مشاهدة النسخة كاملة : كل الاستفسارات الخاصة بالانترافيو


ايمان هارون
10-08-2012, 09:38 PM
السلام عليكم ورحمه الله وبركاته
اولا انا هتكلم عن سياحة وفنادق حلوان وكل الاسئلة بتبقا شبه بعضها بس هنتكلم عن المهم :friendsxs3:
فى الانترافيو لبسك يكون كويس ومش اوفر والبنات بلاش ميك اب اوفر ولة عطر نفاذ يعنى قوى ف الرائحة وبالنسبة للاسئلة هيسالك (1)عرف نفسك بالانجليزي والاجابة انجليزي طبعا
2- عاوز قسم اية ولية ولية عاوز الكلية دى ؟
انا واحدة من الناس اختارت مثلا قسم دراسات سياحية عربى ولم قالتلى لية بالنسبة للبنات قولى عاوزة ابقا مضيفة وبالنسبة للولاد عاوز ابقا مضيف او موظف حجز تذاكر
3)بعد كدة هتتسال بالعربى بقا كل الى جاى بالعربى يعنى
هيقولك قولى عاصمة الدول دى مثلا المانيا عاصمتها برلين وامريكا وشنطن والسعودية الرياض وخود معاك البحرين بالمرة والامارات
وبعد كدة هيقولك عملة الدولة دى اية مثلا امريكا واستراليا وكندا دى ولايات وعملتها الدولار وممكن اى بلد تانية انا افتكر ان الصين عملتها الين
4) هيقولك قولى تعرف اية اماكن سياحية او اثرية ف مصر
نيجي للمفيد قول اى مكان تفتكره الاهرمات المتحف المصرى معبد ابوسيمبل الكرنك لو قالك زورت مكان من الاماكن دى لو مزورتش قول لا لو زورتها عادى قول اة لانو لو زورتها هيسالك هى فين وشوفت اية هناك عجبك وكدة
نيجي للمفيد لو معرفتش سؤال وهو بيسالك اسكت لانو هيخلي غيرك يجاوب ويرجعلك انتة تانى انتم بتبقو حوالى عشر طلاب وقدامك كذا دكتور فى داكاترة بتسال عربى وفى بيسالو انجليزي ف انتة بتتسال من دول شوية ومن دول شوية كدة كل حاجة وضحت المهم المظهر يكون مقبول طريقة كلامك وانتة بتكلم بص ف عينهم لان دة دليل على الثقة بالنفس اوعا تشوح ب ايدك وانتة بتكلم لان دة عيب ولم حد يكلمك لازم تبوصله ولو اتنين بيتكلم لازم تبين انتباهك ليهم سوا مش تفضل متنح للى قدامك وبس انتة ليك 40 درجة ف الانجليزى بتاخدهم لم بتعرف نفسك وبتقول اختارت قسم ايةولية بالانجليزى وبيركز معاك ف النطق فانا افضل انك تجهز الاسئلة والاجابة بالانجلزى وتحفظهم من البيت قبل ام تروح محدش يقولى انا برفيكت ف الانجليزى لا هو مش دى المشكلة المشكلة انهم بيركزو على مخارج الحروف وبيبقا في كلمات متشابها ف العربى وبتختلف ف الانجليزى يعنى زى سياحة وسياحي او السائح ف انتة ركز نظقهم ازى :friendsxs3:كدة تمام
هنيجى للمصاريف ف اى كلية سياحة وفنادق ماعدا حلوان اى قسم دراسات سياحية عربى وفنادق وارشاد المصاريف مش بتعلا عن 300 جنية
سياحة وفنادق حلوان مصاريف ادارة فنادق ودراسات سياحية مش بتعلا عن 300
قسم ارشاد ودراسات سياحة انجليزى وادارة فنادق انجليزى ب 3500 كل سنة مش اول سنة وبس
وبالنسبة للتخصص ف سياحة وفنادق والمنصورة واسماعلية بيبقا من اول سنة وف اليكس والمنوفية والفيوم وتقريبا المنيا كمان التخصص بيبقا من سنة تانية يعنى اول سنة بتدرس كوكتيل ارشاد على فنادق على دراسات والمواد الى بترتاح ليها والقسم الى بتشوف انك حاب المواد بتاعته بعد كدة بتختار ف سنة تانية تتخصص ف اية :):) يارب اكون افادتكم واى استفسار تانى انا موجودة بس ملاحظة ان مجموع الانجليزي لازم ميقلش عن 35 من 50 واللغة التانية بردة سواء ايطالى فرنساوى او المانى لازم يكون المجموع فيهم من 35 من 50
وبالنسبة للاقسام الانجليزي المجموع ف الانجليزي لازم يبقا اعلا من 40 والمجموع الكلى يبقا اعلا من 80
والى مجموعه ف الانجليزي اقل من 35 من 50 ممكن يخوش تعليم تبادلى ودة غير الانتساب الموجة وبردة الى بيبقا اقل من 35 من 50 ف الانجليزي او الفرنساوى ممكن يخوش انتساب يعنى لوجاب تقدير تانى سنة بيحول انتظام زيك زى الطالب العادى وبتدرس كل المواد الى الطالب العادى بيدرسها ف اول سنة بس بيبقا مفيش ليك اعمال سنة وبتاخد مادة زيادة عن الطالب العادى هى دى بتبقا اعمال السنة بتاعتك
وبالنسبة للتبادلى دى منحة مقدمة من شركة امريكان بالتعاقد مع جامعه حلوان يعنى انتة بتدرس وبتشتغل ف نفس الوقت بتاخد مرتب اولى ف حدود 300 جنية وبيزيد الدراسة عبارة عن 75%عملى وهو انك بتدرب ف مطاعم من مطاعم امريكان هارديز كنتاكى ماكدونالدز اربع او خمس ايام ف الاسبوع وبيبقا فى يوم بتنزل فيه الكلية ال هو 25 % من الدراسة نظرى بتدرس مواد وكدة وتدريبك ف المطعم دة بيبقا عليه درجات ونجاح وسقوط ف الى هيخوش تعليم تبادلى يتعامل مع مدير المطعم ب احترام لان بصراحة رقابتك ف ايدو هو الى بينجحك ويسقطك على ما اظن


