ازيكـم كلكم
عاملين ايه
يارب تكونوا بخير

عاوزين نناقش النهارده و نكون كلنا مع بعض
بما ان ان اكتر الناس بدات دروس كتيره و انا منهم :d
المهم كل واحد هيدخل الموضوع لازم يشارك ياما :stickjo4:
عاوزين نشارك كلنا عشان نستفاد كلنا


المطلوب منك : تدخل تكتب رد تقول فيه ايه نظامك ف المذاكره و مثلا
انا بحب ماده كذا .... كنت بجيب كتب كذا و تحل فيه الوقت كذا
و كانت ماده مش بحبها الهى كذا .... و مع ذلك جبت درجه حلوه بسب كذا
و هكذا و هكذا
يعنى المضمون تقول كنت بتعمل ايه ف الثانويه سواء 2 او 3
و بتذاكر ازاى و نظامك كان ازاى
و ياريت كل واحد يدخل يكتب مجموعه ( اختيارى لو مش عاوز خلاص ) :rolleyes:

شعـار الموضوع : شـارك بكلمه مدام تقدر تفيد

تحيــــــاتى
جديد و جديد

انا كنت فى تانية السنة اللى فاتت .. بس لسه مبدأتش دروس تالتة .. هبدأ بعد العيد ان شاء الله

بالنسبة لسنة تانية انا تقريبا مكنتش بحب المواد كلها لسبب بسيط جدا انى لقيت ان القاسم المشترك بينهم كلهم هو الحفظ

حتى الكيمياء ... لازم احفظ التعريفات والشرح والعلل .. والديباجة بتاعت كل حاجة عشان اضمن انى ابقى كاتبة زى النموذج وان المصحح ا يتلككليش على اى حاجة .. ودة طبعا كان شئ ممل ورخم جدا بالنسبة لى

بس بصفة عامة كنت بحاول احل كتيير اوى فى كل المواد خاصة الانجيليزى .. كنت بحاول اعرض نفسى لكل انماط الاسئلة اللى ممكن اواجهها فى الامتحان " ومع ذلك لقيت بردة حاجات تانية خاااااالص فى الامتحان " ما علينا

الحمد لله درجاتى كويسة وجبت 202 " 98.5%" بس ناقصة من ال 3 درجات دول 2.5 عربى بس !!! :( :( عامة الحمد لله على كل شئ بالرغم من انى كشفت على الورقة ولقيت فيها العجب

هحاول السنة الجاية ان شاء الله احسن مجموعى شوية واشد حيلي اكتر شويتين عشان ربنا يكرمنى بالكلية اللى بتمناها

بالنسبة لنظام المذاكرة بقى انا شايفة انه بيختلف من شخص للتانى .. يعنى ممكن نظامى انا يبقى مفيد ومناسب ليا لكن مضر جدا لناس تانيين .. بس اهم حاجة فى الموضوع ان الواحد يبذل مجهود فظيع ويحس التعب عشان ربنا يقدره ويعوضه خير عن تعبه دة

ونصيحة بجد لكل الناس .. اهم حاجة تختار مدرسيين كويسين .. يدربوك على شكل الامتحان من اول السنة ويقولولك ايه اللى يتكتب وايه اللى مايتكتبش .. وتانى حاجة لازم تشتغل فى وسط مجموعة كويسة وشاطرة وعندها استعداد لو اداس عليها تشتغل ... واخيرا بقى حاول انت ومجموعتك الشاطرة دى تتفقوا مع المدرس الشاطر دة انكوا تخلصوا المنهج بدرى على قد ما تقدروا عشان يبقى قدامكوا اكبر فرصة ممكة لانكوا تراجعوا وتحلوا لان المراجعة فى وجهة نظرى اهم من المذاكرة ذات نفسها

يا رب اكون افدتكوا .. تقبلوا مرورى :)

انا كنت فى تانية السنة اللى فاتت .. بس لسه مبدأتش دروس تالتة .. هبدأ بعد العيد ان شاء الله

بالنسبة لسنة تانية انا تقريبا مكنتش بحب المواد كلها لسبب بسيط جدا انى لقيت ان القاسم المشترك بينهم كلهم هو الحفظ

حتى الكيمياء ... لازم احفظ التعريفات والشرح والعلل .. والديباجة بتاعت كل حاجة عشان اضمن انى ابقى كاتبة زى النموذج وان المصحح ا يتلككليش على اى حاجة .. ودة طبعا كان شئ ممل ورخم جدا بالنسبة لى

بس بصفة عامة كنت بحاول احل كتيير اوى فى كل المواد خاصة الانجيليزى .. كنت بحاول اعرض نفسى لكل انماط الاسئلة اللى ممكن اواجهها فى الامتحان " ومع ذلك لقيت بردة حاجات تانية خاااااالص فى الامتحان " ما علينا

الحمد لله درجاتى كويسة وجبت 202 " 98.5%" بس ناقصة من ال 3 درجات دول 2.5 عربى بس !!! :( :( عامة الحمد لله على كل شئ بالرغم من انى كشفت على الورقة ولقيت فيها العجب

