عن التحويل الورقي [الأرشيف] - بوابة الثانوية العامة المصرية

222ahmed222

13-08-2012, 09:35 PM

السلام عليكم ورحمة الله تعالى وبركاته
ازيكم يا شباب؟
اعرفكم بنفسي
طالب من المنيا مخلص اعدادي هندسة في جامعة القاهره
انا كان لازم اعرف نفسي بالطريقه دي عشان دا له علاقه بالموضوع
انا السنه ال فاتت لما كنت زيكم كدا منتظر التحويل
كانت بتطلع نفس الإشاعات الفاضية دي
أولاً : إن التحويل الورقي اتلغى خلاص ومش هيتفتح
ثانياً : إن مصاريف التحويل الورقي بتوصل من 2000 إلى 3000 جنيه
ثالثاً انهم مبيقبلوش حد في الآخر إلا قله قليله
وللعلم إنّ فتح التحويل الورقي بيتوقف على وزير التعليم العالي نفسه وليس هذا من شأن كل جامعه على حده
فلا يجوز لجامعة ان تفتح باب التحويل الورقي وغيرها لا يفتح
لأنّي ذهبت إلى وكيل الوزارة وهو أراني بنفسه الفاكس الذي قدم إليه من الوزير والذي أرسله بدوره إلى كافة الجامعات لفتح باب القبول التحويلات الورقيه
......................
انا كنت جايب 400 من 410
فمجموعي كان اعلى من هندسة القاهره ب 4 درجات
بس كوني من المنيا فبالتوزيع الجغرافي جتلي هندسة المنيا لأنّها في المنطقه أ
قدمت في تقليل الإغتراب على النت بس بالطبع ماتقبلتش لأنّي واخد الثانوية من المنيا
قعدت ابحث كتيير عن كيفية التحويل لهندسة القاهره
فعرفت التحويل الورقي دا
وشوفت كل الإشاعات ال كتبتهالكم دي
بس يوم 21/8/2011
اتفتح التحويل الورقي
وروحت حولت واتقبلت والحمدلله
فكل ال عايز اقوله
إنّكم متلتفتوش للإشاعات ال بتطلع دي وخلاص
ونستنى بكرا
ممكن فعلاً ميتفتحش التحويل الورقي
بس مش اكيد فبلاش تحبطوا نفسكم بنفسكم
طب ف حال إنّه اتفتح بإذن الله
ايه الطلبات المطلوبه مني عشان تتقبل؟
................
طلبات التحويل :
1- صورة لشهادة الدرجات
2-صورة لشهادة الميلاد
3-إثبات سكن أصلي مضى عليه 6 شهور او اكثر " وصل ميه او كهربا او غاز طبيعي او تليفون" يكون بإسم الطالب او إسم الوالد او اسم الوالده ولا يقبل غير هذا
4- مصاريف التحويل او مظروف التحويل بيكون ب 150 جنيه يعني مش 2000 جنيه ولا 3000 زي ما بتسمعوا.
5- طبعاً إنّك تكون جايب الحد الأدنى للكلية ال هتحول ليها
بمعنى إنّك مثلاً هتحول لهندسة القاهره وهي واخده 97.2%
بس أقل هندسة واخده من 94.5%
فهو دا المجموع ال المفروض تكون جايبه 94.5% مش 97.2%
مع الأخذ في الإعتبار إنّهم بياخدوا الطلبه ال بيتقبلوا بأولوية الدرجات
يعني هرجع للمثال بتاعي ال هو انا
ماتقبلش في التحويل الورقي إلا الطلبه ال جايبين بحد ادنى 398 فما فوق
مع إنّ هندسة القاهره كانت واخده من 396
بس اتقبل من فوقيها ف التحويل
طب هل دا مع كل الكليات؟؟؟
لا طبعاً بس الموضوع كله إنّ كليات القاهره وعين شمس بيبقى اكتر كليات عليها ضغط ورغبه ف التحويل إليها
فمن كثافة الطلبه
بيزودوا مجموع القبول
جدير بالذكر أنّ التحويل يكون في مكتب التنسيق التابع للجامعه المراد التحويل إليها وليس في الكليه نفسها هناك يقع مكتب يدعى مكتب التحويلات يتم التحويل من خلاله
وبالنسبة لأولئك الذين يقولون ان التحويل قد تم فتحه من اول الشهر
فهذا التحويل للطلاب الذين أمضوا سنه في الجامعه على الأقل
يعني مثلاً واحد زيي خد اعدادي هندسه ف القاهره وعايز يحول للزقازيق مثلاً
اما ال جيين من ثانوي فلسه ماتفتحش
وربنا يوفقكم جميعاً يااارب
وأتمنى موضوعي يكون فادكم

جمــ الروح ـال

13-08-2012, 10:13 PM

222ahmed222

13-08-2012, 10:17 PM

جزاك الله كل خير

وربنا يوفق الجميع

كويس انك لفت نظرى لموضوع اثبات السكن ده معرفتهوش

يلا نعرف نتيجه التحويل الالكترونى وبعدين نشوف
طيب حضرتك متعرفش امتى نتيجة الالكترونى ؟

وبالنسبه للورقى بعرف قبلت ولا لا فى يومها ولا له نتيجة زى الالكترونى ؟
ههههههههه
لأ أبشري
أولاً ماعرفش شيء عن موعد ظهور نتيجة التحويل الإلكتروني عشان افيدك فيه للأسف :(
أما عن التحويل الورقي
فأبشري :d :d
مش هيظهر في نفس اليوم طبعاً
ومش بس كدا
دا ظهر عندنا في الكليه بعد بدأ العام الدراسي ب 3 اسابيع او شهر تقريباً
هو انتي احمدي ربنا اوي لو قبلوا انهم ياخدوا الورق بتاعك
اما انهم يقولولك هتقبلي في الكليه ولا لأ دا صعب
بس هو تقريباً أغلب ال بيستوفوا الشروط بيقبلوا
وربنا يوفقك بإذن الله والجميع
نورتي بمرورك
وانا تحت أمركم جميعاً ف أي شيء

abaza121

13-08-2012, 11:29 PM

طيب ايه المفروض اعملوا يعني السنة هتبدا من غير ماقدم ولا المفروض اقدم في الكلية اللي جاتلي ارجوك
فهمني ازاي النتيجة بتطلع متاخر اوي كده

222ahmed222

13-08-2012, 11:40 PM

طيب ايه المفروض اعملوا يعني السنة هتبدا من غير ماقدم ولا المفروض اقدم في الكلية اللي جاتلي ارجوك
فهمني ازاي النتيجة بتطلع متاخر اوي كده
هو مش هيفرق إذا قدمت أو لأ
بس نصيحه من أخيك يعني
الأفضل إنّك تقدم وتخلي حاجه مضمونه في ايدك
وهم لما النتيجه هتظهر بإذن الله
هيدوك جواب في الكليه تقدر من خلاله تسحب ملفك من الكليه القديمه
وتروح تقدم ف الكليه ال محول ليها بقى
وربنا يوفقك يارب

Mechanical Flower

14-08-2012, 01:02 AM

ماما ميا ميا

14-08-2012, 01:14 AM

جزاك الله كل خير

HoTTaz

14-08-2012, 01:41 AM

فى حالتك دى .. التحويل بيكون اسهل ، انما لما يكون مجموع الطالب اقل من الكلية اللى هو عاوزها ،،
هنا بيكون المشكلة !!

222ahmed222

14-08-2012, 01:52 AM

انا جتلى هندسه شبين وانا عايزه احول اسكندريه
كده مش هروح اسكندريه من اول السنه
هروح شبين الأول على ما تظهر نتيجة التحويل !!
ولا هيكون ايه النظام ده ؟!!
سؤال تانى أعرف مكتب التنسيق التابع ليه جامعة اسكندريه منين
ولا هو فين عنوانه لو حد عارف ؟؟ ( هو اللى في سموحه ؟؟ )
ولو هو حد يقولى العنوان بالظبط ايه ؟
بصي حضرتك
انا كنت بحضر ف القاهره من أول السنه
لحد ما ظهرت نتيجتي
يعني هو براحتك
في كلا الحالتين فيها مجازفه
لو حضرتي ف اسكندريه ومقبلتيش ف التحويل يبقى ضاعت محاضراتك ال ف شبين
ولو حضرتي ف شبين واتقبلتي يبقى ضاعت محاضراتك ف اسكندريه
بس انا عن نفسي قولت مجازفه بمجازفه فحضرت ف القاهره
اما موضوع المكان دا آسف ماعرفش عنه حاجه ياريت حد يفيدك

222ahmed222

14-08-2012, 01:58 AM

جزاك الله كل خير
جزاني وإياكم يا دكتوره

222ahmed222

14-08-2012, 02:00 AM

فى حالتك دى .. التحويل بيكون اسهل ، انما لما يكون مجموع الطالب اقل من الكلية اللى هو عاوزها ،،
هنا بيكون المشكلة !!
آه طبعاً انا متفق مع حضرتك
بس دا بيختلف على حسب المكان ال انت هتحول له
يعني مثلاً لو بتحول من طب أي جامعه لجامعة المنيا مثلاً
بما إنّ معليهاش طلب كبير اوي
فمهما كنت نازل عنها ف الدرجات هتتقبل
لأنّهم بيقبلوا 10% من القدرة الإستيعابيه للكليه
فهو ال عايزين يحولوا اصلا مش هييجوا 10% لأنّها كليه معليهاش طلب

medo20066167

14-08-2012, 02:05 AM

esraaegypt

14-08-2012, 02:15 AM

222ahmed222

14-08-2012, 03:09 AM

طب بعد اذنك انا مرضيتش اكتب فى التحويل الالكترونى لان التحويل الالكتروني كتبلى اداب انتساب حلوان فقط والتنسيق بتاعي جابني اداب دمياط انتظام والمشرف اللى كان واقف معايا في الموضوع بتاع التنسيق الالكتروني قال ليا ليك انتظام عشان انت تقليل اغتراب حتى لو مجموعي مش جايبها بمعنى اني ممكن احول اداب انتظام عين شمس عشان انا من القاهرة وقالى موضوع المجاميع دة مابيتكلموش عليه الا لما بيكون الطالب عايز يحول من كلية لكلية فى نفس المحافظة فقط لكن تقليل الاغتراب مابيبصوش على المجاميع واكتر من واحد فى عين شمس قالى الكلام دة فايه راي حضرتك فى الكلام دة؟ حاجة تانية برضو عايز اعرفها لوقدر الله ورضوا ياخدوات مني الفلوس وكدة اللى هما ال150جنيه هل لو انا ماتقبلتش هاخد الفلوس دي تاني ولا خلاص كدة راحت عليا مستني رد حضرتك مفصلا عشان انا تعبت اليومين اللى فاتوا دووووووووول من المشاوير والحر ووجع القلب بعيد عنك.
أولاً كان نفسي افيدك في الموضوع الأول دا بس انا ماعرفش اي شيء في التحويل الإلكتروني للأسف
ومن قال لا أعلم فقد أفتى
أما الموضوع الثاني فللأسف الفلوس لو ماتقبلتش مش هترجعلك
لأنّ الفلوس دي المفروض هي تمن مظروف هيدوهولك
فالمظروف مش هيبقى صالح إن حد غيرك يستخدمه لأنّك هتكتب بياناتك عليه
فهيبقى منتهي الصلاحيه
وربنا يوفقك يارب وتقبل في التحويل الإلكتروني دون الحاجه للتحويل الورقي

