بسم الله الرحمن الرحيم
السلام عليكم
ازيكم يا شباب
والله العظيم وحشني كلكم
أنا إتعودت هنا اني أدخل القسم من باب حب النصح وإني لما أقولك تجربة مريت بيها أكيد هتساعدك وكتير منكم جربني وعارف أنا ازاي وقفت معاه بعد ربنا ...
المهم أنا دلوقتي قرفان ومضايق لدرجة لا يعلمها إلا الله ......
فعلاً والله مش كلام بيتقال .... أنا حتى أنفاسي مش عاوزة تخرج مني
لا عارف أستقر على قسم معين أدخله ولا عارف احدد هدف كبير ورؤية في مستقبلي وحياتي كلها سواء اجتماعية أو دينية أو علمية أو .... كلها عشوائية بمعنى الكلمة...
ــ أيوة متستغربش أنا مش ملاك والله ــ
كأني لسه متفاجئ اني نجحت ف إعدادي وقدامي قسم أدخله !!!
معظمكم هيقول سبنا بالهم اللي احنا فيه .... ماشي أنا عارف والله اللي انت فيه
بس أنا بتكلم على مستقبل في وقت صغير مش عارف أحدده ....
فعلاً يا جماعة الدنيا ضيقة جداً في نظري دلوقتي ....
أنا حبيت أكتب الكلمتين دول زي ما بيقولوا بفضفض وأنا نادراً لما بفضفض أصلاً فلكم تتصوروا كم الحيرة اللي الواحد فيها ...
كل سنة وانتم طيبين بمناسبة العيد وربنا يجعل أيامكم كلها سعادة وفرح يااااارب ....
أسف على الإطالة والنكد ده .... في رعاية الله

من خلال إللى فهمته
إنت مشكلتك دلوقتى إنك مش عارف تحدد أنهى قسم تدخله
وبس ؟؟؟؟
ولا عندك حاجه تانيه خانقاك ؟؟؟؟

وعليكم السلام ورحمة الله وبركاته


احنا بخير الحمد لله


يارب تكون انت كمان بخير

ومبرووووووووووووك للنجاح قليل اوى الى بينجحوا فى هندسة دى ع ما اسمع :p


انا مش هقولك شئ معين تعمله او هدى نصايح لانى غير مؤهلة لكدا

بس انا ممكن اقولك اسأل نفسك انا مضايق ليه وبعدها ليه وبعدها ليه هتوصل فى الاخر ان مشاعرك هى الى بتوصلك للزعل دا


ودا شئ حلو منك مش وحش بس بيوقعك للضيق والزعل دا


مممممممممم تكتب كل الى جواك فى اى ورقة واحكى كل حاجة وبعدين احرقها مثلا


او روح لصديق مقرب له واتكلم معاه وافضل معاه وقت ما


او شئ اخر الى انا بفضله طبطب بايدك ع نفسك وقول انا اقوى من كدا وهكون افضل ان شاء الله بثقتى بربى وبنفسى انى هعدى كل الازمات


وافتكر الاوقات الى كنت فيها سعيد وخد بايدك نفسك وانتشلها من الزعل دا وعيش الحياة واختار التخصص الى تحبه واسأل ناس عندها خبرة


ومتكتش اسير للى انت فيه دا


وابدأ من دلوقت وربنا يوفقك يارب ويسعدك

من خلال إللى فهمته
إنت مشكلتك دلوقتى إنك مش عارف تحدد أنهى قسم تدخله
وبس ؟؟؟؟
ولا عندك حاجه تانيه خانقاك ؟؟؟؟


يا خالد افهم ... انا ذكرت ف الموضوع الحياة العلمية والدينية والإجتماعية مش بس القسم ....

