بحبك يا مصر وكتر خيرك يا ريسنا(ما بتحبهوش ليه بس ) [الأرشيف]

مشاهدة النسخة كاملة : بحبك يا مصر وكتر خيرك يا ريسنا(ما بتحبهوش ليه بس )

الجويرية

14-05-2008, 05:22 PM

بسم الله الرحمن الرحيم
السلام عليكم ورحمة الله وبركاته

يا جماعة ممكن اسالكم سؤال؟
ليه ماعندكومش انتماء لوطنكم ولرئيسكم
انا بقولها باعلى صوتت بحبك ياااااااااااااااااااااااااااامصر
بكل مميزاتك وعيوبك بحبك يا مصر
واقدرك يا رئيسنا واحترمك
ليه بس مش بتحبوا الراجل ده
كفايه اللى عمله لينا دا مفيش واحد عنده تمانين سنه عمل اللى عمله..
بنتعلم أحسن تعليم..
عايشين أحسن عيشه..
والله العظيم دى أفكار بعض الناس ومن غير المنتفعين منه أيضا ...
يعنى الواحد لما يقعد مع الناس دى يتشل بجد ...
وآخر حاجه تتخيلها انو ولى أمر المسلمين عند بعض الناس..
...يلا مادى آخرة الهنا اللى عيشنا فيه
بقول ايه ..حسبى الله ونعم الوكييييل
فى اللى وصل مصر للمستوى ده
دا كفايه وقفته أمام ربنا يوم القيامه

كل ده وكل الحمل عليه لوحده ربنا يعينه ويكرمه
كفاية انه معيشنا فى سلام ولا محتلين ولا حاجة
ليه ما نقولش العيب بتاع البطالة والمعيشة غلط مننا؟
ليه كل حاجة بنرميها عليه هو لوحده ونقول حسبنا الله ونعم الوكيل فيه
ليه ما يكونش مننا عشان عددنا كتير عشان احنا متخلفين بعض الشئ
بصراحة انا كنت فى الاول مش بطيق حاجة اسمها حسنى مبارك
بس لما عرفت حقيقته فعلا قدرته وبقول الله يكون فى عونه يوم الحساب

انا حبيت بس اصلح الموضوع ده اللى منتشر كتير اوى فى المنتدى
وجزاكم الله خيرا

وفاء البحر

14-05-2008, 05:36 PM

وانا رايي من راي حضرتك
وربنا يديم علينا خير البلد دي ونعمه السلام
وشكرا علي الموضوع

أسيل رزق

14-05-2008, 05:38 PM

لا طبعاً بنحب مصر لكن مش بنحب ناس تانيين

حضرتك مش بتشوف الناس فى مصر حالها عامل ازاى

أقول لحضرتك حاجة

أنا كنت زيك كده زمان وبستغرب ليه الناس مش بيحبو مبارك لان حياتى كانت منحصرة بين بيت متوفر فيه كل حاجة الحمد لله و مدرسة خاصة ب6 ملاعب تقريبا و اصحاب من نفس مستوايا بنخرج مصر الجديدة وروكسى وندخل مولات وهكذا

لكن لما شفت الواقع والنسبة الكبيرة من الناس اللى بيعانوا فعلا شىء يقطع القلب
جرب حضرتك روح مع اى جمعية خيرية كبيرة قافلة خير واحدة وصدقنى والله هتبكى لما تشوف الناس

مناطق مافيهاش لا ميه ولا نور ولا اى حاجة بيوت من طين ويمكن ناس فاحتين فى الجبل وهى دى بيوتهم
ناس ماتعرفش شكل الفلوس ايه بيحلموا بجنيه واحد فى اليوم فى أقل من كده .. ؟!!

معاك ان العبء مش عليه لوحده

احنا غلطانين اننا سايبينهم ينهشوا فى لحمنا

تقدر تقولى ايه الحل ؟؟!!!

