كل ما تريد معرفته عن هندسه عين شمس " نظام الكليه - الدكاتره اللى هيدرسولك - المعيدين فى كل المواد - ازاى تذاكر - ازاى تتأقلم مع الكليه "

هنبدأ اولا بالمواد فى الترم الاول :

انت هتدرس 9 مواد - طبعا انت اكتر كليه هندسه بتدرس مواد :bosyht9: -

1- الفيزياء - هتدرس خواص ماده , و كهربيه .. محاضره خواص ماده ومخاضره كهربيه ( فيه 4 دكاتره دكتورين لكل فرع ) ..

2- رياضيات " هتدرس تفاضل و تكامل فرع .. و هتدرس هندسه تحليليه " ودا فرع جديد "
3- هتدرس كيمياء " ودى هتدرى طول السنه .. و كبيره جدا احنا الكليه الوحيده اللى بتدرس كيمياء طول السنه " .. وهتحبها اوى و المعيدين هتحبهم اوى :078111rg3:
4- حاسبات " هتدرس فيه ال نظم الترقيم binary system & hexa & octa & decimal و هتدرس لغه برمجه ال C .. و شويه حاجات عن الشبكات حفظ " .. :stickjo4:
5- انتاج " ماده حفظ و لازم تحضر كل الورش علشان الغياب و انصحك ماتحضرش محاضراتها :romarioxp6: لانك هتنام :) جيب ملازم وذاكر منها " :slap1qk6:
6- تاريخ هندسه .. ماتحضرش محاضراتها هيا ماده حفظ - واحضر سكاشنها وبس - الماده دى بتتذاكر قبل الامتحان بيومين .. :av4056bb7jp3:
7- رسم هندسى ( انضحك خد كورس من الاول كدا ووفر على نفسك لانك موش هتفهم حاجه فى السكاشن :angry2: )
8- اسقاط ( نفس كورس الرسم بتتاخد معاه ودى ماده بيسقط فيها ناس كتير شالها 700 السنادى :) :stickjo4: )
9- ميكانيكا " ألذ ماده الترم الاول "
10- معملين فيزيا وكيمياء ..


اى حد عنده اى إسأله انا موجود :) :) :rolleyes:

تمام أوى ,

أولاً ربنا يخليك على تعبك ..

بس أنا كنت عايز أسألك "أيه رأيك فى كريديت" ؟

تانى حاجة : كنت عايز أسأل عن الملاعب ( كورة وبنج وكدة ) :d

يعنى ايه النظام ,, نظيفة وكدة وفيه دورات وبتاع ؟ :d

شكرا للمعلومات

تمام أوى ,

أولاً ربنا يخليك على تعبك ..

بس أنا كنت عايز أسألك "أيه رأيك فى كريديت" ؟

تانى حاجة : كنت عايز أسأل عن الملاعب ( كورة وبنج وكدة ) :d

يعنى ايه النظام ,, نظيفة وكدة وفيه دورات وبتاع ؟ :d

بالنسبة لكريديت مش عندي فكرة الصراحة علشان انا mainstream
في ملاعب كورة 3 ملاعب خماسي
وملعب 11 بمدرجات
وفي بينج برضه
بس متفرحش علشان مش هيبقي ليك نفس تلعب:d
نصيحة كمان استعد للميدتيرم من دلوقتي :p :p

مفيش فيديوهات ع اليوتيوب للرسم الهندسى والاسقاط ؟؟؟

مفيش فيديوهات ع اليوتيوب للرسم الهندسى والاسقاط ؟؟؟

غير مفيده بالمره .. صدقنى لازم كورس وريح دماغك لان المادتين دول نسبه السقوط فيه عاليه اوى - مع الفيزيا -

هو انا عيزة اعرف هل هندسة عين شمس افضل من القاهرة من جميع الجوانب
و هل هي صعبة
والدراسة فيها افضل من القاهرة
وشكرا علي الموضوع

هو انا عيزة اعرف هل هندسة عين شمس افضل من القاهرة من جميع الجوانب
و هل هي صعبة
والدراسة فيها افضل من القاهرة
وشكرا علي الموضوع

بص يا سيدى اولا مافيش تصنيف للكليات - هوا تصنيف للجامعه ككل وعلشان جامعه القاهره اكبر كحجم واستيعاب و اقدم من عين شمس - لذلك ترتيبها العالمى قبل عين شمس - ودا موش موضوعنا -

بصى يا سيدى ..

اولا اهم كليتين هندسه واعلى فى مصر هما عين شمس و القاهره .. بيبقى ليهم الاولويه فى كل شىء ..