222ahmed222

14-08-2012, 03:11 AM

ربنا يكرمك موضوع مفيد لينا جدا

انا جاتلى صيدلة الاسماعيلية وأنا ليا فى أ عين شمس والزقازيق
ولو كنت حولت عالنت كان لازم احول للزقازيق عشان هى الحد الأدنى الأقل
انا عايزة احول ورقى عين شمس .. ايه المطلوب وهيبقى امتى ؟
أولاً ألف مبروك يا دكتوره
ثانياً المطلوبات انا كتبتها بتاعة التحويل الورقي كلها كتبتها
ثالثاً المعاد مبيبقاش حد عارفه من قبلها خالص بتبقى كلها تكهنات ع الفاضي
بس هو هيبقى بعد العيد بإذن الله دا إذا فتح إن شاء الله
وانا بإذن الله مجرد ما هيفتح هعمل توبيك جديد هنا واقولكم
ولكل ال سألني ع المعاد هبعتله رساله خاصه اعرفه فيها
ومره تانيه نورتي الموضوع وربنا يوفقك يارب

dalia_x

14-08-2012, 03:20 AM

لما جيت تقدم فى التحويل الالكترونى لتقليل الاغتراب على الانترنت و عرفت انه متقبلش كانت تالنتيجة بتاعت التحويل ظهرت كام يوم بعد ما قدمت التحويل؟

sarathanwea

14-08-2012, 03:21 AM

طب بعد اذنك انا مرضيتش اكتب فى التحويل الالكترونى لان التحويل الالكتروني كتبلى اداب انتساب حلوان فقط والتنسيق بتاعي جابني اداب دمياط انتظام والمشرف اللى كان واقف معايا في الموضوع بتاع التنسيق الالكتروني قال ليا ليك انتظام عشان انت تقليل اغتراب حتى لو مجموعي مش جايبها بمعنى اني ممكن احول اداب انتظام عين شمس عشان انا من القاهرة وقالى موضوع المجاميع دة مابيتكلموش عليه الا لما بيكون الطالب عايز يحول من كلية لكلية فى نفس المحافظة فقط لكن تقليل الاغتراب مابيبصوش على المجاميع واكتر من واحد فى عين شمس قالى الكلام دة فايه راي حضرتك فى الكلام دة؟ حاجة تانية برضو عايز اعرفها لوقدر الله ورضوا ياخدوات مني الفلوس وكدة اللى هما ال150جنيه هل لو انا ماتقبلتش هاخد الفلوس دي تاني ولا خلاص كدة راحت عليا مستني رد حضرتك مفصلا عشان انا تعبت اليومين اللى فاتوا دووووووووول من المشاوير والحر ووجع القلب بعيد عنك.

ايوة تمام كلام حضرتك مظبوط
انا سألت فى مكتب تحويلات ج ع شمس اللى وراء قصر الزعفرانة
وقالولى ان من حقى احول انتظام مدام فى نطاقى الجغرافى
حتى لو مش جايبة مجموع ع شمس
بس مش فاهمة اية حكاية الالكترونى لية بيعمل كدا وبيودى على طول انتساب
حضرتك جربت كل الاختيارات مناظر او غير مناظر جايز تكون المشكلة فى كدا
انا بصراحة مجربتش لانى لسة مرحلة تالتة

Moustafa Raafat

14-08-2012, 04:13 AM

السلام عليكم ورحمة الله تعالى وبركاته
ازيكم يا شباب؟
اعرفكم بنفسي
طالب من المنيا مخلص اعدادي هندسة في جامعة القاهره

طب طمنا عليك انتا بقى عملت ايه فى اعدادى و هتدخل قسم ايه

وانصحنا كام نصيحة للداخلين اعدادى وشكراً يا هندسة

hih2

14-08-2012, 04:18 AM

معلومات قيمة

بارك الله فيك

Mechanical Flower

14-08-2012, 04:31 AM

بصي حضرتك
انا كنت بحضر ف القاهره من أول السنه
لحد ما ظهرت نتيجتي
يعني هو براحتك
في كلا الحالتين فيها مجازفه
لو حضرتي ف اسكندريه ومقبلتيش ف التحويل يبقى ضاعت محاضراتك ال ف شبين
ولو حضرتي ف شبين واتقبلتي يبقى ضاعت محاضراتك ف اسكندريه
بس انا عن نفسي قولت مجازفه بمجازفه فحضرت ف القاهره
اما موضوع المكان دا آسف ماعرفش عنه حاجه ياريت حد يفيدك

طيب حضرتك شايف بنسبة كام في المية هيتقبل تحويلي ؟؟
انا جبت 392.5 واسكندريه آخده من 395 يعني فرق 2.5 درجه عن اسكندريه يعني 0.6%
يعني حضرتك شايف أحضر في اسكندريه ولا في شبين ؟؟ انا مش عايزه اضيع محاضرات :( !!

mariam allam

14-08-2012, 05:20 AM

ههههههههه
لأ أبشري
أولاً ماعرفش شيء عن موعد ظهور نتيجة التحويل الإلكتروني عشان افيدك فيه للأسف :(
أما عن التحويل الورقي
فأبشري :d :d
مش هيظهر في نفس اليوم طبعاً
ومش بس كدا
دا ظهر عندنا في الكليه بعد بدأ العام الدراسي ب 3 اسابيع او شهر تقريباً
هو انتي احمدي ربنا اوي لو قبلوا انهم ياخدوا الورق بتاعك
اما انهم يقولولك هتقبلي في الكليه ولا لأ دا صعب
بس هو تقريباً أغلب ال بيستوفوا الشروط بيقبلوا
وربنا يوفقك بإذن الله والجميع
نورتي بمرورك
وانا تحت أمركم جميعاً ف أي شيء

طب معلش ازاي اعمل كدا
م انا لو استنيت بعد الدراسه بكام اسبوع انا كدا هقدم ازاي
لان انا اداب وفي تنسيق داخلي وعايزه احول اصلا علشان الاقسام ؟ ف كدا لو قدمت متأخر مش هستفيد حاجه

The king Boy

14-08-2012, 07:02 AM

medo20066167

14-08-2012, 09:05 AM

ايوة تمام كلام حضرتك مظبوط
انا سألت فى مكتب تحويلات ج ع شمس اللى وراء قصر الزعفرانة
وقالولى ان من حقى احول انتظام مدام فى نطاقى الجغرافى
حتى لو مش جايبة مجموع ع شمس
بس مش فاهمة اية حكاية الالكترونى لية بيعمل كدا وبيودى على طول انتساب
حضرتك جربت كل الاختيارات مناظر او غير مناظر جايز تكون المشكلة فى كدا
انا بصراحة مجربتش لانى لسة مرحلة تالتة

جربت كل حاجة تتوقيعها دة انا طلعت مكتب التنسيق الالكتروني اللى في كلية الاداب ومكتب التنسيق الالكتروني اللى في مبني جنيدي وروحت مكتب التحويلات المركزي كلهم استغربوا ان مفيش اداب انتظام عين شمس فى النطاق الجغرافي وقالولي يبقى ازاي بقى تقليل اغتراب وقالولي ليك انتظام حتى لو مجموعك مش جايبها فكلهم اجمعوا على اني اروح التحويل الورقي وهو هيدينى الكلام المفيد بس عايز اسال على حاجة بقى,دلوقتى بيقولو ان الجامعة استيعابها 10% فقط من الطلاب فهل ال10% دول بيتقسموا على التحويل الالكتروني والتحويل الورقي يعني 5% الكتروني و5% ورقي ولا ايه مش فاهم صراحة

222ahmed222

14-08-2012, 10:16 AM

لما جيت تقدم فى التحويل الالكترونى لتقليل الاغتراب على الانترنت و عرفت انه متقبلش كانت تالنتيجة بتاعت التحويل ظهرت كام يوم بعد ما قدمت التحويل؟
اسف والله بس سؤالك صعب
اكيد يعني مش هبقى قادر اني اتذكر
ثم لماذا الإستعجال؟؟؟؟؟؟؟

222ahmed222

14-08-2012, 10:18 AM

طب طمنا عليك انتا بقى عملت ايه فى اعدادى و هتدخل قسم ايه

وانصحنا كام نصيحة للداخلين اعدادى وشكراً يا هندسة

عذراً يا باش مهندس
بس أي سؤال عن هندسه مش ينفع هنا في قسم التنسيق
لو عايز تعرف أي شيء تعالى اتفضل لدينا في قسم الكليات الهندسيه
http://www.thanwya.com/vb/forumdisplay.php?f=160 (http://www.thanwya.com/vb/forumdisplay.php?f=160)

222ahmed222

14-08-2012, 10:19 AM

معلومات قيمة

بارك الله فيك
شكراً
نورت/ي أخي/اختي

222ahmed222

14-08-2012, 10:22 AM

طيب حضرتك شايف بنسبة كام في المية هيتقبل تحويلي ؟؟
انا جبت 392.5 واسكندريه آخده من 395 يعني فرق 2.5 درجه عن اسكندريه يعني 0.6%
يعني حضرتك شايف أحضر في اسكندريه ولا في شبين ؟؟ انا مش عايزه اضيع محاضرات :( !!
والله بصي يا باش مهندسه
انتي لو من سكان اسكندريه في الأصل
فأزعم إنّ تحويلك الإلكتروني هيتقبل ومش هتضطري تستخدمي التحويل الورقي بإذن الله
بس لو اضطريتي للتحويل الورقي
فهندسة اسكندريه كليه كبييره ورائعه فالضغط عليها أظن أنّه بيكون كبير
فكونك جايبه اقل من مجموعها دا يخلي فرصك مش عاليه
بس مفيش شيء مضمون
وبإذن الله تقبلي في الإلكتروني على طول وترتاحي
اتمنالك التوفيق يارب بإذن الله :)

222ahmed222

14-08-2012, 10:26 AM

طب معلش ازاي اعمل كدا
م انا لو استنيت بعد الدراسه بكام اسبوع انا كدا هقدم ازاي
لان انا اداب وفي تنسيق داخلي وعايزه احول اصلا علشان الاقسام ؟ ف كدا لو قدمت متأخر مش هستفيد حاجه

عذراً يعني
هو التنسيق الداخلي لأداب بيخلص في أول اسبوع؟
انا ماعرفش عنه شيء والله آسف لأن عندنا في هندسه التنسيق الداخلي بيكون بعد سنه من الدراسه بعد قضاء السنه الإعداديه
بس ماهو انا بقول
الأضمن تقدمي في الكليه القديمه ال انتي عايزه تحولي منها مجرد ما يتفتح باب التقديم
وممكن تحضري في الكليه التانيه عادي
يعني انتي هتحضري ف الجامعه ال عايزه تروحيها اول اسبوعين
لحد ما تظهر النتيجه
لو قبلتي وهو المنتظر والمقدر بإذن الله فكان بها تسحبي ملفك من الكليه القديمه وتقدمي في الكليه الجديده ووقتها هيتعاملوا معاكي على أساس انك محوله
ولو مقبلتيش ترجعي للكليه القديمه عادي وقدر الله و ما شاء فعل

