 04:06 AM

لا طبعا مش فى كل الكليات وبصراحة انا مش عارف فى دمنهور ولا لأ انتى ممكن تسألى حد هناك ......... وأكيد فى مصلحة الطالب جدا
انا معرفش حد هناك
شكرا لحضرتك على المساعدة

mohamed-mohsen

12-08-2012, 04:27 AM

انا معرفش حد هناك
شكرا لحضرتك على المساعدة

العفو ومن غير حضرتك............. وان شاء الله موجود للأجابة على اى اسئلة ^_^

nourmandy

12-08-2012, 04:32 AM

يااااااااااااااه
مش انت بتاع جروب علوم القاهره انت تسأل و نحن نجيب
انت صح ؟

mohamed-mohsen

14-08-2012, 03:50 AM

يااااااااااااااه
مش انت بتاع جروب علوم القاهره انت تسأل و نحن نجيب
انت صح ؟

yup anaaa :D

nourmandy

14-08-2012, 07:37 AM

yup anaaa :d

شوفت بقى مخابرات احنا مش اى حد :)

bondosh

14-08-2012, 11:06 PM

شكرا لمجهود حضرتك والله انا المواد الاختيارية دى مكنتش فاهمة عنها حاجة بس كدة فهمت
وانا علوم اسكندرية معلش سؤال بالنسبة للساعات المعتمدة هى الساعات دى بتخلص على اى اساس على اساس المواد اللى انا اخدتها وحضرتها ولالا؟؟؟ وشكراا

mohamed-mohsen

15-08-2012, 08:00 PM

زهراء نجد

26-09-2012, 11:29 AM

طيب انا حتاجة مساعدة حضرتك اى قسم افضل للبنت وكون سهل مش مجهد وايهم افضل فى اختيار المواد هل النبات ام الحيوان ام الجولوجيا ام الفلك

ياريت الرد بسرعة علشان بكرة هسجل الجدول

mohamed-mohsen

12-06-2013, 02:10 PM

up up up up up up up up up up up up up up

***star***

23-06-2013, 08:36 PM

طب وايه احسن ماده فى المواد الاختياريه :d

حقوق انسان وثقافه بيئيه

calm20006

19-07-2013, 06:38 PM

لو سمحت حسب الصورة دي يعني فلك منفرد بياخد علوم ورياضة ؟؟ لا انا عرت ان فلك منفرد بياخد رياضة بسى؟ ولو كده يبقى ايه اقسام الفلك اللي بتاخد علمي علوم ؟ وشكرا

mohamed-mohsen

20-07-2013, 04:15 PM

لو سمحت حسب الصورة دي يعني فلك منفرد بياخد علوم ورياضة ؟؟ لا انا عرت ان فلك منفرد بياخد رياضة بسى؟ ولو كده يبقى ايه اقسام الفلك اللي بتاخد علمي علوم ؟ وشكرا

فلك بياخد من علمى علوم ورياضة عادى لانه مش طالب اى مواد مخصوصة لرياضة xD

MikeNFD

21-07-2013, 12:20 AM

فلك بياخد من علمى علوم ورياضة عادى لانه مش طالب اى مواد مخصوصة لرياضة xd

طيّب مُمكن شرح بشيء من التفصيل الفرق بين القِسمين دول:
[علم فلك] و [فيزياء/فلك]
و بيُبقى في كامْ واحِد في الدُفعة؟ و هل في فُرصة للحصول على مِنحة بالخارج بعد التخرُج من أحد القِسمين؟ ولا نُقعد في البيت بعدها؟ :d
------------------------------

مِستني رَد حَضرتكْ.

mohamed-mohsen

21-07-2013, 04:29 AM

طيّب مُمكن شرح بشيء من التفصيل الفرق بين القِسمين دول:
[علم فلك] و [فيزياء/فلك]
و بيُبقى في كامْ واحِد في الدُفعة؟ و هل في فُرصة للحصول على مِنحة بالخارج بعد التخرُج من أحد القِسمين؟ ولا نُقعد في البيت بعدها؟ :d
------------------------------

مِستني رَد حَضرتكْ.

