ياريت يا جماعة كل اللى فى كلية حقوق الاسكندرية يجمع هنا و لو حد عارف امتا التقديم و اية النظام

التئديم السبت 25/8/2012

انا كمان حقوق وعاوزة اقدم ومش عارفه التقديم امتي بالظبط كتير كاتبين مواعيد مختلفه

انا رايح اقدم يوم 9/1 تبقى تيجي معايا حقوق اسكندرية :)

التقديم ان شاء الله يوم الخميس اتصلت بشؤون الطلبة وقالوا كدا

انا روحت و قالوا التقديم 1/9

هروح 2/9 احسن عشان الزحمة و كل الكليات التقديم هيبقا نفس الوقت

انا اتصلت بشؤون الطلبة دلوقتي وقالولي 10 سبتمبر اسمع كلام مين انا دلوقتي وملسه من يومين قالولي تعالي الخميس 30 اغسطس

انا كمان قالولي تعالي كمان 10 ايام

مهزلة و الله

انا رحت النهاردة وقالوا ادخل عادى يوم 15 سبتمبر وبعد كده لما يجي الورق بتاعي من التنسيق اتثبت عادي لكن لما اروح احضر محاضرات عادي لحد الورق ما ييجي من مكتب التنسيق اللي في القاهرة

معلش انا عندي سؤال هي الفرق متقسمه هناك ازاى وكمان جدول المحاضرات هناك بيكون في محاضرات بــ الليل ولا اية وياريت لو حد عندة الجدول بتاع السنة دي ياريت يعرضة

انا بجد قلقان وخايف بيقولة ان الدراسة فيها صعبة

من فضلكم حد يطمني انا بجد خايف

وياريت حد يقولي المصاريف كام

انا قدمت النهاردة المصاريف 150 جنية ده غير طوابع ب 70 جنية ده غير الكشف الطبى الطابع ب30 جنية

هههههههه فعلا بيطلعوا عنينا الاول والكهرباء تقطع ونفضل محروقين في الشمس ونعم التعليم بجد

انا كدا غلط فعلا

المهم هي الدراسة كمان اسبوع في جامعة اسكندرية ولا ايه النظام

اه يوم 22/9 فى جامعة اسكندرية لكل الكليات

انا اتصلت بشئون الطلبة وقالوا ان التقديم يوم الاحد القادم بامر الله انا بجد تعبت من الموضوع ده
وهو اكيد الدراسة حتبدأ الاسبوع القادم ولا لسه في مظاهرات في الجامعة
انا كرهتها من قبل ما ادخلها اصلا

فيه لسة مظاهرات كبيرة بس مش عارف الدراسة تقريباً هتتأجل ليوم الثلاثاء عشان يكونوا مشوا و الله انا كرهتها خلاص :(

يا جماعة متقلقوش الدراسة هتبدا يوم 7 اكتوبر
وانا عن نفسى هروح بكره وهشوف ايه الاخبار

ايه دا هي هتتأجل تاني يعني مش اروح بكرة مشوار ع الفاضي لو رحت

وبالنسبة لو حد يعرف واحده صحبتي جالها انتظام مرحلة تالتة بس لسه مقدمتش عادي تيجي بكرة معايا ولا هيكون في مشكلة
ياريت حد يرد

انا سألت واحد من شئون الطلبة وقال أن المرحلة الثالثة تيجي يوم الاحد القادم عشان تقدم الورق والله أعلم
وحسبنا الله ونعمه الوكيل فيهم

يعنى يا جماعة نروح بكرة و لا لاء ؟؟؟؟؟؟؟؟؟؟؟؟

اه بكرة كلية عادي
بس جدولنا اتغير بقي اول 4 ايام من الساعه 4 العصر للساعه 8
بجد حرام

انا رحت ولقيت مظاهرات لكن قالوا في دراسة عادي من النهاردة
تبدأ من الساعة 4:30

انا رحت النهاردا واستنيت لحد ميعادنا بس مفيش حاجه بجد ايه دا

ايه الحل يا شباب
انا عن نفسي حروح احضر المحاضرات من الاسبوع اللي جاي عشان تكون الاوضاع هديت شوية
وأنا أصلاً مش فاهم ازاي نحضر محاضرات وفي مظاهرات في الجامعة والله انا زهقت

الدراسة فى اى كلية مش بتنتظم غير على اول شهر عشرة

النهاردة يا جماعة كان فيه محاضرتين التنظيم الدولى و تاريخ النظم القانونية

اه انا حضرت النهاردا بجد مواد جميلة عاوزة تركيز بس

يعني انا لو رحت احضر المحاضرات بعد كده الدكتور حيدخل عادى ولا اية النظام

والدكتور بيشرح كويس يعني اللي راح فهم ولو نبذة بسيطة عن المادة



في حد عرف أي اخبار عن تقديم الورق للمرحلة الثالتة ولا لسه مفيش اخبار

كل المراحل بتحضر عادي حتي اللي لسه مقدموش هما قالوا التقديم لحد شهر 11 مش تقلق ان شاء يتفتح اخر الاسبوع بس تيجي تحضر بالنسبة للشرح في دكاترة بجد تحفه وفي مش بيقدروا يسيطروا ع الطلاب اللي قاعده المهم تحاول تركز وخلاص بكرة عندنا من 2 ل 6

ايه اخبار الكتب ومصاريفها بتكون كام

مصاريف الانتظام 150 ج غير الدمغات

والانتساب 500 بردو غير الدمغات
والكتب ان شاء الله هتنزل ع الاسبوع الجاي في الدعم
يكون الاضراب دا خلص

لو ممكن حد ينزل محاضرات الاسبوع الاول انا رحت امبارح ولم اجد احد ممن قابلته يملكها

هاتها من مكتبة الفرسان اللى قدام الكلية عندهم كل المحاضرات

بقولكم يا جماعة عايزين نتقابل فى الكلية قولته اية

طب حنعرف بعض الزاي

يا جماعة اللي حابب يدخل معايا انتخابات الاتحاد ان شاء الله ناخدها لاسباب معينة ممكن يعرفني او يتواصل معايا ع صفحتي ع الفيس ويعرفني كل معلوماته ويجيب صوره لبطاقته
في الملف الخاص بتاعي ع بوابة الثانوية
الانتخابات هتبدأ من الاسبوع الجاي ان شاء الله

يا جماعة اللي حابب يدخل معايا انتخابات الاتحاد ان شاء الله ناخدها لاسباب معينة ممكن يعرفني او يتواصل معايا ع صفحتي ع الفيس ويعرفني كل معلوماته ويجيب صوره لبطاقته
في الملف الخاص بتاعي ع بوابة الثانوية
الانتخابات هتبدأ من الاسبوع الجاي ان شاء الله

Good Luck everyone En Shaa Alah

ميرسي جدا لحضرتك دعواتك لينا وكل واحد يحقق هدفه ان شاء الله

انا سمعت ان في محاضرات اتلغيت لكن انا مش عارف اي محاضرات
في حد هنا عرف او سمع حاجة عن الموضوع ده

هو في امتحانات في الكلية ارجوووووووووووووووووو الرد بسرعة

ارجووووووووووووووووووووووووووووووووووووووووا الرد
هو في محاضرات الاسبوع اللي جاي لان في ناس بتقول انه اجازة بسبب الامتحانات اللي في الكلية