هحاول السنة الجاية ان شاء الله احسن مجموعى شوية واشد حيلي اكتر شويتين عشان ربنا يكرمنى بالكلية اللى بتمناها

بالنسبة لنظام المذاكرة بقى انا شايفة انه بيختلف من شخص للتانى .. يعنى ممكن نظامى انا يبقى مفيد ومناسب ليا لكن مضر جدا لناس تانيين .. بس اهم حاجة فى الموضوع ان الواحد يبذل مجهود فظيع ويحس التعب عشان ربنا يقدره ويعوضه خير عن تعبه دة

ونصيحة بجد لكل الناس .. اهم حاجة تختار مدرسيين كويسين .. يدربوك على شكل الامتحان من اول السنة ويقولولك ايه اللى يتكتب وايه اللى مايتكتبش .. وتانى حاجة لازم تشتغل فى وسط مجموعة كويسة وشاطرة وعندها استعداد لو اداس عليها تشتغل ... واخيرا بقى حاول انت ومجموعتك الشاطرة دى تتفقوا مع المدرس الشاطر دة انكوا تخلصوا المنهج بدرى على قد ما تقدروا عشان يبقى قدامكوا اكبر فرصة ممكة لانكوا تراجعوا وتحلوا لان المراجعة فى وجهة نظرى اهم من المذاكرة ذات نفسها

يا رب اكون افدتكوا .. تقبلوا مرورى :)

شكـرا لمرورك الرائع
و الكلام الجميل جدا الانتى كتبتيه و انا بجد استفدت جدا
انا بارو كنت ف 2 السنه الفاتت و 3 السنه دى ان شاء الله
بس انا بدات 3 دروس :d لسه فاضلى درسين
ربنا معانا

فكرة حلوة بردو انا بردو داخل 3 جبت 94 فى المية مع ظلم فى العربى 3 درجات الحمد لله و حسبى الله و نعم الوكيل فى المصحح اللى نقصنى 7 درجات عربى المهم طريقة المذاكرة بالنسبة للثانوية المصرية بيبقى معظمها للاسف حفظ مع شوية توفيق من ربنا على شوية فهم على ما قسم انا هكمل علمى علوم و مش عارف السنة دى هتعدى ازاى ربنا يسهل ادعووووووووووووووووولى تقبلو مرورى

ازيك يا مارك
اناالحمد لله جبت 90.4% وبشكر ربنا اوى لانى والله مذكرت الا فى ايام الامتحانات كان عندنا ظروف كتير مكنتش بعرف اذاكر منها
بس احنا لازم نتك ع نفسنا السنه دى مع انى مضايقه من حكاية الحفظ دية انا كنت علمى بس حولت ادبى وبدات درس عربى وفلسفه وانجليزى لسه التاريخ وعلم النفس
وبالنسبه للمذاكره لازم نذاكر بتركيز حتى لو وقت قصير ده الى اناعملته فى الايام القليله الى ذكرتها

هو أنا لسا داخلة تانية أشارك ولا اى ؟

اتفضلى طبعاااااا

طيب ..

انا داخلة تانية ان شاء الله وبدأت دروس انجليزى وفرنساوى ورياضة تقريبا بقالى كدا نص شهر بادئة وناوية ان يبقى تركيزى الأكبر ع الانجليزى عشان كدا انا كل يوم بحفظ صفحتين كلمات ويارب استمر علي كدا أيام الدراسة بالاضافة طبعا للجرمير والحل عليه بس انا لسا مشترتش كتب وأى كتب موجودة هجيبها انا عايزة اما توب ستيودنت او سربرايز أو سنيور أى حاجة موجودة منهم هجيبها وكمان أتدرب على كتابة براجرافات كتير بس لما الدراسة تبدأ

وكمان الأحياء بما إنى هاخدها ف الترم الأول هثبتها هى والانجليزى كل يوم وف الترم التانى هيبقى الفيزيا والانجليزى هما اللى هثبتهم

العربى بقى انا جبت كتاب الأضواء عشان هو اللى نزل لحد دلوقتى

امممم ومش عارفة اى تانى بس انا شاء الله ناوية ازاكر السنادى وكأنى ف ثانوية عامة بالظبط

وخايفة أوى م الانجليزى عشان لما دخلت أولى ثانوى ازبهليت م الانجليزى اللى انا شوفته كأنى اصلا طول سنين الابتدائى والاعدادى دى مفيهاش انجليزى خالص


اه وكمان انا هحب كل المواد عشان اعرف ازاكرها ومش هخلى حد يعقدنى من أى حاجة

موضوع رائع يا مارك وحيفيد ناس كتير معانا
ثانكس

شكرا ع المشـاركات الجميله دى
و بجد بنستفاد من بعض
تحيـــــاتى

موضوع رائع يا مارك وحيفيد ناس كتير معانا
ثانكس

لالالالالا ميرضنيش ثانكس دى
هو عشان بقيت مشرف متشاركش
لا هتقول ايه نظامك :d
يلا شارك