ربك يسترها يارب

وعليكم السلام ورحمة الله وبركاته


احنا بخير الحمد لله


يارب تكون انت كمان بخير

ومبرووووووووووووك للنجاح قليل اوى الى بينجحوا فى هندسة دى ع ما اسمع :p


انا مش هقولك شئ معين تعمله او هدى نصايح لانى غير مؤهلة لكدا

بس انا ممكن اقولك اسأل نفسك انا مضايق ليه وبعدها ليه وبعدها ليه هتوصل فى الاخر ان مشاعرك هى الى بتوصلك للزعل دا


ودا شئ حلو منك مش وحش بس بيوقعك للضيق والزعل دا


مممممممممم تكتب كل الى جواك فى اى ورقة واحكى كل حاجة وبعدين احرقها مثلا


او روح لصديق مقرب له واتكلم معاه وافضل معاه وقت ما


او شئ اخر الى انا بفضله طبطب بايدك ع نفسك وقول انا اقوى من كدا وهكون افضل ان شاء الله بثقتى بربى وبنفسى انى هعدى كل الازمات


وافتكر الاوقات الى كنت فيها سعيد وخد بايدك نفسك وانتشلها من الزعل دا وعيش الحياة واختار التخصص الى تحبه واسأل ناس عندها خبرة


ومتكتش اسير للى انت فيه دا


وابدأ من دلوقت وربنا يوفقك يارب ويسعدك

أولأً أنا أشكرك جداً على ردك الجمييييييييييل والمتفائل
ثانياً عقبالك ان شاء الله لما تتفوقي باذن الله ياش باش مهندسة ومبروك عليكي كلية الهندسة ،،،
بالنسبة للحلول دي والله جربتها كلها ومجرب أكتر منها كمان .... المشكلة اللي أنا فيها دلوقتي مشكلة تخطيط مسار حياة بأكملها .... مفيش أهل خبرة أستشيرهم ... البيت معذور لأن محدش فاهمني خالص ... اللي ف دماغي أكبر من كده بكتير ....
إن شاء الله مع الزمن هيحصل اللي ف دماغي بس يا حبذا لو وجدت ناصح أمين من صحابي لكن .. هيهات هيهات ... لو عرفوا اني مضايق هيكتبوا التاريخ ده في سجلات عرضها كعرض الجبال الراسيات ...

وعليكم السلام ورحمة الله وبركاته
مشكلة حضرتك انا حاسة بيها جدا لأن اخواتى بيمروا بنفس المشكلة اللى عند حضرتك بس دايما بقولهم
ماذا وجد من فقد الله وماذا فقد من وجد الله ... رزقك محدش هايخدوا حد غيرك عايز تشتكى لحد اشتكى لربنا صدقنى عمرك ما هتحس براحة اكتر الا لما ترفع ايدك وتقول يا رب
فى امان الله

انا مش خبرة اوى
بس من نظرى افضل اقسام
اتصالات _معمارى_ميكانيكا _كهرباء
جرى ايه يا بشمهندس انت طول عمرك جامد وبتواجه واحنا بنتعلم منك كمان
وكل سنة وانت طيب

وعليكم السلام ورحمة الله وبركاته

أولا: مبروك ع النجاح..

ثانيا: أكيد كل انسان بيمر بظروف زى دى مش قادر يحدد هدفه
او مستقبله من ناحية القسم اللى هيدخله
وحضرتك اسأل نفسك أول مدخلت كلية الهندسة كنت ناوى على ايه؟؟
تبقى مهندس معمارى ..كهربائى..الخ..
(بس انا اسمع ان فى اقسام الطالب بيدخلها بتقدير..؟؟!!)
ده ممكن يخفف شوية
/
\
حضرتك ممكن تستشير شخص قريب منك ومتأكد انه هيقدر يساعدك وبيخاف عليك
ويهمه مصلحتك...
شجع نفسك ومتخليش موقف زى ده يخليك شايف الدنيا بصورة وحشة
لا تحزن مادمت تجدي البكاء والسجود على اعتاب الربوبية
لا تجزن ومعك الثلث الاخير من الليل...
استخير ربنا وان شاء اله هيقدملك الافضل
قف مع نفسك وقفة تحديد هدف

يعنى حضرتك تشوف المجال اللى تبرع فيه وهيكون فى بداية الامر يخدم بلدك
والله انا كنت بسمع برنامج غدا اجمل للشيخ عائض القرنى
بس مش كنت مركزة وسمعت كلام عن تحديد الهدف والمستقبل بس للاسف مش عارفة ايه اللى منعنى انى اكمل
هحاول ادور ع الحلقة واجيبها لحضرتك ان شاء الله

