لو سمحتم عايز أعرف علوم حاسب أفضل ولا نظم ومعلومات ادارية من حيث فرص العمل والفرق بينهم

علوم حاسب حاجة ونظم معلومات ادارية حاجة تانية خالص ,
1-علوم الحاسب = حاسبات ومعلومات .
2-نظم معلومات ادارية = تجارة .

نظم المعلومات الادراية مش ليها علاقة بهندسة البرمجيات او تطويرها او بعلوم الحاسب ولا حتى المواد لذلك الافضل علوم الحاسب

شكرا جدا على رد حضرتك بس ممكن لو سمحت تقولى بعد لما أخلص علوم حاسب فرصة العمل أيه ظروفها وممكن تكون الاماكن فيين

فرصة العمل كويسة بس مش معنى كدا انك هتتخرج هتعد فى البيت وتستنى الوظيفة تجيلك لا , لازم تبحث عنها عشان مش تشتغل اي شغلانة والسلام وبالنسبة للأماكن , اي حتة تتخيلها ممكن تشتغل فيها شركة , مؤسسة , منظمة , مصنع , مول , قناة تليفزيونية , مدينة ملاهي , جامعة خاصة , جامعة حكومية .

- طبعاً الشغل والمسئوليات انواع يعني ممكن تشتغل مهندس شبكات ( مسئول عن شبكات الشركة الفلانية او المؤسسة الفلانية وعن البيانات بتاعتها ) او ممكن تشتغل مهندس برمجيات (مطور) ( مسئول عن تطوير برامج الشركة او المؤسسة إلخ ) او ممكن تشتغل مدير it ودا شغل عام يعني مسئول عن اجهزة المصنع كله او الشركة كلها وتعملها صيانة بصفة دورية ومسئول عن الملفات اللى جواها .

او ممكن تشتغل لدى شركة برمجيات , الشركة دي هتبقا الوسيط بينك وبين المنوط بالعمل

يعني مثلا لو اشتغلت فى شركة مصر سوفت مثلا هتعمل وتصمم مواقع لشركات متعاقدة مع مصر سوفت انها تطورلها موقعها بصفة مستمرة , او ممكن تشتغل فى مجال الجرافيك بس انا مش بحبذه لأن الكلية مش معمولة عشان الجرافيك الكلية معمولة لهندسة البرمجيات وتحليل النظم وعلوم الحاسب وحلوله .