طيب هو لو راجل كويس اقل حاجة : ينفع انه يدى 90 جنيه لكل واحد يرشحه فى الانتخابات

اقولك على حاجة

صلى على النبى

وشكراً على الموضوع

الجويرية

14-05-2008, 05:49 PM

وانا رايي من راي حضرتك
وربنا يديم علينا خير البلد دي ونعمه السلام
وشكرا علي الموضوع

ايوة اخيرا لاقيت حد مؤيد ليا
اميييييييييييين ياااااااااارب
وشكرا على المرور

الجويرية

14-05-2008, 05:52 PM

الجويرية

14-05-2008, 05:54 PM

لا مش مكانى انا مكانه هو وكنتى رئيسة جمهورية

nothing

14-05-2008, 07:39 PM

انا مش معاكى تماما اه انا بحب مصر وبموت فيها لكن مش ........
طبعا كلنا سمعنا عن ازمة العيش انا ساكنة وتحتى فرن عيش(اصلى ساكنة فى منطقة شعبية وليست عشوائية*) والله والله والله الناس بتقطع بعض علشان يجيبوا العيش لحد ما وصلت خناقات كل يمو للفوز برغيف العيش الذى هو من اقل المتطلبات والناس ماشية فى الشوارع بتكلم نفسها والله انا بتكلم جد وده حاجة واحدة من انجازات بابا مبارك توفير الخبز للمواطن المصرى وفى الاخر تقوليلى احنا مش بنحبه طب يحل ابسط المشكلات وبعدين يدور على التانى وبعدين فى خبر يقول ايه مصر بنتور السودان يعنى بعتلها منحة لانارة السودان طب ينور للى عنده الاول وبعدين يشوف غير هاقول ايه ولا ايه يلا ربنا يسامحه!

nothing

14-05-2008, 07:40 PM

انا مش معاكى تماما اه انا بحب مصر وبموت فيها لكن مش ........
طبعا كلنا سمعنا عن ازمة العيش انا ساكنة وتحتى فرن عيش(اصلى ساكنة فى منطقة شعبية وليست عشوائية*) والله والله والله الناس بتقطع بعض علشان يجيبوا العيش لحد ما وصلت خناقات كليومللفوز برغيف العيش الذى هو من اقل المتطلبات والناس ماشية فى الشوارع بتكلم نفسها والله انا بتكلم جد وده حاجة واحدة من انجازات بابا مبارك توفير الخبز للمواطن المصرى وفى الاخر تقوليلى احنا مش بنحبه طب يحل ابسط المشكلات وبعدين يدور على التانى وبعدين فى خبر يقول ايه مصر بتنور السودان يعنى بعتلها منحة لانارة السودان طب ينور للى عنده الاول وبعدين يشوف غير هاقول ايه ولا ايه يلا ربنا يسامحه!

الجويرية

14-05-2008, 10:01 PM

يا جماعة ده راجل عنده 80 سنة ومسحملنا ومسؤلين عليه يوم القيامة اعذروه ردوا
وبردوا بموت فيكى يا مصر وكتر خيرك يا رئيسنا

بندق__2007

14-05-2008, 10:13 PM

الجويرية

14-05-2008, 10:17 PM

لا اله الا الله
ما فيش كلمة ربنا يهديه علينا كله دعا على الراجل
ما فيش صبر على الابتلاء؟
اتقوا الله يا امة محمد

أسيل رزق

15-05-2008, 07:43 AM

يا جماعة ده راجل عنده 80 سنة ومسحملنا ومسؤلين عليه يوم القيامة اعذروه ردوا
وبردوا بموت فيكى يا مصر وكتر خيرك يا رئيسنا

والله فى أكبر منه وبلدهم فى أجمل حال

بص على إيدك الشمال وشوف ليبيا

ولا اقولك بص على ايدك اليمين وشوف الخليج ناس بدووووووووو

يعنى المفروض مش بيشوفوا غير اللون الاصفر وعاملين ازاى

وإحنا اللى عندنا خيرات لا حصر لها .. تقدر تقولى حضرتك بيروحوا فين ؟؟

أكيد أكلتها القطة :D

أبسط مثال .. جبل الدهب اللى اكتشفوه فى سينا من كام سنة كان ممكن يحل أزمة الدول العربية كلها مش مصر بس ماجابوش عنه أى خبر بعد كده .. أكيد صدقنى أكلته القطة :D

فين فلوس ممتلكات الحكومة اللى اتخصخصت ؟!!! .. أكيد أكلتها القطة :D
وآبار الغاز والبترول و..و..و..و.. إلى ما لا نهاية :(

وبعدين هو مش قادر يعملنا حاجة وراجل عنده 80 سنة ومريض يرحم نفسه شوية ويدى فرصة لغيره ينفع البلد .. مش يتبت فيها ويتعبنا معاه!!!