بالنسبة للحياة الدينية..!!!
اكيد طبعا مفيش حد فينا راضى عن نفسه فى الدين وطبعا ظروف الفتن والمحن
دى مش قادر يحافظ ع دينه للاسف
فأفضل حاجة التوكل على الله...إنه سميع الدعآء
رؤوف بحالنا
وكيف يحزن من له رب منان

ده الى اقدر اقدمه والله .. لو لقيت حاجة تانية هقولها
اللهم انى اسالك بانى اشهد الا اله الا انت الاحد الصمد الذى لم يولد ولم يولد ولم يكن له كفوا احد ان يعينك الله على الحياة اون يوفقك ويسدد خطاك ويفرج همك عاجلا ليس آجلاً
وفقكم الله

وعليكم السلام ورحمة الله وبركاته
مشكلة حضرتك انا حاسة بيها جدا لأن اخواتى بيمروا بنفس المشكلة اللى عند حضرتك بس دايما بقولهم
ماذا وجد من فقد الله وماذا فقد من وجد الله ... رزقك محدش هايخدوا حد غيرك عايز تشتكى لحد اشتكى لربنا صدقنى عمرك ما هتحس براحة اكتر الا لما ترفع ايدك وتقول يا رب
فى امان الله

والله انتي عندك حق وأول ما شوفت ردك طفيت الجهاز ونزلت أصلي التهجد والحمد لله راجع مرتاح والله بفضل الله ....
نورتي الموضوع

وعليكم السلام ورحمة الله وبركاته

أولا: مبروك ع النجاح..

ثانيا: أكيد كل انسان بيمر بظروف زى دى مش قادر يحدد هدفه
او مستقبله من ناحية القسم اللى هيدخله
وحضرتك اسأل نفسك أول مدخلت كلية الهندسة كنت ناوى على ايه؟؟
تبقى مهندس معمارى ..كهربائى..الخ..
(بس انا اسمع ان فى اقسام الطالب بيدخلها بتقدير..؟؟!!)
ده ممكن يخفف شوية
/
\
حضرتك ممكن تستشير شخص قريب منك ومتأكد انه هيقدر يساعدك وبيخاف عليك
ويهمه مصلحتك...
شجع نفسك ومتخليش موقف زى ده يخليك شايف الدنيا بصورة وحشة
لا تحزن مادمت تجدي البكاء والسجود على اعتاب الربوبية
لا تجزن ومعك الثلث الاخير من الليل...
استخير ربنا وان شاء اله هيقدملك الافضل
قف مع نفسك وقفة تحديد هدف

يعنى حضرتك تشوف المجال اللى تبرع فيه وهيكون فى بداية الامر يخدم بلدك
والله انا كنت بسمع برنامج غدا اجمل للشيخ عائض القرنى
بس مش كنت مركزة وسمعت كلام عن تحديد الهدف والمستقبل بس للاسف مش عارفة ايه اللى منعنى انى اكمل
هحاول ادور ع الحلقة واجيبها لحضرتك ان شاء الله

بالنسبة للحياة الدينية..!!!
اكيد طبعا مفيش حد فينا راضى عن نفسه فى الدين وطبعا ظروف الفتن والمحن
دى مش قادر يحافظ ع دينه للاسف
فأفضل حاجة التوكل على الله...إنه سميع الدعآء
رؤوف بحالنا
وكيف يحزن من له رب منان

ده الى اقدر اقدمه والله .. لو لقيت حاجة تانية هقولها
اللهم انى اسالك بانى اشهد الا اله الا انت الاحد الصمد الذى لم يولد ولم يولد ولم يكن له كفوا احد ان يعينك الله على الحياة اون يوفقك ويسدد خطاك ويفرج همك عاجلا ليس آجلاً
وفقكم الله