قسم فلك وفيزياء فلك مافيش فرق بينهم غير ان الاول بتدرس فيه فلك بس وكل متطلباته اما التانى فده مزدوج بتدرس فيه فيزيا مع دراستك للفلك ....... عدد الدفعة على حسب اللى مقدمين بس فى الاغلب بيبقوا قليلين اوى فى فلك ........ موضوع المنحة معرفش عنه حجة بصراحة :d ........

ندى اولى ثانوى

21-07-2013, 05:11 PM

ممكن معلومات اكتر عن علوم دمياط لو سمحت
وهل بتختلف ؟؟

mohamed-mohsen

21-07-2013, 08:03 PM

ممكن معلومات اكتر عن علوم دمياط لو سمحت
وهل بتختلف ؟؟

اسف معنديش معلومات عنها للأسف :/

sohila soliman

25-07-2013, 04:48 PM

طيب ممكن معلش بس اعرف ايه هيا الادوات بتاعت المعمل ولا الحاجات المطلوبه اجيبها كدا لانى هدخل حيوان وهيبقى عندى تشريح ف اولى ^_^

mohamed-mohsen

28-07-2013, 08:27 PM

طيب ممكن معلش بس اعرف ايه هيا الادوات بتاعت المعمل ولا الحاجات المطلوبه اجيبها كدا لانى هدخل حيوان وهيبقى عندى تشريح ف اولى ^_^

Beaker - test tubes - funnel - conical - holder - watch glass - Scissors
والحاجات دى كلها بتتباع فى بوكس على بعضها فى الجامعة ^_^ طبعا البالطوا اهم حاجة

مصر للطيران

02-08-2013, 01:55 AM

mohamed-mohsen

02-08-2013, 01:47 PM

انا مدرس ابتدائي تخصص علوم تعينت فى 1999 فى مدرسة لا يوجد بها مدرس رياضة فاسندت الرياضيات لي لتدريسها و منذ ذلك الحين و انا مدرس رياضيات و امتحنت الكادر على ان مادة التدريس الرياضيات و نجحت فان الان اريد ان اكمل الفرقة الثالثة و الرابعة علوم قسم رياضة
لو سمحت دلوني اعمل ايه للضرورة
و شكراً

للأسف انا مش هقدر افيدك اوى فى الموضوع ده بس اللى اعرفه ان واحد كان فى كلية تربية وكان بيدرس كيمياء ... خلص الكلية وبعدين جيه علوم عندنت وقدم ودرس كيمياء معانا عادى ^_^

محمودالصافورى

07-08-2013, 02:18 AM

لو سمحت ممكن الفيس بتاعك يا ريت انا الياهو
بتاعى اللى عامل بيه الفيس
Mahmoud_mohm***********
انا جاتلى علوم رياضه القاهره

mohamed-mohsen

09-08-2013, 04:11 PM

لو سمحت ممكن الفيس بتاعك يا ريت انا الياهو
بتاعى اللى عامل بيه الفيس
Mahmoud_mohm***********
انا جاتلى علوم رياضه القاهره

ده لنك الفيس بتاعى (https://www.facebook.com/mohamed.333112)

Aisha_Tarek

16-08-2013, 08:58 PM

انا عايزة اعرف كل المواد اللى هدرسها ف سنة اولى بلييييييييييز

mohamed-mohsen

16-08-2013, 10:34 PM

انا عايزة اعرف كل المواد اللى هدرسها ف سنة اولى بلييييييييييز

اقرئى الموضوع نفسه فيه كل حاجة ^_^

Aisha_Tarek

16-08-2013, 11:47 PM

انا عاوزة السبع مواد تحت بعضيهم لأنى توههههههههههههههت وانا علمى علوم

mohamed-mohsen

17-08-2013, 05:20 PM

انا عاوزة السبع مواد تحت بعضيهم لأنى توههههههههههههههت وانا علمى علوم

ههههههههههه حاضر بصى
انت بتدرسى
1- فيزياء
2- كيمياء
3-رياضيات
4- مادة اختيارى من الجدول تحدد على حسب القسم
5- مادة اختيارى من الجدول تحدد على حسب القسم
6- مادة متطلبات
7- مادة متطلبات برضوا ودول على حسب ما انت عايزة يعنى مش مواد معينى :d

مثال بسيط انت علمى علوم مثلا عايزة تدخلى قسم كيمياء حيوية
فتدرسى

1- فيزياء
2- كيمياء
3-رياضيات
4- حيوان وده اجبارى فى الحالة دى
5- اى مادة من دول (نبات - حشرات بيوفيزياء - جيولوجيا - بيولوجى )
6 و 7 - اى مادتين من دول (حاسب الى - حقوق انسان - انجليزى - تاريخ وفلسفة علوم - ثقافة بيئية - مبادئ قانون - مبادئ ادارة ومحاسبة )

Aisha_Tarek

17-08-2013, 06:24 PM

انا لاقيت افضل قسم هو الكميا الحيوية وهختار المادة الخامسة بيولوجى بس اختار ايه ف المتطلبات ؟؟

mohamed-mohsen

18-08-2013, 03:04 AM

انا لاقيت افضل قسم هو الكميا الحيوية وهختار المادة الخامسة بيولوجى بس اختار ايه ف المتطلبات ؟؟

ممكن تختارى الترم الاول انجليزى وحاسب الى ^_^

Aisha_Tarek

18-08-2013, 03:36 AM

شكرا تعبتك معايا بس الواحد كان تااايه
يبئا المواد بتاعتى هتكون كدة ان شاء الله
كميا
فزيا
رياضة
حيوان
بيولوجى
انجليزى
حاسب الى

mohamed-mohsen

18-08-2013, 03:50 AM

شكرا تعبتك معايا بس الواحد كان تااايه
يبئا المواد بتاعتى هتكون كدة ان شاء الله
كميا
فزيا
رياضة
حيوان
بيولوجى
انجليزى
حاسب الى

بالظبط كدة :d

Aisha_Tarek

18-08-2013, 03:54 AM

يارب بئا مايأجلوش الدراسة عشان انا متشوقه للجامعة ^^

mohamed-mohsen

18-08-2013, 04:08 AM

يا رب يأجلوها :d
ده احسن لينا :d

Aisha_Tarek

18-08-2013, 04:17 AM

لا لا لا دا انا نفسى اروح الجامعة بئا بدل حبسة البيت دى اجاااااااااااااااازة ممله

mohamed-mohsen

18-08-2013, 11:37 AM

لا لا لا دا انا نفسى اروح الجامعة بئا بدل حبسة البيت دى اجاااااااااااااااازة ممله

افتكرى انى قولتلك بلااااااااااااااااش :d

الحورية

11-09-2013, 12:59 AM

انا من اسكندرية وجاتلى علوم القاهرة ممكن اعرف اية الفرق فى المواد الدراسية يعنى لما احول ان شاء الله فى تانية حلاقى مواد جديدة مدرستهاش

salma shahen

17-09-2013, 01:55 AM

هو انا لو عايزة ادخل قسم كميا /جيو
اي مادة افضل من المقرارات الاختيارية
جبر/احصاء رياضي/مقدمة لعلم الفلك/جيوفيزياء
واي مادتين افضل من مواد متطلبات الجامعة

mohamed-mohsen

19-07-2014, 12:01 PM

هو انا لو عايزة ادخل قسم كميا /جيو
اي مادة افضل من المقرارات الاختيارية
جبر/احصاء رياضي/مقدمة لعلم الفلك/جيوفيزياء
واي مادتين افضل من مواد متطلبات الجامعة