وبيبقا فى تدريب ف سنة تانية وتالتة ف الاجازة بتاعتهم لكلا من القاسمين دراسات سياحة وادراة فنادق عربى وانجليزى وبيبقا عليه 100 درجة تدريب وبيبقا فى ف العادى رحلات علمية لكلا من دراسات سياحية وارشاد والتدريب دة ف كل الجامعات على ما اظن لو فى حد عاوز يستفسر عن حاجة تانى يبقا يطلبها انا كدة كتبت اظن كل الاستفسارات الى بتتكرر مرة واتنين بس القدرات الى يروح عشان يعمله بالنسبة لبتوع حلوان ينزلو يومين يوم تروح مكتب التنسيق وتروح لانك لو نزلت بعدها الكلية هتلاقيهم خلاص الوقت راح تانى يوم روح وامتحن الانترافيو على الاقل هتكون مش مرهق وهتكون متهيئ نفسيا يلا بقا اشوفكم على خيرررررررر والف مبروك مقدما لكل الى اتقبلو والى هعذبهم لم اشوفهم ف الكلية :022yb4::022yb4::022yb4:سلام بقا:bosyht9:

Ahmed Asko
10-08-2012, 10:42 PM
يارب كل الناس تتقبل ومحدش يقلق خالص ويبقى متوتر سهل والله يا جدعان

dr.m.s
15-08-2012, 10:07 AM
انا نفسى اوح عندكو فى حلوان

actavious_
15-08-2012, 11:16 AM
تمام اوى الكلام دا نفس الل حصل معايا ، عاوز ازود لما تروح ألبس كلاسيك ، يعنى بنطلون قماش وقميص ، ومتلبسش كاب ،
عندى سؤال بقى
فى جامعة المنصورة الموظفة قالتلى الجامعة هنا بتوفر كورسات فى كل اللغات وتمن الكورس 250 جنيه ، اخد الكورسات دى ولا بتبقى اى كلام ؟ يعنى اخد كورسات الكلية هتقوينى فى اللغات ولا اروح ادورلى على اى معهد محترم ؟؟

ثانيا : انا لو دخلت قسم دراسات سياحية ، سهل اعمل دبلومة ارشاد ؟؟ ولو ينفع بتبقى فعلا مدتها سنتين ؟؟ مش مهم المدة المهم هينفع اعملها ف الاخر ولا لاء