222ahmed222

14-08-2012, 10:28 AM

طيب دلوقتي انا كنت مقدم حقوق القاهرة وعايز احول دلوقتي عين شمس وعايز اقدم انجليزي الي هو تنسيق داخلي فانا اروح اقدم في القاهرة ولو التحويل فتح اقدم فيه وافترض اني اتقبلت كده باب التنسيق الداخلي هيكون قفل في عين شمس وفي الحالة ديه اعمل ايه كده هدخل عربي مش كده ولو مثلا دلوقتي قدمت في التحويل وروحت احضر في عين شمس هدخل ازاي من غير الكارنيه او اي اثبات لو سمحت ساعدني لاني كده مشتت جدا
لأ بص
انا موضوع التنسيق الداخلي دا آسف بس ماعرفش عنه حاجه
بس أكيد الطلبه المحولين بيبقى لهم معامله خاصه لأنّهم عارفين إنّك محول
أمَا موضوع الدخول بالكارنيه
فأصلاً حتى ف القاهره في أول السنه مش هيكون معاك كارنيه
الكارنيه بتطلعه بعد شهر مثلاً او شهر ونص من الدراسه
فهم عندنا كانوا بيدخلوا كل الطلبه أول السنه من غير كارنيه

عبير الشذى

14-08-2012, 11:31 AM

اولا شكرا على الموضوع
ثانيا هو ينفع ان انا احول تحويل ورقى بعد ما يتقبل التحويل الالكترونى
يعنى مثلا انا التنسيق جالى علوم بنها
وعملت تحويل الكترونى لعلوم دمنهور وانا دلوقت ندمانة وكنت عاوزة اعمل تحويل ورقى الى اداب دمنهور هينفع ولا لاء

222ahmed222

14-08-2012, 11:46 AM

*moon*

14-08-2012, 12:19 PM

222ahmed222

14-08-2012, 12:32 PM

طيب انا دلوقتى حولت من صيدلة لاسنان
بس طبعا لان مفيش اسنان ف محافظتى فده تحويل خارج النطاق الجغرافى
وغالبا احتمال كبير مش يتقبل
فانا لو عملت تحويل ورقى ان شاء الله
حضرتك بتقول ان نتيجته بتبان بعد الدراسة
وطبعا مش هينفع اسحب ملف من المدينة
لان مش معايا اثبات انى ف اسنان
يبقى انا كده هتضيع عليا المدينة اول سنة بقى ولا ايه؟

أولاً ألف مبروك على الكليه يا دكتوره
لأ بإذن الله المدينه مش هتضيع عليكي ولا حاجه
انا قدمت ف المدينه عندنا في القاهره من الترم التاني واتقبلت
هو انا اه مروحتش المدينه ف الآخر بس اقصد اتقبلت وكنت متقيد عادي
فمتخافيش بإذن الله خير تقدري تقدمي بعد ما النتيجة تظهر عادي وربنا يوفقك يارب

sad ros

14-08-2012, 12:34 PM

طيب دلوقتى انا عملت تحويل الكترونى من كليه معينه لمعهد يعنى الفرق ف المجموع كبييير
وانا دلوقتى التحويل قفل وعايز الغيه اعمل ايه من فضلك

222ahmed222

14-08-2012, 12:40 PM

طيب دلوقتى انا عملت تحويل الكترونى من كليه معينه لمعهد يعنى الفرق ف المجموع كبييير
وانا دلوقتى التحويل قفل وعايز الغيه اعمل ايه من فضلك
حقيقة انا ماعرفش إذا كان يمكن الغاؤه ام لا
لأنّي للأسف مليش أي خبره في التحويل الإلكتروني
بس اانا عندي فكره تانيه كويسه بس ماعرفش إذا كانت هتفلح أم لا
إنّك تخلي معاك بطاقة الترشيح ال حصلت عليها من التنسيق قبل التحويل
ولما يتفتح باب التقديم
وياريته يتفتح قبل النتيجه ما تظهر
روح قدم ع طووووول في نفس الوقت ببطاقة الترشيح ال معاك
بس انا ماعرغش إذا كان الموضوع دا هيجدي نفعاً ولا لأ عشان مافتيش ف ال ماعرفوش

Moustafa Raafat

14-08-2012, 01:05 PM

عذراً يا باش مهندس
بس أي سؤال عن هندسه مش ينفع هنا في قسم التنسيق
لو عايز تعرف أي شيء تعالى اتفضل لدينا في قسم الكليات الهندسيه
http://www.thanwya.com/vb/forumdisplay.php?f=160 (http://www.thanwya.com/vb/forumdisplay.php?f=160)

ولا يهمك انا كنت عايز اعرف معلومات عن حضرتك بس .. ولو على القسم انا عايش هناك اصلا بس هو مريح اليومين دول

222ahmed222

14-08-2012, 01:08 PM

ولا يهمك انا كنت عايز اعرف معلومات عن حضرتك بس .. ولو على القسم انا عايش هناك اصلا بس هو مريح اليومين دول

هههههههههه
دي إهانه ليا لأنّي مشرف هناك
لأ احن تحت امرك ف أي وقت يا باش مهندس
دا موضوع هيفيدك جدا بإذن الله ولو احتاجت أي شيء إسأل ف الموضوع دا

دلـيـل " طـلـبـة إعـداديـ هـنـدسـة " (http://www.thanwya.com/vb/showthread.php?t=453826)

The king Boy

14-08-2012, 01:38 PM

طيب متشكر جدا لحضرتك وان شاء الله خير

*moon*

14-08-2012, 01:45 PM

الله يبارك ف حضرتك يا بشمهندس
شكرااا جزيلا على المساعدة
وربنا يسهل ان شاء الله

222ahmed222

14-08-2012, 02:22 PM

طيب متشكر جدا لحضرتك وان شاء الله خير
الشكر لله يا عمر
نورت
وربنا يوفقك يارب

222ahmed222

14-08-2012, 02:23 PM

الله يبارك ف حضرتك يا بشمهندس
شكرااا جزيلا على المساعدة
وربنا يسهل ان شاء الله
الشكر لله يا دكتوره
وابقي غيري الصفه بقى من طالبه ثانويه
خلاص بقينا دكاتره كبار ما شاء الله
ربنا يوفقك يارب

mr-mo512

14-08-2012, 02:57 PM

جزااااااك الله كل خييير يا باشمهندس وضحت حجات كتيير
و ياراااب تقليل الاغتراب يتقبل واخلص :)

yayoo

14-08-2012, 03:08 PM

222ahmed222

14-08-2012, 03:16 PM

جزااااااك الله كل خييير يا باشمهندس وضحت حجات كتيير
و ياراااب تقليل الاغتراب يتقبل واخلص :)
جزاني وإياكم اخي العزيز
ياااارب ربنا يوفقك والجميع وميحوجكوش للتحويل الورقي لأنّه متعب شوية

Mechanical Flower

14-08-2012, 03:18 PM

والله بصي يا باش مهندسه
انتي لو من سكان اسكندريه في الأصل
فأزعم إنّ تحويلك الإلكتروني هيتقبل ومش هتضطري تستخدمي التحويل الورقي بإذن الله
بس لو اضطريتي للتحويل الورقي
فهندسة اسكندريه كليه كبييره ورائعه فالضغط عليها أظن أنّه بيكون كبير
فكونك جايبه اقل من مجموعها دا يخلي فرصك مش عاليه
بس مفيش شيء مضمون
وبإذن الله تقبلي في الإلكتروني على طول وترتاحي
اتمنالك التوفيق يارب بإذن الله :)

انا معملتش الكتروني عشان انا آخده الثانويه من البحيره بيجيبلي احول لطنطا .. اسكندريه لأ :(
هحاول بالتحويل الورقي وربنا يسهل ان شاء الله وتيجي معايا
شكراً يا باشمهندس :)

222ahmed222

14-08-2012, 03:24 PM

فى البدايه شكراااااااااااااا جداااااااا على المعلومات دى
بس انا عندى من حضرتك استفسار انا جالى هندسه شبين ومجموعى ميجبش القاهره
فحتى التحويل الورقى هيبقى صعب وانا عايزه احول القاهره عشان الاقسام
فهو ايه شروط التحويل بعد اعدادى وهو فعلا لو حولت بعد اعدادى مبيكنش ليا سكن مدينه او اى معلومه ممكن تفدنى بيها فى الموضوع دا
شكرا جزيلا

الشكر لله اخي/اختي
طيب هو حضرتك منين بالضبط؟
بالنسبة للتحويل بعد إعدادي
فلازم تكون/ي جايب/ه جيد جداً على الأقل كتقدير
ويحق ليك التحويل شريطة إنّك متدخلش غير قسم واحد من الأربعه دول " طيران . بترول . كيميا . طبيه".

222ahmed222

14-08-2012, 03:25 PM

انا معملتش الكتروني عشان انا آخده الثانويه من البحيره بيجيبلي احول لطنطا .. اسكندريه لأ :(
هحاول بالتحويل الورقي وربنا يسهل ان شاء الله وتيجي معايا
شكراً يا باشمهندس :)

امممممم
طيب ربنا يوفقك
آسف لو معلوماتي كانت أقل من المطلوب
بس هو دا قدر ما اعرف والله
وربنا يوفقك يارب
الشكر لله :)

yayoo

14-08-2012, 03:30 PM

222ahmed222

14-08-2012, 04:01 PM

انا من المنوفيه
وحضرتك فعلا طمتنتى ربنا يجزيك خيرا لانى فى نيتى احول على قسم بترول ان شاء الله
ياريت تفيدنى فى موضوع سكن المدينه لان الموضوع دا فارق معايا جدااااا لانى بنت واهلى مش هيرضوا احول واسكن حاجه تانيه غير مدينه
شكرااااااااااااااااااااااا جداااااااااااا بجد ربنا يجزيك خيرا
بصي يا باش مهندسه المستقبل :)
المدينه أظن إن شاء الله هيكون لكِ الحق بالإلتحاق بها
وكمان لو حولتي السنه دي بطريقة إثبات السكن دا
بردو هيبقى لكِ حق الإلتحاق بالمدينة الجامعيه عادي

yayoo

14-08-2012, 04:12 PM

شكراااااااااجداااااااااااا تعبتك معايا
ربنا يوفقك ويقويك
كل سنه وحضرتكم بخير

222ahmed222

14-08-2012, 04:24 PM

شكراااااااااجداااااااااااا تعبتك معايا
ربنا يوفقك ويقويك
كل سنه وحضرتكم بخير
الشكر لله
تعبكم راحه والله
ياااااارب ويوفقك بإذن الله
ولو حبيتي تسألي عن أي حاجه عن هندسه
احن موجودين في قسم الكليات الهندسية تحت أمرك بإذن الله
وإنتي بالصحه والسلامه يا باش مهندسه :)

السماء البيضاء

14-08-2012, 06:19 PM

العصفوره المغرده

14-08-2012, 08:06 PM

السماء البيضاء

14-08-2012, 09:30 PM

حد رد على سؤالي ؟؟؟؟؟؟؟؟؟؟؟ظظ

mariam allam

15-08-2012, 12:53 AM

عذراً يعني
هو التنسيق الداخلي لأداب بيخلص في أول اسبوع؟
انا ماعرفش عنه شيء والله آسف لأن عندنا في هندسه التنسيق الداخلي بيكون بعد سنه من الدراسه بعد قضاء السنه الإعداديه
بس ماهو انا بقول
الأضمن تقدمي في الكليه القديمه ال انتي عايزه تحولي منها مجرد ما يتفتح باب التقديم
وممكن تحضري في الكليه التانيه عادي
يعني انتي هتحضري ف الجامعه ال عايزه تروحيها اول اسبوعين
لحد ما تظهر النتيجه
لو قبلتي وهو المنتظر والمقدر بإذن الله فكان بها تسحبي ملفك من الكليه القديمه وتقدمي في الكليه الجديده ووقتها هيتعاملوا معاكي على أساس انك محوله
ولو مقبلتيش ترجعي للكليه القديمه عادي وقدر الله و ما شاء فعل

