مشاهدة النسخة كاملة : لجنة للانتهاء من كادر «الهيئات الطبية».. وراتب الطبيب المبتدئ 3 آلاف جنيه


شريف حسن .
18-08-2012, 04:53 AM
http://a4.sphotos.ak.fbcdn.net/hphotos-ak-ash4/p206x206/394446_431492743570088_767320584_n.jpg

وافق الدكتور محمد مصطفى حامد، وزير الصحة والسكان، على تشكيل لجنة للانتهاء من إعداد الدراسة الخاصة بالكادر المالى الحالى للفريق الطبى بكامل هيئاته، الذى يشمل الأطباء، وأطباء الأسنان، وأطباء العلاج الطبيعى، والتمريض، وذلك استجابة لخطاب أرسلته نقابة الأطباء للوزير بتشكيل لجنة للكادر تمهيدا لإقراره.

وأشار «حامد» إلى أن اللجنة ستقوم بإعداد دراسة بالكادر، بما فيها الجوانب المالية والإدارية والقانونية، لافتاً إلى أن اللجنة سيترأسها الدكتور عبدالحميد أباظة، مساعد الوزير للشؤون الفنية والسياسية، وستضم فى عضويتها ممثلاً لكل من نقابات الأطباء والصيادلة والأسنان والعلاج الطبيعى والتمريض، إضافة إلى ممثل مالى وآخر قانونى عن وزارة الصحة، وكذلك ممثل عن وزارة المالية.

من جانبه، رحب الدكتور خيرى عبدالدايم، نقيب الأطباء، بخطوة وزير الصحة، قائلا: «كادر الأطباء حلم للأطباء منذ زمن طويل، لكن تم إجهاضه أكثر من مرة» .

وقال «عبدالديم» إن مشروع قانون كادر الأطباء الذى أعدته 6 نقابات طبية من المتوقع أن يصل إجمالى تكلفته إلى 4.5 مليار جنيه، ومن المنتظر تطبيقه على 3 سنوات حتى لا يتم التحميل على ميزانية الدولة بشكل كبير، مشيراً إلى أن راتب الطبيب فى هذا المشروع يبدأ بـ3 آلاف جنيه للطبيب المبتدئ، أما الاستشارى فيصل راتبه إلى 8 آلاف جنيه، على أن يتم ضم العلاوة السنوية والعلاوة الخاصة بالحصول على الدكتوراة والماجستير والدبلومة لذلك.

ودعا «عبدالدايم» وزير الصحة إلى سرعة تقديم مشروع قانون كادر الأطباء الخاص بالفريق الطبى إلى صاحب السلطة التشريعية، وهو رئيس الجمهورية، لإقراره فى أسرع وقت، نظراً لحاجة الأطباء الماسة إلى تطبيقه.

مصدر الخبر هنـــــــــــــــااااااااااااااااا (http://classic.akhbarak.net/articleview.php?id=3611290)

يوسف ويمنى
18-08-2012, 05:15 AM
اولا ربنا يزيدهم ولكن ماالفرق بين الاطباء وبين المعلمين ؟

Bahy_Ahmed
18-08-2012, 05:18 AM
رغم انا والدي طبيب......الا اني اري ان للمعلمين مثل الحق واكثر فهم حاملين للرسالة ولولاهم لضاعت الجهود وانتشر الجهل بين الناس

مصطفى1234
18-08-2012, 01:25 PM
الكوادر كلها حتطلع اليومين دولت عشان يعطلو كادر المعلمين
نفس السياسات القديمة مافيش تغيير

هشام الضبع
18-08-2012, 05:00 PM
أراهنكم إن كادر الأطباء حيطبق خلال شهر ، أما كادر المعلمين لن يطبق أبدا .

