http://www.iraqup.com/up/20110317/2B0Nf-7nkI_214616872.gif

http://smiles.al-wed.com/smiles/72/mo46.gif قصة نجااااح http://smiles.al-wed.com/smiles/72/mo46.gif

بصو يا يا جماعة انهاردة جاين بفكرة يارب تعجبكم جميعا
كلنا ممكن يكون حصل فى حياتنا او فى حياة الاخرين مواقف كتير أو تحديات كتير بنواجها ، ساعات بننجح وساعات بنفشل
ف إنهاردة بندعوك و بندعوكى إنكم تشاركونا قصة النجاح دى سواء كنتم إنتم أبطالها أو أبطالها اناس آخرين
سواء قصة النجاح دى كانت بخصوص الدراسة أو عادة وخلق اكتسبته من التجربة دى علشان الجميع يستفاد منها ويكون حافز لينا جميعا
مستنياكم فى قصة نجاح
مريم السباعى

القصة دى يا جماعة سمعتها قبل كدة فى احدى المنتديات على لسان طالب
كان بيقول انى من صغرى الحمد لله انسان متفوق وشاطر المهم بدايته لما دخل اولى ثانوى مخدش ولا درس بس لاسف برضه مبش درجات عالية قوى زى متوقع ودخل تانية ثانوية بيقول معرفش ايه العب الطفولى الى اصبنى لقيت نفسى بضيع وقت كتير (فى الهو المباح والهويات) بس شد حيله فى الاخر وجاب مجموع يعنى اعلى من التسعين صحيح مش الى كانو الناس متوقعيتنه بس اه مجموع مش بطال وعدة الصيف وجيه فى سنة تالتة وبرضه لاسف حصله نفس الموضوع انخفا ض للهمة بشكل غير عادى ولاسف كانت النتيجة مدمرة لى جدا لانه جاب تقريبا حاجة وستنين فى المية وكانت صدمة لى ولاهله بيقول كنت حاسس كانى اتخبط لانى مش قادر احس اد ايه انا سبت نفسى كل دة اقل حد من قاريبى الى كانو اقلل منى دخلو طب بيطرى وعلوم وكليات كويسة ولاسف انا انحدرت وفى فى الوقت دة ابتدى يقراء عن التنمية البشرية وعلوالهمة والكلام دة لدرجة انه بيقول فضلت اقراءه فى كتاب اسمه علو الهمة لمحمد اسماعيل المقدم طول اليوم مقمتش من قريته غير على الصلاة بس وارجع اكمله تانى كان بيفكر يدخل معهدسنتين ولو جاب تقدير يكمل هندسة حلم حياته بس برضه كان بيرجع يقول وايش ضمنى ان ميحصلش زى الى حصل وافشل وكمان ابوه قلو مش حقدر ادفع فلوس تانى لان كان عنده اخوات بنات كمان واغلب اصحابه برضه قالولو كدة مفيش غير واحد صاحبه بس الى كان بيشجه المهم دخل كليه الاداب وسبحانة الله فى السنة الاولى طلع الاول على الدفعة كان بيجتهد جدا علشان يثبت ويكسر فى نفسه الخوف من الفشل
وهنا ابتدى يرجع تانى يفكر فى الموضوع بتاع معهد ستنين علشان يحقق حلمه ويدخل هندسة وصاحبه رجع يشجعه من تانى وقال لباباه انى حشتغل وحساعد فى المصاريف وفعلا دخل ومكنش عنده دققية فاضية حتى بليل بعد ميخلص شغل يقعد يذاكر والنتيجة انه جا ب اعلى نسبة فى تاريخ المعهد والحمد لله دخل كلية الهندسة وبيقول اول مدخلت من الباب بتاع الكلية ركعت ركعتين شكر واقعد ادمع مش مصدق ان حلمى اتحقق وقدرت اقوم تانى الحمد لله
ودلوقتى بيقول هو فى اعداى هندسة وبيتمنى من اى حد شاف قصته انه يحيى المارد الى جواه وميستلمش
اتمنى تكون القصة عجبتكم

شكراااا ..و الف مبروك على الموضوع الجديد
جزاك الله خيراا

شكراااا ..و الف مبروك على الموضوع الجديد
جزاك الله خيراا

اشكرك بس اسمها جزاااكى انا بنت مش ولد اسمى باين يعنى:):rolleyes:
جزنا واياكم جميعا يارب

موضوووووووووووووووع عااااااااااااااااالى جدا وان شاء الله يخدم ناس كتير بالذات فى الفترة ده
وخصوصا انى داخل المعهد ده السنادى هههههههههه ويارب امشى على خطاه واحقق اللى هو عمله