ماسئلتش نفسك مرة هو أيمن نور واتباعه راحوا فين .. ؟!!

وكل التُهم اللى اتوجهتلوا أثناء الانتخابات دى من مين .. أكيد برده من القطة :D

يا إما هو حاططهم فى دفتر توفير لينا ( بيأمن مستقبلنا )

صدقنى الراجل ده لو ساب الحكم حق ربنا انه يتعدم 80 مليون مرة .. كل مواطن مرة :p

تصدق بالله ( لا إله إلا الله ) الخونة اللى باعوا صدام حسين فى لحظة ودلوقتى بيبكوا بدل الدموع دم والله لو هما شعب مصر كانوا قطعوه حتت .. الله يرحمك يا صدام :(

وحضرتك بتقول كفاية انه موفرلنا الامن ومش بلد محتلة

الحمد لله على كل حال .. بس هو مش عايز يجيب مشاكل لنفسه مش خوف علينا ولا حاجة

وعلى فكرة احنا دولة محتلة بالفعل واكتر من احتلال اسرائيل لفلسطين وامريكا للعراق شوف حضرتك هما من بعيد عملوا ايه فى الشباب والمخدارت اللى ناقص تتباع فى السوبر ماركت وحوادث ال****** اللى بقت اكتر من شعر راسنا اتفرج على الجزيرة وشوف لما بيحصل حادثة فى شرم الشيخ مش هتلاقى بنى ادم عربى فى المكان كلها شرطة واسعاف يهودى اسرائيلى

أقولك أنا نفسى حد يحتلنا على الاقل لما نموت هنموت شهدا مش هنموت من كتر شرب الحشيش والبانجو ولا هنموت واحنا بنشرب سيجارة فى الحمام .. ساعتها بس هنعرف إن الله حق ونلجأ ليه

أصل المصريين مش بيمشوا غير بال .........

بيننا الأيام وهنقرا فى التاريخ إن عهد ( اسمو ايه ) أسوء عهد مرت بيه مصر فى تاريخها

قلتها مليون مرة .. ربنا ساترها معانا علشان بس كلمة مصر مذكورة فى القرآن

بطلى رغى يا ست مها .. هتودى نفسك فى داهية :mad:

وشكراً ..

عاشقـــ الانمى ـــة

15-05-2008, 07:46 AM

كلمة الإنتماء للوطن فى حد ذاتها الكلمة دى عجبتنى
إنما إنى أقدر الريس
فى حد ذاتها
مش ممكن
استحالة

blossoming love

15-05-2008, 08:19 AM

dr.saeed

15-05-2008, 01:56 PM

والله فى أكبر منه وبلدهم فى أجمل حال

بص على إيدك الشمال وشوف ليبيا

ولا اقولك بص على ايدك اليمين وشوف الخليج ناس بدووووووووو

يعنى المفروض مش بيشوفوا غير اللون الاصفر وعاملين ازاى

وإحنا اللى عندنا خيرات لا حصر لها .. تقدر تقولى حضرتك بيروحوا فين ؟؟

أكيد أكلتها القطة :D

أبسط مثال .. جبل الدهب اللى اكتشفوه فى سينا من كام سنة كان ممكن يحل أزمة الدول العربية كلها مش مصر بس ماجابوش عنه أى خبر بعد كده .. أكيد صدقنى أكلته القطة :D

فين فلوس ممتلكات الحكومة اللى اتخصخصت ؟!!! .. أكيد أكلتها القطة :D
وآبار الغاز والبترول و..و..و..و.. إلى ما لا نهاية :(

وبعدين هو مش قادر يعملنا حاجة وراجل عنده 80 سنة ومريض يرحم نفسه شوية ويدى فرصة لغيره ينفع البلد .. مش يتبت فيها ويتعبنا معاه!!!