كيميائي طبي2011
18-08-2012, 05:04 PM
هذا الكادر يضم ايضا العلميين و الخبر للاسف منقوص

منارسراج
18-08-2012, 08:47 PM
اسم الله عليكم .................كلنا مش كوادر برده اشمعنى الاطباء ياخدوا 3 الاف جنيه واحنا اقل من نصهم ايه مفيش مساواة؟طب ميعملوا كمان شرط على الاطباء الغاء العيادات الخاصة زى المدرسين اشمعنى يعنى؟
يعنى احنا ناخد اقل من نصهم ده اذا اطبق الكادر بتاعنا اصلا وتتلغى الدروس الخصوصية وهما ياخدوا 3 الاف وكمان عيادات خاصة اد كده وشغل خاص وهكذا.
هو مش احنا المدرسين اصلا اللى بنخرج الدكتور والمهندس ليه نبقى فى مرتبة اقل منهم ؟هى الدنيا بالعكس ولا ايه؟والله بلد ................
حسبنا الله ونعم الوكيل .هو مش دكتور الجامعة بيخرج المهندس اذا كان دكتور فى كلية هندسة ليه بيبقى له كادر وتمييز عن مهندس عادى بيشتغل ف الحكومة واحنا المدرسين مش بنخرج دول كلهم ليه منتساواش بدكتور الجامعة ويبقى لينا تمييز عنهم ؟وعجبى كادر ومش قادر

حمادة المصرى2
18-08-2012, 11:26 PM
ياعم ده الكادر ده اكبر كدبه
واقترح على الحكومة تطبيقه فى ابريل

SAMY8
19-08-2012, 02:08 AM
يا عم شريف بلاش الاخبار دى دا احنا فى ليلة مفترجة جالنا احباط

محمد حسين الشربينى
19-08-2012, 07:13 AM
اهى دى النقابات ولا بلاش

معلم موهوب
19-08-2012, 07:23 AM
ماشي معاك حق بس الي بيعلي صوته بياخد حقه وزيادة طول مافي مديرين ورؤساء ادارات ماركت فوت علينا بكره ياسيد مفكرين نفسهم حاجة وهم زبالة ماليهم اي لزمة في الدنيا هيفضل الحال بلاء وشحاته. اهى دى النقابات ولا بلاش

عبدالحليم نصار
20-08-2012, 02:09 AM
مصر هتفضل بلد الغرائب والفساد طول مافيه عقول بتفكر بالطريقه دي لماطبيب لسه متعين ياخد 3000في بلد وزراء الماليه فيها بيشكوا من الموازنه بس في حاله مطالب المعلمين طيب متراضوا الكل وتخلي حد أدني 1200مثلا ولو حاله البلد مشيت زودوا مش علي طول 3000لفئه واسيب ناس تانيه وادي ناس متعاقده 100جنيه طيب متعينش المتعاقدين بس اديهم علي الاقل 700جنيه ودول تقدروا توفروهم من مرتبات المحاسيب والمحظوظين أيام الكوسه ومصاريف الوزارات والهيئات الي بتتصرف في الهوا زي التهاني والمظاهر والديكورات والمغالاه في الفخامه في بلد نامي

معلم موهوب
20-08-2012, 03:40 AM
مصر هتفضل بلد الغرائب والفساد طول مافيه عقول بتفكر بالطريقه دي لماطبيب لسه متعين ياخد 3000في بلد وزراء الماليه فيها بيشكوا من الموازنه بس في حاله مطالب المعلمين طيب متراضوا الكل وتخلي حد أدني 1200مثلا ولو حاله البلد مشيت زودوا مش علي طول 3000لفئه واسيب ناس تانيه وادي ناس متعاقده 100جنيه طيب متعينش المتعاقدين بس اديهم علي الاقل 700جنيه ودول تقدروا توفروهم من مرتبات المحاسيب والمحظوظين أيام الكوسه ومصاريف الوزارات والهيئات الي بتتصرف في الهوا زي التهاني والمظاهر والديكورات والمغالاه في الفخامه في بلد نامي
انت انسان محترم والله وعندك حق في كل كلمة .

ايناس طلعت محمد
20-08-2012, 12:03 PM
كل سنة و انتم طيبين كلام جميل على كادر الاطباء يعنى وزارة الماليه طبعا مش حتعترض حيكون فى فلوس لهذا الكادر لكن لما المعلمين اشتغلوا عشر سنوات براتب بسيط و مهين ولما وافق وزير التربية والتعليم على اضافة هذة السنوات للمعلمين المتعيين رفضت وزارة الماليه بحجة انة لايوجد فلوس مع العلم انه بدون المعلم لا يوجد طبيب و لا وزير و عجبى

محمود ابو يزيد
21-08-2012, 01:22 PM
ويظل الوضع كما هو عليه وعلى المتضرر اللجوء الى ...........................:excl::excl::excl: