بسم الله الرحمن الرحيم

السلام عليكم ورحمة الله وبركاته

انا طالب خلصت الثانوية العامة السنة دى وحصلت على 92%

ولكن للاسف لم استطع اللحاق بالهندسة او الحاسبات

فكنت اريد الاستفسار هل من الممكن ان ادخل معهد فنى صناعى سنتين وبعدين هندسة ولا ده مستحيل

واذا حصل ده هل الدراسة نظامها ايه والمذاكرة وكده

وهل فى امل ان ممكن التحق بالهندسة منه ولا اضيع سنينفى الفاضى

وكمان لو سمحتوا ممكن اعرف الاماكن اللى المعهد متواجد فيها

على العلم انى من محافظةالدقهلية من المنصورة

ارجو الرد من حضراتكم وشكرا

والسلام عليكم ورحمة الله وبركاته

انت جتلك كلية ايه طيب بص لو جاتلك كلية كويسة خلاص شد حيلك فيها
انا كنت بفكر فموضوع المعهد ده بس اما جاتلى تجارة انتساب قلت خلاص لانى بصراحة مضمنش نفسى فالمعهد وحتى لو جبت فيه مجموع لهندسة مضمنش نفسى فهندسة:)
وعموما دى معلومات عن المعهد :
انت لو ثانوية عامة تقدر تدخل المعهد ب 50% وعلى اسوأ تقدير لو رفعوه جدا جدا جدا ودا حصلت فى سنة واحدة بس بتدخله ب 65% تقريبا
ولو انت ثانوى صناعى مش عارف بتدخله من كام الحقيقة لكن دايما بيدخله الطالب المتوسط
لإن طالب الثانوى الصناعى الممتاز بيجيب مجموع يخليه يعمل معادلة هندسة على طول ويدخل بعد الثانوى الصناعي هندسة من غير ما يدخل المعهد



الاقسام جوة المعهد هى نفسها اقسام هندسة
الكترونيات .. عمارة .. مدنى .. ميكانيكا

اعلى قسم بياخد من 85% تقريبا من تنسيق الثانوية العامة
يعنى انت مثلا جبت 75 % فى الثانوية العامة
ودخلت المعهد
مش هتدخل قسم إلكترونيات اللى هو اعلى قسم

لكن بكل سهولة تقدر تعمل التماس للبشمهندس عميد المعهد وتحول لأى قسم انت حابه

جوة المعهد لو انت ثانوية عامة هتتعامل معاملة خاصة جدا لإن المهندسين بيشفقوا على طلاب الثانوية العامة لإنهم عارفين انهم كانوا عايزين يدخلوا هندسة ومعرفوش واضطروا يضحوا بسنتين كمان علشان يبقوا مهندسين
بالاضافة ان فيه فرق كبير بين مستوى طالب الثانوية العامة والثانوية الصناعية


المعهد سهل جدا جدا جدا جدا
مدة الدراسة فيه سنتين مقسمة على 4 تيرمات
كل سنة تيرمين

وبكررها سهل جدا جدا جدا جداااااااااااااااااااااا

وهتقدر تجيب مجموع فيه بكل سهولة

بعد ما تخلص المعهد هتقدر تدخل اى هندسة انت عايزها
لكن فيه هندستين بياخدوا من مجموع عالى اوى

هندسة القاهرة بتاخد من 94 % وهندسة بترول بتاخد من 96% او 97 %
وبكررها تانى وتالت ورابع
سهل جدا جدا جدا ااااااااا تجيب 98%

واعمل حسابك انك هتاخد اعمال السنة كاملة
40% من كل مادة
يعنى الكفاح كله هيكون فى ال 60% الفاضلين

واهم حاجة الحضور
المذاكرة مش هتذاكر كتير لكن لازم تحضر على طول


بعد ما تخلص ليك تنسيق خاص زى تنسيق الثانوية العامة
وزى ما قلتلك بتدخل اى هندسة تحبها

الكلام ده منقول فطبعا المجاميع دى قديمة

شكرا لحضرتك

ممكن اعرف اسم المعهد بالضبط وبياخد من كام انا جايب 68 علمي رياضة

ممكن اعرف اسم المعهد بالضبط وبياخد من كام انا جايب 68 علمي رياضة
الكلية التكنولوجية (المعهد الفنى الصناعى )
والاختصار بتاعها فى التنسيق
ك.ت معهد فنى صناعى
انا دخلت فيه مرحلة تانية محافظة الاسكندرية
هو بياخد فى اسكندرية من 81% بس دخلته من 87.5% متقلقش المرحلة التانية منزلش فيها غير (اسكندرية_المطرية) يعنى فاضل حوالى 10 هينزلوا المرحلة الثالثة
وبالتوفيق

طب ممن لو سمحتوا حد يرد عليا
انا سمعت انك لو جبت مجموع فيه بتدخل هندسه على سنه تانيه
الكلام دا صحيح ولا لا

طب ممن لو سمحتوا حد يرد عليا
انا سمعت انك لو جبت مجموع فيه بتدخل هندسه على سنه تانيه
الكلام دا صحيح ولا لا

لا لا بتدخل على اعدادى هندسة
عشان تاخد بكالريوس هندسة جامعة الاسكندرية
لازم تكون واخد ال5 سنين كاملين

وهو لازم جامعه الاسكندريه يعنى

وهو لازم جامعه الاسكندريه يعنى

انا بتكلم عن نفسى

اه شكرا على ردك

يعني مجموعي بالضبط 278.5 ممكن اقبل ولا لا

يعني مجموعي بالضبط 278.5 ممكن اقبل ولا لا
تقبل ان شاء الله

يعني مجموعي ممكن الحق معهد فني صناعي ولا لا
ولو اقبل هيكون اسمه ايه في التنسيق
انا مجموعي 278.5