اه للاسف التنسق قبل الدراسه من اول سنه مش زي هندسه

222ahmed222

15-08-2012, 11:37 AM

انا من اسيوط ونقلنا السكن في القاهرة
وفي كلية اقليمية هي كلية التمريض لم تقبلني في اسيوط ودخلت اداب انتساب
فممكن احول لكلية التمريض في القاهرة او عين شمس او حلوان
لأن مجموعي جايبهم وعندي اثبات لمكان السكن
ارجو الرد بسرعة الله يوفقكم

حد رد على سؤالي ؟؟؟؟؟؟؟؟؟؟؟ظظ
أعتذر لحضرتك بشده عن التأخير في الرد ولكنّي لم أدخل بالأمس بعد وضع سؤالك فلم أره
آه بإذن الله ممكن لو اتفتح التحويل الورقي تقدمي ما يفيد أنّ لكِ سكن في القاهره مع شهادة الدرجات التي تثبت أنّ مجموعك يسمح بذلك وبإذن الله سيتم قبولك
وربنا يوفقك إن شاء الله

222ahmed222

15-08-2012, 11:42 AM

انا يا باشا مهندس جالى علوم اسيوط وطبعا اهلى مش راضين اروح اسيوط المهم
من ساعه جات نتيجه التنسيق وانا كل يوم بنزل الاسكندريه عشان الحق التحويل الورقى
انا لاسف جايبه 388 يعنى نقصه عن الاسكندريه 5 درجات
وكان اخر مشوار النهارده روحت كليه العلوم قاللوى ميعرفوش حاجه روحى مكتب التنسيق
المهم روحت المجمع وسالت فى اربع الكليات ولاسف المعامله زى السفت والمعلومات اللى اخده منهم ان التحويل الورقى اتلغى ومنهم يقول استنى التحويل الالكترونى وشوفى النتيجه ولو مااقبلتيش استنى لما الوزير ينزل قرار التحويل الورقى وانا مظلومه اوى اوى عشان عملت تظلم ولقيت 13 درجه منهم 7 درجات فى العربى و 6 درجات فى الانجليزى ولاسف كان فى اسئله مجاب عليه ومش موجود ليها درجات ولاسف كانت نتيجه تظلم بكلمه حطمت قلبى وخلتنى افقد الامل اكتر لم يزيد ليكى درجات اخدت الكلمه وسهمت ومش مصدقه فين العدل فين دور الحكومه الجديده

حسبى الله ونعم الوكيل
أولاً اختي الكريمه
انا مقدر جداً شعور حضرتك بالظلم الذي تعرضتي له
بس الحكومه الجديده لم يكن بيدها شيء لتفعله
مش هتقدر تمحي فساد 30 سنه في التعليم ف الأسبوع ال مسكت فيه الوزاره
المشكله مكانتش مشكلة وزير بس لأ
دي مشكلة وزير ووكلاء الوزارة ورؤساء مديريات الوزارة ومديري الإدارة ومديري المدارس مروراً بالمدرسين وحتى العمال الغلابه قد تفشى إليهم ذلك الفساد
بس انا عندي سؤال لحضرتك
هو حضرتك كنتي علمي رياضه ولا علوم يعني؟

222ahmed222

15-08-2012, 11:43 AM

اه للاسف التنسق قبل الدراسه من اول سنه مش زي هندسه
امممم
طيب ربنا يوفقك يارب
بس انا بقولك اكيد هم هيتعاملوا معاكِ على أساس إنّك محوله
هياخدوا دا في اعتبارهم بالتأكيد
وربنا يكتبلك التوفيق يارب

العصفوره المغرده

15-08-2012, 12:58 PM

انا كنت علمى علوم ولوكنت اخد درجات التظلم كنت دخلت طب بيطرى ماعلينا كله نصيب
بس السؤال انا فى ايدى اعمل ايه دلوقتى استنى اشوف حكايه التحويل الورقى ولا اقدم فى اسيوط وامرى لله

222ahmed222

15-08-2012, 01:00 PM

انا كنت علمى علوم ولوكنت اخد درجات التظلم كنت دخلت طب بيطرى ماعلينا كله نصيب
بس السؤال انا فى ايدى اعمل ايه دلوقتى استنى اشوف حكايه التحويل الورقى ولا اقدم فى اسيوط وامرى لله
بصي
من رأيي يعني
خلي حاجه مضمونه ف ايدك
بمعنى إنّك تقدمي ف اسيوط دلوقتي.
لأنّ هو دا المضمون والمتاح وتنتظري التحويل الورقي
يمكن بإذن الله تقدري تحولي ويبقى جت من عند ربنا بس لازم تخلي حاجه مضمونه
وربنا يوفقك يارب انتي والجميع ويحققلكم امنياتكم
وكل عام وإنتِ بخير

small star

15-08-2012, 01:11 PM

222ahmed222

15-08-2012, 01:17 PM

طيب حضرتكــ ممكن اسأل سؤال ! ايه الاولويات اللى بيبقوا حاطينها ف اعتبارهم لقبول التحويل الالكترونى يعنى مثلا انا من البحيرة وجاتلى اسنان اسكندرية وانا عاوزة احول عين شمس مع العلم انى جايبة اعلى من الحد الادنى بدرجتين ونص و كمااان عدد طلاب الدفعة الاولى للكلية 159 طالب ودا قليل جداا يمكن اقل كلية واخدة من كليات الاسنان ع مستوى الجمهورية هل دا بيحطوه ف اعتبارهم ولا مشكلة التوزيع الجعرافى دى مش هتتقبل بسببها ؟؟؟؟؟؟؟؟؟؟؟؟ ارجوووووووو الافادة
أولاً انا هنا كي أجيب على استفساراتكم
فلا تستأذني كي تسألي
اول الأولويات هو التوزيع الجغرافي
أي انهم يقبلوا أولاً من هم في النطاق الجغرافي أ
فإن كان من هم في النطاق الجغرافي أ اكثر من العدد المطلوب
فيأخذوا الأعلى في المجموع منهم
وإن كان اقل من المطلوب
يبدأوا في البحث عن الإلتماسات او بمعنى اصح القادمين من مناطق جغرافيه اخرى
ولكنّ هذا نادراً ما يحدث
وبالنسبة لعدد الطلاب في الكليه
فهذا لا يتوقف على بقية الكليات
وإنّما الطاقه الاستيعابيه للكلية نفسها بعيداً عن غيرها وما لديهم من معامل وما إلى ذلك كي يستوعب عدداً معيناً من الطلاب
وكذلك عميد الكليه أحيانا لا يطلب إلا عدد معين حتى يتأكدوا من أنّهم حين تخرجهم سيجدوا وظيفه جيده ولا يكرهوا الكليه عند تخرجهم
فلا تقارن الكليات ببعضها البعض
أرجو أن اكون قد فهمت السؤال بطريقه صحيحه وبذلك فإنّ ااجابتي قد كانت وافيه

small star

15-08-2012, 01:19 PM

أولاً انا هنا كي أجيب على استفساراتكم
فلا تستأذني كي تسألي
اول الأولويات هو التوزيع الجغرافي
أي انهم يقبلوا أولاً من هم في النطاق الجغرافي أ
فإن كان من هم في النطاق الجغرافي أ اكثر من العدد المطلوب
فيأخذوا الأعلى في المجموع منهم
وإن كان اقل من المطلوب
يبدأوا في البحث عن الإلتماسات او بمعنى اصح القادمين من مناطق جغرافيه اخرى
ولكنّ هذا نادراً ما يحدث
وبالنسبة لعدد الطلاب في الكليه
فهذا لا يتوقف على بقية الكليات
وإنّما الطاقه الاستيعابيه للكلية نفسها بعيداً عن غيرها وما لديهم من معامل وما إلى ذلك كي يستوعب عدداً معيناً من الطلاب
وكذلك عميد الكليه أحيانا لا يطلب إلا عدد معين حتى يتأكدوا من أنّهم حين تخرجهم سيجدوا وظيفه جيده ولا يكرهوا الكليه عند تخرجهم
فلا تقارن الكليات ببعضها البعض
أرجو أن اكون قد فهمت السؤال بطريقه صحيحه وبذلك فإنّ ااجابتي قد كانت وافيه

مااااااااااشى جـــــــــــــزاكـــــ اللـــه كـــل خيـــر !!

222ahmed222

15-08-2012, 01:27 PM

مااااااااااشى جـــــــــــــزاكـــــ اللـــه كـــل خيـــر !!
جزاني وإياكم :)
وانا تحت امرك ف أي سؤال
لو حبيتي كمان تعرفي أي شيء عن التحويل الورقي انا موجود

الـشـيـمـ ء ـا

15-08-2012, 01:30 PM

واحدة صاحبتى جالها علوم رياضة المنصورة لكن هى نفسها تبقى فى تربية رياضة المنصورة لكن متقبلتش
لكن وانا بدور فى التنسيق لقيت ينفع لها تربية رياضة سوهاج و اسوان ودمياط
فهل ينفع تودى ورقها لمكتب تنسيق المنصورة على طول
بس تربية رياضة المنصورة اعلى من مجموعها
ومفيش امكانية خالص انها تروح ولو يوم واحد اسوان او سوهاج او حتى دمياط

222ahmed222

15-08-2012, 02:17 PM

الـشـيـمـ ء ـا

15-08-2012, 02:25 PM

طيب مقدمتش ف التحويل ؟؟؟

تقصد التحويل الالكترونى؟
هى كتبت علوم المنصورة والبلاد التانية قبل تربية
مكانتش تعرف ان علوم اقل من تربية رياضة
لكن دلوقتى اتضحلها انها مش عاوزه تدخل علوم
و دلوقتى التحويل الالكترونى قفل و حتى لو كان فاتح مكانش هيعمل حاجة لانه لتقليل الاغتراب بس

222ahmed222

15-08-2012, 03:15 PM

تقصد التحويل الالكترونى؟
هى كتبت علوم المنصورة والبلاد التانية قبل تربية
مكانتش تعرف ان علوم اقل من تربية رياضة
لكن دلوقتى اتضحلها انها مش عاوزه تدخل علوم
و دلوقتى التحويل الالكترونى قفل و حتى لو كان فاتح مكانش هيعمل حاجة لانه لتقليل الاغتراب بس
لا هي إن شاء الله تقدم في التحويل الورقي وتجيب إثبات سكن بأي طريقه وهتقبل بإذن الله ربنا يوفقها

ميزو اكس 2012

15-08-2012, 04:48 PM

لسة متصل بمسئول فى الجامعة قالى التحويل فتح خلاص

Eng/ Hamada obey

15-08-2012, 04:53 PM

لسة متصل بمسئول فى الجامعة قالى التحويل فتح خلاص

مسؤل مين ده يا كداب الى قالك كده

هو التحويل الالكتونى فتح لما الورقى هيفتح

hadeer a7med

15-08-2012, 05:10 PM

الـشـيـمـ ء ـا

15-08-2012, 05:14 PM

لا هي إن شاء الله تقدم في التحويل الورقي وتجيب إثبات سكن بأي طريقه وهتقبل بإذن الله ربنا يوفقها