اللهم أميييييييييييين ياااااااااااااااااااااااااارب
والله أنا مش عارف أشكر حضرتك ازاي على الكلمات الطيبة دي
فعلاً لا خاب من استشار ...
أسأل الله أن يتقبل دعاءك وأن يحشرك مع أمهات المؤمنين أنتي ومن تحبين
اللهم أمين يارب ،،،
والله إجابة حضرتك وكل اللي جاوبوا وفت كتير ويكفي روحكم اللي خففت عني بعد الله ... أسأل الله لكم السلامة جميعاً ... بارك الله فيكم
:)

حضرتك ممكن تسأل ا للي أفضل مننا كلنا
استخير ربنا وأي طريق هتمشي فيه ربنا هيعينك فيه بإذن الله لأنك إستخرته وسألته
أخلص في النية وحضرتك بتصلي الإستخارة إنك مؤمن وراضي بأي قسم هتدخله
و والله ستجد راحة لم تشعر بها من قبل
إستغل سهام الليل هذه وفي قيام الليل إسأله
أسأل الله لك التوفيق والنجاح إلي ما يحبه ويرضاه . . .

وعليكم السلام
انا ممكن مكونش فاهمة المشكلة بالظبط
بس أول وأهم حاجة لازم بجد تعملها قرب من ربنا قوى وشوفلك حد قريب منك اقعد احكيله واتكلموا مع بعض هتحس براحة كبيرة

وبالنسبة للقسم ف الكلية انا مش ف هندسة طبعا عشان أكلمك عن دراية بس اللى أقدر اقولهولك ان شوف الأقسام المتاحة ليك وهات ورقة وقلم وشوف كل قسم الدراسة فيه عاملة ازاى ومستقبله وانت ذات نفسك بتحبه ولا لأ والكلام دا وطبعا خلى حد أكبر منك يساعدك ف الموضوع دا

حضرتك ممكن تسأل ا للي أفضل مننا كلنا
استخير ربنا وأي طريق هتمشي فيه ربنا هيعينك فيه بإذن الله لأنك إستخرته وسألته
أخلص في النية وحضرتك بتصلي الإستخارة إنك مؤمن وراضي بأي قسم هتدخله
و والله ستجد راحة لم تشعر بها من قبل
إستغل سهام الليل هذه وفي قيام الليل إسأله
أسأل الله لك التوفيق والنجاح إلي ما يحبه ويرضاه . . .


اللهم أمين يااااااارب
ربنا يجازيكي خير يارب :)
إن شاء الله ربنا يكتب لنا ولكم الخير أينما كان
شكراً لمرورك الجميل ...

وعليكم السلام
انا ممكن مكونش فاهمة المشكلة بالظبط
بس أول وأهم حاجة لازم بجد تعملها قرب من ربنا قوى وشوفلك حد قريب منك اقعد احكيله واتكلموا مع بعض هتحس براحة كبيرة

وبالنسبة للقسم ف الكلية انا مش ف هندسة طبعا عشان أكلمك عن دراية بس اللى أقدر اقولهولك ان شوف الأقسام المتاحة ليك وهات ورقة وقلم وشوف كل قسم الدراسة فيه عاملة ازاى ومستقبله وانت ذات نفسك بتحبه ولا لأ والكلام دا وطبعا خلى حد أكبر منك يساعدك ف الموضوع دا

والله يا أسماء فعلاً اللي يقرب من ربنا مش هيحتار أبداً طول حياته لأن ربنا اللي بإيده كل شئ ...
االحمد لله انا اهتديت ... نورتي المووضوع :)

أنا تعلمت حاجه مهمه جدا بس للأسف تعلمتها قريب جدا
إنى لما ألاقى نفسى مخنوق أو علاقتى بالناس بتتوتر أو أى حاجه من هذا القبيل
يبقى المشكله أولا وأخيرا فى علاقتى مع الله

فبرجع أحاول أظبط علاقتى مع ربى كويس جدا
بعد كده ألاقى علاقتى بالناس رجعت زى الأول ومشاكلى لاقتلها حلول الحمد لله