موضوووووووووووووووع عااااااااااااااااالى جدا وان شاء الله يخدم ناس كتير بالذات فى الفترة ده
وخصوصا انى داخل المعهد ده السنادى هههههههههه ويارب امشى على خطاه واحقق اللى هو عمله
اشكرك وان شاء الله ربنا يوفقك
ومبروك مقدما يا بشمهندس

موضوع جميل اخر حاجة شكرا

فكرة جميلة
تقبلو مرورى

[[]اشكر مروركم جميعا ومنتظرة قصص نجاحكم
وانهاردة فى قصة علىة لسان بنت كتبت قصتها فى منتدى سحر الدنيا تعالو نشو ف بتقول ايه (قررت تتغير ومتبقاش عصبية)

باختصار انا بكره العصبيه و مش بحب التوتر بس غصب عني طلعت لقيت والدي عصبي جدا جدا و انا اخدت منه الصفه دي...... حياتي بالنسبالي بقت غايه في القرف و الزهق و الزعيق مع اني انا اصلا مش كده انا بكره الصوت العالي جدا و مش بحب الخناق ...بس للاسف اكتشفت اني شاربه منه الموضوع جدا و بدئت اتعامل مع الناس كلها كده ماكنتش بهدي غير لما اكسر حاجه و ازعق و اشخط و ده كان و انا صغيره لما كبرت بدئت الموضوع اني حتي لو انا عندي مبادئ بتعصب عليها حتي لو انا صح موقف يحصلي و انا الطرف الصح فيه حقي بيضيع و اصحابي بيزعلوا مني بسبب عصبيتي ....أمي عمير ما هنسي عياطها بسببي بس من ساعه ما قربت من ربنا و انا ابتديت ابحث و ادور اعمل ايه لما اتعصب اقول ايه اتصرف ازاي بحاول والله قدر الامكان اني اسيطر و فعلا بحاول بس للاسف في ناس بتحاول تحبطني و تقولي انتي مش هاتتغيري ..وقفت مع نفسي وقفه و قلت لا انا مش كده و استعنت بالله و قعدت مع امي اللي ياما شافت مني و من ابويا و بوست اديها و رجليها و قلتلها لو بتحبيني ساعديني اتخلص من المرض ده انا لما بتعصب بعتذر بس بكون كسرت قلب حد بكلمه بنظره حتي لو انا صح بس للاسف .... أمي ساعدتني و قالتلي هساعدك و هادعيلك و فعلا بدئنا انا وهي رحله علاج من العصبيه و انا من اول يوم رمضان ربنا مسخر لساني بدعاء واحد " اللهم كما حسنت خلقي..حسن خُلقي يا رب" ....و اخدت القرار مع امي و اتعاهدنا امام ربنا اني لازم اسيطر علي اعصابي و اتعلم اني بدل ما افقد اعصابي ازاي ادي لعقلي فرصه انه يفكر لمده ثانيه و الحمد لله ابتديت اتحسن و حتي الناس اللي لسه بتقولي انتي شبه ابوكي جدا في طباعه و تصرفاته مباقتش التفت ليهم و بقولهم ماشي و انا من جوايا حاسه اني هاتغير باذن الله مع ان الكلمه بتجرحني و بتخليني ابكي ....بس استعنت بالله و قلت يا رب و اخدت القرار

الموضوع حلو أوى بجد واللى أحلى القصص الجميلة دى
انا كان نفسى ف الموضوع دا من زمان

اللهم اهدنا لما تحبه و ترضاه..للاسف حكاية العصبية دي عندي كمان بس بقدر اسيطر على نفسي و مبجرحش حد الحمد لله

و شكرااا ليكي على القصص الهادفة..:078111rg3:

موضوع رائع
بارك الله فيكى

جميـــــــــــــــــــلة جددددددااااااااااااااااااااااااااا
ولو لقيت قصة هبأى أكتبها

جميل جدا جدا جدا جدا جدا ........... اكثر من روعة القصص دى .... بالعزيمة فعلا ممكن نعمل اى حاجه نفسنا فيها