يااااااااااااااااااااارب ينفع ياااااااااااااااااااااااااااااااااارب
شكرا اوى جزاك الله خير

ميزو اكس 2012

15-08-2012, 05:15 PM

مسؤل مين ده يا كداب الى قالك كده

هو التحويل الالكتونى فتح لما الورقى هيفتحانت اخجلتنى باحترامك فى ناس محترمة كدة يااخى بلاش الاحترام الزيادة عن اللزوم دا

ميزو اكس 2012

15-08-2012, 05:16 PM

222ahmed222

15-08-2012, 05:27 PM

لسة متصل بمسئول فى الجامعة قالى التحويل فتح خلاص
يرجى التأكد من معلوماتك قبل عرضها

222ahmed222

15-08-2012, 05:30 PM

دلوقتى انا جالى اسنان المنيا وكنت عايزه احول للقاهره بس التحويل الالكترونى فاتحلى عين شمس بس لو على افتراض انى اتقبلت فى عين شمس هينفع احول ورقيا للقاهره ولا لا؟؟ سؤال تانى معلش انا فرقت عن الطب البشرى درجه وعملت تظلم فى العربى والانجليزى لقيت ليا درجه فى كل ماده هل فى امل اخدهم ولا لا يعنى تعرف حد عمل تظلم واخد حاجه؟؟ ولول اخدتهم هحول لطب القاهره عادى؟
اسفه جدا على الاطاله:excl:
للأسف حضرتك مش عطيتيني معلومات كافيه للإجابه عليكي
أولاً انتي فين محل سكنك اصلا؟ او واخده الثانوية منين؟
التحويل الورقي للقاهره لا يتوقف على انك موجوده ف عين شمس او لأ
يعني سواء اتقبلتي ف عين شمس أو لأ ممكن تحولي للقاهره
مفيش تعارض بين الإتنين
اما موضوع الدرجات
فآه في ناس حصلت عليها
بس صعب جداً
نادراً ما يحدث يعني
بس لو حصلتي عليها آه تقدري تحولي للقاهره ورقي بإذن الله
وربنا يكتبلك التوفيق يارب

gehad salem4417

15-08-2012, 05:38 PM

222ahmed222

15-08-2012, 05:39 PM

يااااااااااااااااااااارب ينفع ياااااااااااااااااااااااااااااااااارب
شكرا اوى جزاك الله خير
إن شاء الله ينفع
الشكر لله اختي العزيزه
جزاني وإياكم

222ahmed222

15-08-2012, 05:43 PM

لسة متصل بمسئول فى الجامعة قالى التحويل فتح خلاص

مسؤل مين ده يا كداب الى قالك كده

هو التحويل الالكتونى فتح لما الورقى هيفتح

انت اخجلتنى باحترامك فى ناس محترمة كدة يااخى بلاش الاحترام الزيادة عن اللزوم دا

البلد كلها عايزة تخش طب

شباب
الموضوع هنا اتعمل لإجابة تساؤلات الطلاب
وليس للجدال
وياريت محدش يتدخل في كلام أي شخص تاني
ال عايز يدخل أي كليه يدخلها محدش يتدخل في رغبات الناس
وشكراً

222ahmed222

15-08-2012, 05:46 PM

انا كان نفسي ادخل علوم الفيوم ومجتش وجالي تربية الفيوم بس لقيت ان كلية علوم بنات عين شمس هتاخد من مجموعي (انا جايبة 385 والكلية هتاخد من 385) فانا حاولتلها الكتروني هتجيلي ولا لا ولو مجتش هينفع احول ورقي ولا اعمل ايه؟
ماهي دي المشكله
لما حضرتك كنتي عايزه تدخلي علوم سواء الفيوم او غيرها
كان المفروض وانتي بتكتبي رغباتك ف التنسيق
تكتبي اول حاجه علوم الفيوم وبعدها علوم ف كل الجامعات عشان لو ملحقتيش الفيوم يدخلوكي غيرها
اما دلوقتي انا اسف بس هو الموضوع هيكون صعب شوية
بس اتمنالك التوفيق
والله انا مش عايز احبطك
بس اانا حزين عليكِ مش اكتر
بس اتمنى انهم يرأفوا بحالك ويقبلوكِ
ولو مقبلوكيش لا قدر الله
مطلوب منك إنّك تعملي تحويل ورقي بإذن الله
لعندك ف الفيوم
ودا بإذن الله هيتقبل
وإن شاء الله ربنا يوفقك والجميع بإذن الله

gehad salem4417

15-08-2012, 05:50 PM

حضرتك لا علوم الفيوم مجبتش مجموعي علوم الفيوم خدت من 389 انا كتبتها بس انا مكنتش كاتبه علوم بنات عين شمس لاني مكنتش اعرفها بس

222ahmed222

15-08-2012, 06:00 PM

حضرتك لا علوم الفيوم مجبتش مجموعي علوم الفيوم خدت من 389 انا كتبتها بس انا مكنتش كاتبه علوم بنات عين شمس لاني مكنتش اعرفها بس
ايوه مانا فاهم انك ملحقتيش علوم الفيوم
بس كنت اقصد
كنتي كتبتي تحتها باقي كليات علوم على مستوى الجمهورية
عموماً
بإذن الله لو منفعش التحويل الإلكتروني قدمي ف التحويل الورقي وربنا يوفقك يارب

gehad salem4417

15-08-2012, 06:09 PM

222ahmed222

15-08-2012, 06:33 PM

حضرتك بردو انا كتبت كل علوم موجودة في مصر بس كلهم خدوا اكتر مني الوحيدة الي مكتبتهاش ومكنتش اعرفها هي علوم بنات عين شمس

طيب هو معني كلام حضرتك ده اني فرصتي ضعيفه فيها
طيب لو متقبلش الكتروني ممكن يتقبل ورقي
ولو كدة اعمل الورقي ده امتي وفين واروح علي عين شمس ولا الفيوم ولا اعمل ايه
عذرا للاطاله
اها انا فهمت حضرتك خلاص
الورقي الأفضل تعمليه ف الإتنين لو كل واحد منهم ف يوم تتعبيه ياريت
لأنّ فرصك ف القبول هتبقى صعبه شوية
فتتعبي وتشوفي الإتنين يمكن واحده منهم تتقبل
إنّما انا والله ماعرفش مين الاقرب لأنّهم يقبلوكي
وماحبش افتي بصراحه ف مستقبل إنسان
ربنا يكتبلك التوفيق يارب

hadeer a7med

15-08-2012, 07:12 PM

ميزو اكس 2012

15-08-2012, 07:43 PM

اولا انا متشكره جدا لذوق حضرتك وانا محل سكنى القاهره مش المنيا وانا اقصد لو اتقبلت اسنان عين شمس فى الالكترونى ينفع احول ورقى لاسنان القاهره
ثانيا الاستاذ اللى قال الناس كلها عايزه تدخل طب احب اعرف حضرتك انا جايبه 98.9% من غير الدرجتين اللى اتظلمت فيهم يعنى مش جايبه 60% وعايزه ادخل طب فياريت حضرتك تتكلم باسلوب احسن وياريت تعرفنا حضرتك جايب كام لان شكلك ما شاء الله متفوق اوىى
اسفه على المرور وشكرا على الرداولا فى شئ احب اوضحة الطب دى كلية قمة واهم كلية فى الكليات العلمية ومش معنى ان حد جاب مجموعها يخشها عشان الناس تقول علية دكتور كفاية بقا نسبة الساقطين والمدبلرين اللى انتشروا فى الكلية الثانوية العامة مش مقياس ومش معنى ان حد جاب مجموع طب انه يستاهل يخشها بالطريقة دى مصر مش هتتقدم شبر لقدام...وشكرااااااااا

hadeer a7med

15-08-2012, 07:49 PM

حضرتك انا مليش دعوه بحد وحضرتك مش منجم عشان تعرف انى هفشل فيها لو دخلتها ومع ان رغبتى شديده فى دخول الطب بس لا اتفق معاك انها اهم كليه كل كليه علميه وليها اهميتها لو مفيش طب اسنان مش هتلاقى حد يعالجهالك ولو مفيش صيدله مش هتلاقى حد يجيبلك الدوا اللى هيوصفهولك الدكتور البشرى ولو مفيش بيطرى او علاج طبيعى نفس الكلام يعنى كل كليه وليها اهميتها زى ما كل مهنه وليها اهميتها

esraaegypt

15-08-2012, 07:58 PM

[right]
أولاً ألف مبروك يا دكتوره
ثانياً المطلوبات انا كتبتها بتاعة التحويل الورقي كلها كتبتها
ثالثاً المعاد مبيبقاش حد عارفه من قبلها خالص بتبقى كلها تكهنات ع الفاضي
بس هو هيبقى بعد العيد بإذن الله دا إذا فتح إن شاء الله
وانا بإذن الله مجرد ما هيفتح هعمل توبيك جديد هنا واقولكم
ولكل ال سألني ع المعاد هبعتله رساله خاصه اعرفه فيها
ومره تانيه نورتي الموضوع وربنا يوفقك يارب

إن شاء الله .. لكن انا لو قدمت فى الورقى يبقى المفروض احضر فى جامعتين لحد ما اعرف اتقبل ولا لأ ؟

Mr. Medhat Salah

15-08-2012, 08:04 PM

تم غلق الموضوع لحين ورد اي اخبار بشأن التحويل الورقي في ضوء الالتماسات المقدمة من بعض الطلاب الي ادارة التنسيق كل هذا سيتضح في اواخر اغسطس الي منتصف سبتمبر

222ahmed222

30-08-2012, 03:26 AM

إن شاء الله .. لكن انا لو قدمت فى الورقى يبقى المفروض احضر فى جامعتين لحد ما اعرف اتقبل ولا لأ ؟
لا دي حسب حريتك وحبك للمجازفه
انا مثلا حضرت ف القاهره وليس المنيا
اما غيري يحب المضمون فيحضر ف المنيا
تختلف من شخص لآخر