ربنا يوفقنا كلنا =) شكرا ^_^

ايمان هارون
15-08-2012, 11:27 PM
تمام اوى الكلام دا نفس الل حصل معايا ، عاوز ازود لما تروح ألبس كلاسيك ، يعنى بنطلون قماش وقميص ، ومتلبسش كاب ،
عندى سؤال بقى
فى جامعة المنصورة الموظفة قالتلى الجامعة هنا بتوفر كورسات فى كل اللغات وتمن الكورس 250 جنيه ، اخد الكورسات دى ولا بتبقى اى كلام ؟ يعنى اخد كورسات الكلية هتقوينى فى اللغات ولا اروح ادورلى على اى معهد محترم ؟؟ لو منفعتش معاك الكورسات من اول اتنين ليفل لو حسيت انك زى م انتة متكملش معاهم ويفضل الانجليزى يبقا برا الكلية وتاخد مع الكلي روسى اسبانى اى لغة تانية :av4056bb7jp3:

ثانيا : انا لو دخلت قسم دراسات سياحية ، سهل اعمل دبلومة ارشاد ؟؟ ولو ينفع بتبقى فعلا مدتها سنتين ؟؟ مش مهم المدة المهم هينفع اعملها ف الاخر ولا لاء

ربنا يوفقنا كلنا =) شكرا ^_^اها خود الكورسات دى معتمدة وحلوة مدام تبع اللية والى متفهمهوش اسال انتة بتدفع فلوس مش بتدرس ببلاش ههههه ولو دخلت اه دراسات سياحية عادى ممكن تعمل بعدها دبلومة ارشاد بس انا معرفش الدبلومة دى ف كل الكليات ولة لا بس هى الدبلومة مش بتبقا سهله اوى بس مش صعبة يعنى ركز الى هما بياخدوه ف اربع سنين انتةة هتاخده ف سنتين :bosyht9:فبس دة ممكن الى يكون صعب شوية لو شدت حيلك بيس خوش وبقلب جامد;)

ايمان هارون
15-08-2012, 11:30 PM
:friendsxs3:انا نفسى اوح عندكو فى حلوانواحنا كمان بس خليك يابنى جنب اهلك دة انا رغم ان دى اقرب كلية ليا الا انى متمرمتة والقاهرة مش سهل العيشة فيها زى مانتة فاهم هتتمرمت بالاخص ف الموصلات:( ربنااااااااا ياخد الزحمة:angry2: يعنى لو جيت عندنا هيضيع نص محاضراتك على فشنك :078111rg3: خليك المنيا تمام وهتلاقى اصحابك وكدة جنبك مع ان انا معايا بنوتة من المنيا بس ياعينى من اول الدراسة وهى محضرتش كتير ههههه صعبانة عليا :d

Mohammed.G
15-09-2012, 05:03 AM
اشكرك ايمان على التوبيك

للاسف وقفت معايا على اربع درجات فى اللغة

بس دخلت كينج مريوط سياحة

بالتوفيق للجميع

ايمان هارون
18-09-2012, 08:53 PM
اشكرك ايمان على التوبيك

للاسف وقفت معايا على اربع درجات فى اللغة

بس دخلت كينج مريوط سياحة

بالتوفيق للجميع

:av4056bb7jp3::av4056bb7jp3::av4056bb7jp3:الف مبروك باذن الله هتتفوق

treka_100
21-09-2012, 07:29 PM
مجهود رائع ومبروك الاشراف يا ايمان :)

ايمان هارون
21-09-2012, 08:34 PM
الله يبارك فيكك يا محمووووووووووود والمجهود دة من بعض م عندكم

abdalwhab212
04-05-2013, 02:50 PM
السلام عليكم
انا عايز ادخل كليه سياحه وفنادق فى اسكندريه بس انا فى اخر سنه فى دبلوم سياحه وفنادق 5 سنين
ممكن اكمل كليه ؟؟؟ وايه شروط القبول فى الكليه؟؟
ممكن اى حد فى نفس الكليه فى اسكندريه ممكن يفيدنى

