باب التظلمات اتقفل امبارح مش زي مالوزارة قالت انه هيتقفل يوم 17
كله اي كلام فجاه طقت في دماغ الوزير يقفل باب التظلمات وبعت لكل الادارات
تقريبا فرقت علي نص ساعة وكنت عملت تظلم عادي جدا
بس جايز كنت عملت واتحرق دمي فقولت الحمد لله
دة الخير
ومفيش حد رجعله درجات
انا روحت دفعت ال100 جنية اول مرجعت مالسفر
وراحوا عليا
580 طالب رجعله درجات معظمهم نص درجة او درجة من اصل 60 الف طالب
وحصيلة التظلمات ما يقرب ل 11 مليون تقريبا وطبعا الطلاب الغلابة المظلومين دفاعوهم علي امل حاجة تغير مستقبلهم
كلنا كنا مضظرين يعني انا بصراحة لو قالولي نرجعلك درجاتك المظلوم فيها وناخد الف ياخدوه المهم مستقبلي
حسبي الله ونعم الوكيل تعليم فاشل ونظام فاشل وتنسيق ظالم
ربنا يستر عليا السنة الجاية في الامتحانات والتنسيق ويعوض عليا في ال9 درجات اللي اتظلمت فيهم واللي تعبت في موادهم جدا :078111rg3:

ربنا سبحانه تعالى لا يضيع أجر من أحسن عملا
يعنى إنت ذاكرت وطلع عينك طول السنه وإجتهدت
وللأسف إتظلمت فى التصحيح ومسكتش ورحت عملت تظلم وبرده مفيش فايده
يبقى ربنا حيعوضك فى 3 تعويض لم تكن لتتخيله إلا لما تشوفه قدام عينيك
حتلاقى نفسك لا قدر الله طالع ملبخ فى ماده ومنيل الدنيا فيها ولما النتيجه حتظهر حتلاقيها أعلى ماده إن لم تكن مقفلها كمان
و ال 9 درجات دول حيرجعولك فى سنه 3 والله
بس أصبر وسلمها لله وسيبه هو يقدرلك

والله كلامك بيديني امل يا خالد
انا هسبهها علي الله
وان شاء الله هو يعوضني خيرا

والله كلامك بيديني امل يا خالد
انا هسبهها علي الله
وان شاء الله هو يعوضني خيرا

أصل أنا بكلمك عن تجربه أنا شخصيا مريت بيها
وعارف أد إيه شعور الإنسان بالظلم وكنت عامل زيك ومضايق
لكن ف 3 لقيت كرم ربنا كبير جدا وعوضنى أكتر م كنت أستحق
ومن ساعتها عرفت إن ربنا بيرتبها من عنده