الجيوفيزياء احسن لانك هتدرسيها تانى فى سنة تالتة ورابعة

* محب الرسول *

21-07-2014, 01:23 PM

طب مهن كلية علوم ايه بعد التخرج عشان الناس بتحبط وتقول مدرس ( وفي موضوع هنا عن المهن مفهمتش منه حاجة ) ياريت توضحهم كده في السريع والدراسة صعبة ولا سهلة يعني الامتياز ده نجيبه ازاي

mohamed-mohsen

21-07-2014, 02:20 PM

موضوع مدرس دى اخر حاجة ممكن خريج علوم يعملها ..... والشغل على حسب كل قسم حددلى بس القسم اللى هتتكلم عنه وانا هقولك بالتفصيل :d
موضوع الدراسة هى اكيد مش سهلة ... بس مش صعبة اوى ... عايزة بس مزاكرة ومتابعة للى هيتشرحلك كدة تقديرك جيد جدا لامتياز
اما لو بتلم فى اخر السنة زى ما كلنا بنعمل هيبقى التقدير متوسط الى حد ما :d

Dina hamed ali

22-07-2014, 02:17 AM

mohamed-mohsen

22-07-2014, 05:09 PM

انا علمي علوم و جايبه 90,6 ممكن ادخل علوم عين شمس و لو دخلت هو التخصص في سنه ثانيه مرتبط بمجموع اي ماده من الي هندرسه في اولي
و تخصصات كليه علوم بتختلف من جامعه لاخري لان قرأت ان قسم الكيمياء الحيويه موجود بجامعة عين شمس فقط و قسم بيوتكنولوجى موجود بجامعة القاهرة فقط
وكلية العلوم بنات عين شمس فيها كل الاقسام و الدراسه بالانجليزي فيها و في كل الجامعات ولا لا لاني بكره العربي و جامعه حلوان تمام ولا ايه
معلش انا سألت كتير بس انا متلخبطة و خايفة مجموعي ميدخلنيش جامعة عين شمس العاديه مش كليه البنات لاني سمعت ان مستوي كليه علوم فيها مش كويس

انت كل اسألتك بعيدة عن علوم القاهرة فهاجوبك باللى اعرفه بس ممكن مبقاش متأكد منه ........ تخصص عين شمس فى سنة اولى
كيم حيوى موجود فى القاهرة برضوا مش فى عين شمس بس
بيو تكنولوجى موجود فى القاهرة بس وهو قسم خالص وممكن تحوليله من اى جامعة تانية حتى لو مش جايبة مجموع القاهرة بشرط انك تدخليه ومتحوليش منه

الدراسة فى القاهرة انجلش بصراحة مش عارف فى كلية البنات ايه النظام

الشيماء كامل

22-07-2014, 05:19 PM

الصراحه اطمنت جدا لما قولت ان آخر حاجه مهنة مدرس..:d
معلش هتعبك معايا,,,انا مجموعى 95% وعامله تظلم واحتمال ترجعلى درجات تانيه..
انا دلوقتى هدخل علوم ونفسى ف دكتورة تحاليل وده آخر امل ليا ف التعليم كلو لانى اتظلمت جاااامد..
ممكن حضرتك تقولى ادخل قسم ايه وايه المواد ال هدرسها بالظبط؟؟ وكمان سمعت ان فى دبلومه تحاليل بتتعمل بعدين وهيا موقوفه حاليا انا متلخبطه جامد ياريت حضرتك توضحلى..انا آآسفه ع الاطااااااله..:)

mohamed-mohsen

22-07-2014, 10:20 PM

اولا لو انت علمى علوم يبقى منك على قسم كيمياء حيوى على طول
موضوع دبلومة التحاليل ده فى القاهرة حاليا مش موجود بس موجود فى جامعات تانية
المواد اللى هتدرسيها موجودة بالتفصييل فى الموضوع ولو مش فاهمة حاجة انا تحت امرك :d