لالالالالا ميرضنيش ثانكس دى
هو عشان بقيت مشرف متشاركش
لا هتقول ايه نظامك :d
يلا شارك

ههههههههههههههه
يا حبيبى خلاص أنا ودعت الثانوى
حشارك بإيه بس

ههههههههههههههه
يا حبيبى خلاص أنا ودعت الثانوى
حشارك بإيه بس

حتشارك تقول كان ايه نظامك
هتحول من فعل بعمل لفعل كنت بعمل
يلا قول ايه نظامك و قلد الباقيين و قووووووووووووووول
ماهو انا مش هسيبك تدخل ف موضوع ليا و تقول ثانكس بس
انا رزل بقى هههههههه :d

المطلوب منك : تدخل تكتب رد تقول فيه ايه نظامك ف المذاكره و مثلا
انا بحب ماده كذا [color="black"]كنت بحب العربى والرياضه 2 كنت بجيب كتب كذا العربى جبت كتاب المعلم بتاع الإمتحانات ساعدنى كتير جدا والله لكن الرياضه جبت لامى لكن محلتش فيه كتير خالص و تحل فيه الوقت كذاكنت بذاكر فى أوقات عشوائيه مش محدد وقت معين يعنى
و كانت ماده مش بحبها الهى كذا الإنجلش يخربيت مامته كنت بكرهه وكنت بدخل الإمتحان بتاعه بهر وجبت فيه كتاب bit bybit بس كتاب جامد و مع ذلك جبت درجه حلوه بسب كذاجبت ف 2 22.5 و ف 3 24 مش عارف دى حلوه ولا لأ
و هكذا و هكذا
يعنى المضمون تقول كنت بتعمل ايه ف الثانويه سواء 2 او 3
و بتذاكر ازاى و نظامك كان ازاىبذاكر عادى جدا مش محدد وقت لأى ماده مذاكره عشوائيه يعنى يعنى يوم أذاكر التانى لأ وهكذا .....
و ياريت كل واحد يدخل يكتب مجموعه ( اختيارى لو مش عاوز خلاص ) :rolleyes:

شعـار الموضوع : شـارك بكلمه مدام تقدر تفيد

[/center]

تمام كده يا باشا

تمام كده يا باشا

ايوه كده خلاص عدى
ههههه نورت يا خالوووووووود

اهم حاجة ان الواحد يعتمد على الحل الكتير للاسئلة والامتحانات والمراجعة المستمرة ونصيحة منى ......كتااااااااااااااب المدرسة اهم حاجة........ +التركيز ..الرسالة كدة وصلت

انا كنت فى 2 ثانوي وداخلة 3 وبدأت كل الدروس انا علمى علوم
كنت بحب اذاكر الصبح يعنى من الساعة 7 كده لحد الساعة 2
وبعدين اروح الدروس وارجع انام اواكمل مذاكرة لو رجعت بدرى
( الدروس بتاكل الوقت والواحد بيرجع تعبان ومش قادر)
كنت بحب الكيميا لأن المستر بتاعها كان مهتمة بمادته اوى وكان بيعمل امتحانات كتير
وجبت فيها 50 (كنت بشتفل من مذاكرات المستر ومن كتاب المدرسة وكتاب الوسام)
الانجليزى كنت بكره وهو اكتر مادة نقصت فيها و حولت اعلى مستويا فيه لكن معرفتش وخايفة منه السنادى اوى (لو حد عنده نصيحة ليا ازاى ازود مستويا فى الانجليزى )وكنت بشتغل من سنيور وذا بست وجبت فيه 23.5 مع انى اعرف ناس جيبين مجموع اقل منى لكن مقفلين الانجليزى
اما باقى المواد كانت عادى
العربى كنت بذاكره لما المستر يعمل امتحانات وجبت فيه 29.5 (كنت بذاكر من مذكرات المستر وكتاب الاضواء وكتاب الامتحان )
والرياضة مش كنت بذاكرها كتير لأن المستر مش كان مهتم وجبت فيها49 (كنت بذاكر من كتاب لامى )
والفرنساوى كنت بحبه وجبت فيه 50 (كنت بذاكر من مذكرات المسيو )
انا جبت 98.5 % ونفسى ارفع مجموعى لكن خايفة من الانجليزى والفيزيا
انا شايفة انه اهم حاجة ان الواحد يعمل اللى عليه ويبذل ما فى وسعه ويثق بالله ويختار مدرسين شاطرين وبيعملوا امتحانات كتير (اهم حاجة الامتحانات)

انا في الصف الأول الثانوي العام منازل وأريد مساعدتكم بأن ترسلوا لي دروس أولى ثانوي مرئية حتى يتسنى لي المذاكرة لأنه ليس لدي وقت لكي أذهب إلى المعاهد لكي أتلقى الدروس
ولا تنسوا أن ترسلوا لي كيفية المذاكرة
بارك الله فيكم ونفع بكم
nour eldin mahmoud هذا اسمي على الفيس بوك

حلو الموضوع ده ياريت يرجع تانى