درة مكنونة

30-08-2012, 03:32 AM

ها يا جماعة حد عنده اخبار عن التحويل الورقى ؟؟

222ahmed222

30-08-2012, 03:36 AM

ها يا جماعة حد عنده اخبار عن التحويل الورقى ؟؟
بيقولوا فتح ف اسكندريه
بس اال اعرفه انه بيفتح ف كل الجامعات ف نفس الوقت

rshad777

31-08-2012, 08:01 PM

فتح فى اسكندريه اكيد

midoz747

01-09-2012, 03:45 AM

السلام عليكم
انا عندي موضوع هام اوي وياريت حد يفيدني بسرعه:
انا جاتلي كلية فنون جميلة عمارة ج اسكندرية وانا عايز احول هندسة الاسكندرية لان كل اصحابي اللي كانوا في كليات بره المدينة اتقبل تحويلهم مع العلم انهم نفس مجموعي

baramashaal

01-09-2012, 07:02 AM

بالله عليكم اى حد يعرف اى حجه عن التحويل الورقى لجامع المنصوره كليه تجاره يقولى

kingkongo

01-09-2012, 02:12 PM

طيب انا دلوقتى فيه مشكله عندى انا اقامتى فى اسكندريه بس خدت الثانويه من كفر الشيخ ولما روحت مكتب التنسيق يوم الخميس عشان احول مااخدوش ورقى وقالولى احنا بنقبل بس اللى واخد الثانويه من اسكندريه مع العلم انى معايا كل مايثبت انى من اسكندريه ومحل اقامتى هنا وجايب اعلى من تنسيق اسكندريه كمان ممكن اعرف ايه الحل وشكراااااااا

malek hasen

01-09-2012, 02:13 PM

malek hasen

01-09-2012, 02:20 PM

يااااااااااااااااااااااااااااااااااا جمااااااااااااااااااااااعه حد يرد عليناااااااااااااااااااا

mohamdyoon

01-09-2012, 07:08 PM

السلام عليكم
اولا : انا عايز اشكرك جدا عن هذا الموضوع الرائع جدا الى ابعد الحدود ومفيد جدا
ثانيا : انا الحمدلله جايب 100% ودخلت طب الزقازيق عشان التوزيع الجغرافي بس كنت عايز احول القاهرة انا جبت كل حاجة المشكلة بس فى وصل مياه او كهرباء
انا عندى وصل لشقة خالى مع العلم ان والدى مسافر فلما سألنا واحد قريبنا قال انه ممكن يجيب عذر طبي من مستشفى عام يخليه يسكن مع خاله فى القاهرة
فهل الحكاية ده سوف تقبل ولا ايه رأيك

222ahmed222

02-09-2012, 12:37 AM

فتح فى اسكندريه اكيد
هذا ما سمعت والله اعلم

222ahmed222

02-09-2012, 12:41 AM

222ahmed222

02-09-2012, 12:42 AM

بالله عليكم اى حد يعرف اى حجه عن التحويل الورقى لجامع المنصوره كليه تجاره يقولى
إن شاء الله لو حد عنده علم يرد

222ahmed222

02-09-2012, 12:44 AM

222ahmed222

02-09-2012, 12:48 AM

انا واخد الثانويه العامه السنه دي و قدمت في التنسيق مرحله اولي و اترشحلي اداب عين شمس بس انا غيرت كلامي و مش عايز اروح اداب عين شمس عايز اروح تجاره عين شمس في ناس بتقولي اني كان في تحويل علي النت واقفل بس انا عارف اني التحويل اللي كان علي النت بتاع تقليل الاغتراب انما انا هحول من كليه لكليه داخل جامعه عين شمس يعني المفروض اني التحويل ده مكانش بتعي مع العلم انا جايب اكنر من مجموع تجاره عين شمس ب 3% ... بصراحه انا مش عارف اعمل ايه يا ريت الافاده

يااااااااااااااااااااااااااااااااااا جمااااااااااااااااااااااعه حد يرد عليناااااااااااااااااااا
اولا اسف ع التأخير
بص التحويل الالكتروني دا كان ينفع فيه عادي
لأن فيه حاجه اسمها تحويل لكليه غير مناظره داخل النطاق الجغرافي
وهو دا ال انت تقصده بس حصل خير قدم ف التحويل الورقي لو فتح

222ahmed222

02-09-2012, 12:51 AM

مهند مرزوق

02-09-2012, 09:29 PM

لو سمحت انا من اسكندرية وجالى تجارة السويس انتظام فحولت على النت جالى تجارة اسكندرية انساب فلما طلع التحويل الورقى حولت ورقى واديتة بطاقة الترشح بتاعت السويس كدة صح ولا اية

222ahmed222

03-09-2012, 01:30 AM

لو سمحت انا من اسكندرية وجالى تجارة السويس انتظام فحولت على النت جالى تجارة اسكندرية انساب فلما طلع التحويل الورقى حولت ورقى واديتة بطاقة الترشح بتاعت السويس كدة صح ولا اية
اه صح إن شاء الله

مهند مرزوق

03-09-2012, 02:29 AM

شكرا لبك على ردك طمنتنى

222ahmed222

03-09-2012, 02:36 AM

شكرا لبك على ردك طمنتنى
انا تحت امرك :)

أبو عصفور

03-09-2012, 09:59 AM

حد يعرف التحويل الورقى اشتغل فى المنصورة ولا لسا ؟

hosam_elhoot

03-09-2012, 10:37 AM

لو سمحت انا مرحله تالته و من الاسكندريه جايب 78.54 علمى رياضه
وعايز اكتب تجاره انتساب السويس و تجاره انتساب سوهاج
يا ترا ينفع احول من السويس او سوهاج للاسكندريه ؟
وهل ليا مكان فى المدينه الجامعيه لو معرفتش احول
و ياترا انهو الاقرب السويس ولا سوهاج
ولو فى تقليل الاغتراب سمعت ان السويس خارج النطاق هل سوهاج ايضا خارج النطاق
ولا الكلام ليس له اساس من الصحه

mohamdyoon

03-09-2012, 10:50 AM

اولا ما شاء الله عليك وألف مبروك يادكتور
بصراحه انا اال اعرفه انه يكون باسمك او اسم والدك او والدتك
موضوع العذر دا ماعرفوش بصراحه عشان مافتيش ف حاجه تخص مستقبلك

شكرا على ردك الذوق
ثانيا كنت عايز برضه اسألك على حاجة تانية معلش واحد صاحبي عملها هو هندسة الزقازيق السنة ده قالى انه اجر شقة باسمه فى القاهرة وبطاقة شخصية عنوانه فيها القاهرة فقلى انه بكرة ان شاء الله هياخد بطاقة الترشيح بتاعة هندسة الزقازيق والبطاقة الشخصية بتاعة القاهرة وهيروح يقدم فى جامعة القاهرة على طول دون اى طلب تحويل
فهل الكلام ده سليم

222ahmed222

03-09-2012, 11:53 AM

222ahmed222

03-09-2012, 11:54 AM

شكرا على ردك الذوق
ثانيا كنت عايز برضه اسألك على حاجة تانية معلش واحد صاحبي عملها هو هندسة الزقازيق السنة ده قالى انه اجر شقة باسمه فى القاهرة وبطاقة شخصية عنوانه فيها القاهرة فقلى انه بكرة ان شاء الله هياخد بطاقة الترشيح بتاعة هندسة الزقازيق والبطاقة الشخصية بتاعة القاهرة وهيروح يقدم فى جامعة القاهرة على طول دون اى طلب تحويل
فهل الكلام ده سليم
ههههههههههه لا ياعم مستحيل طبعا اومال التحويل عملوه ليه؟
مكانش حد غلب والله

marmar19

03-09-2012, 12:40 PM

اسلام الديب

03-09-2012, 04:17 PM

التحويل الورقى لمحافظة القاهرة هيفتح امتى ولا مش هيفتح اصلا
انا اقتصاد وعلوم سياسية وعايز احول اعلام
اروح اقدم فى سياسة واقتصاد دلوقتى عادى وبعدين لما التحويل يفتح احول
ولا مقدمش واستنى التحويل لما يفتح
بس انا خايف باب التقديم يقفل وهو يقفل امتى

medo20066167

03-09-2012, 09:55 PM

ياجماعة التحويل الورقي فتح في عين شمس وكانت حوسة وربنا ودعك مابعده دعك لو عايز تروح تحول روح بدري من الساعة 8 9 كدة عشان ماتتسلخش من الوقفة والزحمة الموووووووووت اللى انا شوفتها في اول يوم مع العلم انه مفتوح ل3 ايام فقط لاغير ابتداءا من يوم الاحد الاخير دة 9/2 وهات معاك وصل النور وصورة بطاقة الترشيح وصورة لشهادة النجاح والبطاقة بتاعتك او شهادة الميلاد واخيرا 150 جنيه كااااااااااااااااش والله الموفق ويارب نتقبل

moh202030

03-09-2012, 11:45 PM

أنا في تالتة ثانوي بس قلقان جدا ممكن اعرف شوية معلومات أنا جبت 95.85 % وهندسة حد أدنى 94.5% السنة دي و هندسة اسكندرية 96.3 على افتراض إني جبت 95.85 وأنا من سكان اسكندرية و واخد ثانوى من اسكندرية بيكون التحول ل اسكندرية سهل ؟!!

ايمن نون

04-09-2012, 01:34 AM

هل ينفع التحويل من هندسة الكترونية الى هندسة

222ahmed222

04-09-2012, 04:27 AM

لو سمحت انا جالى فنون عمارة المنيا ... و اترفض التحويل الالكترونى لفنون عمارة حلوان وانا من القاهرة و حاليا بقدم تحويل ورقى لفنون عمارة حلوان و خايفة مش يتقبل لانى جايبة الحد الادنى للكلية و على ما اسمع ان فنون عمارة حلوان مش بتاخد اكتر من 200
اعمل ايه استنى نتيجة التحويل ولا اقدم حاسبات و معلومات حلوان علشان انا مش هينفع اروح المنيا
و شكرا لمجهودك !!
بصي يا باشمهندسه
اصلا مينفعش تقدمي حاسبات ومعلومات مع انك جايبه مجموع اكبر منها بس مش مرشحه ليها عشان تنسيقك وداكي كليه تاني على حسب رغباتك انتي ال كتبتيها
ف في كلا الحالتين سواء حاسبات حلوان او فنون عماره حلوان لازم تعملي تحويل
فمن رأيي اعملي تحويل للكليه ال انتي حاباها اكتر وافترض انها عماره لأن قبول التحويلات الغير مناظره اصعب من المناظره
وربنا يكتبلك التوفيق يارب
اتمنى اكون افدتك

222ahmed222

04-09-2012, 04:31 AM

222ahmed222

04-09-2012, 04:33 AM

222ahmed222

04-09-2012, 04:35 AM

222ahmed222

04-09-2012, 04:36 AM

هل ينفع التحويل من هندسة الكترونية الى هندسة
مش فاهم السؤال بصراحه
بعد اول سنه ف الكليه ولا كطالب مستجد؟

acqua

04-09-2012, 04:38 AM

لوسمحت انا جالى علوم رياضه القاهرة
وانا من القاهرة
ومجموعى يجيب حاسبات الاسماعيليه
ينفع احول ورقى

222ahmed222

04-09-2012, 04:44 AM

لوسمحت انا جالى علوم رياضه القاهرة
وانا من القاهرة
ومجموعى يجيب حاسبات الاسماعيليه
ينفع احول ورقى

اولا كاتب الاقاليم ف الرغبات اصلا وحتى لو ف الاخر؟
هو انت ممكن تحول ورقي لحاسباات الاسماعيليه او القاهره كمان
وانا من رأيي اتعب وقدم ف الاتنين وال تتقبل فيه خير وبركه

acqua

04-09-2012, 04:47 AM

اولا كاتب الاقاليم ف الرغبات اصلا وحتى لو ف الاخر؟
هو انت ممكن تحول ورقي لحاسباات الاسماعيليه او القاهره كمان
وانا من رأيي اتعب وقدم ف الاتنين وال تتقبل فيه خير وبركه

كاتبت كل الاقاليم ماعدا بنى سويف والاسماعيليه
ازاى احول القاهرة ةانا مش جايبه مجموعها

