السلام عليكم
كان عندى استفسار أرجو أن أجد لديكم إجابة له
لو حد من محافظة أسيوط مثلا وجاله التنسيق حسب التوزيع الجغرافى هندسة أسيوط بس هو عايز يروح هندسة القاهرة


هل ده ممكن وللا لأ

وإيه الخطوات اللى ممكن يتبعها علشان يحول؟

وشكرا

طلبات التحويل :
1- صورة لشهادة الدرجات
2-صورة لشهادة الميلاد
3-إثبات سكن أصلي مضى عليه 6 شهور او اكثر " وصل ميه او كهربا او غاز طبيعي او تليفون" يكون بإسم الطالب او إسم الوالد او اسم الوالده ولا يقبل غير هذا
4- مصاريف التحويل او مظروف التحويل بيكون ب 150 جنيه يعني مش 2000 جنيه ولا 3000 زي ما بتسمعوا.
5- طبعاً إنّك تكون جايب الحد الأدنى للكلية ال هتحول ليها
بمعنى إنّك مثلاً هتحول لهندسة القاهره وهي واخده 97.2%
بس أقل هندسة واخده من 94.5%
فهو دا المجموع ال المفروض تكون جايبه 94.5% مش 97.2%
مع الأخذ في الإعتبار إنّهم بياخدوا الطلبه ال بيتقبلوا بأولوية الدرجات
يعني هرجع للمثال بتاعي ال هو انا
ماتقبلش في التحويل الورقي إلا الطلبه ال جايبين بحد ادنى 398 فما فوق
مع إنّ هندسة القاهره كانت واخده من 396
بس اتقبل من فوقيها ف التحويل
طب هل دا مع كل الكليات؟؟؟
لا طبعاً بس الموضوع كله إنّ كليات القاهره وعين شمس بيبقى اكتر كليات عليها ضغط ورغبه ف التحويل إليها
فمن كثافة الطلبه
بيزودوا مجموع القبول
جدير بالذكر أنّ التحويل يكون في مكتب التنسيق التابع للجامعه المراد التحويل إليها وليس في الكليه نفسها هناك يقع مكتب يدعى مكتب التحويلات يتم التحويل من خلاله
وبالنسبة لأولئك الذين يقولون ان التحويل قد تم فتحه من اول الشهر
فهذا التحويل للطلاب الذين أمضوا سنه في الجامعه على الأقل
يعني مثلاً واحد زيي خد اعدادي هندسه ف القاهره وعايز يحول للزقازيق مثلاً

بارك الله فيك .. وربنا يوفقك إن شاء الله

بارك الله فيك .. وربنا يوفقك إن شاء الله
ربنا يوفق الجميع
و كمان روحى الكليه الانتى عاوزه تحوليها و استفسرى هناك كمان
عشان انتى عارفه ده شغل حكومه و لازم موال
و بالتوفيق