ايمان هارون
28-06-2013, 10:29 PM
السلام عليكم
انا عايز ادخل كليه سياحه وفنادق فى اسكندريه بس انا فى اخر سنه فى دبلوم سياحه وفنادق 5 سنين
ممكن اكمل كليه ؟؟؟ وايه شروط القبول فى الكليه؟؟
ممكن اى حد فى نفس الكليه فى اسكندريه ممكن يفيدنىمفيوش شروط يا عبدالواهاب انت بس شد حيلك ف اخر سنة عشان تجيب مجموع يدخل الكلية

abdalwhab212
28-06-2013, 10:37 PM
شكرا جداا
ايمان

abdalwhab212
28-06-2013, 10:39 PM
ممكن سؤال
انا الى بختار الكليه الى انا عابز ادخلها ولا حسب التوزيع الجغرافى ولا حسب المجموع
يعنى انا عايز ادخل اسكندريه ممكن التنسيق يودينى المنصوره ولا ايه ؟؟؟؟؟

treka_100
30-06-2013, 07:18 PM
المجموع والتوزيع الجغرافي
يعني لو مجموعك يجيب الكلية الاقرب ليك يبقى هتدخلها

yasora lola
01-07-2013, 10:24 PM
لو سمحت عندي استفسار
هو الانترفيو ده هو امتحان القدرات بس ؟ و فيه كورسات ليه ؟
وهي كلية سياحة وفنادق في جامعات ايه ؟؟

treka_100
02-07-2013, 02:07 AM
مافيش كورسات ... لان الموضوع مش مستاهل والله ماتقلقيش :)
حلوان - الفيوم - اسكندرية - الاسماعيلية - السادات - المنصورة - المنيا

اللاعيب2008
02-07-2013, 10:18 AM
يا أ ايمان من فضلك ممكن تقوليلنا امته هتفتح الاختبارات .. ضروري جدا عشان الواحد يعمل حسابه

اللاعيب2008
07-07-2013, 02:32 AM
انا رايح بكره الاختبار وربنا يسترها بقي

ايمان هارون
16-07-2013, 06:44 AM
يا أ ايمان من فضلك ممكن تقوليلنا امته هتفتح الاختبارات .. ضروري جدا عشان الواحد يعمل حسابه
سورى ع التاخير ف الرد انا مكنتش متابعه
مافيش كورسات ... لان الموضوع مش مستاهل والله ماتقلقيش :)
حلوان - الفيوم - اسكندرية - الاسماعيلية - السادات - المنصورة - المنيا
حودا جو تو هيل يا مان وحشنا وربنا مبرووووووووك انك خلاص خلصت عقبالى :(
انا رايح بكره الاختبار وربنا يسترها بقيربنا معاك ابقا طمنا عملت اية مع ان الانترافيو سهل اوى وطمنا ع النتيجة انهاردة :d

treka_100
17-07-2013, 01:20 AM
حودا جو تو هيل يا مان وحشنا وربنا مبرووووووووك انك خلاص خلصت عقبالى :( :d

جو تو هيل دي يعني تصحبكم السلامة ؟ :stickjo4:
الله يبارك فيكي عقبالك كده :)

ايمان هارون
19-07-2013, 08:55 AM
ايووووووووووووون يا حودا يعنى زى ما انت فهمت يا صديقي يارب يا حود ربنا يسمع منك يارب واعدى ع خير

Zalabia zOuuza
20-07-2013, 01:21 AM
لو سمحت كنت عاوزه اسال ع الانترفيو
انا روحت سحبت الاستماره من مكتب التنسيق وقالى روحى يوم السبت بس لاقيت واحد ف الكليه كاتب ع الفيس انه يوم الاتنين ، لو روحت يوم الاتنين هلحق وهيبقى ف ولا هيكون خلص
واخد ايه معايا وانا رايحه سواء فلوس او كدآآ :))

mahmoudnashy
20-07-2013, 06:11 AM
هو انا كده الانترفيو فاتني ولا هو لما يطلع التنسيق ولا إيه انا مش فاهم حاجه ؟؟

ايمان هارون
20-07-2013, 07:32 AM
لو سمحت كنت عاوزه اسال ع الانترفيو
انا روحت سحبت الاستماره من مكتب التنسيق وقالى روحى يوم السبت بس لاقيت واحد ف الكليه كاتب ع الفيس انه يوم الاتنين ، لو روحت يوم الاتنين هلحق وهيبقى ف ولا هيكون خلص
واخد ايه معايا وانا رايحه سواء فلوس او كدآآ :))
بصي يا حبيبت قلبى انا ف الكلية ومدام المكتب قالك روحى السبت روحى السبت ولو الى كاتب الكلام دا ف الكلية واسمو عمرو يبقا هو كان بيكلم عن الاسبوع الى فات فهمانى انزلى يا حبيبتى السبت بيبقا متقسم الطلاب ع عدد الايام يا حبيبتى ويوم الاحد اكيد اكدي فى شغل لان النتيجة بتاعتنا هتنزل :\
:friendsxs3:

ايمان هارون
20-07-2013, 07:37 AM
هو انا كده الانترفيو فاتني ولا هو لما يطلع التنسيق ولا إيه انا مش فاهم حاجه ؟؟


لا لازم تمتحن الانترافيو قبل التنسيق عشان موقع التنسيق يجيبلك الكلية لو انت كتبتها ف الرغبات بناء ع انك عملت القدرات ونجحت ربنا معاك روح اسحب استمارة وانزل امتحن بس بسرعه عشان تلحق

Zalabia zOuuza
20-07-2013, 10:15 AM
طب انا مروحتش السبت :(

اعمل ايه اروح الاحد ولا الاتنين ولا خلاص موش اروح بتصل بالكليه موش بيردوآ :(

mahmoudnashy
20-07-2013, 01:01 PM
الحمد لله نزلت وهمتحن بكره الحمد لله
بس انا بصراحه جايب 73%
تفتكروا ممكن مجموعي ميجيبش
مجموعي في الأنجلش حلو وفي اللغه التانيه حلو برده
بس انا علمي وجبت 73 تفتكروا هقبل

nona abd elgany
20-07-2013, 08:44 PM
السلام عليكم
عاملين ايه جميعا يارب تكونو بخير


انا قلقانه جدا ومش عارفه مجموعى دة يدخلنى سياحه وفنادق لان لحد علمى ان مجموعها السنه اللى فاتت فى التنسيق كان فى الستنيات

انا جايبه 69 ونص ومجموعى فى الانجلش 37.5 يعنى 75 %
وجايبه 46 فى الايطالى ومجموع اللغات كامل 83.5

وموضوع امتحان القدرات دة ايه انا مش فاهمه فيه حاجه وبيبقى امتى وفين وكدة

عارفه انى طولت عليكى انا اسفه وربنا يباركلك تردى عليا ضروررررى

المتفائله...
21-07-2013, 12:05 AM
ممكن يفتح باب سحب الاستمارات للقدرات تانى علشان هو قفل النهاردة ولا لا
وينفع حد كان ف اولى كلية حقوق يقدم للكلية ولو بنفع هل بتنسيق السنة اللى فاتت ولا تنسيق السنة دى

treka_100
21-07-2013, 05:30 AM
طب انا مروحتش السبت :(

اعمل ايه اروح الاحد ولا الاتنين ولا خلاص موش اروح بتصل بالكليه موش بيردوآ :(

روحي الكلية اسألي وكل ما كان اسرع كان افضل عشان تلحقي تشوفي هيقولولك ايه وتعمليه

treka_100
21-07-2013, 05:31 AM
الحمد لله نزلت وهمتحن بكره الحمد لله
بس انا بصراحه جايب 73%
تفتكروا ممكن مجموعي ميجيبش
مجموعي في الأنجلش حلو وفي اللغه التانيه حلو برده
بس انا علمي وجبت 73 تفتكروا هقبل

لو التنسيق بتاع سياحة ما اختلفش عن اخر سنتين كتير يبقى هتلحق ان شاء الله

treka_100
21-07-2013, 05:35 AM
السلام عليكم
عاملين ايه جميعا يارب تكونو بخير


انا قلقانه جدا ومش عارفه مجموعى دة يدخلنى سياحه وفنادق لان لحد علمى ان مجموعها السنه اللى فاتت فى التنسيق كان فى الستنيات

انا جايبه 69 ونص ومجموعى فى الانجلش 37.5 يعنى 75 %
وجايبه 46 فى الايطالى ومجموع اللغات كامل 83.5

وموضوع امتحان القدرات دة ايه انا مش فاهمه فيه حاجه وبيبقى امتى وفين وكدة

عارفه انى طولت عليكى انا اسفه وربنا يباركلك تردى عليا ضروررررى

هي السنة اللي فاتت كانت وصلت ل60% لو ما زادتش يبقى هتدخليها ان شاء الله
موضوع امتحان القدرات المفروض انك تسحبي استمارة من مكتب التنسيق وتروحي الكلية يحددولك ميعاد تمتحني فيها ولما تنجحي فيه بيأهلك انك تحطي الكلية ضمن اختياراتك في التنسيق

treka_100
21-07-2013, 05:36 AM
ممكن يفتح باب سحب الاستمارات للقدرات تانى علشان هو قفل النهاردة ولا لا
وينفع حد كان ف اولى كلية حقوق يقدم للكلية ولو بنفع هل بتنسيق السنة اللى فاتت ولا تنسيق السنة دى