هندسه عين شمس .. دراسه وبس .. من اول يوم لاخر يوم فى السنه حياتك دراسه .. مافيش وقت لحظه انك تلعب او تعمل شىء تانى غير انك تحضر محاضراتك و تلحق تروح البيت تذاكر كلمتين .. وهكذا كل الايام ..
انت فى عين شمس .. اطول واصعب واكتر مناهج .. اكتر كليه فيها حزم سواء من الداكاتره او المعيدين - تعامل صِرف كأنه بيزينس العلاقه جد جدا - .. شعار الكليه : اعلى جوده و كفاءه فى اقل وقت تحت أعلى ضغط .. ودا اللى بيميزها .. هتتبهدل طول السنه شيتات و حل دليل - القاهره موش بيطلبوا منهم حل شيتات .. براحتك عايز او موش عايز براحتك - .. الغياب والحضور لازم فى كل السكاشن - القاهره عايز تحضر احضر موش عايز براحتك و دا بيفرق جدا جدا جدا فى موضوع الوقت انت مضطر تحضر كل شىء هوا ممكن ما يحضرش يوم بحاله لان اليوم فيه ساكشن و مافيش غياب .. انما انت ممكن تنزل الكليه علشان خاطر سكشن واحد او سكشنين :) ! - .. انت مثلا فى اعدادى بتاخد فى الترم الاول اكتر م نالقاهره بمدتين ومعمل فى الترم التانى بتاخد اكتر منهم ب 3 مواد .. انت عندك عدد المحاضرات بيوصل ل 6 - زى يوم الرسم الهندسى - هوا اخره 4 و بيبقى بيموت و موش طايق نفسه !
..
بص انت هتبقى اكتر من مجرد مهندس .. انت مهندس راجل .. انت بتشتغل تحت اى ظروف ... انت اتعودت على الضغط النفسى " ودا اللى طالبه سوق العمل ". .. بس هتكره حياتك :bosyht9: .. انا اتظبط فى اعدادى دى :slap1qk6: .. ربنا يستر فى القسم بقى :) ..

شكرا علي رد حضرتك
بس هي متعبة للبنات؟ وهل المواد الزيادة في اعدادي فقط؟

البنات دحيحه ماتقلقش :) ..
المواد فى التخصص حوالى 7 الترم الاول و 7 الترم التانى - ودا اسهل اكيد بالنسابلك - من 9 و 10 و معملين :)

شكرا لرد حضرتك
بس اخر نقطة بتلعة 9و10 ومعلمين اه قصد حضرتك
وشكرا علي المساعدة
بس مش كل البنات دحيحة
انا مش دحيحة بس شاطرة علفكرة انا بنت مش ولد

واسمك مروان ^___________________^ ؟!!

اقصد 9 مواد ترم اول ومعملين فيزيا و كيميا .. و 10 مواد ترم تانى معملين فيزيا وكيميا ..

وان شاء الله ماتقلقيش - دانتى هتتشقلبى فى الكليه دى ^_^ -

اى حد طالب مساعده فى اى شىء او اى حاجه موش واضحه لديه ممكن يسالنى انا بحاول اكون متواجد بشكل يومى .. ولو متابع فيس ممكن تعلمى subscribe وان شاء الله هرد عليك برده :) ..

واسمك مروان ^___________________^ ؟!!

اقصد 9 مواد ترم اول ومعملين فيزيا و كيميا .. و 10 مواد ترم تانى معملين فيزيا وكيميا ..

وان شاء الله ماتقلقيش - دانتى هتتشقلبى فى الكليه دى ^_^ -



شكرا للتوضيح
مروان ده ابن اختي:d:d

ماشى يا مروان ^_______^ ...

اى استفسار انا موجود :)

ربنا يكرمك يا باشمهندس بس انا بصراحه كنت عايزه استفسرك على مادة الانتاج بتدرس فيها ايه ومادة الرسم الهندسي ايه بالضبط بترسمو فيها يا ترى بيخلوكو ترسمو باترنس ولا اشكال هندسيه بسيطه وتشكلوها بطريقه معينه ولا ايه بالضبط ممكن توضيح

مشكووووووووووووور

لو سمحت انا كنت عايز اسأل هي كل المواد بالأنجليزي من اول اعدادي ولا في عربي في اعدادي و بتقلب انجليزي في الأقسام و هل خريجين مدارس العربي يمشوا فيها عادسي ولا بيبقي في مشكلة

سلام عليكم
لو سمحت ممكن فيس بوك بتاعك :)

سلام عليكم
لو سمحت ممكن فيس بوك بتاعك

جزاك الله خير
انا اتقبلت هندسة عين شمس الحمد لله بس انا ما اعرفش انا اي مجموعة . إزاي أعرف انا اي مجموعة ؟
وممكن شرح الجدول بتاع اعدادي . أصلي مش فاهماه
والدوام اللي بعد العيد هيبدأ امتى ؟؟؟؟؟؟؟؟؟؟؟
مع العلم اني دفعة 2013-2014 ولسة ما داومت في الكلية :bosyht9:
وشكرا مقدما
:078111rg3::078111rg3::078111rg3:

لو حضرتك محتاجة حاجة قوليلي انا في عين شمس بقالي اسبوعين وبالنسبة لسؤالك المفروض بتنزل كشوفات بتقريها وتشوفي اسمك في اني مجموعة اما بخصوص الدراسة هتبتدي السبت اللي جي واحنا اخدنا 3 محاضرات بس في كل حاجة ده بالنسبة للمحاضرات