يا رب تكون البوينت وصلتك ؟؟؟

بص انا مش حزيد حاجة كبيرة قوى على الناس الجدعان قوى الى اكلمو قبلى بجد كل كلمهم رائع
بس انا حقولك انا فى كام يوم من الى فاتو عارف كنت خلاص حموت نفسى من الحيرة وكنت محتارة برضه بين تجارة ولا تربية
يعنى برضه شئ خاص بالمستقبل وحاسةة اصلا بخنقة فى كل حياتى ويمكن بعضها لسة موجود بس مش زى الاول
بس والله عارف بجد
زى ممكن الكلام الى اتقال قبلى علطول دة بجد انك لما تلاقى علاقتك باى شئ سؤاء ناس اوشغل او اى شئ متوترة اعرف ان فى مشكلة بينك وبين علاقتك بالله
فانت قرب منه واستخيره علطوووووووووووووووووووول متملش ابدا لان الملل اول سلم الفتور والفتور اول سلم البعد عن اله والتلذل بانس بى
تانى حاجة خلى دعاء الوالدين علطول واله انا حاسة لو ماشية بخطوة وحدة فى النياتى فيبقى بدعاء امى اله يرحمها ودعاء ابى دلوقتى خليهم علطول فى الطالعة والنازلة بمناسبة ومتن غير يدعولك حتى لو حصل اى مشكلة متخلهاش توسع علشان تقدر تخليهم يدعولك
تالت حاجة حوال اسئل ناس تكون دخلت الاقسام الى انت محتار فيهم واسمع برضه الاارء بس يفضل من نا ستكون جربت وناس تكون عارف او تسمع عنهم انهم كوييسن مش فاشلين يعنى
وربنا ان شاء الله يفك كربك يارب وكربنا جميعا وكل المسلمين

أنا تعلمت حاجه مهمه جدا بس للأسف تعلمتها قريب جدا
إنى لما ألاقى نفسى مخنوق أو علاقتى بالناس بتتوتر أو أى حاجه من هذا القبيل
يبقى المشكله أولا وأخيرا فى علاقتى مع الله

فبرجع أحاول أظبط علاقتى مع ربى كويس جدا
بعد كده ألاقى علاقتى بالناس رجعت زى الأول ومشاكلى لاقتلها حلول الحمد لله

يا رب تكون البوينت وصلتك ؟؟؟



فعلاً دا الحل الوحيد لكل المشاكل ولكن مع ملاحظة حق التوكل على الله وهو حسن الظن بالله و الأخذ بالأسباب

أنا جربت كتييييييييييييييير جداً والحمد لله ربنا فك كربي كتير وله الحمد على ذلك كما يشاء
انا بتكلم عن الأسباب .... أحسن علاقتي مع الله سبحانه وتعالى وأنام بئه ع السرير بحيث ان القسم يجيلي لغاية عندي أو مستقبلي على طبق من ذهب !!

فعلاً دا الحل الوحيد لكل المشاكل ولكن مع ملاحظة حق التوكل على الله وهو حسن الظن بالله و الأخذ بالأسباب

أنا جربت كتييييييييييييييير جداً والحمد لله ربنا فك كربي كتير وله الحمد على ذلك كما يشاء
انا بتكلم عن الأسباب .... أحسن علاقتي مع الله سبحانه وتعالى وأنام بئه ع السرير بحيث ان القسم يجيلي لغاية عندي أو مستقبلي على طبق من ذهب !!

لا من ناحيه القسم فدى حاجه ترجعلك بقى
تشوف إنت عايز إيه / شايف نفسك ف إيه / حابب إيه
لو محتار بين قسمين تحاول تجمع معلومات عن فرص عمل كل من القسمين
تستخير ربنا من الناحيه دى