ا3_نها ايضا قصة نجاح ولكن نجاح على اهواء النفس ومجاهدتها فتعلو معى نرىماذا تقو ل


...............أنا لما كنت في الثانوي كان لية زميل معجبة بشخصيته وبقيت بحب أشوفه ولأن حيائي كان يمنعني من النظر اليه فكنت بكتفي بالاحساس بوجوده في مكان أنا فيه أو أشوفه وهو مش شايفني فكنت بظبط مواعيد دروسي على المجموعات اللي بيروحها ولم يطلع على ذلك أحد من الناس وغفلت عن أن حبيبي الأكبر يراني ولما دخلت الكلية و بدأت أفصح عما بين ثنيات صدري لصديقة واتنين وتلاتة حسبتهم كذلك فازداد تملك الموضوع من قلبي خاصة مع تعليقات البنات وخاصة كمان انه عمل أفعال ذوقية عادية ممكن تحصل من أي حد لأي حد لكن رغبتي في اني أشوفها مختلفة خلتها مختلفة وحسست اللي حوالية انها مختلفة وزاد وزاد الأمر في قلبي فمرض بسماع الأغاني والبعد عن الله وقرآنه الكريم وكنت بدعي ربنا أن يرزقنيه في الحلال وللأسف ملقتش حد يقولي ان ده حرام أو ربنا مبيحبوش وخاصة أمي لأنها كانت شايفة انه عادي واستمتعي بحياتك طالما مبتأثرش على مذاكرتك ومكنتش بذاكر أصل ازاي يجتمع النقيضين وفي آخر السنة محققتش اللي كنت بحلم بيه وحسيت ان تعبي هيبقى هباء منثورا وضاق صدري فجريت لربنا وقلتله الحقني أنا بضيع أنا مش عايزة أبقى كدة دعيته يوفقني ويهديني ويرزقني بالصحبة الصالحة وقد كان الحمد لله في السنة اللي بعدها جبت امتياز عالي وحبيبي لفني بصحبة صالحة وبعدت عن أصدقاء هم مش وحشين بس كانوا زيي مش فاهمين وبسبب الصحبة الصالحة بدؤؤا يجروني لأحلى حاجة بالنسبة لي دلوقتي وهي اني أسمع برامج أ/مصطفى حسني وأسمعني حبيبي على لسانه أن الله غيوووووووووووووووووور فاتكسفت وعرفت سبب ضيقي فتحررت ونظرتي اتيرت وبقت دعوتي هي اللهم ارزقني زوجا صالحا نرفع مع بعض منزلتنا عندك أيا كان هذا الشخص ولا غيره وبدأت أتعلم في ديني ما يخص قلبي أكتر من أستاذي مصطفى حسني وظني في الله انه هيرزقني كل الخير وبقى مراودة ذلك الاحساس على فترات متباعدة لأني بجاهد نفسي بفضل الله فبغض بصري وبستعيذ بالله من الشيطان الرجيم وبتشحن لما بطاريتي بتفضى لما بلاقي أ/ مصطفى في التليفزيون وبسمع كل حلقاته وقريب كنت بفكر في موضوع الزواج والحب الحلال وبقول لنفسي يا ترى ربنا كاتبلي مين وحياتي معاه ازاي فلقيت ربنا باعتلي عريس واخد امتياز في كل حاجة بتمناها لكن سنه كبير أوي ومش هينفع يستنناني عما أخلص(طب) لكن فهمت الرسالة وان حبيبي بيقولي ده أول كرمي فما بالك بقة باللي أنا كاتبهولك وطمأن قلبي الحمد لله رجاء ادعولي ربنا يثبتني على حبه وحده لا شريك له

تسلم ايدك .