ماسئلتش نفسك مرة هو أيمن نور واتباعه راحوا فين .. ؟!!

وكل التُهم اللى اتوجهتلوا أثناء الانتخابات دى من مين .. أكيد برده من القطة :D

يا إما هو حاططهم فى دفتر توفير لينا ( بيأمن مستقبلنا )

صدقنى الراجل ده لو ساب الحكم حق ربنا انه يتعدم 80 مليون مرة .. كل مواطن مرة :p

تصدق بالله ( لا إله إلا الله ) الخونة اللى باعوا صدام حسين فى لحظة ودلوقتى بيبكوا بدل الدموع دم والله لو هما شعب مصر كانوا قطعوه حتت .. الله يرحمك يا صدام :(

وحضرتك بتقول كفاية انه موفرلنا الامن ومش بلد محتلة

الحمد لله على كل حال .. بس هو مش عايز يجيب مشاكل لنفسه مش خوف علينا ولا حاجة

وعلى فكرة احنا دولة محتلة بالفعل واكتر من احتلال اسرائيل لفلسطين وامريكا للعراق شوف حضرتك هما من بعيد عملوا ايه فى الشباب والمخدارت اللى ناقص تتباع فى السوبر ماركت وحوادث ال****** اللى بقت اكتر من شعر راسنا اتفرج على الجزيرة وشوف لما بيحصل حادثة فى شرم الشيخ مش هتلاقى بنى ادم عربى فى المكان كلها شرطة واسعاف يهودى اسرائيلى

أقولك أنا نفسى حد يحتلنا على الاقل لما نموت هنموت شهدا مش هنموت من كتر شرب الحشيش والبانجو ولا هنموت واحنا بنشرب سيجارة فى الحمام .. ساعتها بس هنعرف إن الله حق ونلجأ ليه

أصل المصريين مش بيمشوا غير بال .........

بيننا الأيام وهنقرا فى التاريخ إن عهد ( اسمو ايه ) أسوء عهد مرت بيه مصر فى تاريخها

قلتها مليون مرة .. ربنا ساترها معانا علشان بس كلمة مصر مذكورة فى القرآن

بطلى رغى يا ست مها .. هتودى نفسك فى داهية :mad:

وشكراً ..

هل حضرتك معتقدة ان مواردنا اكبر من الخليج
يبقى حضرتك مخطاه 100 %
تعرفى ليبيا دى الى مساحتها كبر مننا عدد سكانها كام
لا يتعدوا 7 مليون!!!!!!!!!
والحديث دة بيقول ايه سبب حياتنا دى دلوقتى بالظبط
قال رسول الله صلى الله عليه وسلم:

يا معشر المهاجرين ! خصال خمس إذا ابتليتم بهن ، وأعوذ بالله أن تدركوهن :
1-لم تظهر الفاحشة في قوم قط ؛ حتى يعلنوا بها ؛ إلا فشا فيهم الطاعون والأوجاع التي لم تكن مضت في أسلافهم الذين مضوا ،
2 -ولم ينقصوا المكيال والميزان إلا أخذوا بالسنين وشدة المؤنة ، وجور السلطان عليهم ،
3-ولم يمنعوا زكاة أموالهم إلا منعوا القطر من السماء ، ولولا البهائم لم يمطروا ،
4-ولم ينقضوا عهد الله وعهد رسوله إلا سلط الله عليهم عدوهم من غيرهم ، فأخذوا بعض ما كان في أيديهم ،
5-وما لم تحكم أئمتهم بكتاب الله عز وجل ويتحروا فيما أنزل الله إلا جعل الله بأسهم بينهم
فى امان الله

dr.saeed

15-05-2008, 01:58 PM

حضرتك ماعيشتيش اكيد فى العراق عشان تشوفى ادامك الناس وهى بتتحرق احياء!!!!!!!
ولا الى عمله فى ايران بتسليط من امريكا لان حكمها اسلامى؟
وبعد كدة نقول (الله يرحمك يا صدام)
ربنا يرحمنا جميعا