بص انا مش حزيد حاجة كبيرة قوى على الناس الجدعان قوى الى اكلمو قبلى بجد كل كلمهم رائع
بس انا حقولك انا فى كام يوم من الى فاتو عارف كنت خلاص حموت نفسى من الحيرة وكنت محتارة برضه بين تجارة ولا تربية
يعنى برضه شئ خاص بالمستقبل وحاسةة اصلا بخنقة فى كل حياتى ويمكن بعضها لسة موجود بس مش زى الاول
بس والله عارف بجد
زى ممكن الكلام الى اتقال قبلى علطول دة بجد انك لما تلاقى علاقتك باى شئ سؤاء ناس اوشغل او اى شئ متوترة اعرف ان فى مشكلة بينك وبين علاقتك بالله
فانت قرب منه واستخيره علطوووووووووووووووووووول متملش ابدا لان الملل اول سلم الفتور والفتور اول سلم البعد عن اله والتلذل بانس بى
تانى حاجة خلى دعاء الوالدين علطول واله انا حاسة لو ماشية بخطوة وحدة فى النياتى فيبقى بدعاء امى اله يرحمها ودعاء ابى دلوقتى خليهم علطول فى الطالعة والنازلة بمناسبة ومتن غير يدعولك حتى لو حصل اى مشكلة متخلهاش توسع علشان تقدر تخليهم يدعولك
تالت حاجة حوال اسئل ناس تكون دخلت الاقسام الى انت محتار فيهم واسمع برضه الاارء بس يفضل من نا ستكون جربت وناس تكون عارف او تسمع عنهم انهم كوييسن مش فاشلين يعنى
وربنا ان شاء الله يفك كربك يارب وكربنا جميعا وكل المسلمين

فعلاً يا مريم ربنا بإيده كل شئ ... وكلامك كله صح ... وانا شاكر جداً لردك ورد كل اللي وقفوا معايا ف محنة زي دي :)
لعله خير ان شاء الله ....

عليك بكثرة الاستغفار و صلي صلاة استخارة و باذن الله ربنا هيرشدك للطريق الصحيح..و الف مبروك عالنجاح
و كل عام و انت بخير بمناسبة العيد

السلام عليكم و رحمة الله و بركاته ....

- أولاً دي حاجة عادية جداً لإن الحياة لو كانت كلها الإنسان محدد فيها هدف معين و بينجح و بيوصل هتكون ملل و كمان عزيمة الإنسان و همته هتقل سواء في الحياة العلمية أو الدينية ......إلخ

- الرجوع لربنا دي بجد أهم حاجة
صلي ركعتين قيام ليل و اشتكي لربنا و قول اللي جواك و أكيد ربنا هيعينك

- بس طبعاً لازم الواحد يعمل اللي عليه و يسعى و ماتكونش الحياة تمنيات و دعاء بس
فبجانب الدعاء ممكن حضرتك تبدأ تسأل عن الأقسام في الكلية
و دة ممكن عن طريق النت يعني حضرتك تبحث عن كل قسم أو تدخل منتديات للكلية و تشوف الأقسام و حضرتك مايل لأي قسم أكتر
لو حضرتك سعيت كدة هتلاقي ربنا بيوفقك و بيخليك مايل لقسم معين أكتر
بعدها تقعد مع نفسك و تفكر في الأقسام دي و تتخيل نفسك في كل قسم يعني مثلاً قسم كهربا تتخيل إن حضرتك بتدرسه و بعدها اتخرجت و اشتغلت و كدة و شوف أي قسم هو المناسب و هو اللي ممكن تعمل فيه حاجة جديدة

- و بالنسبة للحالة النفسية بوجه عام لازم قراءة القرآن لإن بجد الإنسان لما يبدأ في يوم ما يقرأش قرآن بيحس إنه مخنوق

- و خصص لنفسك حتى يومين في الأسبوع تقوم قبل الفجر كدة و تكون خلوة مع ربنا عز و جل تشتكي من أي هم و تدعي

- و إن شاء الله لما حضرتك تحدد الهدف خليه محدد و بخطوات و اكتب الخطوات دي و خليها قدامك دايماً لإن يوم ما تنسى أو تكسل الهدف المكتوب دة هيفكرك

- و لازم تعرف إن الهدف مهما كان فهو بيحتاج مجهود و محدش بياخد حاجة بسهولة و لازم نتعب علشان ربنا يكرمنا لإن أكيد ربنا مش هيساوي بين حد بيتعب و حد لأ مع إن التاني ممكن تكون أهدافه أحسن بس دة العدل

- و لازم كلنا نعرف إن ربنا خلق كل واحد علشان له دور معين فلازم ندور على الدور دة و يمكن نغير حاجة و نعمل حاجة لديننا و بلدنا فلما حضرتك تقرأ عن الأقسام حط دة في الاعتبار