222ahmed222

04-09-2012, 04:54 AM

كاتبت كل الاقاليم ماعدا بنى سويف والاسماعيليه
ازاى احول القاهرة ةانا مش جايبه مجموعها
اممم
ماعرفش اظن تحويلك للاسماعيليه صعب لطالما مش كتبتيها
بس مش متأكد واتمنى اكون مخطئ
اما القاهره فلطالما انتي جيبتي الحد الادنى للكليه ف اي جامعه او اقليم
فلكِ الحق انك تدخليها ف محافظتك
بس دا عن طريق التحويل الورقي
بس كونك مش كتبتي الاسماعيليه فدا يصعب موقفك شويه
بس روحي واتأكدي من هناك وباذن الله ينفع

acqua

04-09-2012, 04:57 AM

اممم
ماعرفش اظن تحويلك للاسماعيليه صعب لطالما مش كتبتيها
بس مش متأكد واتمنى اكون مخطئ
اما القاهره فلطالما انتي جيبتي الحد الادنى للكليه ف اي جامعه او اقليم
فلكِ الحق انك تدخليها ف محافظتك
بس دا عن طريق التحويل الورقي
بس كونك مش كتبتي الاسماعيليه فدا يصعب موقفك شويه
بس روحي واتأكدي من هناك وباذن الله ينفع

بكرة هروح اسال فى الاسماعيليه
ياريت ينفع

222ahmed222

04-09-2012, 05:06 AM

بكرة هروح اسال فى الاسماعيليه
ياريت ينفع
والاهم بردو معلش تتعبي نفسك وتروحي مكتب التحويل ف القاهره
وانا تحت امرك ف اي شيء

acqua

04-09-2012, 05:10 AM

والاهم بردو معلش تتعبي نفسك وتروحي مكتب التحويل ف القاهره
وانا تحت امرك ف اي شيء

ماما راحت النهاردة قالوا لا
وفى ناس قالت نسال فى الكليه الى هنحول لها
دة بيعتمد على ان العميد يقبل ام لا
ميرسى

222ahmed222

04-09-2012, 05:39 AM

ماما راحت النهاردة قالوا لا
وفى ناس قالت نسال فى الكليه الى هنحول لها
دة بيعتمد على ان العميد يقبل ام لا
ميرسى
لا التحويل مفتحش ولا مش هيتقبل؟

Mohamed9rm1142008

04-09-2012, 06:08 AM

انا كل حاجة عندى جاهزة الا "اثبات السكن " علشان شقتنا اللى فى القاهرة ايجار ...اتصرف ازاى؟؟

moh202030

04-09-2012, 08:04 AM

اه بيكون سهل باذن الله انت بس ركز ف مذاكرتك وبس دلوقتي
شكرا طمنتني

عبدالرحمن رفعت

04-09-2012, 01:50 PM

معلش عايز اسألك ازاي جيبت فاتورة الكهرباء مهم بالله عليك سرعة الرد

malek hasen

04-09-2012, 05:29 PM

انا عملت تحويل ورقي امبارح من اداب عين شمس لتجاره عين شمس و قالولي اني النتيجه هتظهر علي اول الدراسه كده فعايز اعرف هل اقدم في كليه اداب عشان لا قدر الله والتحويل ماتقبلش ولو روحت اقدم اكيد هيعوزوا المصاريف فعايز اعرف في الحاله دي بقي لو اتقبل التحويل باذن الله هيرجعوا الفلوس ديه تاني ولا هيضربوا عليها و يخلوني ادفع فلوس تاني في تجاره ولا ايه

الغيورة على الدين

04-09-2012, 06:39 PM

انا جايلي بيطري الاسماعيلية وانا من المنصورة

انا عاوزة اعرف التحويل بيكون من عندي في جامعة المنصورة ولا اروح الاسماعيلية

وكمان كدة هضطر اني اقدم في الاسماعيلية لان من كلام حضرتك انه النتيجة ممكن تكون بعد شهر او اكتر من الدراسة

فالعمل ايه ؟؟

كمان التحويل بيبقى من مكتب التنسيق ولا من الكلية نفسها ؟؟

خالد صبرى حسن

04-09-2012, 09:52 PM

التعليم باظ فى مصر

المهندس محمد رمضان

05-09-2012, 03:23 PM

السلام عليكم ... انا ان شاء الله داخل كلية حاسبات بنها وبعدين عملت تحويل ورقى لحاسبات عين شمس بس نتيجة التحويل هتظهر بعد اسبوعين ... طيب انا دلوقتى لازم أقدم فى حاسبات بنها وبعدين لو التحويل اتقبل اسحب الملف من حاسبات بنها واقدمه فى عين شمس ولا استنى نتيجة التحويل وبعدين أقدم ... ارجوكم افيدونى عشان خايف استنى نتيجة التحويل وبعدين ميتقبلش ويروح عليا التقديم كمان:(

سنــدريــلا

05-09-2012, 07:22 PM

هل التحويل الورقى بدأ فى جامعة القاهرة ) كليه رياض الاطفال ) ؟؟ :078111rg3:

kimo420

07-09-2012, 09:11 PM

السلام عليكم
ممكن تنصحنى
انا اتقبلت ف هندسة قنا وعايز احول للقاهرة ومعايا اثبات سكن
لكن هل احول لعين شمس عشان اضمن لان الضغط على القاهرة اكتر
وهل ينفع احول لجامعتين ف وقت واحد وشكرا

محمد عبداللطيف على

08-09-2012, 12:05 AM

السلام عليكم
انا محمد هندسة كهربا بور المنصورة
بالنسبة للتحويل الورقى فهو اتلغى السنة دى الا لقسمين
هندسة التشييد والبناء واتصالات الساعات المعتمده

222ahmed222

08-09-2012, 07:02 AM

222ahmed222

08-09-2012, 07:05 AM

هل التحويل الورقى بدأ فى جامعة القاهرة ) كليه رياض الاطفال ) ؟؟ :078111rg3:
ماعرفش والله لأني مكنتش فاضي اليومين دول
السلام عليكم
ممكن تنصحنى
انا اتقبلت ف هندسة قنا وعايز احول للقاهرة ومعايا اثبات سكن
لكن هل احول لعين شمس عشان اضمن لان الضغط على القاهرة اكتر
وهل ينفع احول لجامعتين ف وقت واحد وشكرا
على ما اظن اه عادي بس مش متأك اسال حد متخصص
السلام عليكم
انا محمد هندسة كهربا بور المنصورة
بالنسبة للتحويل الورقى فهو اتلغى السنة دى الا لقسمين
هندسة التشييد والبناء واتصالات الساعات المعتمده

وعليكم السلام يا باشمهندس
لا احن هنا بنتكلم عن الطلبه المستجدين ال جايين من ثانوي

malek hasen

08-09-2012, 12:40 PM

اسف على التأخير بس كنت مشغول جدا اليومين دول
بالنسبه لل كانوا بيسألوا يقدموا دلوقتي ولا لسه فانا بقول دي حاجه ترجعلكم انتم
بس الافضل انكم اه تقدموا ولما تتقبلوا باذن الله هيخلوكم تسحبوا ملفكم عادي بدون تعب
ولل بيسأل ع المصاريف
لا المصاريف اصلا مش بتتدفع مع التقديم الا لو انت ال عايز تدفعها
فمفيش خوف يعني
ولل آنسه ال سألت عن المكان
فقولت مكان التحويل بيبقى ف الجامعه ال هتحوليلها ال عايزه تروحيها

طب هما بيقولوا اني لازم عشان اقدم ادفع فلوس عشان اجيب حاجه اسمها الدليل و عشان الكشف الطبي بس المصاريف الباقيه ممكن ادفعها في وقت تاني عادي بس هل مصاريف الدليل ديه و مصاريف الكشف الطبي هدفعهم وادفع زيه تاني لو التحويل اتقبل باذن الله و حاجه تاني انا اسف يعني في ناس بتقول ماتقدمش دلوقتي و استني لما تطلع نتيجه التحويل وابقي قدم في الكليه اللي حولت ليها واني التقديم بيبقي فاتح لبعد الدراسه لاسبوعين فهل الكلام ده صح ولا لا

السماء البيضاء

09-09-2012, 08:14 PM

اريد ان احول من كلية خدمة اجتماعية في اسيوط الى كلية التمريض في جامعة القاهرة
لاننا غيرنا مكان السكن وعندي اثبات سكن ومجموعي اكبر من كلية التمريض
فهل اقبل ؟
و اروح مركز التحويلات في جامعة القاهرة ولا اروح لكلية التمريض؟
ولازم اروح اسيوط ولا لا ؟
ارجو الرد بسرعة لو سمحتوا

mado727

11-09-2012, 04:14 PM

لو سمحت انا قدمت تحويل لهندسه عين شمس بس انا قدمت بصوره البطاقه كاثبات سكن
يا ترى كده هيتقبل ولا ايه ؟؟؟

طالب94

19-09-2012, 07:01 PM

لو سمحت انا قدمت تحويل لهندسه عين شمس بس انا قدمت بصوره البطاقه كاثبات سكن
يا ترى كده هيتقبل ولا ايه ؟؟؟

يا ريت تعلافنا انت عملت ايه لان لو فعلا قبلوها ان شاء الله هتوفر علينا كتييييييير

222ahmed222

28-09-2012, 05:26 PM

ها يا شباب ال حولوا اتقبلوا ولا حصل ايه بالضبط؟
ربنا يوفقكم جميعاً يارب

medo20066167

28-09-2012, 06:27 PM

انا تحويلي اتقبل بس اتخدعت منهم وبسبب انهم ماكانوش صرحة معايا وكل واحد كان عمال يتقنعر الله يحرق شئون الطلبة كلها عشان عالم مسوحاتية وكدابين كدب الابل والله وانا بس لو كانوا قالولى ان ارشاد سياحي فيه انتساب مكنتش عملت الموااال الازرق والفلوس اللى اتصرفت والموقف اللى بقيت فيه دلوقتي كان زماني محول الكتروني من زمان لك هقول حسبي الله ونعم الوكيل في شئون طلبة جامعة عين شمس عشان الفلوس اللى اتصرفت والسفر خارج القاهرة للتقديم بالكلية المرشح ليها مكنش ليه لازمة دة كله بسبب انهم كلهم اتخذوا سياسة الكدب واللوع والتسويح في التعامل عشان يخلصوا من اللى قدامهم وكأن اللى جاي ليهم دة بيشحتوا منهم دة احنا لو كنا كفرة مكانوش هيعملوا كدة حسبي الله ونعم الوكيل فيهم كلهم

222ahmed222

29-09-2012, 01:11 AM

لا للفساد التعليمي

30-07-2013, 02:39 PM

شكرا جزيلا علي الافادة

esooo mohsen

30-07-2013, 04:20 PM

طيب لو سمحت انا جاتلي هندسة اسيوط وانا اصلا م الفيوم وفي هندسة ف الفيوم بس مجموعها اعلى م مجموعي طبعا فابنسبة كام يتقبل تحويلي ليها بتقليل الاغتراب طبعا

كريم محمد عباس

30-07-2013, 09:28 PM

222ahmed222

31-07-2013, 08:33 AM

شكرا جزيلا علي الافادة
الشكر لله يا دكتور :)

222ahmed222

31-07-2013, 08:36 AM

طيب لو سمحت انا جاتلي هندسة اسيوط وانا اصلا م الفيوم وفي هندسة ف الفيوم بس مجموعها اعلى م مجموعي طبعا فابنسبة كام يتقبل تحويلي ليها بتقليل الاغتراب طبعا
بنسبة كبيرة بإذن الله متقلقش خصوصاً انها كليه معليهاش ضغط اوي يعني
أظن بنسبة 90% بإذن الله يتقبل في تقليل الإغتراب