dr.saeed

15-05-2008, 02:02 PM

وشوفى يا اسيل اراء الناس فى الاستطلاع دة
http://www.boswtol.com/modules/vote_195_01.html
نعيب زماننا والعيب فينا ومال لزماننا عيب سوانا
لما سالوا رئيس ايران وكلنا طبعا عارفينه عن ارتفاع الاسعار فى ايران
قال ارتفاع الاسعار دة فى العالم كله وانا لما حكمت ايران الناس اختارونى عشان انا اتكلمت عن السياسة وانى اعمل لايران مكانة فى العالم
بالرغم من وجود مرشحين تكلموا عن الاقتصاد ولكن!!!
لم يلتفت اليهم احد؟
ربنا يوفقكم وركزوا احسن فى حل الامتحانات
كلها ايام
وندخل الامتحان

MohammeD el_SadaT

15-05-2008, 02:11 PM

بص هو عمل كتير وإحنا دلوقتى أحسن من زمان كتير
بس لما تيجى تبص للحياه من منظور تانى
يعنى تقارن نفسك بالدول اللى بدأت حركه التطور زيها زيك من الصفر شوف حالها دلوقتى عامل إزاى وإنت حالك عامل إزاى
هتلاقى إننا نعتبر مش عايشين
غير إن البلد بحالها بقت كوسه ومتقوليش مش ذنبه لأنه ذنبه

كلكم راعى ومسؤل عن رعيته

سيدنا أبو بكر لما تولى الخلافه
قال
قد وليت عليكم ولست بخيركم فإن أحسنت فأعنونى وإن أسأت فقومونى
دلوقتى بقى خلى حد يقول للحكومه إنتى غلط وإبقى بعد كده إسأل عليه قول راح فين ده وإبقى قابلنى لو عرفت
إحنا من الخارج دوله ديموقراطيه ومن الباطن مملكه حسنى والحكومه

وحتى يا ريتها بتاعت حسنى وحكومته دول هما كمان مش عارفين ياخدو وضعهم كويس إحنا تقريباً دوله محتله ومش تقريباً إحنا فعلاً دوله محتله فى كل شىء دلوقتى تقريباً مصر بحالها إتباعت
يعنى إحنا ضيوف فى بلدنا خيرها مش لينا ولا عمره هيبقى لينا طول ما الحكومه حكومه فاسده
إنت تعرف تفسرلى يعنى إيه حكومه فى وزيرين إتنين ثروتهم لا تقل عن 50 مليار
كفايه أحمد عز لوحده عليها هموت وأعرف ثروته دى كلها منين بيتاجر فى إيه يعنى يا جماع إعقلو الكلام قبل ما تتكلموه
وتقولى بعد ما عرفته على حققته بعد ما عرفت إيه إيه اللى إنت عرفته

مبدأ احكومه الأول
ليه تدى للمواطن أكتر لما ممكن تديله أقل

dr.zomba

15-05-2008, 02:13 PM

بس لما عرفت حقيقته فعلا قدرته وبقول الله يكون فى عونه يوم الحساب

انت لخصت الموضوع كله في الكام كلمه دول

بطلى رغى يا ست مها .. هتودى نفسك فى داهية :mad:

وشكراً ..

هو انتي لسه هتودي انتي خلاص يا بنتي اسمك نزل في الكشف بتاع الشهر
الجاي

وكل الموارد اللي ذكرتيها دي ممكن تخلص بس احنا عندنا مورد اهم من دا كله ( قناة السويس) فين الدخل بتاعها اللي كل سنه بكام مليار

خلينا في الامتحانات والثانويه احسن بدل حرقة الدم دي

MohammeD el_SadaT

15-05-2008, 02:29 PM

يا جماعة ده راجل عنده 80 سنة ومسحملنا ومسؤلين عليه يوم القيامة اعذروه ردوا
وبردوا بموت فيكى يا مصر وكتر خيرك يا رئيسنا

لما هو كبر فى السن إيه مخليه متمسك بالحكم ليه دخل الإنتخابات اللى فاتت
لما هو عاوز يستريح وإحنا عبىء كبير عليه كده