تعالو نسمع القصة من صبتها هى كاتبه كل التفاصيل تعالو نشوف بقول ايه

السلام عليكم ان النهارده جايه احكيلكم قصتي مع المسلسلات قصتي خصوصا علي مسلسل فاطمه انا يا جماعه كنت مدمنه المسلسل ده خصوصا هو و العشق الممنوع و اي حاجه فيها بيرن سات كنت بموت فيها لدرجه اني اتفرجت علي العش الممنوع 3 مرات و مش بزهق منه !!!!!!!!!!! مع اني الحمد لله متدينه و بصلي كل الفروض الحمد لله و بقرء قران و بستغفر زي اي مسلمه مش هقول مؤمنه علشان ديه درجه تانيه خالص و مسلسل فاطمه ماستحملتش اني اعد كل يوم استني الحلقه الجايه علي التلفزيون و الاعلانات فاقررت اني احمله بس زي مايكون ربنا بيقولي ماتحمليهوش و بيديني فرصه اني ارجعه طلع الانترنت دونلود مانيجار مش راضي يشتغل فاكانت بنت عمي حملته من عندها فقمت جبت كل الحلقات من عندها و كنت بسهر و اعد اتفرج عليها و كانت الحلقه ساعتين و المسلسل كله لغايط الحلقه الاخيره 80 حلقه ماكنتش بستحمل لغايط لما قريبتي تحمل الحلقات كنت بحس اني هموت لازم اتفرج علي الحلقه الجابه لدرجة اني كنت بعيط بالدموع مش علشان مستنيه الحلقات لا ............... ده من الحلقات نفسها اقسم بالله كنت بعيط او لما كريم يقول لفاطمه انو بيحبها او فاطمه لما صارحته بحبها او لما بتيجي تصالحه او هو يجي يصالحا او لما كان في المستشفي و هي كانت علطول اعده معاه كنت بعيط عياط بجد عارفه انك هتقولي عليا تافهه جداااااا بس بجد انا كنت بعشق المسلسل ده مش علشان حاجه بس المسلسل فكرته عجباني جداااا و حب كريم لفاطمه و الرومانسيه و كل الحاجات ديه انا كنت بتشدلها جدااااا بجد كنت بعشق المسلسل اووووووى و كنت بفكر اني في رمضان اتفرج عليه مع اني في رمضان مع بتفرج غير علي مسلسل واحد بس (مع سبق الاصرار) بس اشتقت اووووى لفاطمه انا مش بزهق خاااالص انا ممكن اتفرج عليه 33 مره و برده مش بزهق بس انا سمعت كتير اوووى من الناس علي حلقة مصطفي حسني و كانوا بيقولوا حرااام يا بنتي المسلسلات ديه و انا كنت ببرر نفسي و اقول :اصلا اللبس اللي في المسلس كان محترم فاطمه كانت لبسها فساتين مش زي العشق الممنوع كان اللبس عادي و ماكنش فيه اي حاجه خارجه عن محور الادب غير في الحلقات الاخرنيه و حتي انا مش كنت بتفرج عليها :و انا كنت مقتنعه بالكلام ده جداااااااا و قررت النهارده اتفرج علي حلقة مصطفي حسني سحر الفن اكيد طبعا في ناس كتير اووووى اتفرجت عليها عايزه اقولكم اني ندمانه اووووووووى و حاسه اني مخنوقه اوووى من نفسي لاني اكتشفت اد ايه اني كنت مغفله و دعيت و استغفرت ربنا كتير اووووى انه يسامحني علي كل ده انا بدات تدريجي ابعد عن المسلسلات في رمضان لغايط لما استقريت علي مسلسل واحد بس الكلام ده قبل مااشوف الحلقه لاني كنت بتفرج علي برده الزوجه الرابعه بس لقاء الخميسي كانت طالعه بشكل سئ جدااا لدرجة اني كنت بقفل التليفزيون علي اخواتي لما بشوفها بالمناظر ديه و معظم المسلسلات برده لما بلاقي المناظر ديه بعمل كده بس فاطمه ماكنش فيها اللبس ده ولا الاسلوب ده علشان كده كنت مقنعه نفسي ان المسلسل ده مش حراااام بس دلوقتي اتاكدت انو حرراااااااام مليون في الميه كان نفسي اجبلكو الرابط هنا بتاع الحلقه علشان تحملوه بس للاسف مش هينفع في المنتدي بس بحد انا حابه اشكر مصطفي حسني جداااااااا لانو بجد بجد و نعما الداعيه انا بحبه جداااااا اصلا انا حبيت انزل قصتي علشان ابقي عظه لكل بنت بتتفرج علي المسلسلات ديه و بعد ما كنت انا ببكي من فاطمه و كريم دلوقتي هبكي علشان ربنا يسامحني و اوعو حد يكون زيي في يوم من الايام اوعوا حد يدمن زيي كده و افتكروا ان الناس دول الشيطان مصلطهم علينا علشان ينسونا ربنا و ينسونا ان في دنيا و اخره و عذاب اليم و عذاب عظيم و جنه و نار و اذا كانوا هما نسيو ربنا و عايزين ينسونا معاهم ربنا يبقي لازم نعمل مقاطمه و اي حد نعرفه لازم ننبهوا بجد انا مش حابه ان اي بنت تكون زيي استغلوا وقتكم ده بالاستغفار او الصلاه او اي حاجه مفيد مش تضيعة الوقت بالمسلسلات و اوعو تبقوا زيه و ادعولي و انا بدعي لكل الناس يارب يثبتنا كلنا و يغفرلنا في امان الله حابه اشكر في الاخر الداعية مصطفي حسني ربنا يباركلك

من احب قوم حشر معهم
الله ينور عليكى
ربنا يهدى امة النبى صلى الله عليه وسلم