222ahmed222

31-07-2013, 08:39 AM

طيب حضرتك انا خالتى ساكنه فى القاهرة
مكن اجيب وصل نور باسم زوجها
واجيب قيد عائلى اثبت انها خالتى
واغير محل اقامتى فى البطاقة
وبكده اكون ثبتت انى ساكن فى القاهرة
انا مجموعى جايب هندسة عين شمس وعايز اروح هناك
لأ انا سبق وقولت في الموضوع انهم اقارب الدرجه الأولى فقط
انت او والدك او والدتك وماعرفش ينفع اخوك او اختك ولا لأ
بس بالطبع خالتك او زوج خالتك مينفعش

Noha Dyab

31-07-2013, 08:40 AM

222ahmed222

31-07-2013, 08:52 AM

أولا شكرًا على اهتمامك باستفسارتنا ،انا الحمد لله جبت 397 وجاتلى هندسه قنا بس انا هحول هندسه أسيوط انشاء الله وكان نفسى اقدر احول القاهره بس للأسف فرقت معايا على حاجه بسيطه ينفع احول السنه الجايه من أسيوط للقاهرة حتى لو القسم اللى عايزاه موجود فى أسيوط انا نفسى ادرس عماره انشاء الله ونفسي أكمل فى هندسه القاهره وانا ممكن اقدر إنشاء الله أجيب شقه فى الجيزه واجهز شروط التحويل،،،،،،،،،يا رب يكون ممكن مع أنى حاسه انه مستحيل
أولاً الف مبروك ليكي يا باشمهندسه :)
ثانياً :بصي هو تقدري تحولي من أسيوط للقاهره بعد اعدادي بس هتضطري تدخلي الأقسام ال مش موجوده عندك ف اسيوط زي تعدين وكيميا وطبيه وطيران والحاجات دي
ثالثاً : هو في ناس بيضربوا وصل نور او ميه او غاز طبيعي يعني بفلوس بحوالي 200 جنيه
دا لو انتي نفسك تكملي ف القاهره يعني وتبقي في عماره

Noha Dyab

31-07-2013, 09:02 AM

222ahmed222

31-07-2013, 09:07 AM

شكرًا على رد حضرتك ،بس معلش انا هزعجك انا مش فاهمه كويس يعنى انا لو قعدت السنه الأولى فى أسيوط وجبت تقدير انشاء الله اقدر احول القاهره بالرغم ان قسم عماره موجود فى الكليتين وبالنسبة لعقد النور انشاء الله اقدر أوفره السنه الجايه ويكون رسمى كمان،شكرًا مره تانيه
لأ انتي مفهمتيش
انتي لو حولتي السنه الجايه هتحولي من غير وصل نور اصلاً
بتحولي بتقديرك بس
لازم تكوني جايبه جيد جداً على الاقل عشان تحولي
بس مش هتدخلي عماره هناك
هتدخلي " طيران او طبيه او كيميا او بترول وتعدين" فقط لا غير
اما لو قدرتي توفري وصل النور حالياً قبل التحويل ما يتفتح
هتحولي من دلوقتي عادي وتحولي وتدخلي القسم ال انتي عاوزاه السنه الجايه بإذن الله :)

Noha Dyab

31-07-2013, 09:13 AM

شكرًا على رد حضرتك ،بس انا أصلا مش جايبه مجموع هندسه القاهره هى قابله من 398ونص وانا جايبه 397 شكرًا خالص كان حلم وراح الحمد لله ،،،،،،،،

222ahmed222

31-07-2013, 09:16 AM

شكرًا على رد حضرتك ،بس انا أصلا مش جايبه مجموع هندسه القاهره هى قابله من 398ونص وانا جايبه 397 شكرًا خالص كان حلم وراح الحمد لله ،،،،،،،،
هم بيقولوا انك لطالما جايبه الحد الأدنى للكليه هتتقبلي بإذن الله
يعني اقل هندسة مثلاً خدت من 388 على ما اتذكر
فهم هيقبلوا ورق أي حد جايب اكتر من 388
بس عشان هي كليه عليها ضغط فبيقبلوا الناس ال مجموعها عالي بس
فماعرفش الموضوع مش مضمون بصراحه
بس انا بقول مش هتخسري حاجه لو جربتي لطالما دا كان شيء عاوزاه بشده يعني

ehabelsapa

31-07-2013, 09:27 AM

ربنا يوفق الجميع

222ahmed222

31-07-2013, 09:34 AM

ربنا يوفق الجميع
آمين يارب :)

Perry Blanche

31-07-2013, 11:54 AM

222ahmed222

01-08-2013, 02:21 AM

طيب لو سمحت انا من قنا وجايبة 382 وبطاقتي ورقم جلوسي مكتوبين قنا واحتمال تجيلي حاسبات أسيوط (ب) وانا عايزة اروح القاهرة او عين شمس (ج) .. علما اننا مش عندنا شقة في القاهرة وهاقعد عند عمتي. هاينفع التحويل ولا ايه؟
لازم تجيبي ايصال ميه او نور او غاز طبيعي باسمك او اسم والدك او والدتك في القاهره
او اسم يشبههم يعني

yoya22

01-08-2013, 03:04 AM

السلام عليكم هو ينفع لو باب التحويلات اتفتح احول من حاسبات لهندسة
زى ماينفع التحويل من تخطيط عمرانى لهندسة؟

222ahmed222

01-08-2013, 03:14 AM

السلام عليكم هو ينفع لو باب التحويلات اتفتح احول من حاسبات لهندسة
زى ماينفع التحويل من تخطيط عمرانى لهندسة؟
ماظنش بصراحه لأن حاسبات كليه غير مناظره لهندسه
يعني الكترونيات المنوفيه و تخطيط عمراني مناظرتين لهندسه لأنّهم بيخرجوا مهندسين بينضموا لنقابة المهندسين زي بعض
بس اظن ان حاسبات قصه مختلفه
بس مش متأكد بصراحه

hadeson2007

01-08-2013, 03:23 AM

انا جبت 98 وكتبت حاسبات عين شمس رغبه اولي وجاتلي
عايز احول هندسه عين شمس ينفع وازاي الطريقه وشكرا لك

222ahmed222

01-08-2013, 03:32 AM

انا جبت 98 وكتبت حاسبات عين شمس رغبه اولي وجاتلي
عايز احول هندسه عين شمس ينفع وازاي الطريقه وشكرا لك
طيب هو انت منين الاول؟

Noha Dyab

01-08-2013, 03:52 AM

222ahmed222

01-08-2013, 06:32 AM

السلام عليكم ،أولا بخصوص التحويل القاهره انا جهزت عقد النور وحضرتك كنت قولت ان الأمل ضعيف شويه بس انا هعمل محاوله أخيره وخلاص ولو منجحتش بقى يبقى الحمد لله هتكمل فى أسيوط وخلاص ،معلش كنت عايزه اعرف كمان هو قسم عماره تقديره عالى اوى ولا لا انا عارفه ان التقدير بيختلف. من جامعه لجامعه بس يعنى تقريبا كام وهل اعدادى صعب لان المواد كتير اوى ومتشعبه،،،،،،،،،شكرًا لحضرتك
وعليكم السلام
لأ متخافيش الأقسام ف القاهره تقديراتها مش عاليه
يعني عماره بتاخد من حوالي 900 من 1500
يعني حوالي 60% :)
سهله جداً يعني متخافيش
بس ربنا يوفقك ف التحويل الأول بإذن الله :)

hadeson2007

01-08-2013, 11:29 AM

انا من حدائق القبه

the king11

01-08-2013, 01:27 PM

انا من حدائق القبه

ابن منطقتى :d هينفع ان شاء الله لما التحويل يبدأ خوش موقع الوزارة و اختار التحويل بس لكلية تانية

222ahmed222

01-08-2013, 08:45 PM

آه بإذن الله ينفع خصوصاً ان مجموعك مساعدك يعني فمفيش خوف بإذن الله

احمد على2013

02-08-2013, 06:40 AM

لو سمحت معلش هكتبلك الموضوع بالتفصيل علشان مشكلتى خاصة بادراج هندسة الطاقة توزيع جغرافى هذا العام
انا من اسوان مجموعى 387.5 جانى تنسيقى هندسة الطاقة باسوان وفرقت نصف درجة على هندسة اسوان اللى اخدت 388
والكليتان موقع جغرافى أ
بعد ظهور التنسيق لقيت هندسة اسيوط والمنيا اخدت اقل من مجموعى واسيوط بالنسبة لى موقع ب والمنيا موقع جغرافى ج
وعايز اجول لاحدهما و التحويل ده يعتبر عكس ( تقليل الاغتراب )
وليس لى محل اقامة فى اى منهما
فهل يمكن قبولى فى اى منهما
ارجو الاهتمام بالرد لانى لا ارغب فى هندسة الطاقة ولكن وضعها فى التوزيع الجغرافى ارغمنى على ادراجها فى الرغبات
وبارك الله فيك

Bianka

03-08-2014, 01:28 PM

222ahmed222

03-08-2014, 04:32 PM

انا جالتى هندسه حلوان وعايزه احول عين شمس انا فرق بينى وبينها 3 او 4 درجات
و طبعا عين شمس اقرب لييا بكتيييير
عايزه اسئل اعمل انهى تحويل ورقى ولا الكترونى وانهى اللى هيتقبل وجزاكم الله كل خيرر
اولاً الف مبروك يا باشمهندسه
دخلتي المفرمه بنجاح :d
ثانياً جربي في التحويل الإلكتروني مش هتخسري حاجه
إذا كانت عين شمس نطاق جغرافي (أ) و حلوان نطاق جغرافي (ب) فهتقبلي بالتأكيد
لو الإتنين أ ماعرفش بصراحه بس جربي مش هتخسري حاجه
بالنسبة للتحويل الورقي هو احتمالية القبول فيه اكبر
بس المشكله ان لما كان بييجي ناس يحولوا من هندسة عين شمس للقاهره يوم ماروحت انا عشان احول اتقالهم ان لطالما الكليتين جوه نفس النطاق الجغرافي
يعني لطالما الهندستين في القاهره فمش هينفع التحويل بينهم
اتمنى يكون الوضع مختلف بالنسبالك او اتغير
او ياريت يكون القوانين في جامعة عين شمس غير جامعة القاهره
بس عموماً قدمي في الإلكتروني و بعدها إذا مقبلتيش لا قدر الله حولي ف التحويل الورقي و ربنا يوفقك بإذن الله

eng abdelrahman sico

31-08-2014, 06:02 PM

ازيك يا باش مهندس ..
انا جاتلي حاسبات بني سويف وانا كنت اخدت الثانوية العامة من بني سويف .. وعايز احول القاهرة او حلوان سألت ف مكتب التنسيق قالولي مفيش تحويلات ورقية هو الكتروني بس والتحويل الورقي بيبقي للاقسام الخاصة بس .. دلوقت انا نفسيتي مدمرة ومش حابب بني سويف خالص .. وعايز احول ومش عارف اعمل ايه !! .. انا عندي اقامة اكتوبر معايا وصل كهربا بتاريخ 2011 ووصل كهربا بتاريخ شهر 8 2014 ووصل الكهربا باسم والدي .. بس المشكلة اني بطاقتي انا ووالدي بني سويف مش اكتوبر .. ينفع احول ولا لاء ؟
ارجوك تفيدني عشان انا مدمر نفسيا
وشكراا