الجويرية

27-05-2008, 04:19 PM

بص يا مستر لونلى
والله الواحد مش عارف يقول ايه بس بس الواحد يحمد ربنا على كل حال
وربنا يسامحه
وربنا يغفرله ذنوبه دى بس
خليه يتهنا فى الدنيا شوية هتبقى الدنيا على جحيم والاخرة هتكون وراه مظالم اد كدة
وبعدين على فكرة
ده احنا فى نعمة كبيرة جدا
هتشوف بكرة عمو جمال ده يمسك الحكم وهاتشوف هيعمل فينا ايه
ربنا يستر
الظاهر كدة الحكم مش ناوى يخرج من المنوفية خااااااااااااااااااااااالص
وجزاكم الله خيرا جميعا على المرور الطيب

dr YARA_RG

27-05-2008, 04:49 PM

طبعا انا معاكي يا اية وبحب مصر جدا وبزعل اووووووي لما حد يتكلم عليها خصوصا لو كانوا مصريين
على فكرة يا جماعة لو فكرتوا شوية هتلاقوا ان احنا اللي وحشين
مش كلنا علشان مش اجمع بس فكروا شوية كده...............
وبعدين الريس اللي بتتكلموا عليه ده بيحاول يعمل اي حاجة علشان مصلحة مصر
طبعا هتضحكوا وتستهزؤا بكلامي وكتير منكم هيقول دي تبع الحكومة لكن دي الحقيقة
اللي وحشين فعلا واللي هما سبب من اسباب تاخر مصر الحاشية اللي حولين الريس مش الريس

الجويرية

27-05-2008, 04:52 PM

amr_2010

27-05-2008, 05:34 PM

الجويرية

27-05-2008, 05:37 PM

ايه الكلام الجامد ده يا مها

انا من راييها فعلا هي عندها حق

ليه بس والله الراجل كفاية عليه كل الدعا ده عليه
خلاص كلها كام سنة يمكن 30 او 40 سنة كدة ويتوكل على الله
وشكرا على المرور

amr_2010

27-05-2008, 07:30 PM

ليه بس والله الراجل كفاية عليه كل الدعا ده عليه
خلاص كلها كام سنة يمكن 30 او 40 سنة كدة ويتوكل على الله
وشكرا على المرور

يا ستي ربنا بخليهولك ويخدنا احنا

بس ازاي هو عنده 80 سنه وانتي بتقولي كلها 30 او 40 سنة ويموت
طبعا ماهو عايش مبسوط ومتهني طبعا
عايز كباب ياكل عايز سلطة طحينه ياخد عايز بطيخ ياكل بس بطيخ منغير بذر هو لسه هيقعد يطلع البذر الريس يلحط علطووووووووووووول

بورسعيدى

28-05-2008, 03:08 AM

الانتماء للوطن حاجه والانتماء للحكومة حاجه تانية

الحكومة بتتغير من جمال الى السادات الى مبارك

لكن الوطن واحد لا يتغير

هناك فرق

اكيد كلنا عندنا انتماء للوطن - للارض - لكن للحكومة فانا مختلف معاك فى الحكاية دى

وبعدين هو فعلا مسئول عن كل شيئ

نست الحديث الى بيقول

كلكم راع وكل راع مسئول عن رعيته ؟؟؟

شكرا

المجاهد فى سبيل الله

30-05-2008, 09:28 PM

السلام عليكم ورحمة الله
لى عوده ان شاء الله للرد
لانى مش حقدر ارد دلوقتى
لانى معنديش وقت فاضى للرد بالتفصيل حاليا على الموضوع الى لو بدءت بالرد فيه اولا وقتى لم يسعنى
ثانيا لم يكفينى هذه الصفحه
فا لظروف امتحناتى ان شاء الله حرد بعدين