السنة اللي فاتت كان قفل وقتحوه تاني عشان الناس ماكنتش عارفة ممكن يحصل السنة دي بردو
وينفع بتحولي بتنسيق السنة بتاعتك

mahmoudnashy
22-07-2013, 01:33 PM
انا رحت امتحن النهارده بس في الاول قولت كلمت University صح
تاني مره قولتها يونيفيرسال ههههههههههههه :D
و نطقت كلمه مسجد غلط :/
كل ده بسبب الأرتباك والخوف :/ :/
ومعرفتش عاصمه شمال سينا خفت اقول العريش تطلع غلط
بس الدكتور ساعدني بس خايف حاس إني مش هطول ارشاد

ايمان هارون
23-07-2013, 02:18 AM
انا رحت امتحن النهارده بس في الاول قولت كلمت University صح
تاني مره قولتها يونيفيرسال ههههههههههههه :D
و نطقت كلمه مسجد غلط :/
كل ده بسبب الأرتباك والخوف :/ :/
ومعرفتش عاصمه شمال سينا خفت اقول العريش تطلع غلط
بس الدكتور ساعدني بس خايف حاس إني مش هطول ارشاد
ههههههههههههههههههه حبيبى يابنى وحياتك انا لم قالتلى عرفى نفسك قولتلها try again ههههههههههه يا سيدي دول ناس عسل ونبى :av4056bb7jp3:بس بم انك ارشاد هيوافقو بيك انت بتكلم ف اية هتدفع فلوس هياخدوك بس شوف نتيجة القدرات بس مدام عرفت نفسك صح يبقا خلاص وهما بيقدرو اللغبطة دى

mahmoudnashy
23-07-2013, 01:11 PM
ههههههههههههههههههه حبيبى يابنى وحياتك انا لم قالتلى عرفى نفسك قولتلها try again ههههههههههه يا سيدي دول ناس عسل ونبى :av4056bb7jp3:بس بم انك ارشاد هيوافقو بيك انت بتكلم ف اية هتدفع فلوس هياخدوك بس شوف نتيجة القدرات بس مدام عرفت نفسك صح يبقا خلاص وهما بيقدرو اللغبطة دى

هههههههههههههههههههههههههه
هي النتيجه هجبها من هناك صح ؟

ياسمين نصار
23-07-2013, 11:01 PM
لو سمحتوا هو انا مكنش اعرف المواعيد ينفع اروح تانى ولا كدا خلاص..ولونفع هاروح امتى وفين؟انا من المنوفية

zxcvbnmasd098765
02-08-2013, 05:11 AM
ﺍﺭﺟﻮﺍ ﻣﺴﺎﻋﺪﺓ ﺍﻧﺎ ﻋﺮﻓﺖ ﺍﻥ ﺍﻣﺘﺤﺎﻥ ﺍﻟﻘﺪﺭﺍﺕ
ﻓﺘﺢ ﺗﺎﻧﻰ ﺑﺲ ﺍﻟﻤﺸﻜﻠﺔ ﺍﻧﻬﻢ ﻫﻴﺼﻔﻮﺍ
ﻛﺘﻴﺮ ﻣﻦ ﺍﻟﻠﻯﻬﻴﺮﻭﺣﻮﺍ ﺍﻻﻣﺘﺤﺎﻥ ﻋﺸﺎﻥ
ﻋﺎﻳﺰﻳﻦ ﻋﺪﺩ ﻣﺤﺪﻭﺩ ﺍﺭﺟﻮﺍ ﺷﺮﺡ ﺍﻟﻤﻘﺎﺑﻠﺔ
ﺑﺎﻟﻜﺎﻣﻞ ﻭﻟﻤﺎﻳﺠﻰ ﻳﻘﻮﻝ ﻋﺮﻑ ﻧﻔﺴﻚ
ﺍﺗﻜﻠﻢ ﻋﻦ ﺍﻻﺳﻢ ﻭﺍﻳﺔ ﺗﺎﻧﻰ ﻭﻟﻤﺎ ﻳﺴﺄﻝ
ﻟﻴﺔ ﺩﺧﻠﺖ ﻗﺴﻢ ﺩﺭﺳﺎﺕ ﺳﻴﺎﺣﻴﺔ ﻭﻳﻘﻮﻟﻮﺍ
ﺭﺩ ﺑﺎﻻﻧﺠﻠﺶ ﺍﻗﻮﻝ ﺍﻳﺔ ﺑﺎﻟﺘﻔﺼﻴﻞ ﻭﺷﻜﺮﺍ
ﻭﻣﺘﻄﻠﺒﺎﺕ ﺳﺤﺐ ﺍﺳﺘﻤﺎﺭﺓ ﻗﺪﺭﺍﺕ ﺣﻠﻮﺍﻥ ﻣﻦ
ﻧﺎﺣﻴﺔ ﺭﻗﻢ ﺍﻟﺠﻠﻮﺱ ﻭﻻ ﺷﻬﺎﺩﺓ ﺍﻟﻨﺠﺎﺡ ﻭﻻ
ﺍﻳﺔ طب لو انا اخترت قسم درسات فندقية وسألنى لية اقول لة اية بالانجلش والعربىوشكر