الشيماء كامل

22-07-2014, 10:44 PM

ايووووووون انا علمى علووووم....وانا بفهم ع فكره هههههههه
قولى كده صح ولا..هدرس كيمياوفيزيا ورياضه (ونبات وحيوان أو حشرررررات) بالاضافه للمواد المطلوبه التانيه صح؟ طيب وانا ابقى ايه من القسم ده ف الحياه المهنيه؟ طالما دبلومة تحاليل موقوفه

mohamed-mohsen

22-07-2014, 11:17 PM

ايووووووون انا علمى علووووم....وانا بفهم ع فكره هههههههه
قولى كده صح ولا..هدرس كيمياوفيزيا ورياضه (ونبات وحيوان أو حشرررررات) بالاضافه للمواد المطلوبه التانيه صح؟

تمام كدة كيم فيز رياضة حيوان ونبات او حشرات او فلك او بيوفيزياء او جيولوجيا او جيوفيزياء
طيب وانا ابقى ايه من القسم ده ف الحياه المهنيه؟ طالما دبلومة تحاليل موقوفه
القسم ده هتطلعى منه بتشتغلى دكتورة تحاليل بس مش هتقدرى تفتحى معمل باسمك غير لما تعملى دبلومة :d

الشيماء كامل

23-07-2014, 01:33 AM

بشكــــــــــــرررك جدااااااا....خلاص هتوكل ع الله وهدخلها :av4056bb7jp3:

mohamed-mohsen

23-07-2014, 02:08 AM

تماااااااااااام
سامحنى يا رب :v

الشيماء كامل

23-07-2014, 02:27 AM

هههههههههه ليه كده بس ؟؟؟
وبعدين ال كاتبه(طالب علوم غلبان ومقهووور)) تشجع الصرااحه اوى ههههههه
ياعم متخفش انا اصلا اتقفلت ف وشى ومفيش غ علوم قدامى هدخلها هدخلها

mohamed-mohsen

23-07-2014, 03:23 AM

انت لسه شوفتى قهر ولا شوفتى حاااجة :d
وبعدين دونت ورى ان شاء الله خير
المهم بس انا بعتلك مسج كدة اقرأيها بتمعن واتخذى القرار عشان ده قرار مصيرى :v

الشيماء كامل

23-07-2014, 04:03 PM

آه انا قريتها وبالعكس حبيت القسم جداا..لان انا ليا ف الحاجات دى وبعدين انا واخده ع الصعب من ابتدائى يعنى مجتش ع دى وكنت ناويه ع طب بس النصيب بقى واكيد يعنى علوم مش اصعب من طب...
متقلقش مش هدعى عليك يعنى :d:slap1qk6:

*(amera)*

25-07-2014, 04:38 PM

طيب ممكن نبذه مختصره عن طبيعه الدراسه فى الاقسام دى
كميا حيوى
ميكروبيولوجى
بيوفيزيا منفرد

وايه المواد اللى بدرسها فى اولى عشان ادخل اى قسم منهم؟
وكمان ايه مجالات الشغل ليهم ؟

كيميائي طبي2011

26-07-2014, 05:56 PM

كيمياحيوي يعنى كيميا الكائنات الحيه

ميكروبيوولجى علم الميكروبات

فزياءحيوي اي استخدام تطبيقات الفزياء في الكائنات الحيه ومن امثلتها استخدام الاشعه في تشخيص وعلاج الامراض

كيميائي طبي2011

26-07-2014, 06:08 PM

بالنسبه لمجالات العمل هتلاقي موضوع لوحده ل مهن كليه علوم

mohamed-mohsen

18-07-2015, 06:59 PM

up up again

صيدلاني المستقبل

05-08-2015, 03:28 PM

ايه الفرق بين علوم صحية تطبيقية وعلوم العادية وانى احسن ؟

foreverinmind

13-08-2015, 06:31 AM

هو نظام الساعات المعتمده في جامعة القاهرة مجاني و اللا بمصروفات؟