bosy .. mostafa

30-05-2008, 11:12 PM

انا بحب مصر و كل حاجه
لكن حسني مبارك .. لأ و مش بحبه خالص
و السر في كده ان كل حاجه في بلدنا بقت ماشيه بالكوسه .. و الأسعار قاعده تغلى و مش بيعلي المرتبات حتى الزياده كانت 20 جنيه يعني , مالهمش لازمه اطلاقاً , و بيقول دي ظاهره عالميه ... دي الكلمه اللي ماسكها لنا
و بعدين ليه بيخصخص الشركات و يبيعها للأجانب و ناقص يبيع قناة السويس اللي حاربنا عشان نجيبها
انا مش متحامله عليه , هو ليه مميزات زي انه زي مابتقولي معيشنا في سلام و مش محتلين , لكن بجد وحده وطنيه مش باينه اوي , هي موجوده بس متغطيه , فيه خناقات بتحصل بين المسلمين و المسيحيين و عمرنا ابداً ماسمعنا زمان عن حاجه زي كده
و التعليم بقى خراااب و المناهج اي كلام في اي حته
مش شايفه معايا ان المواطن المصري بقى رخيص اوي اوي اوي و بيتهان كتير اليومين دول
مش عايزه بس احط لك اغنيه عندي في المرفقات فريق عربي ( و مش هقول جنسيات) هو اللي عملها , و بيشتم في شعب مصر و في اهلها و بيقول كلام يعف لساني عن ذكره
بجد و مذهوووله و الكلام ده ماحصلش قبل كده
و ماسمعتيش عن المصريين اللي ماتوا في ليبيا و محدش سأل عنهم؟؟ لو كان حد اجنبي هو اللي مات كده كانت الدنيا اتهدت
و ماشوفتيش في قناة دريم الناس المصريين اللي عايشين على حدود مصر بيموت منهم كل يوم اتنين تلاته برصاص اليهود و ماتكلمش !!
على فكره انا بشتغل في جمعيه خيريه تبع عمرو خالد و شوفت في شغلي بلاوي بجد , انا كل مهمتي في شغلي ده اني اكافح المخدرات و اني ارعى الفقرا و اروح لهم في امكانهم و أسأل عليهم , و بجد ذهلت من المناطق اللي رحتها , عارفه فيلم حين ميسره , بجد ارحم من اللي انا شوفته بعيني , و المخدرات عندهم زي الميه و الهوا , وزمايلي و انا بقدر الإمكان بنحاول اننا نساعدهم .. بس منين !!
انا معاكي انه مش لوحده مسئول .. احنا كمان , بس لما نعيش بني آدمين , مش ناكل لحم حمير و كلاب و المستشفيات الحكوميه تبقى مافيش حاجه شغاله فيها غير التلاجه !!
لو رحتي معهد الأورام .. صدقيني هتبكي اوي و مش هتنسي , لإن اخويا كان اشتغل فيه فتره , و حكالي بجد مآاااسي و محدش حاسس بيهم
احنا بإيدينا اننا نغير , باننا نعترض و نقول رأينا بصراحه , و مانخافش , امال في امريكا عايشين مرتاحين ليه
اقولك على حاجه .. عارفه في امريكا الشحات اللي هو بيعيش في الشارع و مش بيشتغل ده , الدوله بتبقى مسئوله انها تديله 1000 دولار عشان يعيش بيهم و بتصرفهم له كل شهر , هل ده عندنا في مصر .......................

شكراً عالموضوع

Golden Eagle

02-06-2008, 09:54 AM

بسم الله الرحمن الرحيم
كفاية انه معيشنا فى سلام ولا محتلين ولا حاجة

أنا بس هاعلق علي النقطة دي
إحنا فعلا ً عايشين في سلام بس دفعنا إيه مقابل السلام ده ؟
بقينا شحاتين !!! م الآخر
و مذلولين لأن ببساطة " من ملك قوته ملك قراره "
و هوا ماحدش سمع عن الظباط المصريين اللي ماتوا علي حدودنا مع الكيان الصهيوني بعد المعاهدة ؟
طيب هو عمل إيه ؟ إتحرك إزاي ؟
في الناحية التانية
إتخطف جنديين من جنود الكيان الصهيوني علي إيد حزب الله ( ربنا يوفقهم ) عملوا إيه ؟
عملوا حرب مع إن الجنديين إتخطفوا مش ماتوا هما بيقدروا بعض مش إحنا الغرين رجله علي رقاب الشعب
و أقسم بالله أن لو قامت حرب إحنا نقدر نمسحهم بس المهم تقوم الحرب قبل فوات الأوان
و أحب أودعكم أصلي رايح المعتقل ( يعني حالا ً يخبطوا عليا و إيد تقيلة تتمد علي قفايا ولا حد حاسس )