Amr 28
17-08-2013, 02:04 AM
طب حضرتك انا عندى استفسار
انا جايب 35.5 فى الانجليزى
و مجموعى 63% و ظاهرلى فى الرغبات ان ممكن اخش سياحة و فنادق
عايز اسال بقة هو المكتب اللى بسحب منة الملف بتاع الاختبار اللى فى جامعة القاهرة شغال دلوقتى فى الاحداث اللى بتحصل ولا لا و من الساعة كام ل كام
و الاختبار بيبقة من امتى ل امتى و عبارة عن اية و شغال فى الوقت الحالى ولا لا

ايمان هارون
17-08-2013, 01:45 PM
طب حضرتك انا عندى استفسار
انا جايب 35.5 فى الانجليزى
و مجموعى 63% و ظاهرلى فى الرغبات ان ممكن اخش سياحة و فنادق
عايز اسال بقة هو المكتب اللى بسحب منة الملف بتاع الاختبار اللى فى جامعة القاهرة شغال دلوقتى فى الاحداث اللى بتحصل ولا لا و من الساعة كام ل كام
و الاختبار بيبقة من امتى ل امتى و عبارة عن اية و شغال فى الوقت الحالى ولا لا
هو شغال بكرة بس معرفش فيخ سحب استمارات وله لا روح اسال

marinaaraby
19-08-2013, 04:56 AM
معلش بس في حاجه انا موش فاهماها دلوقتي انا عاوزه ادخل ارشاد سياحي او سياحه انجليش لازم يكون مجموع الانجلش عندي اعلي من اربعين وانا جايبه 41 بس اللي انا موش فهماه يعني اييه المجموع الكلي يبقي 80 موش فاهمه دي يعني انا جايبه مجموع ثانوي 78.9 هو ده المجموع الكلي ??????????? يعني انا كه موش هينفع ادخلهاااا ????????????? Plzzzzzzz answere meeeeee

ايمان هارون
20-08-2013, 12:30 AM
معلش بس في حاجه انا موش فاهماها دلوقتي انا عاوزه ادخل ارشاد سياحي او سياحه انجليش لازم يكون مجموع الانجلش عندي اعلي من اربعين وانا جايبه 41 بس اللي انا موش فهماه يعني اييه المجموع الكلي يبقي 80 موش فاهمه دي يعني انا جايبه مجموع ثانوي 78.9 هو ده المجموع الكلي ??????????? يعني انا كه موش هينفع ادخلهاااا ????????????? Plzzzzzzz answere meeeeee
حبيبتى ينفع تخوشي سياحة انجليزى وتخوشي ارشاد مجموعك يجيب :)

Wafaa Farg :D
06-08-2016, 09:03 AM
اوك انا لساا مخلصه ثانويه عامه و هقدم ف تنسيق المرحلة التانيه :bosyht9: و كنت بفكر ف سياحةوفنادق او تجارة ف انتوا ايه رايكوا بالنسبه للى شغلها احسن ف المستقبل :d
و الانترفيوا دا بيتعمل قبل الستمارت التنسيق ولا بعدها و بيتعمل فين ؟
و انا ناقصه ف الانجلش 4 درجات و الفرنساوى 1.5