و آسفة على الإطالة

بصراحه كل كلام وردود الاعضاء اللى ردوا على الموضوع كافى جدا

عشان كدا مش هطول عليك بالنسبة لنقطة تحديد المصير وانك مش لاقى اهل استشارة او خبرة

فى قسم الفيزياء هتلاقى المشرف

المهندس حاتم بجد انسان عبقرى اوى وممكن يفيدك فى القرار اللى ممكن تاخده بالنسبة لهندسة

ولو فى اى استفسار يتعلق بهندسة او بتحديد القسم او اسئلة عندك

ممكن تبعتهالى او تكتبها وانا هجيبلك ردودو ليها باذن الله

من ناس متخصصة فى هندسة

ربنا يوفقك وصدقنى انك تلاقى حد ثقة وكبير تسأله امر مش صعب

بالعكس احيانا ممكن يفهموا احلامك ويساعدوك على تحقيقها

:) :)

عايز حل لحكاية الخنقة دى ؟؟؟؟؟؟؟؟
بصراحة انا باعمل كده لما اتخنق وبتنفع معايا
باصلى الفجر واقرا قران وانام
جرب وشوف

والله يا جماعة أنا بشكركم على الردود اللي فعلاً كانت سبب كبير في حل المشكلة دي :)
ربنا يبارك فيكم جميعاً ...
واشكرك يا دكتورة هدى على رغبتك في المساعدة :)
وبجد أشكركم كلكم ... بينك روز ومارون ود.نور وكل اللي ردوا قبلهم :)
وكل عام وانتم بخير ...

هو انا مش بعرف اقول نصايح ولاحكم بس هقول حاجة واحدة كله بيعدى هتلاقى كل حاجة اتغيرت مرة واحدة وهى دى الحياة يعنى انا كنت بعد نتيجة تانية ثانوى نفس الكلام انا كنت بذاكر عشان اجيب مجموع لكن عمرى مافكرت فى موضوع الكلية فبعد ماظهرت النتيجة وجبت مجموع لقيت نفسى مش عارفة انا عاوزة ايه ولا هعمل ايه بعد كده وكله مشى اخترت احياء زى ماهم عندنا قالوالى ولقيت نفسى بقتنع بيها بالتدريج والحمدلله بعد مادخلت الطب برده كده عشان جبت مجموعه وخلاص لقيت نفسى مقتنعة بيه جدا والحمدلله اتا فى كل ده مش بختار حاجة هى الدنيا اللى ماشية معايا كده بسيب الايام هى اللى تحدد واللى ربنا يختاره لى باتبعه على طول وكل عام وانتم بخير بمناسبة العيد بقى

طبعاً بعد الردود دي ردي اظن ان الجميع هيكون قاله (مفياش حيل اقرأ كلام الناس ده كده :) )
هقولك ببساطة
عايز تحدد مستقبلك
حدد اكتر مجال تحس انك ممكن تفيد بيه اكبر عدد فائدة تبقي و تدوم
فكر كده هل لما تبقي مهندس كهربي هتقدر تعمل حاجة تفرق في حياة الناس؟
هل لو بقيت مدني مثلاً تقدر تعمل ابداع جديد يرفع من شأن دينك؟
حدد اجابة السؤالين دول هتعرف انتا عايز تروح فين
بالنسبة لحياتك الدينية : شعورك بالتقصير فيها دليل علي انك مؤمن مش مجرد مسلم
كلنا مقصرين يا باشمهندس
لكن في اللي تقصيره يؤرقه و في اللي مش حاسس بيه
و انتا في قلبك إيمان والحمد لله ... اخلص النية لله في كل اعمالك ..دي لوحدها تكفي :)
اما الحالة النفسية ... سهل تغيرها بأنك تختلط مع صحابك او تدخل وسط مجتمع جديد علي النت بفكرة جديدة او بثوب جديد
حلها انك تبتكر حاجة حديدة في حياتك
هتغير حالتك النفسية كتير
هذا مقالي والله اعلم
و ربنا يصلح حالنا و حالك يا باشمهندس :)